Ishq nay nikama kar diya galib
Verna admi hum bhi baray kaam kay thay....


Har bar ki tarha Bohat achi sharing hai Adnan bahi specially the lesson what writer want to let us know

Personally mujay apki yeh post bohat pasand ai thanx again for sharing such kinda nice post

May Allah Bless U

With Regards

Lonely

chouNkay hum nay kabhi ISHQ nahee kia lehaza aap ki tarah yeh kahnay say qasir haiN k:

ISHQ nay ghalib nikamma kardia
warnah hum bhi aadmi thya kaam kay

hum to aaj bhi kaam kaaj k aadmi haiN ....

Han wo to apki post say lag reha hai kay ap really kaam kay admi hain

U Welcome Dear

Assalam-o-Alaikum



"Dekho usey jo deeda-e-ibrat nigah ho"

Buhat "Sabaq amoz" sharing hai :yes;

100% agree with the moral

Walekum Assalam !

maiN to kahta houN jiss ghar maiN choTay choTay upto school going bachchay houN, oss ghar maiN cable /dish ki sahoolat honi hi nahee chahiyeh.... issi tarah net ki sahoolat tak kidz ki access uncontrolled nah ho... yehi haal mobile ka bhi hai... sirf onhi bachchouN ko dee jaye jissay iski waqe'ee zaroorat ho .... aur issay bhi aksar o beshtar mssg check kartay rahna chahiyeh...

mera talluq media say honay k bawajood meray ghar maiN cable naheeN hai... ummay adnan bhi starting hi say iskay haq maiN naheeN thee... ab ptv bandah ketna dekhega.... issi tarah net ki sahoolat go awwal roz say hai ... magar kidfz issay freely use nahee karsaktay.... aur akelay maiN to hargiz naheeN.... issi tarah aik martabah matric mai zeray taleem beTay ki mobile k messages check kar raha tha to kuch jokes ghair meyari niklay.... saza k taur par aik maah k liyeh cell phone zabt karlia.

kahnay ka maqsad yeh hai k parents apni see har mumkin koshish karaiN to phir bachchay aisee raahouN maiN janay say bach saktay haiN, jinka ooper zikar hai. Allah hum sab ko iss janib tawajjah ki taufeeq day. aamen.

Ji bilkul sahi kaha .. main ap ki baat se poora ittefaq karti hoon .... Bachon ki tarbiyat ke liye Qurbani parents ko hi deni parti hai .... yeh zara si qurbani un ke liye kitni faida mand hoti hai yeh agey chal kar khud samney nazar ata .. tab parents ko apne bachon per fakhar hota hai ... aur jab yeh sab ne dekha jaye to is ka nateeja isi tarah samney atay hai jaisa is post main bataya gaya hai..... Jab bhi koi cheez munasib waqt se pehley bachhey ko mayassar hogi to us ka aksar ghalat istemaal hi samney ata hai.

Apki post bohat achi hay Itni achi kay jawab diye bagair na bani.

Jahan tak is tehreer ka taluk hay to yakeenan media ko mukamal jamhooriyat hasil hay aur honi bhi chahiye. Umeed hay aap meri baat samajh rahay hain.

Jahan tak apkay is reply ka taluk hay to pleasze zara meray nazriyat jaan kar rehnumai farmain

Goh meri koi ulaad nahi par meri aik choti behan hay jo mujh say 12 saal choti aur meri taraf say meri ulaad ka hi darja rakhti hay. Kio kay ma khud bhi apnay maa baap ki ulaad hoon so apnay nazriyat paish karnay ki jisarat kar rahi hoon.

Aap nay kaha kay aap nay ghar may cable nahi lagai. Meray khiyal say jaab bachay 10 saal kay ho jatay hain osi umar say unko thora bohat exposure dena chahiye. Kio kay is umar kay bachoon may tajasus ah jata hay aur asal may ye tajasus hi hay jo gum'rahi ka bais banta hay. Ma apnay walid sahib kay sath baith kar CNN, BCC, Animal planet aur discovery channels bohat shook say daikhti thi. Aap yakin kijie mujhay bachpan say hi cartoons nahi pasand thay aur ye jo soap's tv par chalatay hain ye bohat boring lagtay thay. Haan ganay sunay ka mujhay bohat shook tha so Walid sahib nay Ghalib ki video la di. Nusrat ko bhi may nay bohat shook say suna. Kahnay ka maksaad ye hay kay Baba nay kabi tv daikhnay ya ganay sunay say mana nahi kia. Mujhay nahi pata kesay lakin baba nay media ko meray liye knowledge may badal dia. Os umar may mujhay to samajh nahi atti thi par agar kabi kisi dost ka ghar phone ah jata tha to meray waladain aas pass hi hotay thay aur jab ma phone rakhti thi to piyar say poochtay thay balkay shook say suntay thay kay kia baat hoi. Mujhay mahsoos bhi nahi hota tha kay meri CID ho rahi hay. Mera koi bhi dost bana meray ghar waloon nay unkay waldaain ko janay ki koshish ki.

Kabi kabi ma soochti hoon kay mujhay over-exposure mila kia hay jo mujhay nahi pata ya konsa gaandh ankhoon nay nahi daikha, ma koi 'saint' nahi par waldaain ki tarbiyat esi thi kay yakeen say kah saktin hoon kay bohatoon say behtar hoon.

Aab meri behan jawan ho rahi hay. Mera meri behan say bohat dostana rishta hay. Wo kabi bhi mujh say zamanay ki unch neech poochti hay to mera kaam hay osay samjhana. Jawani may insaan siraf jazbaat say soochta hay aur achay buray ka farak nahi janta. Ma nay kabi osko saza nahi di hamesha samjhaya hay. Peechlay dino os nay aik chat site dhoondi aur foran mujhay bataya kay os nay kitnay achay dost banaye hain wahan. Dil to karta tha computer utha kar bahir phaink doon. Par may nay osko kaha 'bohat achi baat hay kion kay achay dost aik naimat hain' phir ma nay batoon batoon may net ki do char achi bataain batain kay ham net ko kis tarhan positive way may use kartay hain aur chats par kia kia hota hay. Ma nay osay directly na to mana kia na hi roka balkay net kay baray may ahgahi di aur faisalah oskay hath may chora. Meri nazar may ye bohat ahem hay kay insaan khud faislah lay. Aur wo meray itemaad par pora utri.

Aaj kal kay bachoon ko aap 'manipulate' nahi kar saktay. Kahan kahan say bachain gay? Zaroorat is baat ki hay kay unhain 'nafs ki jihad' ka hunar bakshain. Burai ko chupanay say ya saza denay say baat nahi banti, burai say larna sikhain. Isi tarhan ye jo larki ka zikar is article may howa hay jo kay 8 mah hamilah hay aur waldain nay os par apnay ghar kay darwazay baand kar dijie hain. Ye aik gair insaani aur jahilana harkat hay. Burai say munh mor kar unho nay burai ko faroog dia hay. Jis tahan say aaj wo larki darbadar hay kal no umar hay kal ko apnay bachay ka pait bharnay kay liye bazar'e husan ki zeenat banay gi. Ghalati kis say nahi hoti, dil aur hoslay bulaand rakhnay chahiye !

Apkay wakt ka shukriya

-Shokh

thanx 4 ur detail reply shokh g

maiN nay aap ka point of view samajh lia hai. aur maiN aap k aur aap kay papa k tarzay amal ki tayeed karta houN. media ko "azaad" hona chahiyeh, aik media man hi hasiyat say yeh maiN bah khoobi jaanta houN. aur iski ahmiat say bakhoobi waqif bhi. lekin media ketna azaad hai aur ossay ketna azaad hona chhaiyeh ... iska faisla /jaizah sirf 'concerned log' hi laga saktay haiN.

yeh aik 'propaganda' hai k west ka media "azaad" hai. BBC aur CNN bhi "mokammal taur par azaad" naheeN. yehi baqi western media ka haal hai.

aik baray media man ka qaul hai: media ki "azaadi" ka mahaz iss baat say andazah naheeN lagaya jasakta k media maiN kia kuch print /publish horaha hai balkay hamaiN yeh bhi dekhna hoga k media kia kuch print /publish naheeN horaha /naheeN honay dia jaraha.... pahli baat as a viewer to sab ko nazar aati hai k pakistani media mush k khelaaf aur western media bush k khelaaf ketna kuch matter pesh kar raha hai .... lekin bahoot say "matter" aisay haiN jinhaiN "pasay pardah aahni haath" mush n bush k khelaaf pesh karnay ki ijazat naheeN.... yeh baat sirf gintee k chand top media man /concerned log hi jaantya haiN....

aap europe maiN rahti haiN aur maiN pakistan maiN ... dounouN ka environment alag alag hai aur taqazay bhi juda juda.... for e.g. hamari teen ager bahan beTiyaaN west /euorope maiN rahtay howay din raat akelay drive safely karsakti haiN aur karti hain... bil.amoom iss maiN koi mozaiqah naheeN.... pakistan /india maiN aisaa aam taur say safe naheeN samjha jata.... nah yahaaN rahnay walay apni bahan beTiyouN ko raat gayee tanha drive ki ijazat detay haiN aur nah west say visit par aanay walay pakistani. ab aap nay dekh lia k environment change honay say aik routine /durust / safe baat bhi ghalat / unsafe ban jati hai... maiN exceptions ki baat nahee balkay general baat kar raah houN....

pakistan maiN low education rate aur Hi ghurbat rate bhi aik aham factor hai. do u know k saal 2006 maiN porn sites ki viewership say sab say income /amount kiss mulk say earn ki gayee.... it is pakistan... aur yeh offical figures publish howi thee....exact figure /data mujhay yaad naheeN.... yeh sites west k youth ko shayad spoil nah karsakay... magar pakistan k youth ko ghun ki tarah chaaT rahi hai... coz they have low literacy rate, low income plus inkay pass mosbat kaam karnay k liyeh wasaail /mawaqay naheeN.... yehi haal tv channels ka hai.... fahash channels say indo pak k laRkay laRkiyaaN jetna tabaah o barbaad horahay haiN... oss say kaheeN zeyadah fahash channels tak free acces honay k bawajood west k youth k liyeh yeh nuqsaan dah naheeN.....

yeh to hogayee general baat ... ab maiN apni personal baat karta houN. my wife is double graduate in education n i've masters in mass media. goya taleem o tarbiat aur media say hum naawaaqif naheeN. meay chaarouN bachchay meyari english shchools maiN A-1 grade k students haiN (hum parents peelay school k paRhay howay haiN).... pakistan maiN jiss maheenay net aayaa ... kam o besh onhi dinouN humnay net lagwaya... meray saray bachchay pre-school say computer /net say familiar haiN.... go cable ghar pay naheeN lekin kidz cables say unaware bhi naheeN k parents aur qareebi azeez o aqarib k haaN cable hai aur woh aksar o beshtar deger channels bhi dekh letay haiN. hum maiN aur hamaray parents main generation gap thaa... lehaza hum chup kar film dekha kartay thay. aaj hum maiN aur hamaray kidz maiNyeh gap naheeN lehaza hum nay onn sab ko cenima main lay jaakar titanic movie dekhayee k dekho yeh cenima hota hai... go yahaaN amooman kharab movies dekhayee jati haiN lekin kabhi kabhi achchi bhi... albatta yahaaN ka mahaul kabhi saaf suthra naheeN hota. au yahaaN falaaN falaaN borayee bhi hai.... tv par agar movie /daramay aa rahaiho to hum sab aik saath mil baiTh kar dekhtay bhi haiN aur discuss bhi kartay haiN.... pakistan maiN students k pass apni salahiyyataiN obharanay / achchi taleem hasil karnay k mawaqay to kam haiN aur fazooliyaat zeyadah haiN.... hum nay inn ki awwal concentration education ki taraf delayee hai tafreeh maiN cenima, cables, gaanay, concerts, vallentine /new years jaisee fazooliyaat k moqaablay maiN yeh afreeh provide ki hai ... hum poori family raat raat bhar k moshaa'iray dekh letay haiN, exhibitions visit kartay haiN, tareekhi , tafreehi moqaaamaat jatayhaiN... park /saahil par jatay hain food street visit kartay hain long drive say enjoy kartay haiN... book mela jataya haiN... ghar maiN papers, magazine, resalay, digest urdu english both regular parhtay haiN... achchee achchee books paRhtay haiN...net pay projects bananay maiN aikdoosray ki help kartay haiN..... kia hum nay apnay kidz ki exposure kam rakhi howee hai yaa woh apnay environment k deger bachchouN say kissi bhi tarah say kam haiN yaa ehsaasay kamtari ka shikaar haiN...

aaj karachi /pakistan main jo khush haal bachchay vehicles, mobile, cables, net aur out door tafreeh bila rok tok aur apni marzee say use kar rahay haiN ... onn maiN say bhari aksariyat ki halatay zaar naaqaabilay bayan hai... abhi aik arab patai taajir ka beTa thrill ki gharz say mobile phone chinnay k ilzaam main arrest howa... raat tanha drive karnay wali bahoot see girls k saath sexual zeyadtiyaaN howeeN etc etc.... kia hum parents ka faraz naheeN k gird o pesh k khatraat say apnay kidz ko mahfooz rakhnay ki koshish kartay howay onhaiN kuch cheezaiN allow karaiN aur kuch nah karaiN aur onki monitoring bhi karaiN aur onki activities maiN khud bhi involve hokar onhaiN ghair mahfooz bananay say rokaiN.

AOA Abu Adnan ji

Apka bhi bohat shukriya kay aap nay apni mufeed nazriyat say agahi bakshi

Yi ham aap say bilkul itefaq kartay hain kay azadi aur os say barh kar azadiye khiyal kisi bhi shaks, mulk aur moashray kay liye zarori hay. Lakin jo baat aapki gabil'e goar hay wo hay 'limits' yani har cheez aik hashiye may hi khoobsurat dikhti hay.

East ho ya west jesa kay aap nay kaha media kahin bhi mukamal azad nahi. Ma nay agar BBC ya CNN ka zikar kia to siraf news ki had tak kia tha. Khabar kesi bhi ho oski tasdeek karna aur phir sehi ghalat ka faislah karna ya zaati rai kaim karna ham par muaiyaan hay. Ye is tarhan hay jis tarhan fashion jo zaroori nahi ham par suit bhi karay. Kisi kisam ki News hamain siraf 'direction' deti hay, aur ain mumkin hay kay 'propaganda' ya 'rumor' ho lihaza rai hamesha reality par hi kaim ki jati hay. Aur os say bhi zada zaroori hay aik 'unbiased' natijay par pohanchna.

Is may shak nahi kay farak zamin asmaan ka hay. Ma Europe may rehtay howay bhi kabi Pakistan may raat ko akelay nikalnay ka sooch bhi nahi sakti. Magar goar talab baat afsoos kay sath ye hay kay west jisay fahishi ka adah samjha jata hay wahan raat ko 12 bajay bhi aap safe mehsoos kartay hain. East jo kay tahzeeb o tamadan ka markiz hay wahan raat ko bahir nikalna unsafe hay. How truly ironic?

Aap yakin kijie kay eastern logon say west may bhi aap safe mehsoos nahi kartay. Yun to ma khud drive karti hoon magar kabi kaam kay sisalay may raat kay 9 baajay ghar janay kay liye taxi leni parhay to koshish yahi hoti hay kay kisi goray ki taxi may baitha jai kion kay agar koi Pakistani driver mil gia to unho nay automatically ye conclusion nikal leni hay kay aap sehi larki nahi lihaza aap kay sath buri larkion wala hi salook yani 'flirt' kia jai. Jesay aap unki personal property hoon. Yani raat ko ghar say nikali to nikali kion?

Bohat afsoos kay sath ye kahna par raha hay kay hamaray 'culture' may 'frustration' ko faroog dia gia hay. Aik par phir ma apka dhiyaan 'tajasus' ki taraf le jana chahoon gi.

To iska haal kia hay? Yahi kay tv jesi lanat say parhaiz kia jai? Os say kia farak parhay ga? Bachoon nay kabi to bahir nikalna hay na? Kia ye behtar nahi kay aap aik control environment may baith kar bachoon ko achay buray ki tameez seekhain. Ye bataain kay beta adhay kapray pehna hamray liye kion mufeed nahi. I suggest we should reason with our kids. Mera kahnay ka maksad ye hay kay jab tak sooraj chaand hay duniya say na to kabi achai khatam ho gi na burai. Buri cheez kion buri hay ye smjhana chahiye aur buri cheez say kesay lartay hain ye seekhana chahiye. Aap ellan'e jaang ko nahi rook saktay par aap apni pood ko hathiyar ki pehchan aur oska sehi istemal seekha saktay hain. Ta kay wo maidaan'e jaang may surkh roh ho kar lotain. Aag to kabi bhi kahin bhi laag sakti lakin is khauf say ham apnay aap ko char dewaari may to nahi baand kar saktay. Zaroorat is baat ki hay kay aag ko boojhana ana chahiye.

Yakinan aap nay apnay bachoon ki achi parwarish ki hay

Ma nay aksar pakistani gharoon may daikha hay kay bachoon ko mana kia jata hay aur khilaaf warzi ki soorat may saza di jati hay. Mera kahnay ka aur is behas ka maksad yahi hay kay siraf mana karnay say maslah hal nahi hota kion kay is say tajasus barhta hay. Kion mana hay aur is ki doorbeenian kia hain ye samjhaya jai. Ghar may dostana mahool hona chahiye. Kisi kisam ka khauf ya ye kay gharwalay kia soochain gay, ye nahi hona chahiye kion kay is surat may bachay jhoot bolna shoru kar detay hain. Jo dikhta nahi os say aap ham kesay lar saktay hain? Meray agar kabi bachay howay to ya meri choti behan... say saab say pehlay ma unhain yahi samjhaoon gi kay gunah kitna bhi bara ho ma unhain galay say lagaon gi. Ma kabi unhain judge nahi karoon gi. Kabi kisi station kay platform par rolnay kay liye nahi chooron gi. Mazhabi amoor say bhi esa koi gunah nahi jis ki maafi nahi gar dohraya na jai phir ham kon aur hamari basaat kia?

etnay saray mushkil kaam aap jaisay 'danish.wer' to karsaktay haiN aik aam aadmi khah woh east ka jahil ho yaa west ka paRha likha ... woh media ki khabar ko real khabar hi samajhta hai. 'ghair janib.daar' media ka koi haqeeqi wajood naheeN. har 'medium' kissi nah kissi group /maktabah e fikarka bhouNpoo hota hai. bus koi smart hota hai aur koi non-smart. yeh topic chand lines maiN samoya nahee jasakta. aur nah hi easily kissi ko samjhaya jasakta hai.

yeh aik aam 'moshahidah' hai. aur sab hi iska rona rotay haiN k WOH etnay aalaa haiN aur HUM etnay adna kissi 'observation' say result / rule derive karna etna simple hota to maiN bhi Einstein ban chuka hota maiN nay apnay choozay ko city bajakar apnay pass bolana sikhaya... jab maiN city bajata ...woh dauRa dauRa mera pass chala aataa ... aik din maiN nay oski TangaiN kaTwa deiN. aur city bajayee to woh meray pass naheeN aayaa. maiN nay apni thesis book maiN likha k agar choozay ki TangaiN kaaT dee jayaiN to woh bahraa hojata hai.

above common 'conclusion' meri derive kardah result say kuch mukhtalif naheeN... ab aap above mentioned story ka kachcha chaTh.Tha suniyeh.... kissi goray k liyeh oskay apnay sex free environment maiN (jahaaN qanoon ki real hukmarani bhi hai) kissi laRki ka hasool etna bhi mushkil naheeN jetna meray liyeh cigarette ya cigar hasil karna mushkil hosakta hai. agar kissi ko 24 ghanTay koi cheez freely available ho to woh oss taraf kiyouN aaNkh oTha kar dekhega jahaaN ossay unwilling, mozahmat, qaanooni kaarwayee ka khadshah ho... THEY know k aik muslima ketni bhi azaad khayaal kiyouN nah ho woh osski khahish poori karneki raah maiN mozahim hi hogi lehaza woh masoom farishtah bana rahta hai aur shokh say daaday tahseen wasool karta hai.

ab doosri taraf yehi goray jab apnay sex free mahaul say 'bahar nikaltay haiN to shayad aap ko nahee maaloom k kia kartay haiN.... apni goriyouN k khelaaf bhi aur non-goriyouN k khelaaf bhi.... iraq maiN garay fauji... apni ham mansab gori faujiyouN k khelaaf jo kuch kar rahay haiN... oska sirf ashray asheer hi report horaha hai. aap sirf official reports hi paRh laiN.... issi tarah aqwaamay muttahdah k tehat goray fauji jahaaN kaheeN bhi houN woh local females k saath jo kuch kartay haiN... oski reporting bhi khud UN karchuka hai.

ab aajaayaiN aik muslim ki taraf. pahlay estern /muslim society maiN ossay study karaiN. male-female attraction aik fitree baat hai. agar inn dounouN k darmayaan faaslay baRha diye jayaiN to attraction aur barh jati hai (its a rule of physics as well). ab aisay mahaul maiN aik male-female kissi jagah tanhaa yakjaa hojayaiN aur door door tak koi teesra nah ho to yeh taiz tar kashish apna kaam karti hai. aik hadees ka mafhoom yeh hai k jahaaN 2 naa.mahram baligh tanhaa houN to wahaaN teesra shaitaan hota hai.... so fitree taiz kashish, shaitaan ki hausla afzayee, kissi ki modakhlat ka imkaan nah hona aur saamnay wali ki fitree kamzori .... yeh chaar anasar milkar oss muslim ko shaitani harkat par majboor kardetay haiN, bilkhasoos jab woh yeh jaantaa bhi ho kay aisay MAWAQAY kabhi kabhar hi miltay haiN.

ab agar yehi muslim fard sex free mahaul maiN ho to bhi ossay muslim /eastern female bawajooh zeyadah attarct karti hai. au jab kabhi aisa moqa ossay miljaye to woh kam az kam baat cheet say yeh check karneki koshish karta hai k yeh 'apni wali' kahaaN tak saath degi.

islaam nay issi liyeh mahram aur naa.mahram ki tafreeq kartay howay aik doosray k darmayaan hijaab ki sarhad khainch kar dounouN ko issay toRnay say mana kia hai... zahir hai yeh hukm aik muslim /muslima k liyeh hai... non-muslim ko nah to iss hukm ki zaroorat hai nah woh iski parwaah kartay haiN.

omeed hai k aap localized observation ko aik baray vision maiN dekh kar apnay hasil kardah nataij par israar nahee karengi warnah maiN bhi israar karoNga k angaiN kaTnay say choozay bahray hojatay haiN....

UN army k kartoot

yahaaN aap ka conclusion sad feesad durust hai. lekin goal k hasool tak ka tareeqah e kaar agar yeh hai k kidz ko mokammal azaadi (achchayee n borayee tak access ka) day kar phir ossay bataya jaye k boricheez bori kiyouN hai to sorry to say k yeh ghalat raastah hai... aap kidz ko naa.baalghi ki omar tak masjid, mandar, gurdwaraah aur church etc tak jakar worship ki free ijazat day daiN ... aur jab woh baligh / samajhnay k qabil hojaye to ossay samjhayaiN k beTa ... sahi worship sirf masjid maiN hoti hai aur baqi ghalat hai to result aap khud dekh laiN.....nafseyaat daan kahtay haiN k kidz ka zehan saaf slaiT ki tarah hota hai. oss par likhee janay wali pahli tahreer hi oskay liyeh sanad ban jati hai... iss pahli lakeer ko miTakar doosri tahreer likhna bahoot mushkil kaam hai..... aap tajarabah karkay dekh laiN ... aap kissi bachchay ko pahli martabah a.b.c.d. ki bajaye d.c.b.a ki tarteeb say sabaq paRhayaiN... phir kuch din baad iss tarteeb ko correct karkay batayain to dekhiyega k woh pahli wali tarteeb hi ko durust maanega...

jab muslim bachchay aur bachiyaaN neem oriyaaN lebaas pahan kar ibteda hi say freely ghoomnay phirnay lagaiN... apnay bed room maiN apni pasand k dish channels aur web sites visits karaiN... saath swimming /dancing karaiN.... aik doosray ki mazahabi taqreebaat maiN khush dili say shareek houN... to baray hokar aap inhaiN sirf aur sirf achcha musalmaan bannay ko kahaiN to khud hi andazah lagalaiN k ketnay % bachchay aap ki baat manengay aur ketnay percent naheeN.... lateefah to dekhaiN k jab bachcha aap ka mohtaaj hai to aap ossay har qism ki azaadi day rahayhaiN aur jab woh baRa /baRi hokar khasi had tak aap per depend nahee karta /karti to aap ossay dictate karwarahay haiN... achcha joke hai.... aur sab say aakhir baat yeh k being a muslim hamaiN islamic teaching ko dekhna chhaiyeh k woh hamaiN kidz ki parwarish ki kaisay taleem deta hai... hum nay issay hi follow karna hai ... yeh jaantay howay k borayee kabhikhatam nahee hogi aur baRay hokar hamaray bachchouN ko issi boray mahaul maiN zindah rahna hai... agar bachchay ibteda maiN borayee say door rahay to baRay hokar borayee ka zeyadah behtar taur par moqaablah karsakengay... jaisay choTay bachchay agar germs free mahaul maiN palain (with vaccination) to woh baray hokar unhygenic mahaul maiN zeyadah behtar resistance ka mozahera kar payengay... bachchouNko sharaab, kharaab movie, pornography, mother pedar azaad music, mixed gathering, orYaaN lebaas jaisee laanat chakhaye beghair parwarish karkay jab aap ossay issi ganday mahaul maiN dhakail bhi dengay to woh inn kharaafaat say bachnay ki behtar position maiNhoga... bashartekay aap nay ossay islamic taaleem bhi dee hogi ... jo muslim ko inn kharaafaat k bad esraat bhi sikhlatahai.... sharaab pee kar naheeN balkay bin piyeh....

above posted story maiN oss laRki ko bay yaar o madad gaar choR denay wali baat say maiN bhi muttafiq naheeN houN.... lekin iska matlab yeh naheeN k maiN apni beTy ko yeh story paRhwa kar ossay yeh itminaan delayouN k beTy agar tum nay kabhi (khoda nah khaastah) aisa koi kaam ki to tumhaiN ghar say naheeN nikalouNga balkay galay say lagaouNga k har gunaah ki maafi hoti hai.

achchay kaam kaa inaam aur boray kaam ki saza ... yehi to adal hai. Allah bhi yehi karega rozay hashar aur iss dunya maiN bhi iska namoonah dekhata rahta hai... jannat aur jahannum aakhir kissi liyeh banayee gayee hai... agar jannat kaa laalach aur jahannum ka khauf nah ho to phir koi insaan mushkilaat maiN paR kar bhi naikee ki raah kiyouN ekhteyaar karay........ kaheeN aap naikee aur gunaah ko yaksaaN to nahee samajhti k yeh har insaaan ka personal maamlah hai. jo ossay suit karta hai woh karay..... jaza aur saza maiN tawazunn hona chahiyeh... saza, jurm k motabiq hona chhaiyeh aur 'jurm say wapsi' ka raastah khola hona chahiyeh. baad az jurm maafi ki gunjaish bhi honi chahiyeh... lekin qabl az jurm ... maafi ki guaranty dena chay maani daarad? ... being a muslim hamara yeh imaan hona chaiyeh k ISLAM maiN sanad sirf aur sirf QURAN n SUNNAT hai. nah shokh nah AA..... do u know k saza /maar peet k baray maiN quran aur hadees kia kahti hai........ hamaray piyaray nabi saw nay farmaya hai k agar bachchay 9/10 saal k hojayaiN aur namaaz nah paRhaiN to onki pitayee karo ... ab kaisay ketni shiddat say pitayee karo yeh aap par choR dia gaya hai k adal /hikmat say kaam lo. jab namaaz nah paRhnay ki saza pitayee hai to baqi gonaah ki saza bhi hogi.... issi tarah quran maiN hai k agar biwi tumhari baat bilkul nah maanay to oski bhi piTayee allow ki gayee hai (wid shara'it)... mujhay naheeN pata aap quran o sunnat ko harfay aakhir manti haiN yaa naheeN.... lekin quran o sunnat say bhi jurm ki saza /pitayee sabit hai.

sorry k baat say baat nikalti chali gayee. aur qissa taweel hogaya. lekin iss tarah to hota hai iss tarah k kaamouN maiN.

Allah aap ko aur aap ki family ko khush o khurram rakhay aur har haal main imaan k saath islam ki taleemaat k saath zindagi guzaarnay ki taufeeq day. aameen summa aameen.

LOL .... meray jesay danish'waar. Janab aam admi kay pass pehli baat to TV hay nahi aur gar hay to os par Mashriki channels hi chaltay hain kion kay angreezi seekhain gay to kafir na kahlain gay To phir ye 'biased' kisam ki khbarain awaam tak kon pohancha rahay hay, magrib

Excuse me !!! Abu Adnan sahib aap samjhtay hain kay maghrib may larkion ki fish market hay? Yakeenan apko iska exposure nahi. 99 % logon ki tarhan aap bhi suni sunai ko hawa may pakar rahay hain. Yahan bhi aik normal aurat aur aik prostitute may zamin asmaan ka farak hay. Ye theek hay kay yahan agar do shaks razi hoon to wo kisi bhi haad par ja saktay hain lakin yahan koi landa'bazar nahi laga howa aur na hi buy one and get one for free wala chakar hay.

Ye jo column aap nay yahan share kia hay osko likhnay walay nay guzarish ki hay kay esay amoor par khul kar baat karni chahiye. Maghrib may to aap ko har cheez kay statistics mil jatay hain. Pakistan may to saab billi ko daikh kar kabootar baan jatay hain. Ye gay / lesbian... abortion rate... rape rate.... aur ma to kahti hoon kay DNA test bhi karwaye jain to doodh ka doodh aur pani ka pani ho jai ga hamaray Islami Jamhooria Pakistan ka.

Acha ye bataiye kay 'by birth muslim' or by choice muslim' may say kon sa wala behtar hay?

Wo na samjhay hain na wo samjhain gay wala hisab hay aap ka. Ma nay ye kaab kaha kay bachoon ko khulam khula choor dain? Lakin har cheez par parday dalna kahaan ki akalmandi hay?

Yakeenan may bhi apnay betay ko hath may churi day kar ye nahi kahoon gi kay jao beta parosion ka khoon kar do aur sham ko ghar time say roti khanay ah jana.

Kuch bataain kahnay ki nahi hotin, bachay to maya hain, jis bhi sachay may dhaal lain. Har haal may apkay bachay ko ye ehsas hona chahiye kay oskay waldain achay buray wakt may oskay sath hain.

chalo achcha howa aap nay pakistan k baray maiN apna point of view pesh kardia... jo yaqeenan aap ki apni info /moshahiday par mabni hoga as u said k pak k baray maiN to koi official statistics available hi naheeN....

maiN nay jo west k baray maiN likha hai woh mera moshahida naheeN balkay west/UN hi k press / sarkari adarouN ki reports per mabni hai. agar yeh reports hi ghalat haiN to phir maiN bhi ghalat houN.... aap ko merei reply say dukh howa, iskay liyeh maazrat khaah houN. pakistan k baray maiN aap ki roy say mujhay bhi dukh hosakta hai, lekin aap ko maazrat karnay koi zaroorat naheeN.... mokaalmay aur bahas hum aik doosray par naheeN balkay aiki issue par kar rahay haiN.... jiss maiN ikhtelafay roy bhi hoata hai...

maiN aap ka bay had shukar guzaar houN k aap nay iss post par tafseeli roy dee. aur apna point of view pesh kia. waqt ki kami k baaes shayad ab maiN iss post par mazeed waqt nah day sakouN... haaN agar aap yaa koi aur.... topic par izhaar e khayaal karna chahay to karsakta hai.

Allah hafiz

Konsi western press kahti hay kay western aurtain 'characterless' hain? This is indeed new to me !

Yakeenan yahan zatiyaat discuss nahi ho rahin. Lihaza mazrat ki na apko na mujhay zaroorat hay.

Apkay wakt ka shukriya

meray dost ka bhi eak press hay.. western press kay naam say.. us say pochooN

yani na pochooN

Aab aap nay mujhay taang kia na to

Baki saab to theek hay bas iski kami hay

is picture -left to right- sab say pehlay Main, Middle main Khan Amer aur Last main Shokh hain