above tahreer k khaliq maroof columnist Hassan Nisaar haiN.

kuch hassan nisaar k baray maiN:

aap aik mustanad shaa'ir, darama nawees aur sikkah band 'daanish.wer' haiN. aap islam k aik aqliyati firqay say talluq rakhtay haiN aur sawaaday azaam k ulemaa e karaam, deeni madrsouN aur islamic taleemaat k khelaaf galam galoch karnay maiN maharat rakhaty haiN.... UP ko diaya gaya onka aik interview iska mouNh bolta saboot hai....

aap z.a. bhutto ka parastaar sahafiyouN maiN nomayaaN moqaam rakhtay haiN. PPP k liyeh onki khidmaat k peshay nazar bhutto nay onhaiN ppp k akhbar mosaawaat ka chief editor banaya tha. benazir k dounouN ahad maiN uncles ko lift nah milnay k sabab mausoof ooper ooper say BB /PPP ki 'mokhalfat' kartay howay bhi nazar aaye.... poetry aur darama nawesi maiN nomayaaN moqaam hasil karnay k bawajood column nawesi maiN kabhi khud ko manwa nah sakay. pahlay daily khabraiN, weekly akhbaaray jahaaN k baad aaj kal express main 'chauraha' k onwaan say column likhtay haiN....

inkay column ka lubbay lobaab pakistan k har system per keechaR ochalna hai. khaah yeh sytem seyasi ho yaa samaji, tahzeebi ho islami /semi islami.... apni tahreer k zariyeh yeh hamesha pakistan, islam aur ummatay muslima kki mozammat aur iskay moqaablay maiN maghrib aur maghribi tahzeeb ko khaah woh kufriya ho yaa secular, maadar pedar azaad ho yaa so called civilized.... innki tareef kartay nahee thaktay.... onkay issi behaviour ko dekhtay howay jawaid chaudhry nay jang maiN apnay column maiN onhaiN maghrib aur maghribi fikar ka agent qarar dia tha aur jawabi column maiN hassan nay iss ka etraaf kartay howay iss khatab ko apnay liyeh aik ezaaz qarar dia tha.

aap hassan k 100 column paRh laiN... shayad hi 2/4 column maqool aur to the topic ho baqi sab bay par ki bakwaas... aur idhar odhar ki laayaani baatouN par mushtamil hota hai. zeray nazar column aur iskay dalail bhi kuch aisay hi haiN. jin ka nah koi sar hai nah paouN.

Hisb-e-sabiq jab app say column ka jawab na ban paRa tu app nay Column nigaar key zaat ko hadf bana liya...


bhai jan jin batooN ka tazkara column nigaar nay kiya hay kiya app uss say inkaar ker saktay haiN.. agr aisi bataiN kernay walay mulk.o.qom kay dushman haiN ya woh mulk.o.qom per keechaR uchaltay haiN tu phir aisi soch rakhnay walooN kay credibility mashkook ho jatee hay...


Hasan Nisaar nay tu sirf hawa'i jahazooN tak baat mehdood rakhi hay.. meay khayal say ham log bijli paida kernay kay salahiyat bhi nahi rakhtay jab tak maghrib kay "jadogar" hamay aa ker chala na daiN...

bhaijan.. tanqeed sehnay kay aadat bhi DalaiN her baat jis ka jawab na ho ya jis say syasi wabastagi per harf aata ho ko Pakistan kay khilaaf na samjha karaiN... yehi soch hamaray peechay reh janay kay wajaah hay.. ham dosrooN ko bura keh ker satisfy ho jatay haiN..

agar koi characterless bandah akhlaaqiyaat par bhashan day.... agar lucknow ki tawaif adab o tahzeeb sikhlanay ka dawa karay ... (lucknow k 'shorfaa' apnay bachchouN ko tahzeeb sikhlanay koThay par bheja kartay thay....) ... bankouN say arbouN rupees qarz lay kar ossay maaf karanay walay seyasat daan agar maali bad.onwani k khelaaf lecture daiN.... agar naachnay wali musarrat shaheen (pashto fohash film fame) seyasat k maidaan maiN aan kar maulana fazlu rrahman k moqaablay maiN awaam ko fazlur rahmaan ki khaamiyaaN bayaan karay... aur aaj MQM maiN shamil hokar mulk ko jaageerdaarouN say nijaat delanay ka bhashan day .... agar MQM k quaid altaf hussain fiqahi masail par naujawaanouN ko dars daiN ... ya hassan nisaar jaisa bandah above column likhay .... meray nazdeeq above tamam logouN k bhashan ki koi ahmiat naheeN hai.... lekin yeh meri zaati roy hai aap ka yaa kissi aur ka iss say muttafiq hona qat'an zaroori naheeN. aap mazkoorah baal tamam shakhseyaat ko follow karnay maiN azaad haiN. hum aap k haq maiN do'aa khair kartay rahengay....

yani app kay nazdeek Hasan nisaar aur mazkoora bala shakhsiyaat maiN koy farq nahi tu iss ka koy ilaaj nahi kiya ja sakta...


waisay app key boklahaT key samajh nahi aa saki... app agr mazkora mozoo per izhar-e-khayal karaiN aur Fazl.ur.Reham aur Musarat Shaheen ko apni apni Games khailnay daiN tu iss say shayad ham maiN say koy kuch na kuch hasil ker lay..

per ah yeh mashriqi tehzeeb kay iss maiN agr koy sach kahay tu ussay yehi kaha jata hay ju app nay above post maiN irshaad farmaya.. waisay app mujhay in kay saath kab khaRa ker rahay haiN..

dar eeN chay shak ... laa raiba feeh .... lekin sirf meray nazdeeq ... waisay meri iss roy maiN woh hazarouN log bhi shamil haiN jo Hassan ko nah sirf jaantay haiN balkay pahchaantay bhi haiN... woh iss qaabil hi naheeN k oski kissi baat ka notice lia jaye chay jaaekay k oss par tabserah kia jaye...

Jee yehi hamaray Zawal key wajaah hay.. ham apnay illawa.. ya apnay nazriyat kay khilaaf bolnay walay key baat sun'na hi gawara nahi kertay aur ussay Dewanay key baR ya "Shair ka Khawab" keh ker guzr jatay haiN...


waisay app kay gher maiN ju bijli aa rahi hay aur ju meter laga hay aur ju supply line hay ya ju bulb laga hay yeh sab Maghrabi JadgarooN key jadogariaaN haiN.. nahi ham/app abhi tak mom.bati/chiraagh talay andhera hi dhoonD rahay hotay

aapki 'maloomaat' maiN ezafay ki khatir yeh batlataa chalouN k:

1) jadeed science o technology k jetnay bhi aloom /ejadaat haiN ... onki bhari aksariyat muslim scientist ki tahqeeqaat par mabni hai ... jab poori dunya jahalat ki gumraahi maiN paRi howee thee to yeh sirf muslim dunya thee jahaaN science, tibb, maths per research howa karti thee..... hamari inhi ilmi books k tarajum ... (aur original ko nazray aatish karkay) hi west nay kaam ka aaghaaz kia thaa

dunya ki tareekh maiN qaumouN ka arooj o zawaal to hota rahta hai ... lekin aloom o fanoon hamesha sabeqah aloom ki base par hi aagay baRhtay haiN.

2) aaj dunya ki jetni bhi taraqqi yaaftah /ameer aqwaam / momalik haiN, onki bhari aksariyat muslim countries ki daulat (maadni wa zehanat both) k baaes maujoodah moqaam par pahonchi hai.... aur onhouN nay yeh daulat hum makkari hi say naeeN balkay chori aur dakaiti k zariyeh bhi hasil ki hai....... agar makkari, chori aur dakaity k zariyah doosrouN ki daulat cheen kar 'taraqqi' hasil karna aap ka nazdeeq koi fakhar ki baat hai to jab aap bairoonay mulk say jama poonji lay kar lahore shift hojayaiN to mujhay zaroor batlaiyyega. tab tak aap k elaqay maiN MQM ka unit bhi established hochuka hoga... mujhay ameer antay dair nahee lagegi.... aur maiN apni emarat par fakhar bhi karouNga. phir aap ko bhi meri taraqqi ki daad dena hogi ...

1) Thay tu woh aba tumharay tum kiya ho
haath per haath dharay muntazir-e-farda ho


2) jee nahi muslim countries key maadni dolat nahi.. un key jahaalat kay sabab.. kyoN kay muslim duniya maiN koy bhi mulk apnay maa'dni wasa'yel apnay tor per explore kernay key ista'at nahi kerta aur ju koy iss kamzoori key nishaandahi kerta hay ussay app say mehrbaan watan'faroosh aur kafir kay tamghay day diya kertay haiN.
( app kay iss post maiN ju related topic thee uss ka jawab day diya yahaaN per MQM discuss nahi ho rahi)

ab sawal yeh hay kay ghadar/bura/watan dushman kon.. woh clean shave ju mulk kay kamzoor pehlo'ooN ko dekh ker shor machaye. logooN key tawajoo udher kerwaye?

ya

woh mulla ju iss shor machanay walay ko kabil-e-gardan zani samjhay!!!



Please topic per rahaiN MQM hamara mozoo hergiz nahi hay

waisay muslim aloom key baat key tu yeh bhi bata dooN kay Muslims science'danooN ( Abassi dor kay) nay zayda ter greeks aur romans ka kaam agay baRhaya..

Iam not de'grading Muslim Scientists per... app nay baat key thee kay pichlay kaam key base per kaam agay baRhta hay...

bilkul sahee hai .... greeks aur romans nay bhi apnay kaam ka aaghaaz apnay pichlouN k kaam say kia hoga..... non-ilhami aloom hamesha naheeN to aksar o bneshtar saabeqa aloom hi ki upgradation hoti hai ... kia khabar ayandah sadyouiN maiN kaun see qaum maujoodah powers ki jagah lay legi aur aaj hi aloom par ayandah aanay walay jadeed tar science o technology ki bunyaad rakhi jayegi.......... tareekh maiN aisa kam hi hota hai k asree aloom o fanoon par fauqiyat rakhnay wali nation(s) nay apnay peshro k ilmi silsilay ka inkaar karnay k liyeh onkay naam tak tabdeel kardiyeh houN ... jaisa k aaj ki ilmi powers nay sabeqah muslims scientists say adawat ki bina par kia.... dunya ki tareekh maiN chand sadeeyaaN koi baRi cheez naheeN... jabkay hum aur aap aadhi poni sadee say zeyadah ki auqaat nahee rakhtay.....

Achi Discussion ho rahi hay, Keep it UP
Lagay Raho Munnay aur Baray Bhaioo

yeh munna kon hay

Zahir hay kisi ko sheesha dikhana asaan kaam nahi par os say bhi mushkil kaam hay sheesha daikhna.

Kamal hay aap ko ankhain hotay howay bhi aap ko is column ka na sar nazar aya na pair !!! Column nigaar lakh bura sehi par kia oski ki gai batoon ka jawab hay aap kay pass? Aab ayin bain na jaiye ga, seedhi baat ka seedha jawab, please !

lol maiN to aap ko yahaaN dekh kar khushsaa hogaya tha k aap bhi bahas maiN kood paRay houNgay... magar aap ko kab hamari khushi manzoor thee.... ... kuch toaap nay bhi farmana tha topic par ... buzurgouN ki tarah sirf thapki denay say kaam nahee chalega....

jiss tarah har baat ka koi nah koi seyaaq o sabaaq hota hai ... issi tarah har writer ki tahreer bhi oskay majmo'ee fikar aur oski sabeqah tahreerouN say juRi howee hoti hai... btw aap hassan ko kab say jaanti haiN aur aap nay onkay ketnay column paRhay haiN.... maiN onkay column last 20 years say paRh raha houN... aap say yeh sawaal iss liyeh poocha hai k agar aap nay hassan ki yeh pahli /doosri tahreer parhi hai to phir aap say hassan aur oski tahreerouN par mokaalma karkay apna aur aap ka waqt zaya karna fazool hai....

yahaaN per kuch sawal kiya gay thay!!! abhi tak jawab nahi aya!!! kiya issay bhi ignore ker diya jaye ga!!!

pahlay hissay par to comments kardia hai bhai ... agar aap nay read ho to ... doosra hissa miss hogaya thaa.... jawaab yeh hai k agar clean shaved, hassan jaisa islam dushman ho to woh pakistan ka kabhi mukhlis nahee hosakta ... iss clean shaved ki saaf maiN mush aur shaukat azeez bhi shamil haiN... haaN agar clean shaved Allam Iqbal, abdul qadir hassan, jawaid chaudhri ki saf k log houN to yeh behtareen log haiN .....

ab yeh daRhi aur clean shaved to the topic kaisay hogaya.... moulvi, mulla ki aaR maiN kuch naadaan dost / daanaa dushman dar haqeeqat islam aur islami taleemaat ka mazaaq oratay haiN... khaah woh hassan nisar ho, mush ho altaf hussain ho yaa koi aur......... waisay mujhya naheeN pata tha k aap hassan nisaar k chaahnay walouN maiN say haiN... warnah maiN iss post ko cheRTa hi naheeN.

Array yahan to Munni Behna bhi aa gayee hain

Aap Munnay Bhaiya hain aur Usuf Bhai Baray Bhaiya hain

Janab Mujhay aap logon kay Beech main aakar Gunnay ka Kheet bun una manzoor nahi Yea entry to sirf Is Discussion ki Talkhi ( Agr hay to ) ko kam karnay kay liye hoti hay

bhai jan maiN kbhai bhi kisi shakhsiyat ka parastaar nahi raha.. hasan nisaar sahi bhi kehta hay aur ghalat bhi.. jab ghalat kehta hay tu inhi forum per uss ka column post ker kay uss per tanqeed bhi kerta hooN.. aur iss maiN maiN kisi ko bhi riya'et nahi dayta.. jis din iss ko koy bay'saropa column chapa tu zaroor tanqeed karooN ga...

baat DaRhi aur CLEAN shave hi ho rahi hay.. agr app nay Column paRha ho tu!!!

per raat ko tu app kuch aur hi keh rahay thay

Hassan ko kis nay kitna parha yahan ye competition nahi ho raha. Aap nay aik bar phir off topic baat ki.... mera sawal seedha hay aur wahin ka wahin hay !

raat gayee baat gayee ... raat ki baat ka yahaaN saray mahfil kia zikar....

mera khayal hay wahaaN ka waheeN rahay ga!!!

Apka ye jawab tasali'baksh hay, aap samjh rahay hain na ma kia kah rahi hoon

Kiya keh raha tha Raat ko

Aur yea Meri Topi kiyon pehn li hay kiya aap ko bhi Ham jaisa bununa hay

@Adnan bahi
@Khan_amer bahi

Keep it up

Apki discussion say humara knowledge berh reha hai (bus real mai fighting nahi ker lena baqi khair hai )

Phir kya wajah hey ke pahley yeah jang ke liye likhtey rahey,,,, aur jab Jang se kuch coloumn nigaar (jin main apkey pasandeedah hazraat bhi shamil hain),,, yeah bhi chaley aye,,,,,,,,,, kya yeah donon akhbaraat Pakistan ke farigh tareen akhbaroon main se hain,,,, jin ko apney safhaat bharney ke liye aisey bay par ki bakwas ka sahara laina parta hey

waisey jahan tak mujhey yaaad parta hey ke ghalban 90 ki dihai main JI waloon ka pasandeeda coloumn nigar hua kertey they,,,,, jo unki soch aur nuqta-e-nazar ke ain-mutabiq tahareeer likha kertey they,,,,, aj kal ka mujhey nahin pata

ye seedhey se sawal ka jawab nahin daitey,,,,,,,,, kion ke phir phans janey ka khadsha hota hey

Bajah farmaya hay aap nay