Kuch log kehtay haiN kay sab behter qayadat MolviyooN kay hay aur in kay haath mazboot kernay chahiyee...

in kay mukhalif kehtay haiN kay molivi eak saath namaz paRhnay kay rawadar nahi sirf iqtaydaar key bhook inhay bandhay howay hay


dosray group key baat maiN wazan iss liy abhi zyada lag raha hay kay iss dafa Eid ul Adha key bhi teen mukhtalif dates announce howeeN haiN

mulahiza ho yeh khabr..

Puraane mahaveray meiN se fil.haal murgha nikaal kar 'bakra' khara kar diya gaya hai.

BTW yeh kaam ISI aur hukoomat ka he hai keh molviyouN ko iss tarah larwa kar unki 'mitti paleed' kar di jaaey .. taake voters ke saamne vote deyne se pehle yeh tasveer khoob acchi tarah paish ki jaa sake.

App nay bilkul sahi kaha Khalish bhai,

per kiya yeh molvi itnay hi andhay haiN kay hamay aur app ko ju baat saaf nazr aa rahi hay unhaiN samajh nahi aa rahi...

kiya jata Serhad hakomat ka agr woh Markazi Ro'yeet-e-halal Committee kay faislay ko tasleem ker laytee... iss taraah daiRh key masjid khaRi kernay ka koy jawaz bher;haal kisi bhi aalim/mufit ya molvi pass hergiz nahi hoga...

on 2nd thought, agr yeh molivi apnay jaisay ISI key syasat aur tadbeerooN key kaT nahi ker paa rahay tu Yahoodi aur Essa'iyooN key syasat tu iss say kaheeN zyada gandi aur khaternaak hay...

kaha jata hay kay na'ahl afraad hi sazishooN ka shikar hotay haiN kyoN kay un key hi kisi na kisi maslayhat ya kamzoori kay sabab sazish kernay wala kamyaab hota hay...

mujhay to sirf apni fikar hai k mujhay apnay qabar o hashar maiN apni hi jawaab dahi karni hai k maiN nay dunya maiN kiss groh ka saath dia tha aur bil.waastah yaa bila waastah kiss ko faidah pahonchaya thaa.

1. deen k naam lewaayouN ki daamay darmay qadmay sokhnay madad ki thee yaa naheeN takay woh apnay daawouN k motabiq ahyaa e deen k kaam maiN kaamyaab hosakaiN.... agar yeh group meri tamaam tar madad k bawajood apni khaamiyouN aur kotaahiyouN k sabab naakaam rahaa yaa thaa hi yeh monafiqouN ka Tola to aakhrat maiN yehi naakaam houNgay. maiN naheeN.

2. agar maiN nay baraahay raast kuffar k agents muslim groups ki hamayat ki jinka oRhna bichauna kuffar ki naqqali aur jinki zaaheri hamdadiyaaN bhi kuffar k saaath haiN.... to yeh log dunya maiN kaamyaab houN yaa naakaam.... meri to aakhrat tabaah o barbaad honay maiN koi shak naheeN.

3. agar maiN nay deen daar group ki bay.aqli, kam himmati, naqis policies aur deger khamiyouN k sabab inki seyasi mokhalfat ki yaa "ghair.jaanib.daar" (yani monafiq) bana raha to indirectly maiN nay kuffar aur onkay agents hi ki hamayat ki......... yaqeenan mujhay iss ka "ajar" bhi aakherat maiN zaroor milega.

meri to yehi do'aa hai k Allah mujhay dunya maiN kaam.yaab karay nah karay ... aakhrat maiN naa.kaam nah karay. aur rozay hashar bush, mush, altaf, musarrat shaheen n co k saath mera anjaam nah karay. aameen summa aameen.

Exactly 101% my point!

Jehan tak is sawaal ka talluq hai tu moulvi bhi aakhir insaan hain. Hum unhay farishta keon consider kartay hain. Hum wesay hi act kartay hain jesay budiya ne cycle walay ko kaha ke darhi rakh kar takkar martay huway sharam nahi aati tu cycle walay na jawab diya ke amma, darhi hai cycle ki brake thorahi hai.

Anyways, my point is that we should vote to the one who is promising for, struggling for the cause of ALLAH. Agar woh power mein aa jaata hai aur ye kaam nahi karta, tu us nay apni aakhirat tu kharab kar li. Magar vote denay walay ne ALLAH ke liye vote diya tha, us ka ajar apni jagah raha. Ye jamhoriyat, haq-parasti, personality, roshan-khayali, tarraqi ke naam par loag ab tak vote detay hain ya bradari, quomiyat, maslak wagera ke naam par. Shayid yehi qurbani ki rooh hai ke hum jis ko dunya ke lehaz say kamtar aur apni khuwahishat ke bar-aks samajtay hain, us ko election mein kamyab karwa kar apnay opar say mafaad-parasti aur grohiyat ka label utaar dain aur nazaryati bunyaad par apnay ko Hizbo-ALLAH (ALLAH ki party) ka member sabit kar dain.

Tareekh eak aisa aaina hay jis maiN jhanknay kay baad ham apnay mustaqbil kay baray maiN paishan'goyee ker saktay haiN. aur yeh iss liya possible hay kay tareekhi waqayat mukhtalif adwaar maiN duharaye jatay rahay.. yani agr app bulandi say chalang lagaiN gay tu 100 saal pehlay bhi neechay hi girtay rahay haiN.. aaj bhi giraiN gay aur hazar saal baad bhi giraiN gay..

issi tarah qomooN kay arooj.o.zawal key kahaniyaaN haiN... jin qoomooN nay arooj hasil kiya woh kabhi bhi Aadhay teetar aadhay baTair per razee nahi howeeN aur ju howeeN tu un key dastan-e-Ibrat aaj bhi hamaray samnay hay... chahay woh maghirb maiN Gharnata hoo ya Mashriq maiN Maisoor...

jab kabhi yeh soch qomooN maiN faroogh panay lagee kay burayee kay kam degree zyada say behter hay tu woh qomaiN zawal key pastiyooN maiN uter gayeeN.. Br.e.saghir maiN iss aadhay teetar aur aadhay baTair key bunyaad Akber nay Dali..uss waqt logoN key aksaraiyaat uss kay saath thee aur un ka man'na ya sooch yehi thee kay atleast by birth Akbar muslmaan tu hay....agr uss kay Mujadid Alif Sani na hotay ya woh bhi issi falsafay kay qayel hotay tu na'janay bar-e-saghir maiN ham log Islam ka kiya haal kertay...

Maisoor key laRa'i maiN Sultan Tipu key sab say baRi ghalati yeh thee kay uss nay un logooN per takiya kiya jin key wafadari aur qabliyaat mashkook thee.. anjaam sab kay samnay hay...

Aaj hamaray log sirf Islam kay naam per aisay logooN ko vote daynay ya unhay behter samajh rahay haiN jin kay amli zindagee maiN Islam nazr nahi aata.. ( maiN Mazhab key baat nahi ker raha) jin ka maazi aur haal kay faislay yeh batanay kay liya kafi haiN kay yeh na'ahl log mulk.o.qom key khair.kha'hi kay liya kuch na ker payaiN gay balkay apni na'ahli say iss key tabahi ka samaan hi karaiN gay...

Agr Non-Islamic parties power maiN aa'raheeN haiN tu anay daiN... Tareekh shahid hay kay iss say pehlay bhi buhtooN bar yehi howa hay.. aur iss ka reaction bhi itni hi shidat kay saath samnay aya hay.. yani log Islam key tarf loTay haiN...