Jurm-e-zaefi ki saza hey marg-emafajat

Allah Musalmano key halat per reham karey

Mughey Sadam Hussain se koi hamderdi naheen lakin jistrah ek musalma leader ko Eid ke din phansi di gai hey us per muslim umma ko go magon rehna ek lamha-e-fikrya hey

well said saraj .... saddam say to shayad hi kissi ko hamdardi ho ... oskay mazalim ki daastaan bahoot taweel hai aur aik lambay arsay tak woh amerikan cia k agent hukmraan k taur par ME maiN naukri karta raha hai.... lekin inn sab haqaaiq k bawajood ... nah to amerika koi koi haqq hai k iraaq maiN laakhouN afraad ka qatlay aam karay nah hi yeh haq thaa k saddam ko hang karay ... aur nah hi aalamay islam maiN kissi ko yeh zaib deta hai k woh saddam ki iss ibrat aamaiz maut ka khair maqdam karkay us k haath mazboot karay....... iraq ki maujoodah seyasat maiN iraan k kirdaar say kia yeh baay wazah naheeN hoti k iran-us mahaaz aaraaye mahaz aik noora kushti hai........

Usuf Bhai Meyn aap ki baat se moazrat ke sath itefaq naheen karonga bulke issey Iran ki kamyab kharja policy ka shakhsana qarar donga kyunke Iran ne ek teer sey kafi ehdaf hasil kiye heyn ek traf to Iraq meyn apna tasult qa'im kerta jaraha hey dosri traf Taliban ko bhi Afghanistan meyn monh chira raha hey aur tesri traf apna atomic program bhi kamyabi se pae takmel tak pohnacha raha hey aur sath hi sath Dunya meyn ek Juratmand Muslim mulk ke tor per apni ehmyet qa'im kerta jara hey
Jahan tak USA ka taluq hey woh iss waqt mushkil meyn phansa howa hey aur Iran ke samney waqti tor per bebus nazer arah hey kyun ke Iran ki madad ke bagher woh Iraq ki duldal sey bahir naheen asakta

Bhai, aap ne Iran aur Israel ko ek hi saf mein khada kar diya.

Theek hai ke Saddam ki p'hansi insaaf ka khula qatal hai aur America ko is baat ka ikhteyar nahi hai magar yehan ek say ek american wafadar maujood hain.

Saddam ne Iraq par jang mussallat ki aur Shi'a hadrat ko inteqaam ka nishana banaya, is liye Iraq ne agar is baat ka khair maqdam kiya hai tu ye koi America-Iran ki noora khushti nahi kahi jaa sakti.

Secondly, isi tarah Kuwait ne bhi khair maqdam kiya hai aur is ki waja bhi Iran wali wajohaat hain tu is par aap ne kuch nahi kaha.

Kam az kam sab ko ek laathi say tu na han'kain aap, Yusuf Bhai!

post k waqt tak kuwait /afghanistan ki taraf say "khair maqdami bayaanaat" naheeN aaye thay iss liye..... shia-sunni ummat e muslimah ka internal affair hai ... amerika aur osskay agent muslim hukmraanouN nay iss say maazi maiN bhi muslim kushi k liyeh use kia ... iran-iraq jang ho yaa iraq maiN shias ki madad say iraq ka hashar nashar aur iskay hissay bakhray karna ... next plan maiN saudi arab / bahraiN main shia lobbies ko hakoomatay waqt k khelaaf elaanay jang karwana shamil hai ... saf bandee mokammal hochuki hai... asleha o dege asbaab supply hochuka hai .... waqtna fawaqtan inn hakoomatouN ko aankhaiN bhi dekhayee jati rahti haiN.... jouNhi in momalik k amerika nawaaz hukmranouN nay kissi bhi maamlay maiN hukam adooli ki zara see bhi koshish ki to dama dam mast qalandar .... saddam bhi qabl azeeN american agent ruler hi tha aur usa ki direction / pusht panahi par hi iran say jang ki aur kuwait par chaRh dauRa ... in jangouN maiN mobayyanah taur par saddam nay usa ka supply kardah chemicals weapons bhi use kia ... anjaam kaar sab nay dekh lia ... amerika apnay wafaadaar muslims ka aik hi saa hasahr karta hai ... khaah shia (shaahay iran) ho yaa sunni (saddam) .... aaj iraqi shia leaders amerrikan tankouN par chaRh kar jashn manatay howay inn tareekhi haqaiq ko nah bhoolaiN to onkay haq maiN h behtar hoga.

apna apna point of view hai sarkaar

maiN issi baat ko youN dekhta houN ....

imaam khomeni k iran nay afghanistan maiN taalebaan ki hakoomat k khaatemay maiN pasay pardah kirdaar ada kia (mush k pakistan nay front line kirdaar ada kia) ... khomeni k inqilaab k baad iran nay pakistan maiN tahreekay nifazay fiqah jaafria banwayee aur iski full backing ki jawaban saudi arab nay sipahay sahaba banwayee aur oski pusht panahi ki ... youN dounouN groh madday moqabil aagaye.... iraq maiN irani madakhlat to aaj ki baat hai jiss say amerika iraq maiN qadam jama raha hai ab iraq k hissay bakhray saamnay nazar aarahay haiN.... us afwaaj iraq say jaye yaa nah jaye ... maujoodah iraqi shia qayadat american ki tabedaari karti rahegi ... tawaqtekay oska 'tenure' poora hojaye ... usa nay onhaiN bhi shaahay iran / saddam ki tarah hi ibrat ki misaal bana deni hai ... iran muslim ummat k markazi / deeni mulk saudia maiN bhi iraq wali policy par gaamzan hai ... jouNhi maujoodah ameriki agent hukmraanouN ka 'tenure' pooa howa yeh, saudia ka bhi us ki madad say iraq jaisa hashar karwadengay... hatta k makkah / madeenah UN etc ki nigrani maiN vetican city ki tarah ka aik alamti shahar rah jayega... baqya elaqouN say sayyal sona new obharti howi shia qayadat ki pipeline say usa ko jaati rahegi........... wazah rahay k afghanistan k pahaRouN say uranium k hasool ki hissah daari maiN usa /UK maiN jhagra start hogaya hai aur usa nay UK ko aik taraf karkay iss project par tanha kaam kar raha hai NATO /UK ki afwaaj mahaz aman amaan qaaim karnay par lagi howee hai....

iss waqt muslim world ki maadni daulaat par muslims baham nah sirf laR jhagaR rahay haiN qaumi, lessani, firqay ki bunyaad par balkay yeh naadaan billiyouN ki tarah apni RoTy ki taqseem k liyeh usa ko modakhlat ki dawat bhi day rahay haiN jo bander ka kirdaar adaa kartay howay bandar baaNT maiN masroof hai...... afghanistan ki tabahi o taameeray nau yaa iraq ki tabahi aur taameeray nau ... iska aik hi maqsad hai k yahaaN ki daulaat jadeed tareeqay say looTy jaye...... deger mulkouN maiN lessani groups ... (e.g. pakistan) ka factor kaam kar raha hai to iraan shia factor ko world wide use kar raha hai ... saamraaj ki madad karnay maiN........ marg bar amerika k naaray ki aaR main woh us ko iraq, afghanistan maiN full support faraham kar raha hai aur ayandah saudia, bahrain, pakistan etc maiN support ka wadaa kiyeh howay hai

Bouhat achay Saima.............Really Nice Sharing.....Is ka ek ek lafz sach hai aur dil pay laga haiiiiiiiiiiiiiii

Usuf bhai ap ke tajziye se mutafiq hon aur meyn samjhta hon Middle East meyn Arab aqawam ke dermyan taferqa bazi aur nasal parasti ki jo agg America apney hawaryun ke zeriye bherka raha hey uske nataij musalmano ke haq meyn bohat bhyanak nilkatey nazer arahey heyn.
Mughey to Iraq ko teen hison meyn tukrey hotey howey nazer arahey heyn aur hum lachar arab mumalik ke hukmaran lacharo be bus nazer arahey heyn pata naheen kiss ghebi imdad ke muntazir heyn yeh arab hukmaran...

aap say kiss nay kah dia k arab hukmraan kissi "ghaibi imdaad" k muntazir haiN ... woh to mahaz us imdaad / support k muntazar rahtay haiN apni khaandaani hukmraani bar.qaraar rakhnay k liyeh .... ab yeh baat koi raaz to naheeN rahi k maujoodah saudi hukmraan family nay amerika say 'agreement' kar rakha hai k amerika onkay khaandaan ki hukmraani ki pusht panahi karta rahega aur jawaban woh ameriki mofadaat ki nigah baani kartay rahengay.....

Eak Aisay Shakhs ko Muslmaan HukumraaN kaha ja raha hay jis nay apni sari zindagee khulay aam na sirf islami taleemaat ka mazaq uRaya ( apnay amal say) balkay appnay app ko Communist kehlanay maiN paish paish raha.. jis nay apnay app ko Rabobiyat kay darjay per fa'iz kiya..

aisay shakhs key mout per afsoos.. kiya mai'nay rakhta hay... kiya ham log jazbaat maiN itnay hi andhay ho jatay haiN kay eak Americi Agent key mout per ( ju kay ussay hukm adooli per howi) per ansoo bahayaiN... yeh daikhay kay baghair kay nam kay iss muslmaan ka haqeeqi mazhab aur hadf kiya tha???

Sadam aisay logoN kay liya Mout key saza saza nahi balkay jaza aisay logoN ko asaan mout dayna bazat-e-khud in kay saath naiki shumaar hotee hay....


Allah ta'la hamari qom maiN buray ko bura kehnay key taqat aur ussay pehchanay key Danish ata karay. ( AMEEN)

MaiN ne Saddam Hussain ki phansi ke voh clips daikhe haiN jo tv per nahi dikhaey jaa sakte. Uss jaggah sirf vohi kalma parh raha tha, baaqi Allah humma salle ala muhammad was aal.e.muhammad ke naaray laga rahe the. Aur phaansi ke baad yeh shoor aur bhi buhot ziyaadah ho gaya tha.

Sunna maiN nay bhi yehi hay!!!

Jab Bani Israel Darya-e-Neil ya Red Sea cross ker chukay aur pani ko dobara mil janay ka hukm aya tu uss Fir'on bhi yehi kehta paya gaya kay maiN Mousa (AS) kay Khuda per imaan lay aya hooN...

Kaha jata hay kay jab Insaan ka aakhri waqt aa jata hay tu uss kay liya touba kay darwazay band ho jatay haiN...

Yeh Shakhs 30 saal tak hukumraaN raha... issay eak Islami Mumlikat key hakomat sonpi gayee, Allah ta'la nay iss kay kandhooN per aisi muslmaanoooN kay eak baRi abadi key zimdari Daali.. per iss nay kya...

Puray Iraq maiN shayad hi aisa koy ho jisay her dam apni jaan ka khatra na rehta hoo... Iraqi awam kay liya Allah aur Uss kay Rasool (SAAW) key koy ahmiyat na rahi.. haaN agr kisi nay Sadam kay khilaf kuch keh diya tu uss ka naam.o.nishan bhi nahi mila...

Aisay shakhs kay Kalimay aur NamazaiN, Rozay aur Zakat aur Hajj iss ka zati fa'el haiN ju sawal iss say hooNgay woh yehi hooNgay kay TUMHAY HAKOMAT DEE GAYEE, TUM NAY KIYA KYA???

mera nahi khayal kay Sadam kay pass iss ka koy jawab hoga....

waisay sadam ko agr phansi na bhi dee jatee tu iss say kisi ko koy farq nahi paRna tha.. piTa howa muhra kisi ko nuqsaan nahi puhancha sakta...

What i think saddams phansi was not ot punish saddam but to warn others in case if they get caught.Secondly attack on Iraq was for Saddam only they had to show something after failure in Afghanistan
as for as his future(after life ) is considered it is upto Allah to decide we sould avoid giving comments

, as for as his future(after life ) is considered it is upto Allah to decide we sould avoid giving comments
Bohot achi baat Kahi aap nay,

lekin hum maiN say kuch Allah walay aisay log bhi haiN jinhaiN Allah batla dia karta hai k saddam ki aakhri waqt ki taubah qabool nahee howee. yaqeen nah aaye to above replies dekh laiN ....

amerikan way of thanks =>

Mein nay khan aamir ki reply parhi thi issi liye ounn kay baad ki reply ko quote kiya ,khan amir tau bohot kuchh keh gaey jo baatain unhoN nay Saddaam par lagoo ki hain vo saari Hamaray Musharraf parr bhi lagoo hoti hain .kiaa jabb Mush ko hukam naa maan.nay parr phansi dee jaaey gee tau aisi hee reply ho gee ????
1- Maana kay Sadaam Muslim nahi raha tha , 2- mana kay vo Communist tha ,3- ye bhi maan laitay hain kay vo Dictator tha lekin ye teeno BuraaieyaaN tau musharraf mein bhi hain ,tau kiaa hum apnay hukmaraan kay khilaaf kuchh kar rahay hain ?? ya kar saktay hain????
agar hum aawaaz outhaeen gay tau natija kiya ho ga ,sabb jaantay hain .
Hum kisi Musalmaan ko kaafir nahi keh saktay chahay vo kitnay hee buray amal kiyun na kar raha ho ,agar hum ye karnay lagay tau Musalmaan tau aik bhi nazar nahi aaey ga ,kuchh zaahir ho karr buray kaam kartay hain kuchh chupp kar ,aur zaahir baatin ka ILM sirf ALLAH ko hai behtar hai ye faisla " ousi " parr chore dain .
Iraq ki Aadalat mein hee ,Iraqi Judge nay Saddaam ko kaha kay tum Dictator nahi ho , case ki video dekh lijye aur rahi baat aakhri waqt ki tau jaisa kay khalish bhaie nay kaha kay vo akaila ALLAH aur Ouss kay Rasool ki Ba'Awaaz buland Gawahi dey raha tha ,baqi tau apnay apnay kaamo mein lagay huaay thay ,aap bhi vo wali video dekhye aur baar baar dekhye ( Jo TV parr nahi dekhaie gaie ,Agar Available ho ) tau aap bhi kahain gay aik Kaafir aur Dictator aisi Mout ki Na hee tamanna karta hai aur na hee vo iss tarah Bahduri aur sakoon se Apni jaan deta hai ,
Amlan Muslim tha ya nahi ,acha tha ya bura iss behas ko chorain ,aakhri waqt mein vo saaray ronay dho gaya aur aakhri baat jin waaldain nay saddam kay naam parr apnay bachon kay naam rakhay thay vo fakhar se sarr oouncha kar kay keh saktay hain kay hum nay aik Bahadur Insaan kay naam par apnay bachay ka naam rakha .
Aakhri waqt kay kalmay ki badaulat mein ousay Musalmaan samajhtay huaay ouus ki maghfirat ki Duaa karta hoon jiss ka DIL Maanay aik muslim ki maghfirat kay liye Haath othaa dey .

P.s , Mein BehasoN mein nahi parta iss liye abb meri taraf se koi reply nahi .