Aik buhat taweel arsay kay baad is forum par aaya houn aur buhat kuch kho kar aaya houn sirf 2 maheenay kay waqfay say meri walida aur meri ahlia donon is duniya say rukhsat ho gayeen 22 september ko wlida aur 22 november ko ahlia. Woh meri ahlia naheen balkay meri zindagi meri rooh mera sub kuch thein. Apnay jazbaat ko tootay phootay alfaz ka rung dainay ki koshish ki hai aap say share karta houn.

DARD KI HAR IK HUD SAY AB GUZAR GAYA HOUN MAIN
PHIR KABHI NA SIMTOUN GA YOUN BIKHAR GAYA HOUN MAIN

MAUT BUS NAHEEN AATI ROOH KAY NIKALNAY SAY
ROOH MUJH MEIN BAQI HAI PHIR BHI MAR GAYA HOUN MAIN

ZINDAGI MEIN JITNI BHI ROSHNI THI US SAY THI
MUSTAQIL ANDHAIRON MEIN AB UTAR GAYA HOUN MAIN

US KA SAATH JUB TAK THA RUNG RUNG MAUSAM THAY
BUS KHIZAAN KAY MANZAR MEIN AB THEHAR GAYA HOUN MAIN

BAAM-O-DAR BHI US KAY BAAD HO GAYAY HAIN YOUN KHAMOSH
AUR DIL ULAJHTA HAI JUB BHI GHAR GAYA HOUN MAIN

AAINA BHI HAIRAT SAY DAIKHTA HAI AB MUJH KO
KAUN AJNABI HAI YEH AUR KIDHAR GAYA HOUN MAIN

Anis Hasan

Inna Lillah.e.wa.inna elyh.e.rajioon.

Syed Bhai dilli sadma howa aap ke iss azeem nuqsaan per. Allah SWT apni maghfirat aur noor se marhomeen ko samaite rakhe aur aap aur deegar ahl.e.khaana ko sabr.e.jameel ki taufeeq ata kare.

Jiss dour se aap guzar rahe haiN voh aap ki ghazal ka her she'r bayaan kar raha hai. Jiss tareeki ka shikaar aap hoay haiN voh buhot muheeb hai

ZINDAGI MEIN JITNI BHI ROSHNI THI US SAY THI
MUSTAQIL ANDHAIRON MEIN AB UTAR GAYA HOUN MAIN

Jo kuch aap ne likha hai voh dil meiN taraazo howa hai aur alfaaz usse bayaan karne se qaasir haiN..

Duaa.go

Khalish

Assalam-O-Alikum Anis Bhae Allah aap ko or aap ky ghar walonko saber ki taoufeeq day kion ka aap nain bohot he azeeez chezain khoe hain ALLAH aap ki Aman or Ahlia ko Kaber ky azaab say bachaye or un ko Jannat main Jaga day or Hazoor S.A.W.W ky kadmoon main jaga day un ko Jannat main Hazoor S.A.W.W ki ZIarat naseeb ho ALLAH aap ko Apne Hefzo Amaan main rakhy,i hope ka aap nain apni walda ki khoob khidmat ki hogi or Jannat main jaga bana liii hogi......,APna bohot khyaal rakhyaga,kion jo dunia main atta hy ossay jana he perta hy yahi asoool hy zindagi ka

Inna Lillah.e.wa.inna elyh.e.rajioon.

Hasan bhai aapkay azeezon ki judai ka dili afsoos hai. khudawan-de-karim nay aapko jismushkil imtihan main dala hai wohi uska marham bhi dayga. yeah wo maqam hai jahan
insam baybas hojata hai. or yeah do to wo rishtay hain jo her insan kay muqadas or aham hain. Allah marhomeen ki maghfirat farmay or unki qaboor ko apnay noor say roshan farmaday. or lawahiqeen ko sabar-e-jameel ata farmay. (AMEEN)

Inna Lillahe Wa Inna Elyhe Rajioon

Allah Marhomeen ko Janat-ul-firdos mein jaga de Aameen

Aur in ke ghar walun ko Sabar Ata farmaaye Aameen
Sach bohat dukh huwa yehparh ke waqai Anis bhai bohat bare nuqsaan se dochaar huwe hein Allah unhein sabar de aur himmat ata farmaye Aameen

Inna Lillah.e.wa.inna elyh.e.rajioon.


Allah taala apko sabar-e-jameel ata kerain aur merhomeen ko jannat-ul-firdaus kay buland derjaat ata kerain.


shareek e ghum
Ghazal

Inna Lillah-e-Wa Inna Eleh-e-Rajioun

Allah marhoomeen ki maghfirat farmaye aur ap ko sabr-e-jameel ata karey

Be shak janey walon ka koi replacement nahi hota per yeh to qudrat ka nizam hai... Allah ki raza per raazi rehna chaiyye ham sab ko.

Inna Lillah-e-Wa.Inna Ilehi Ra.je.oon


main to SOS section main topic starter list main aap ka naam dekh ke khushi aur hairat ki kefiyaat main mubtila ho gaii thi kun ke aap ko aik bohat baray arsay baad yahan dekha hai main ne

bohat dukh mehsoos ho raha hai aap ki walidah aur ahliya ke baraay main jaan kar

Allah Rabbul Izzat un ko jannat ul firdos main jaga daiN aur aap ko mazeed hosla ataa karaiN (Aameen)



ghazal ke liye kia comments dooN ...... aap acha hi likhtay hain magar is bar is ghazal ki wajha aik dukh hai is liye main koi bhi comments denay se qasir hoon

Allah aap ko sabar aur hosla ataa karay

Inna Lillahe Wa Inna Elyhe Rajion

inna lilla hi wa inna ilaihi raje'oon
dili sad huwa aap ke aap itne azeem ghamon se do chaar hain.Allah se dua hai aajizi se ke aapko in azeem dukhon ko bardaasht karne ki taaqat ata kare,ham sab aapke gham mein barabar ke shareek hai,Allah aapka nigehbaan ho Ameen.

ALLAH Marhumeen ki maghfirat fermaaey aur unhaiN ounn kay Darjaat ko Buland fermaaey aur aap samait tamaam Ehl-e-khana ko sabr-e-jameel aata fermaaey ,Aameen. Ghazal ka harr misra MEHSOOS kiye jaanay kay Qaabil hai iss liye HEHSOOSAAT ko MEHSOOS kar rahay hain aur aap kay liye DUAA gau bhi hain kay ALLAH Aap parr apni Rehmatain nazil fermaaey ,Aameen

Inna Lillah.e.wa.inna elyh.e.rajioon.

Jo Aaya Uss Nay Lout Kar Jana Hi Hai... Humaaray Alfaaz Aap K Dukh Aur Nuqsaan Kaa Azaala Nahi Kar Saktay Magar Shaayed Marham Ka Kaam Day SakeN....
Aap K Iss Dukh MeiN Hum Baraabar Kay Shareek Hai.

Aap Nay Jo Likha, La Jawaab Hai.

Inna Lillah.e.wa.inna elyh.e.rajioon.


A.Hasan Sahib......

ap ki walidaa our ahliaa donooN ka sunker bayhud afsoos O dukh hovaa

mout tu bar huQ hai per aik hi waQat maiN

aysii do hasteyooN ki mout jiN ka ZindaGiii per Gheraa aasar hotaa hai

waQahii naQabil-e-bardaShat sanayhaa haii

maN jo apnay baChooN ky liyeh sa'haybaaN hotee hai

our ahliyaa jis ka saath honay say ZindaGii ka safar aasaN laGtaa hai

waQahi ap ko sabar aana bohut muShkil haii per

Khudaa masabbabul-aasbaab hai

yaQenaaN wo ap ko sabar O houslaa day Gaa khy ap is aaZeem sanayhaa ko

bardaShat ker sakaiN

bohut sare duahaiN ap ky liyeh

INNA LILLAH-E- WA INNA ILAIHI RAJIOON
KHUDA APKO APKE GHAR WALON KO SABR KI TAUFIQUE ATA FARMAYE AMEEN, AUIR JAHAN TAK APKE KALAM KI BAT HAI TO ANIS BHAI YE BOHAT HI ACHA TAREEQA HAI APNE GHAM KO NIKALNE KA AUR SAHI MAINE MEIN APKA SARA DARD ISMEIN JHALAK RAHA HAI ALLAH APKO SABRE AZEEM ATA KARE.AMEEN.JAZAKALLAH

MAUT BUS NAHEEN AATI ROOH KAY NIKALNAY SAY
ROOH MUJH MEIN BAQI HAI PHIR BHI MAR GAYA HOUN MAIN

KALAM WAQYI BEHTREEN HAI MAGAR APKE IS GHAM KA ISTIMAL APNI SHAYERI EK NAGEENE KI YARHA KIJIYE TAKI APKI SHYERI DIN BA DIN AUR NIKHRE KHUD KO BIKHRANE NAHI DIJIYE.KIONKI GHMA KO IS TARHA SAMAITNA SABKO NAHI ATA JIS TARHA APNE ISE APNE LAFZON MEIN BAYNA KIYA HAI.
TAKE CARE
FIAMANILLAH
DUA

Khalish bhai, Umer, Peacemaker, Barish aur Gulab, Smartleo, Ghazal, Seemaf, Zindagi, Thirsty Sea, Shafaq, Akhtar, Kamli aur Soz aap sub doston ki diljoee aur duaon ka buhat shukriya. Marhoomeen ki maghfirat aur meray liyay sabr aur hoslay ki dua kartay rahain.
Anis

pata nahi meray saath hi aysaa kyuN hotaa hai

looG kyuN meree Reply ko nazar-andaz kertay haiN

mujhay saKhat koft ky saath saath dukh hota haiii

Khair..............bohut C duahaiN ap ky liyeh

A-A
A. Hassan sahib.........!!
main bhi apnay walid sahib ka sadma abhi utha kar chuka hoon
Allah Talah aap ko himmat dey aur marhomeen ki maghfirat farmayay
meray liyay bhi dua zaroor kijyay ga

buhat maazrat aisa danista nahin hua aaj kal meri zehni haalat buhat achi nahin ghalti say aap ka naam nazar andaz ho gaya aik baar phir maazrat aur duaon kay liyay buhat shukriya.
Anis

Allah aap kay walid ki maghfirat karay aur aap ko sabr ki taufiq day buhat si duaain.
Anis

yad-dehanii ka her Giz yeh maQsad nahi thaa

khy ap maZraat karaiN

meray sathee aaksar meray saath aysaa salook kertay haiN

na janay kis ro maiN ap say bhi Shikayat ker Gahiii

yeh bhi nahi sooCha maiN nay khy ap itnay baRay sadmooN say Guzray haiN

mujhay maf ker dejyeh Gaa

bohut sare duahaiN ap ky liyeh

Inna Lillah-e-Wa Inna Elyh-e-Rajioon
Anis Bhai,

Sab sey pehely to Allah sey dua hai kay Allah unhey Janat ul Firdos mey jaga atta farmaey aur un kay darjat buland farmaey..Unkay tamam tar aya'n, poshida, saghira aur kabira gunahoo'n ko maaf farmaey (Aameen) aur aap samet tamam tar lawhiqeen ko sabr e jameel atta karey (Aameen).

Aap ko jo gham miley un ki talafi kisi tor mumkin nahi,,Bas har kaam mey Allah ki raza hoti hai aur insan to duniya mey chand hi din ka mehman hai,, sab ka hi aik waqt muqarar hai aur lot kar sab hi ko jana hai.. Duniya mey jab hamarey Piyarey NABI MUHAMMED SAW jesi hasti nahi rahi to phir koi aur insan kia..
Yeh duniya to chand lamhoo'n ki hai aur duniya sey janey wala apney peechey apney naik aamal aur achey lawaheqeen chor jata hai..hum sab ka farz banta hai kay unkay liey duaein kartey rahein aur humara bhi aik din aana hai..

Aap ka gham aap k aik aik shair sey aya'n hota hai.. Sirf itna kahoo'n ga kay sabar karein aur janey waloo'n kay liey duaein kia karein..
Allah aap sab ko sabr e jameel ata karein
Umair

inna lillah-e-wa- inna ilaihi rajioon

DEAR BRO AP KI DASTAN SUN KAR BOHAT HI DUKH HUA ALLAH SAY YAHI
DUA HAI KAY UN KI MAGHFIRAT FARMAI OR UNKI QABROON KO JANAT KA
BAGHOON MEIN SAY EK BAGH BANAYE (AMEEN)


ALLAH AP KO SABRAY JAMEEL ATA FARMAI (AMEEN)

Umair aur Shafqat aap ki buhat sari duaon aur diljoee ka buhat shukriya aainda bhi duaon mein yaad rakhiyayga.
Anis