Sab se pehley to Thanks to
“FG” jinhon ne yeh intresting silsila start kiya… “Main kiya hoon” ke silsiley main ab tak ap ne kaafi Mods ke barey main jana….. Now here I am… Dekhtey hain main apne barey main kitna aur kaise explain kar pati hoon…. Kyunke apne ap ko explain karna buhat mushkil kaam hai 
… Faisla to ap sab ne karna hai 
So lets start.Personal Information:
Name and Family:
Mere nick “Seemaf” se aksar log mera real name samajh jatey hain.... Bas chand aik baar aisa hua ke mujhye batana para ke "Bhaii i m not male"
... Real Name "Seema Aftab" ... Aftab husband name hai .... So dono ke mixture se SEEMAF bana liya aur koi nick samajh nahi aya apne liye Net per to 
.... 4 sister main Sab se bari hoon main ........ Sab se bari hone ki waja se Sab ka khoob piyar sameta per kabhi najaiz faida nahi uthaya 
… Yeh aur baat hai ke bari behnon wala roub bilkul nahi mera….Kaam ka kahoon to "Kuch Nahi" ziada behtar lafz hai kyunke amooman Housewives ke liye yehi kaha jata hai "Kuch nahi karteen" 
)…… Star Aquarius hai aur kaafi khusoosiyat mujh main paayi jati hain Aquariuns ki…. Education:
Education Graduation tak haasil ki ... Done Simple B.A .... Agey aik Friend ke saath B.Ed ka program banaya tha jo shadi ho janey ki waja se takmeel na ho saka
.... Sari friends ne Masha'Allah Masters karliya ham reh gaye…. Kyunke shadi ke baad na fursat rahi na shoq. … Bas life se kuch na kuch seekhney ki koshish karti rehti hoon. Intrests:
Koi extra ordinary interests nahi paaley hue main ne…Sab se ziada time jis hobby.. balkey us ko hobby kehna shayad munasib nahi... woh to meri Adat main shamil ho gayi hai (Jis ka mere net fellows ko bakhoobi andaza hoga
)....Woh hai Internet ..... Apna ziada tar waqt Internet per hi guzarti hoon 
... Aur internet per beshtar waqt Hc per guzarta hai....Taqreeban 7 yrs ka saath hai mera aur Net ka so “Ab to adat si hai Mujh ko….” 
…..Achhey logon se baat karkey mujhye hamesha achha lagta hai ... Music sunti hoon Jo kanon ko sunney main achha lagey 
…. Pasandeeda music type jo khas tor per mood main sunti hoon who hai “Soft and Melodius songs” .. Warna sab chalta hai siwaye us music ke jis ko sun kar sukoon “tah-o-bala” ho jaye 
... Poetry parhney aur dairy main save karney ka bhi shoq hai ...Kaafi Collection hai mere pass jis ko aik Website ki surat main ikhatta karney ka irada hai 
….. Aur Hc per aney ke baad main kaafi arsa SOS ki regular poster bhi rahi hoon…..Aur abhi last year se zara poetry ke maidan main 2/4 koshishon ki bhi jasarat ki hai .. Jin ko kam az kam mere Friends ne to pasand kiya ( Majboor hain uff Allah.. ).... Thora buhat Photoshop per bhi kaam karleti hoon like poetry waghaira design karlena.... Web Designing ka bhi shoq hai per ab tak proper seekh nahi saki...…. Aur shopping ka bhi buhat shoq hai Har female ki tarah .. Bas bahana milna chaiyye ke market ka chakkar lagey 
Aur us main meri sis mera saath deti hai ….. Buhat Batooni nahi hoon magar ab meri friends kehti hain ke “Buhat boltey ho tum” …. Mujhay bolne se ziada sunna achha lagta hai… I m a Good listener ….Likes and Dislikes:
Meri Pasand na pasand buhat simple si hain ....Koi Extra ordinary nahi... Khaney peeney ke mamley main koi nakhrey nahi hotey mere
.... Rice dishes sab se ziada pasand hain… Aur Kaafi achha paka bhi leti hoon Jis ka suboot yeh hai ke Itney arsey se mere susraal waley mere pakey hue khaney kha rahey hain aur JEE rahey hain …. Sports main shadi se pehley tak Cricket main buhat dilchaspi, balkey Craze keh saktey hain kyunke Toss se le kar award ceremony tak koi bhi moment miss nahi hota tha …. Per ab shoq nahi raha ... Cricket khelney main hamesha anari rahi hoon cousins waghaira ke saath khelne main hamesha 1st ball per hi out 
..Woh bhi LBW .. hamesha kehti thi yeh koi achha rule nahi … main dobara kheloon gi… so aik do baariyan mil jati theen 
…. ......... Dress ke mamley main meri choice simple with style hoti hai..... Buhat ziada fashion mujhye pasand nahi ....Bas itna jo ke within limits ho aur us main easy rahoon… Doosron ko khush dekh kar khushi hoti hai.... Koshish hoti hai ke samney waley ki khushi ke liye jo mere bas main ho woh karoon ... Aur Agar meri zaat se kisi ko faida na mil sakey to kam az kam Nuqsaan bhi na ho .... Larayi jhagron se doooor dooooor hi rehti hoon……. Apni aik baat mujhey khud achhi lagti hai ke main hamesha positive sochti hoon…. Kisi ke khilaf bad gumani apne dil main nahi rakhti aur apni narazgi to tool nahi deti…. Mere nazdeek Zindagi sirf “Aaj” hai 
… jo guzar gaya who guzar gaya..aur jo ana hai us ke barey main pehley se fikarmand hone se kiya faida? … Aur aik shair jo aksar quote karti hoon:Jo mera naseeb tha mil gaya, jo china hai mujh se mera na tha
Tera dil yeh RAMZ samajh gay, to koi kami na rulaye gi
Friends
Friendly nature hone ki waja se buhat easily har age group ke saath match ho jati hoon..
Kisi ne naata ya to ham jora nahi kartey
Mila lain haath to phir umr bhar chora nahi kartey
Jis se dosti karti hoon us ko aakhri dam tak nibhaney ki koshish karti hoon…. Apni school friends se ab tak in contact rehti hoon… balkey meri Best Friend meri School friend hi hai jis se main apni har baat share karleti hoon bila jhijak
… Family main bhi meri sab se dosti hai … Apni sisters se, cousins se …. Kaafi popular hoon family main ….. Internet per aney ke baad se doston ki tadad main khatir khwah izafa hua hai …. Sab Friends ko main equally respect deti hoon … Per chand aise hain jo dil ke buhat qareeb hain 
.Job Responsibilities on Hc:
Jaisa ke ap ko pata hai ke Hc per mera rank Global Moderator ka hai aur 5 Section ko manage karti hoon with my Co-Mods. Jin main New Members Section, Female Gossip, Baat cheet, Afsaaney, Kahaniyan aur mazameen aur Editorial Section. Sab Mods ki tarah meri job bhi apne sections ki betterment ke liye koshish karna… Members ke saath friendly enviroment create karna… Members ki posts main un ki encouragment ke liye participate karna.. aur over all section ke enviroment ko apne Co-Mods ke taawun se control rakhna…. Apne Co-Mods ke saath Members ko facilitate karney main Co-Operate karna …. Aur Hc ke baaqi sections ko monitor karna bhi meri job main shamil hai.
Any Major Success:
I think Moderator aur phir Global Moderator ke rank tak ana bhi aik success hi hai.. It shows the confidence of Administration on Me ( Ya phir unhon ne socha hoga ke yeh to jaan hi nahi chor rahi HC ki is per kuch kaam dalo
)… and I Always try ke us confidence ko theek saabit karoon….. aur 2nd success My presence here till now. .. Kyunke Hc se behtar forum main ne aj tak nahi dekha … Yahan aa kar lagta hai jaise apne ghar main hi hain aur yahan se janey ka to sawal hi paida nahi hota.
I think kaafi kuch bata diya hai main ne apne barey main (Mujhye khud hairat ho rahi hai ke yeh sab main ne likha
) …. Self-analysis itna asan nahi. Aur phir jab likhney wala meri tarah anari ho to … Jinhon ne poora parha un ke liye…
In the end Aik nazam ap sab ke liye: (kiya karoon adat se majboor hoon
).. Mujhey Saahi Ludhianvi yeh nazam buhat pasand hai. Hope u also like it ."Main to kuch bhi nahi"
Ap kiya janey mujh ko samajhtey hain
Main to kuch bhi nahi
Is qadar piyar, itni bheer main rakhoon ga kahan
Is qadar piyar rakhney ke qabil nahi mera dil, meri jaan
Mujh ko itni mohabbat na do dosto!!
Piyar aik shakhs ka bhi agar mil sakey
To bari cheez hai zindagi ke liye
Aadmi ko magar yeh bhi milta nahi, yeh bhi milta nahin
Mujh ko itni mohabbat mili ap se
Yeh mera haq nahi meri taqdeer hai
Main zamaney ki nazron main kuch bhi na tha
Meri ankhon main ab tak woh tasweer hai
Is mohabbat ke badley main kiya nzar karoon
Main to kuch bhi nahi
Izzatain, shohratain, chahatain, ulfatain
Koi bhi cheez duniya main rehti nahi
Aj main hoon jahan kal koi aur tha
Yeh bhi ik dour hai, woh bhi ik dour tha
Aj itni mohabbat na do dosto
Ke mere kal ke liye
Kal jo gumnaam hai, kal jo sunsaan hai
Kal jo anjan hai, kal jo veeran hai
Main to kuch bhi nahi
Main to kuch bhi nahi
Khush rahian
(iss main meri eyesight ka bhi qasoor hosakta hai 
