wesay ye jo topic hai MAIN KIA HOON is ka jawab mujh se ziada achi tarha meray friend's circle ko pata hai.....everyone says YAR TUM KIA HO HAMAIN SAMAJH NAHI AAYA AAJ TAK
behar haal.........
Name & Other Info
Amber naam hai mera .... ghar main sab ANNY AAPI
kehtay hain(grandparents se lay kechotay chotay cousins aur ab to mohallay ke bachay bhi ANNY AAPI hi kehtay hain)
2 sisters hain meri & 3 brother(all are studying)
main khud Masters kar rahi hoon....final year
private tutions deti hoon (focusing maths & english specially)
is ke ilawa cooking karna meray routine work main shamil hai....AlhamdoLillah kafi kuch bana laiti hoon
gardening ka bara shoNq hai
..... dil karta hai ke bus plants hi plants hoN ghar main .... magar hamain bhi to ghar main hi rehna hai is liye jis qadar plants jama kar sakti thi wo kar liye hain aur un ko bachoN ki tarha paala hai ...... gardening ka shoq rakhnay walay tamaam logoN k saath shayad aisa hi ho jesa meray sath hai ke jab bhi main apnay plants ko pani deti hoon n un ke dead leaves alag karti hoon on the whole un ka khayal rakhti hoon....it feels really good inside
khawateen ke liye kaha jata hai bolti bohat hain......mujhay ye sunna parta hai
"tum bolti kiyuN nahi ho??? baat kiya karo muuN main jaley lag jaeiN ge"
Friends
dost bohat ziada nahi hain magar AlhamdoLillah bohat sincere hain sab
best friend sahiba shadi kar ke lahore sadhaar gai hain
lihaza ab zindagimain bohat changing aa gai hai ...... thori si maturity bhi aa gai hai
main khud to nahi samajhti ke main achi dost hoon magar meri best friend ke nazdeek aisa hi hai
shayad us ki waja ye ho ke main achi listener hoon aur her dost ye hi chahta hai ke us ki baat suni jaye poori tawajju ke sath
Hobbies
Hobbies kuch is tarha hain ke reading ka BOHAT to nahi magar bohat shoq
hai
Islamic literature pe kafi zor hai pichlay 1 saal se .......Quran fehmi se mutaliq classes AlhamdoLillah week main 2-3 martaba lay laiti hoon to kisi had tak dimagh dunyawi fake cheezoN se hat ke sahi raastay ki taraf aa raha hai Allah Ta'aala mazeed madad Farmaye 
sha'iri jab bhi milay jahan bhi milay bus parhni hai
....humor bhi bohat pasand hai 
Mushtaq Ahmed Yousufi ki kia hi baat hai shayad kuch logoN ko maloom ho ke thora bohat qalam chalanay ki koshish bhi karti hoon
jis main bohat saray logoN ki baRi kawish shamil hai werna main jo toota
phoota likh paati hoon wo bhi shayad kabhi na likh paati
lekin baRi problem meray likhnay main ye hai (aur baRi ajeeb aur na samajh
main aanay wali problem hai.....is liye please hasnay ki zaroorat nahi hai
)wo problem ye hai ke mujhay aamad sirf SARDIYON main hoti hai
.....garmiyoNmain kitni bhi koshish kar loon main kuch bhi nahi likh pati
aur sardyoNmain aksar ye hota hai ke raat ko neend se aankh khulti hai aur ussi waqt
aik line dimagh main aa jati hai aur aksar wo line poori nazam jab tak na banay
dobara aankh nahi lagti
likha to bohat kam hai (kiyoN ke abhi seekhnay ke daur main hi hoon aur
lagta hai seekhnay se aagay jana mushkil hi hai)
Likes & Dislikes
likes & dislikes mood pe depend karti hain.....jewellry jama karnay ka
(SIRFjama hi karnay ka
) bohat shoq hai (pehanna yaad nahi rehta....haye ri bhoolnay ki aadat )naya khabt dress design karnay ka hua hai to us pe bhi kharcha ho raha hai
naye naye tajrubat kar rahi hoon aur ittifaq se kuch guzaray la'iq cheez ban
hi jati hai
khanay main pizza top of the list then biryani n kaRahi
...meetha ghalti sekabhi saal do saal main taste kar laiti hoon werna bus meethay se itna ta'alluq
hota hai ke bana diya aur phir nahi maloom tuu kon main kon
flowers
bachay
barish
samandar
full moon
chocolates
meri favorite cheezaiN hain
Buri AadataiN
bad habbits ye hain ke naraz ho gai to phir kisi main dam nahi ke mujhay
mana lay
.......ghussa aa jaye to nuqsan apnay aap ko hi pohNchati hoon doosray ka kuch nahi bigarta apna hi khoon jalati hoon.....aur agar koi mujh se naraz ho jaye to mujhay manana bilkul bhi nahi aata chahay kitna bhi time guzar jaye magar mananay ki himmat hi nahi hoti
doosri buri aadat bhool janay ki hai
......haal ye hai ke agar koi zaroori document bhi sambhal ke rakhna hota hai to document rakhtay waqt ghar main sab ko cheekh
cheekh ke batati hoon ke ye paper yahan rakh rahi hoon main....jab in future
main kisi ko ye paper dhooNdti hui nazar aaooN to please mujhay bata dena ye
yahan rakha hai(aur hamesha ye hi hota hai ke doosray hi batatay hain ARAY WO PAPER
TO TUM NE WAHAN RAKHA THA JAO WAHEEN DEKHO MIL JAYE GA)
JOB RESPONSIBILITIES ON HC
hc pe SOS section ki mod hoon.......baRi aasani ye hai ke SOS section
main poetry ke ilawa kuch aur post nahi ho sakta lihaza doosray mods ke
muqablay main SOS ke mods ko ziada pareshani ka samna nahi karna parta
...bus thori si nazar rakhnay se hi section ka kaam chalta rehta hai
meray muqablay main meri co-mod bohat ziada kaam karti hain sos ke sub-sections
ke liye specially & I am thankfull to her for her hard work
MAJOR SUCCESS ON HC
HC pe aa ke main ne qalam pakarna aur phir qalam chalana seekha hai is
se baRi success meray nazdeek koi nahi ho sakti....phir SOS section ki modship
mili aur musalsal 5 saal se issi board pe hoon ye hi kamiyabi hai
Remaining Part Of Above Essay
meray pas kiyuN ke EDIT option nahi aa raha is liye mujhay alag se ye hissa post karna paR raha hai
kuch cheezaiN reh gai theeN jo abhi abhi yaad aaeeN to socha mazeed replies aanay se pehlay wo bhi post kar doon
main ne aap sab ko apni family ka to bata diya magar meri family ka aik bohat ahem hissa (aur meri zindagi ka mujh se bhi ziada ahem hissa) main miss kar gai
wesay to jab main aap logoN ko apnay is khaas bohat khaas se rishtay se milwaooN gi to aap log hairan kam aur pareshan ziada honge
magar jab aap log us ki picture dekhaiN ge to hairani pareshani ko chor ke meray DECISION pe FIDA ho jaeiN ge pehlay aap picture dekhaiN phir batati hoon ye sahab kon hain
ab bataooN who is he ???
(wesay to he lives in my neighbour lekin for me...) he is my SON IN LAW (pakka pakka irada ye hi hai mera suchi suchi bata rahi hoon ) ab phuleeez koi mujhay be sharam na kahey main ne in ki mother se bhi baat kar li hai 
wo bhi razi hain khair se jab engagement hogi na to fir aap sab ko mithaii khilaooN gi chalo jee ye aik bohat ahem hissa to complete hua
ab baari hai FRIENDS section main kuch bohat ahem logoN ko thanks kehnay ki jo mujhay HC pe milay aur un se itni achi dosti ho gai ke ab guman bhi nahi hota ke net world se hi dosti hui thi
no doubt they are the people who deserve to be respected (& the people m talking about .....better know while reading these lines that they are actually meant in these lines)issi HC pe kuch log DOST ke roop main hi milay magar they were the worst people i have ever met ........ aur main dua karti hoon ke un jesay logoN se kabhi dobara na milooN zindagi main
acha jee ab reading ke hawaley se kuch bataiN reh gai thi wo kar loon
books main ne bohat kam paRhi hain magar abhi achanak aik bohat hi khoobsurat book dimagh main aa gai aur socha aap logoN se share karti chalooN.......jesa ke main likh chuki hoon ke Islam ke hawaley se parhna paRhana thora ziada hai .....Seerat, Hadees, Tafheem etc ki reading rehti hai meri
Quran e Pak ke baad meri ab tak ki zindagi main jo sab se khoobsurat book main ne parhi hai wo thi NANNHAY HUZOOR(Sallallahu Alaihi Wassallam) ........ n the third one is about Seerat e Rasool & the name is RAHEEQUL MUKHTOOM
aap logoN se main request karoon gi ke jo log parhnay ke shoqeen hain wo kam se kam NANNHAY HUZOOR ko parhnay ki koshish zaroor karaiN.......i bet aap log bhi is book ke husn main kho jaeiN ge (InshaAllah)
now lastly apni 2 poems yahan share kar rahi hoon......un logoN ke liye jinhoN ne pehlay kabhi meri poetry nahi paRhi aur khud apnay liye bhi becuz i love these poems of mine
first one is veryyyyyyyyy old & 2nd is one of the most recents
ab me chup
mera bolnay ka kaam khatam hua 
mujhay inniii dair tak bardasht karnay ke liye NO THANKS
bus duaoN main yaad rakhiye ga
Regards
Amber~
.....aur agar koi mujh se naraz ho jaye to mujhay manana bilkul bhi nahi aata chahay kitna bhi time guzar jaye magar mananay ki himmat hi nahi hoti 
specially adaat, woh bhi buri wali.. khud hi bata deen acha kiya.... 
...we enjoyed ur essay alot, is liyay maqsad poora ho gaya, 
pata nahi kiyuN mujh se EDIT option hi cheen liya zalimoN ne 
main ne to kub bi naii kiya suchi 
hai na??
is iye bohat sari problems se bach jati hoon