Ibtada haiy Rab-e-Jaleel k babarkat naam saiy jo diloo’n k haal behtar jaanta haiy …. Shukar guzar hoo’n uss rab ka jissnaiy mujahiy iss qabil banaaya k aaj mai aapkaiiy beech hooo’n …

Muhtarma Khizra-e-Khalida ko iss giraa’n qadar kawish k liyeh khiraj-e-tehseen paish karta hoo’n, Aur Hulchul aur Arakeen-e-hulchul ki mohabatoo’n k liyeh kuch kehna Sooraj ko diya dikhaanaiy k barabar haiy … aur iss jisaarat ki sakat nahi mujh mai

Wo Poochtaiy hai’n Afsaana-e-Zindagi kiya howa
Kiya Bataaaoo’n Haal-e-Sukhn-e-khusgawar.... Yaa Cheer k Dikhaaoo’n Dil-e-Daaghdaar

Aaj khushi saiy zeyaada … takleef mehsoos kar raha hoo’n … k khud ko bayaan karna buhat mushkil haiy … Maira daawa haiy k kissi ko jaanana aisaiy hi mushkil haiy jaisaiy k samandar k kinaaraiy kharaiy ho kar usski gehraai maapna … laikin aaj itni koshish zaroor karoonga k aap aik behtar andaaza laga sakai’n

27 October 1980 tareekh-e-Paidaiesh … Mustaqil Sakooniat Lahore, Filhaal Sakin-e-Dubai, Maadri Zuban Punjabi … Zaat JATT Aur Maira Naam Asif Chaudhry Naam k Maai’ni hai’n Buhat saari Siftoo’n Waala … Angreezi mai mairay naam ka Mukhafaf haiy CHAMP

Abb tak Taleem Yaafta Kihlaanaiy k Kabil hoo’n ya nahi … yeh to nahi jaanta Magar Jo Assnaad Hasil ki hai’n Unmaiy Metric, I. Com B.com MBA (Lahore) Shamil hai’n … Inshaala’h Maalik-e-do jahan nai chaha to jald CMA (Certified Management Accountant – USA) bhi Shaiml ho jaayeh ga and so on

Dooraan-e-Taleem, Member of Administrative Society, Debating Club, Boy Scout, Rowing Club, Hockey, Badminton, Table tennis, Cricket, Swimming, Basket Ball, reh chukka hoo’n… Isskaiy Elawa Boxing aur body building…. Aik Acha Talib-e-ilm gardaaana jaata raha hoo’n … Kuch Taleemi aizaazat bhi shamil-e-haal hai’n
Lahore saiy hoo’n to zinda Dil hona Shart Theherti haiy … Kissi bhi mehfil k do hissaiy hotaiy hai’n … Jab Hum Mehfil mai hai’n … aur Jab hum nahi hai’n

Pasandeedgi k baaraiy mai kiya kahoo’n … fikr-e-roozgaar nai saari mastiyaa’n bhula daali hai’n … Jab Ham daisi thaiy tab passand khaasi maaeenaiy rakhti thi … Khaanaiy mai biryaani … Haleem Nehaari Aur goosht k banaiy mukhtalif Pakwan … Sabziyoo’n mai Saag K ilaawa kuch khaana aisaiy lagta tha jaisaiy k ghar waaloo’n par ehsaan kar rahaiy hoo’n… jo k shaz-o-nazar hi ho saka tha … iss liyeh ghar waalaiy khaas khayal rakhtaiy thaiy k Sabzi waghaira k saath khass hamaraiy liyeh kuch aur bhi ehtamam rakhtaiy thaiy… warna hum bahir kissi resturent par dawat uraataiy nazar aataiy thaiy … Mashroobaat mai Doodh ki bani hoi cheezain aur taazaa phaloon ka rass… Kapraiy kabhi istari karnaiy ki nobat nahi aayee… khush khoraak aur khush libaas rehna passand tha … Aur marzi k khilaaf kuch ho jaana matlab … aa bail mujhaiy maar …

Phir ham pardaisi ho gayeh …. Dhobi ka intazam to ho gaya … laikin khaana  Mujhaiy aaj bhi yaad haiy … Awaail mai aik resturent saiy qoorma khareeda aur jaisaiy hi niwaala mou’n mai gaya … aankhoo’n saiy aansoo nikal aayeh … phir hum naiy khana nahi khaya bass pait bhara… Aur Ghar ki azmat ko jaana … Maa’n k haath k pakaiy khaanaiy you’n tarpanaiy lagaiy jaisaiy … Bin Jal k paani … Ehsaas-e-nadaamat naiy itni ijaazat bhi naa di k apna dhukra beyaan kar saktaiy … Abb yeh haal haiy k favorite dish ka matlab ghar k paka howa khaana …. Chahaiy baingan Kareailaiy bhindiyaa’n hi kiyoon naa hoo’n
jeans T Shirt ya Kulf lagaiy shalwar qameez (Dubai aanaiy k baad shalwar qameez pehananiy ka kamm hi itafaq hota haiy) … office mai suiting … Saada aur ghair banaawti cheezai’n mann ko buhat bhaati hai’n … Seyahat ka shouq haiy … Pakistan k elaawa Mashriq-o-maghrib k kuch mumalik daikh chukka hoo’n

Wasi Khaandan ka hissa hoo’n laikin Maa’n saiy Mehroom hoo’n … ALLAH Sabki Maaoo’n ko Lambi zindagi daiy k wo unki Balaayai’n utha sakaiy’n …. Iss Qainat mai agar aaj bhi sab saiy zeyaada mai mohabat karta hoon to wo mairi Maa’n haiy … laikin Badqismati ka yeh aalam haiy k baas khaaboo’n mai hi mulaqat mumkin ho paati haiy … Beqadraiy to hum pehlaiy bhi nahi thaiy … laikin Maa’n kiya hoti haiy uska ehsaas abb shidat ikhteyaar kar chukka haiy

Halqa-e-ehbaab khaasa wasi haiy … laikin doost buhat kamm hai’n … aur dunya mai bikhraiy howaiy hai’n …

Dubai aanaiy k baad profession hi hobby reh gaya haiy … any thing about Karoobar … phir bhi kabhi kabhi ehbaab k saath … movies snooker swimming bowling fishing long drive exploring far areas aur kabhi kabhi shooting club

Yahan aanaiy saiy pehlaiy currency collection ka shouq tha … aur acha khaasa khazaana jama kiya tha … jo k abb bhi ghar k kissi koonaiy mai izaafaiy ka intazar karta rehta haiy … I love guns … I have used an extensive range of guns … breaking in parts reassembling after cleaning … biking, racing … reading … specially history … I love challenges and I hate defeats yet I accept facts and try hard in case of failure … Naakaamiyoo’n saiy Insaan Jeetna seekhta haiy … and My Father Advised me to work like Labour and live like LORD ... which i try to do

I was a big flirt as well Bass ALLAH Maaf karaiy …Tab Shayad Andaaza nahi tha k Flirt kiya hota haiy … Bass hum to aisaiy hi Hansi Mazak … Shughal mailaiy Kartaiy rahaiy .. Jahalat ki Intaha thi jissaiy hum Smartness samajhtaiy rahaiy … I believe kissi ka dil dukhaanaiy saiy bari koi baat nahi hoti … Mai nahi jaanta k mai naiy kitnaiy dil tooraiy hai’n … Laikin chahta hoo’n k agar mumkin ho sakaiy to sab saiy haath joor k kaan pakar k maafi maang sakoo’n … k shayad kuch Ehsaas-e-nadaamat kamm ho

Yahaan Iqbaal ka aik shair yaad aa raha haiy

Iqbal bara updaishaq haiy Mann Baatoo’n saiy moh laita haiy
Guftaar ka ghazi yeh to bana … kirdaar ka ghazi bann na saka



‘A Man Can Be Destroyed But Not Defeated’ Following this phrase I continue to perform my role on the stage of life

Dairy aur shayari mudat saiy likhna choor di haiy

Responsibilities on HC

Aik Acha Rukan ban’na … Baroo’n ki Izat aur chootoo’n ka khayal rakhna … aur aik acha mahool qaiyem rakhnaiy ki koshish karna …

isskaiy elawa … Male Gossip Moderator …. Mardaana Guft-o-Shaneed k gooshaiy ka khidmat guzar … Baaqi kiya faraiz hotaiy hai’n wo to aap sab jaantaiy hi hai’n

HC par sab saiy bari kaamyaabi yehi haiy … abb tak iss Khaandaan ka hissa hoon … Koi Warning nahi milli … Aur koi takhreebi kaarwai kar guzar nahi rahi

Future Plans … Aik Acha Insaan Banana chahta hoo’n … a successful professional … want to serve on country and international level … Aur ‘Khalida Foundation’ Aik Free Trust banana chahta hoo’n … Mujhaiy apni Mitti saiy buhat peyaar haiy …. Ho saka to Pakistani honaiy ka Haq Ada karna chahoo’nga

Bass ALLAH saiy dua haiy k ... Agar kabhi Sar jhukaiy to wo Dar ALLAH ka ho ... Haath phailaiy to khuda k saamnaiy .... Siskiyaa'n bharoo'n to bargah-e-Elaahi mai

Mairi Arzo haiy ... Mohamad ki Zindagi … Abu Bakar ki Feham … Ali ki Taqat … Usman ki Ameeri aur Umar ki Shujaa’t … Qasim ki Ghairat … Khalid ki Zahanat … Awais ki Mohabat aur Hussain ki Mouat

ALLAH HUM SAB KA HAMI-o-NASIR

Aapka KamlaJatt

Mohtaram Janab KamlaJAtt Sahab,

Aap say mil kar bohot khushi huee & I'm pleased to have you as a member of HC family

Itni mushkil urdu likhi k bus....aadhein baatein sar k ooper say guzar gayein...
khair abb dictionary paas hee thi issi liye fatafat khool k aap k likhay huway motabar alfaz zahen naseen kar liye...



Mr.Champ aap k khail k shauq achchay hain magar zimmaidariyon nay ghairay mein lay liya aapko bhi....hota hai

Mein dua goh hoon k jald hee app CMA complete kar lein. Insha'Allah dubai mein aapko mazeed kaamyaabi hasil karnay ka mauqa milay ga...
Mein nay bhi CMA ki tayyari karni hai to aapki madad ki zaroorat paray gi USTAAD G

Ghar say door reh kar ghar ki yaad sataye aur appnay yaad aayein...mein iss ehsaas say achchi tarah waqif hoon...par kehtay hain na jahan dana paani likha hai wahan har soorat jana parta hai....

Janab ko Guns ka shuaq hai....WOW aapk kuch kuch shauq mujh say miltay hain lihaza aap say bohoto kuch seekhnay ko milay ga...

Aap k Walid-e-Mohtaram ki nasihat mein khoob yaad rakhoon gi...

Bohot hee naik khayalaat hain aap k.Dua karti hoon K Allah aap ko appnay har maqsad mein kamyaab karay (Ameen)

Aap say mil kar bohot khushi huee....Aap jaisay laug HC par rahein to yeh humari khush qismati hai....

Chaa ga'ay g aap...

Aakhir mein aap k liye paish-e-khidmat hai >>>


Khuda Kare k
Teri Zeest Ka Har Pal
Har Lamha
Gulaab Hojaaye
Shaadaab Hojaaye
Teri Rooh Ki Tashnagi
Seraab Hojaaye
Teri Zaat Ka Mehwar
Koi Mahtaab Hojaaye
Jin Par Barasti Hain
Khuda Ki Khaas Rehmatain
Un Chend Hastiyoon Main
Tera IntiKhaab Hojaaye..




Fe Amaan Allah!

Sab se Pehle Thank u soooooooooo Much Asif jee ke aap Yahan aaye


Aap jese Loog mein ne apni Life mein bahot kam dekhe hain ( Shayad life hi Kam dekhi hay abhi ) Dukhon ko apne ander Chupa kar rakhne wale aur Haste Muskurate rehne walee...

kaash mein aap se kuch seekh paon ..

Aap Ki Mama Ke bare mein sun kar Bahot dukh Huwa Allah jee un ko Karwat Karwat Janat naseeb karen aamin suma aamin


Aap ke shouq to Allah reee Sab se khatarnaak Shaque Flirt karna


Aap ke Future ke baare mein Hum sab ki Duaen aur Allah paak aap ko Life mein itni Dhair sari Khushyan dein ke aap ko Apni life mein koi bhi kami mehsos na ho Aamin


Again Thank you Janab Champ jeee ...wish u b a real Champ in all fields of life

nice to knw abt u

Assalam O Alikum,

Muhtaram, buhta acha likha .... aap main likhney ki sifat bakhoobi hey....aur yeh kehtey huey mujhey koi Aaar nahi k aap ka likha itna suthra tha k dilchaspi aakhir tak qaim rahi..... buhat khoob aap ney apney aap ko biyaan kiya.... aur waqai aap k naam ka asar aaap per hey.... aap Dubai main hutey hein... parh kar khusi hui.... kabhi zindagi rahi tu mulaaqat hu gi... aur wo jo aap ney baat ki i think har pardesi ki baat hey ....Ghar k baney khano ka ahwaal... main bhi ghar mein khaney main barey nakhrey karta tha.... jab first time ghar wapas gaya.... ammi seedha kitchen main gaya tha fidge main matter gosht aur daal rakhi thi.... foran nikal kar garam ki sab kehtey rahey tum beetho la deetey hain..per nahi wo Salman kya jo maan jaye.... baas isi liye flight main bhi dinner nahi kiya tha k aaj ghar ka khana miley ga..... yahan tu hoteling hi karni parti hey.....:(

Aur bari baat aap ki yeh lagi k aap ney jo shoq pehley pala hua tha ... wo sab k samney biyaan kiya aur usper nidamat ka izhaar kiya.... buhat kam log hutye hein jo k apni ghalti tasleem karein... aur usper nadim hoon....... aur i think yeh jo nojawani huti hey ...isko wesey hi dewani nahi kaha jata... khair Allah Pak ney sab se bara in'aam hamko wo nawaza hey jo hey Sachi Tuba..... meri naik dua'en aap k saath hain....Allah pak aap ki Walida Majida ko Jannat Ul Firdoos main jagha Ata farmayein......

Haan aik baat .... Aap ney Wasi khanndan ka hissa likha .... tu yeh Waseh (huge) wala hey ya Wasi cast wala.....

Wassalam

Wasi...

Very Nice

Its for u

Khol yun muthhi ke ik jugnoo na nikley haath se
Aankh ko aise jhapak lamha koi ojhal na ho
Pehli seerhi per qadam rakh Aakhri seerhi pe aankh
Manzilon ki justujoo main raigan koi pal na ho

Best of Luck

nice meeting u kamla jatt jee

waisay to mujhay URDU achi khasi samjh aa jati hai .. mager itni KHALIS urdu parhnay mai time bohat lgta hai ..

any way nice to know you

ME KO PATA HAI ME KO PATA HAI KAMLAJAtt kon hain

Jo kahoon gi sach kahoon gi sach k sivaa kuch nahien kahoon gi..


itne hijje maare lekin majal hai k dosre wrd se agey kuch hoa ho ..

koi Allah ka banda yeh sab translate kar de ...

sirf Apka KamlaJatt ki samajh aii hai

Aapki zaraa nawazi haiy Warna hum kahan kissi qabil hai'n

Urdu shansayee mai Koft k liyeh Maazrat

Bass Ji Dastoor-e-Zindagi haiy Tifl-e-Goud ko Marhil teh kar k Goor tak puhanchana hota haiy

Abhi to khud hi tifl-e-maktab hoo'n aur aap Moalam ka darja dai rahi hai'n
Khair ... Naa cheez kissi kaam aa sakaiy to Mezooz ba musrat tehraiy ga

Aap to Ehsaas-e-Hijar ko khoob samajhti hai'n

Khoob kahi aapnaiy ... Hum to samjhaiy thaiy Bandooq Mard hi passand kartaiy hai'n

ALLAH aapko Istataat atta farmayeh

Khoobsurat duaao'n k liyeh shukriya ... ALLAH aapki tamam Jaiz Khaahishaat poori karaiy

Urdu k liyeh Maaf kijiyeh ... Mai hamaisha Saqeel urdu nahi boolta ... Asaal mai itni achi zuban haiy k jab boolooo'n to ji chahta haiy ... boolta hi chala jaao'n

Thank you ki koi zaroorat nahi haiy ji ... buhat acha laga ... mujhaiy to boolnaiy k liyeh bahana chahiyeh hota haiy :D

Pata nahi ... laikin mai aisa hi hoo'n ... Waisaiy bhi Khushiyaa'n bantnaiy ka hi time nahi milta baqi sab ka kiya kiya jayeh

Kaash ki kiya baat haiy ... ALLAH nai kuch bhi bemaqsad nahi banaya ... Insaan seekhna chahiyeh to uskaiy liyeh kissi khaas shaks ki zaroorat nahi ... hamaraiy irdgird hi buhat kuch seekhnaiy ko ... agar hum chahai'n

U have given me a best gift by praying for my mother ... please keep doing that ...

Bass abb kiya kahoo'n shouq k baaraiy mai

Thanks for best wishes ... May ALLAH Give u the best in Life and afterward

Nice to hear from u

Passandeedgi ka shukriya

Mai samajh sakta hoo'n .. Jab mai bhi pehli baar wapis gaya tha to ghar waalaiy thoraiy pareshan ho gayeh thaiy ... k shayad deemaghi tawazun par assar para haiy ... Haqeeqatan sahi samjhaiy .... Deemagh Thikaanaiy par jo aa gaya tha

ALLAH Humsabko Apnaiy naik loogoo'n mai shamil karaiy ... aur humai'n istaqamat atta farmayeh ... Beshak Yeh Rab-e-Jaleel ki hi sift haiy k wo aisaiy giraa'n qadar tahaai'f atta karta haiy ... Munsif banaiy to hum to nazar uthaanaiy k qabil bhi naa hoo'n ... Laikin Rab-e-Raheem ki rehmaatoo'n ka koi hissaab nahi

ALLAH aapkaiy Waldai'n par Ehsaan-e-Azeem karaiy ... aur aap saiy khush karaiy ... Aur Unka Saaya aap par qayem rakhaiy

Waseh (Huge) waala hi tha

InshALLAH ... Khailiq-e-Jahan nai chaha to zaroor millai'ngaiy

Asalam-o-Aliakum

Same here BJ ... Be blessed

thanks Seems

Bilashuba yeh Seems hi keh sakti thi'en

buhat acha laga ... ... buhat hi khoob

May ALLAH Bless u

Aapki urdu aur Strengthen ho issi liyeh Difficulty level zeyaada rakha gaya hiy

Thank u very much for ur time and consideration

Thats like a good girl

May ALLAH Bless u

Beautiful

sorry maira khayal tha yahan sab urdu jaantaiy hai'n ... iss liyeh translation nahi ki

Waisaiy bhi Kamli ji kaafi zoor daiti hai'n naa urdu par iss liyeh :D

chalo Jitna samjhaiy utna hi buhat haiy ...

Assalam o Alikum!!!


MOHTRAM JANAB ASIF CHAUDHRY SAHIB!!!

AB TOU MAIN APP KO JAAN BHEE GAYA HUN OR PEHCHAN BHEE GAYA HUN!!!!

dud dirl

me nai to kuch bhe nahe parha aiwain tuqa mara tha ..... kuch samjh he nahe aiya

n e wayz thanks for ur prayers

AOA

bohat acha aur detailed essay likha janab aap nay
parrh kar bohat khushi huwee

start to tariq aziz ki tarah kiya tha
aur ba'd mein apni life kay sab pehlo hum ko dikhatay chalay gayay

asif brother......maan ya baap aisay rishtay hotay hain jin ki zarorat insan ko aakhir umar tak rehti hay......un ka saya hamesha insan kay ander walay bachay ko chahiyay hota hay....meray walid bhi dec 2006 mein iss dunya say rukhsat ho chukay hain ...iss liyay main aap ka dukh samajh sakta hoon....!!
main nay us waqt aik nazam bhi likhi thi ...apnay walid kay hawalay say
meri nazam ka link

bas Allah say dua hay kay aap ko khushyaan milein aur Allah ki rehmat ka saya aap par hamesha rahay (Aamin)

in fact.......very nice to meet you

Acha laga kamla aap ke barey meyn perh ker...
Hamesha khush raheyn

Aap to Inni Samajhdaari ki baten karte ho jee .... Me to samjhi thi ke baqi sab LALKON ki tarha aap bhi


Lolzzzzz well sachi se i liked ur Personality jeee ...u r Good Bachaa

kya hal hai KJ Jee

wesay tu bohut kuch malooM tha ap ky baray maiN......

per ap ki ap-beete phaR ky jan-karee maiN our eizafaa hovaa

ZindaGi bhi kesay kesay ruKh dekhate hai yeh tu wohi jaNta hai jis ki zindaGii nay

ranG-Gay hatooN pakRa ho

wo kya janay jo dour say baiTh ker tufaaN ka nazaraa kertay haiN

Theak kaha na maiN nay.......

yeh hi khe saktee hooN KhuSh rehaiN our jo ChahaiN wo pahaiN

C U Soon....................

Waaliakum Salam

Shukria Kamran Noor Sahib ... ALLAH aapki Jananaiy aur pehchananiy ki salahiyat ko aur nikhaaraiy ... Ameen

Ab parh liya me nai sub kuch bohat acha tha soooooooper !!!

Issi liyeh Dud girl kaha tha ... You'n bhi Musafir ki halatt saiy andaaza lagaya jaata haiy k usnaiy kitna safar teh kiya hiay ....

Dua k liyeh thanks nahi kaha jaata dua di jaati haiy ji

Pasandeedgi ka shukria

Pata nahi par mai naiy Tariq Azeez sahib ko copy nahi kiya ... unka kuch keh nahi sakta

Chalai'n Sahib abb hamari aik qadar to mushtariq hoi

Buhat khoob likha haiy aapnaiy ... ALLAH Aapkaiy Walid ko .. Azmat k Aala muqaam atta farmaayeh ... Aur unhaiy Apnaiy un bandoo'n mai shamil kariay jinsiay wo raazi ho jaata haiy .... aur aapko unkaiy liyeh Baa'es-e-waqar banayeh ... aur apki waja saiy Rahatoo'n mai rakhaiy

Aapki duaao'n ka talabgaar KamlaJatt

sub samjha gaye mujhay jitna bhe likha na apnay sub aik aik lafz samjh main a gaya

kis ko de jate hai app ko de to hai ... agay smiley dekhay nahe

Iqbaal to dair saiy hi aata haiy naa ji ... aur uss saiy naa mazrat ki jaati haiy aur naa wasool ki jaati haiy ... to phir aapki maazrat wapis

Aapki dil azaari k liyeh maazrat khowaa hooo'n ... laikin Shooting club iss liyeh jaata hoo'n taakaiy dil aur naram ho aur iraadaiy aur zeyaada pukhta ... taakaiy maiy Mazloom ki himaayat ki salahiyat nikhaar sakoo'n aur waqt parnaiy par zalim ka moou'n toor jawab dai sakoo'n

ID passand karnaiy ka shukria

Aapkaiy qeemti alfaaz k jawab mai kuch keh to nahi sakta ... par itna zaroor haiy k ALLAH mujhaiy iss waqt aapki zubaani izat daina chah raha haiy ...

ALLAH aapkaiy maratib buland karaiy aur ... aapki naik khaahishaat ko qaboliat k darja atta farmayeh... Ameen

hahahahah

Acha ji ... maan laitaiy hai'n ... manana hi paraiy ga naa

Oh yeh ... my mistake ... May ALLAH Bless u

Hamaisha ki tarha kamla ... aur kamlaiy to hamaisha khush-o-Khuram hi hotaiy hai'n naa ... so i m

Ji bilkul aap to kafi kuch jaanti hai'n

Aapnaiy jo farmaaya ... sad fi sad drust haiy ji

Shukria ... apkaiy liyeh bhi yehi dua

Offcourse ... hoon to larka hi ... baqi sab larko ki tarha ... aur aap theek samjhi thi'n

Aik Samajhdaar hi doosriay samajhdaar ki baatai'n samajh sakta haiy ... shayad issi liyeh aapko mairi baatai'n samajhdaari ki lagg rahi hai'n

Aapka bara pann hahiy ji ... Warna Hum aur like able

you welcome bro

humm........Tariq aziz wali baat par sochna parray ga

aap kay tamam alfaaz ka teh dil say mamnoon hoon........in alfaaz kay liyay thanks to chota lafz hay.....in fact aap kay yeh muhabbat bharay bradarana alfaaz hamesha yaad rahein gay aur duaon kay liyay bhi ehsan mand rahoon ga aur dua karon ga kay Allah Talah aap kay haq mein apni rehmat say behtar say behtar farmayay

khush rahein