اخلاقی برتری اوگھوڑار کاٹھ کا
bbc عامر احمد خان

those who dont see the bad words used by ahmed raza qusoori to munir a malik and public there here is the link geo censerod it. public and munir a malik both abused

http://www.youtube.com/watch?v=6e-4I6cT6dA

Thanx for the post, i will see it then reply on it.

Wese aap ye bata dein k kis jamaat k paas akhlaqi jawaaz hai elections larnay ka?

mai aap kii post ka jawab da hii rahi thi ka mai ne aik khobsoorat column perha jiss mai is sawal ka mukamaal jawab haiin hope u like it

Na ji iss mein to me ko apne sawal ka jawab nhi mila, iss mein sirf ye kaha gaya hy k army general ko hakumat krne ka ikhtyar nhi,

Mene sirf ek saada sa sawaal kia hy k majooda manzar nama ko saamne rkhte huay apki nazar mein wo kon c jamaat hai jisko hakumat karne ka akhlaqi jawaaz hasil hy.

mere khayal sa aap na column sahi sa nahi perha .. challain mai aap ko batati hoon ka kiss koo ikhlaqi toor per hukumat karni chaye, aiin-e-pakistan ka mutabik awam koo woo ikhlaqi haq hasil hai kaa woo hukumat karaiin iss ka ilawa kissi koo nahi.. awam apna numainda joo kissi bhi jamaat (PML,PPPP,JI,MQM,ANP.PTI etc) ka hoosakta haiin assemblies mai bheja gii woo jaisa bhi hoon agar woo acha hua too awam unn koo re-elect kara gii aur agar kharab too awam unn ka reject kara gii.. aur agar awam koo koi pasand nahi aya to awam apni jamaat kudh bana kar assembly mai bhej dii gii..hoosakta hai aap kii jaamat aya in future, so jamhooriat aik process hai jiss koo chalna ka lia time chayee, india koo dekhaiin unn ka siasaadaan hum jaisee hii haiin balka mere nazar mai hamera siasaasdaan unn ka siasaadanoon saa acha hii hoogaain, laken kyunka unn ka yahan iqtadar public ka paas hai so woo taraqi kar raha hain..

laken badqismati sa pichla 60 saloon mai hum per fauj na hukumat kii hai aur fauj aik lamha koo siasaat sa nahi nikli agar jamhoori door bhi aya too fauj kaa amal dhakhal khatam nahi hua.. fauj na mulk toor dia , aaj joo haal hai mulk kaa uss kii zimadaar bhi fauji generals haiin, aab waqt agaya hai ka hum chookidaar koo uss jaga bejh daiin jahan uss ka kaam hai...

Main b basically ek jamhoriyat pasand shakhs hon aur dictatorship muje pasand nhi and i just hate musharraf and his acts,

but being a neutral i will ask some questions to you, if u dont mind. Its not for any arguments for the sake of arguments , na hi me ki baaton se ye samjhiye ga k im supporting anyone, bcoz i hav decided not to cast my vote this time to these bastards.

1- Kya india ya kisi aur mulk mein aisa kabi hua hy k Army Chief ko mulk se bahir bhej kar usko jabri retire kar dia jaye aur uskay jahaaz ko mulk mein aanay se rok kar khud Fauj ko awaz di jaaye k aao mere sohniyo aa kar qabza kro hakumat par. (Koi misaal dein, uss india ki koi misaal de dein jiski tarakki ki wajah apki nazar mein jamhoriyat hy, ya kisi aur mulk ki m isaal dein jahan jamhoriyat walon ne jamhoriyat ka khoon kia ho, sirf ye dekhna k fauj ayi aur ye na dekhna k kyun ayi kya insaf hy?


2- Awaam ne apnay numainday chun kar assemblies mein bhejay aur awam k numaindon aur jamhoriyat k daawaydaaron ne ek wardi walay sadar ko vote dia, aur agar ab phir detay hyn aur sadar wardi b utar deta hy to ye b to kaha ja sakta hy k awaam ki hakumat aur awam ki awaz hy k musharraf ki hakumat rahay.

3- Ek taraf awaam aur jamhooriyat ki baat karna aur dosri taraf ussi awam ki chuni hui jamaat ML (qaaf) aur MQM k khilaaf taasub ki hadh tak chalay jana kesa hy? kya ye awaam nahin jisne apnay votes se unko muntakhib kia, to phir ye jamhoriyat kese na hui?

4- Agar apka kehna hy k jamhoriyat to hy lekin asal faislay ka ikhtyar to ek shakhs musharraf k paas hy to awwal to ye baat thek nahi kyun k awaam k numainday b uskay sath hotay hyn, aur agar maan b liya jaye to hum ne benazir, asif zardari aur nawaz sharif ki DICTATORSHIP b dekhi hy aur wo dictatorship agar jamhoriyat thi to ye dictatorship b jamhoriyat hy.

5- Aap jis jamhoriyat ki baat kerti hyn wo , wo wali ideal jamhoriyat hy jo europe ya america mein hy aur jo hamaray maashray mein aana kam az kam filhaal mumkin nahin. Uss k liye elections ki nahin Education ki zaroorat hy iss qaum ko, tarbiyyat ki zaroorat hy.

6- Agar apka kehna hy k referendum b awam ka fesla nahin tha aur last elections b awam ki rai nahin thi aur elections mein dhaandli hui to iss baat ka kya saboot k next elections thek hon gay??

7- U know kesay kesay log aaye hotay hyn vote denay? Mene apni aankhon se sainkron aisay logon ko dekha hy k jinko ye nahin pata tha k kis shakhs ko vote dena hy bus unko sirf ye bataya gaya tha k falan nishaan par mohar laganai hy,

Unkay vote denay ka mayaar kisi ki akhlaqi bartari nahin balkeh unka jutt, gujjar ya araain hona hota hy, ya iss se barh kar PPP ya ML ya MMA ka hona , chahay wo shakhs khud kitna hi bara daku ho lekin usko vote jaaye ga baradri aur jamaati base par.

Kya ye hy awam ka fesla? uss awam ka jiskay 90 percent log un-educated hyn? Hamein education ki zaroorat hy, khush-haali aur aman ki........chahay ye kisi dictator k hathon se aaye ya kisi daku k hathon se ya kisi mazdoor k hathon se, ya kisi wakeel k hathon se.

Main b basically ek jamhoriyat pasand shakhs hon aur dictatorship muje pasand nhi and i just hate musharraf and his acts,

its good ka aap jamhooriat mizaj haiin aur aik pakistani ka doosra pakistani sa jo muhaida hai woo ain-e-paksitan hai aur ain-e-pakistan ka mutabik aap kii sooch ahi...



1- Kya india ya kisi aur mulk mein aisa kabi hua hy k Army Chief ko mulk se bahir bhej kar usko jabri retire kar dia jaye aur uskay jahaaz ko mulk mein aanay se rok kar khud Fauj ko awaz di jaaye k aao mere sohniyo aa kar qabza kro hakumat par. (Koi misaal dein, uss india ki koi misaal de dein jiski tarakki ki wajah apki nazar mein jamhoriyat hy, ya kisi aur mulk ki m isaal dein jahan jamhoriyat walon ne jamhoriyat ka khoon kia ho, sirf ye dekhna k fauj ayi aur ye na dekhna k kyun ayi kya insaf hy?

army chief aik sarkari mulazim hai..wazeer-e-azam ka ikhtayaar mai hai ka woo army chief change kar sakta hai, yahan yeh baat hairatangaiz hai ka aik shakhs koo bachna ka lia purri army na mulk per qabza kar lia... yeh aisaa hi hai ka aap kaa ghar mai aap ka servents hoon, aap chookidar change karaiin aur tamam servents aap ka ghar per gabza kar laiin.. aur yeh pehli martaba nahi hua ka fauj na iqtadaar per qabza kia yeh mustaqil hoota aya hai, aur aap koo maloom hai ka iss ka kya nuqsaan hua, ayub ka fallout pakistan adha hoogaya, general zia ka fall out pakistan bad amni, khilashankoof culture, pervaiz mushraf ka door mai too itne tabahi hui ka uss ka bayan hii muskil hai...

aap sa chand sawal lets suppose kal Police ka head koo change kar dia jaye too police kya kara gii?
agar revene department ka head koo change kia jaye too unn ka kya reaction aya gaa?
agar university of karachi ka dean ko koi retired kar da too?


2- Awaam ne apnay numainday chun kar assemblies mein bhejay aur awam k numaindon aur jamhoriyat k daawaydaaron ne ek wardi walay sadar ko vote dia, aur agar ab phir detay hyn aur sadar wardi b utar deta hy to ye b to kaha ja sakta hy k awaam ki hakumat aur awam ki awaz hy k musharraf ki hakumat rahay.

agar aap 2002 ka elections ko elections kehta haiin too mai kuch nahi keh sakti.. magar agar koi siasaat daan dictaitor ka saath daita hai aur hamera yahan jamhori nizam hoo too awam uss ka ahtasaab kar sakta hai... aur mushraf ka jahan tak wardi mai select hoona kii baat hai too yeh ayeen pakistan ki rooh ka khilaf hai koi chayee jitne bhi vote da daa bawardi sadar ayeen-e-paksitan ka khilaf hii hooga.. yeh aisee hii hai ka jaisa ayeen mai likha hai ka Quran-o-Sunnat ka khilaf koi qanoon nahi ban sakta aur members koi aisa qanoon pass karna kii koosish karaiin too kya woo ayeen-e-pakistan ka khilaf hooga.. aisaa hii ayeen mai likha hai ka aik shakhs sarkari mulazim hookar sadar nahi ban sakta...

3- Ek taraf awaam aur jamhooriyat ki baat karna aur dosri taraf ussi awam ki chuni hui jamaat ML (qaaf) aur MQM k khilaaf taasub ki hadh tak chalay jana kesa hy? kya ye awaam nahin jisne apnay votes se unko muntakhib kia, to phir ye jamhoriyat kese na hui?

mai ne apni pichli post mai kaha tha ka pakistan mai aaj tak jamhooriat ayee nahi.. kyunka jamhoriat ka lia bhut sii cheezoon kii zaroorat hooti hai, azad election commision, azad adalyaa, azad media.. aab jahan tak q league kii baat hai aur aap uss koo siassi jamat kehta hai too yeh aap ka husn-e-nazar hai, mai Q league koo mafad-parastoon ka tolla shamjhti hoon aur agar hamera yahan azad election hua too awam inn koo reject kar da gii, jahan tak MQM kii baat hai too MQM kii public mai roots haiin magar MQM na kudh apna aap koo tabah kia hai, mai aik zamana tak MQM kii supporter rahi hoon magar abb nahi hoon iss mai MQM kii policies ka bhut dhakhal hai.. MQM ka khilaf joo lehar hai uss mai kissi ka tassub nahi balka MQM ka apna amaal ka dhakhal hai..

4- Agar apka kehna hy k jamhoriyat to hy lekin asal faislay ka ikhtyar to ek shakhs musharraf k paas hy to awwal to ye baat thek nahi kyun k awaam k numainday b uskay sath hotay hyn, aur agar maan b liya jaye to hum ne benazir, asif zardari aur nawaz sharif ki DICTATORSHIP b dekhi hy aur wo dictatorship agar jamhoriyat thi to ye dictatorship b jamhoriyat hy.

muahraf aik sarkari mulazim hai uss kii baat too aap choorain, dekhaiin mujhe bhi bhut sii polices sa ikhtalaf hai PPPP aur PMLN ki jab woo goverment mai tha, laken iss ka matlab yeh nahi ka mai fauj koo consider karoo aur mere nazar mai aik badtareen jamhoori goverment aik fauji dictaitorship sa behtat hai

5- Aap jis jamhoriyat ki baat kerti hyn wo , wo wali ideal jamhoriyat hy jo europe ya america mein hy aur jo hamaray maashray mein aana kam az kam filhaal mumkin nahin. Uss k liye elections ki nahin Education ki zaroorat hy iss qaum ko, tarbiyyat ki zaroorat hy.

hameri quom bhut shamjhdaar hai, why we always question about the intectual qualites of out public? aap koo pata hai ka agar hamera yahan jamhori process panapta hai aur uss sa koi leader emerge hoota hai too yeh awam uss koo sir ankhooon per bithai gii.. aap chief justice kii tehreek mai dekh laiin chota chota gaoon mai unperh logoon na chief justice kii himayat kii, aik martaba cheif justice jab aik gaoon ka qareeb sa guzra too wahan poora gaoon jama tha aur unn mai aik buzrug shakhs na akar aitazaaz ahsan koo kaha ka " mere gaoon ka tamam mard ,autaiin, nawjawan, bacha sab cheif justice kaa saath hain aur abhi koi ghar mai nahi aur tum koo kya support chaye".. yeh wohi (so called jahil) awam hai jiss na pakistan kii tehreek mai quaid-e-azam ka saath dia.. please dont question their capabilites.

6- Agar apka kehna hy k referendum b awam ka fesla nahin tha aur last elections b awam ki rai nahin thi aur elections mein dhaandli hui to iss baat ka kya saboot k next elections thek hon gay??

referendum hahahha.. dekhaiin aik azad election commision ka qayaam hoo first, hameri adalya kafi had tak aaj azad hai aur media bhi bhut mature hai, mujhe yaqeen hai sirf will hooni chayee aaj ka door mai azad election karwana kii bus..

7- U know kesay kesay log aaye hotay hyn vote denay? Mene apni aankhon se sainkron aisay logon ko dekha hy k jinko ye nahin pata tha k kis shakhs ko vote dena hy bus unko sirf ye bataya gaya tha k falan nishaan par mohar laganai hy,

aap jab aik nizam tashkeel daiin gaa too awam vote da gii, jab unn koo yaqeen hooga ka sirf unn ka vote sa tabdeli aya gii too woo bahir ayaan gaa..


Kya ye hy awam ka fesla? uss awam ka jiskay 90 percent log un-educated hyn? Hamein education ki zaroorat hy, khush-haali aur aman ki........chahay ye kisi dictator k hathon se aaye ya kisi daku k hathon se ya kisi mazdoor k hathon se, ya kisi wakeel k hathon se.


phir aap na awam koo target kia, mushraf shab graduate assembly la ayaa uss sa aaj tak khitab nahi kia kyunka woo ghair muzhib lagti hai unko... mujhe pata nahi aap loog awam koo itnaa neecha kyunn dekhta hai, mai too hameri awam ko doosri awam kii nisbat zaida shaoor, aur zaida nigah rekhna wali shamjhti hoon.. aur kushhali sirf awam ka ikhtadaar sa asakti hai chaha woo mochi hoo, lohar hoo, school teacher hoo, laken agar fauji dictaitor hooga too aaj saa 60 saal baad bhi hum yehi discussion kar raha hoonga...

aik baat aur kaa mujhe pakistan kaa so called perhaa likha loog baaz auqat jahil lagta hai kyunka unn koo baaz aiin kaa nahi pata hoota aur mujhe pakistan ka aam awam unperh hoota hua alim lagti hai kyunka kii sooch perha likhoo ka nisbaat zaida mature hooti hai in pakistan

Sorry for late rep.



Chief justice b to ek sarkari mulazim hy, aur sadar k ikhtyar mein hy k wo chief justice ko change kar skta hy. Agr ap kahein k supreme court ne CJ ko hatanay ko ghalat faisla qarar dia tha to ussi supreme court ne army chief ko hatanay par army chief k haq mein b fesla dia tha. Aap dono taraf ek hi asool rakhein na.
Aur ye kahan ka tareqa hy mulzamat se nikalne ka k bahir k mulq bhej kr peechay se farigh kr do aur uskay plane ko b utarne ki ijazat na do.



Aur same yehi kuch wakeelon ne keya , unka bus nahin tha warna iqtedar pe qabza kar k hi damm letay.

chaukidaar, servant etc ko mulazmat se nikaalne aur CJ ya Army chief ko mulazmat se nikalne mein zameen asman ka farq hota hy.



I accept k fauji hakumat buri chez hy lekin mera kehna ye hy k musharaf ko laane mein sara keya dhara siyasat danao ka , na wo aisay bachgana tareekay se usko hatanay ka mansooba banatay na kuch hota. Ye siyasat daan hyn jo excite krte hyn fauj ko k aao iqtedar mein betho.

Inn generals ne agar bura keya to politicians ne b aur unki naam nehad jamhoriyat ne b hamesha sub idaaron ka gala ghonta hy, supreme court ka b.



Inn logon k hatanay mein aur army chief ya CJ ko hatanay mein zameen asman ka farq hy, agar army chief ko hatanay balkeh buray tareekay se hatanay par army walon ka reaction ghalat tha to CJ ko hatanay aur buray tareekay se hatanay par wakeelon ka reaction b ghalat hua. u accept it ?

Nawaz sharif ki jamhooriyat wali hakumat jis tarha k elections k baad hakumat mein ayi thi kya unko elections kehna sahi tha? agr unn elections k bad elect hone wali hakumat jamhoriyat thi to ye 2002 wali b jamhoriyat thi. asool dono taraf same rakhein.

jese elections 2002 mein wese hi elections hamesha hotay aaye hyn aur wese hi elections aainda b hon gay. Aur agr wo itne hi rigging walay elections hotay to mulki tareekh mein maulviyun ko sub se bhaari aksarriyat mein seats na milti. kya maulviyun ki jeet rigging ka nateeja hai? Kya MMA ki jeet rondiyun ka nateeja thi?



Awam, awam, awam........ aap pakistani maashray par gehri nazar rakhtay huay b aisi baat krti hyn to herat hoti hy. Awaam to sub se pissa hua tabqa hy, awam ne maulviyun ya muslim league waalon ka kabhi koi ehtasaab keya jinhon ne ek dictator zia k hathon mein parvarish paayi ??



ye fesla to adalat ne kerna hy balke kr dia hy.

Sirf Qaf league walon ko?? MQM aur MMA walay b mufaad parast hyn aur imran, benazir aur nawaz sharif tak sub mufad paraston ka tola hai, kya fazlur rehman walay mufaad parast nhi ? asool dono taraf ek rakhein. ye sub sirf iqtedar mein ana chahtay by hook or by crook. aur iqtedaar mein kyun ana chahtay hyn ye inki history sheet khud zahir krti hy btane ki zrurat nai.



Aur mere liye dono barabar k hyn. kyunke iss se koi farq nahi parta k awam ka khoon choosne walay shakhs ne wardi pehni hui hy ya nahin, muje agar koi wardi wala thappar maaray ya bagher wardi wala, main ye nahin kahon ga k bagher wardi walay se thapar kha kar kuch better feelings hoti hyn. Ye sub chor hyn



Wakai itni zyada samajhdar k baari baari nawaz aur bibi ko hi muntakhib krti jati hy, itni samajhdaar k mqm ki haqiqat jan kar b usko vote deti hy, itni samajhdar k fazlur rehman ki harkatein dekh kr b usko vote de gi.

Baqi CJ ki aap ne jo baat ki to wohi cj jisko loag hathon hath le rahay thay agar election mein khara ho jata to yakeen karein k uski party ko yahi awam ek se zyada seats na lenay detay.
Awam ka kya hy unhon ne to imran khan ko b hathon hath lia tha aur ab b wo kahin chala jaye to hathon hath lein gay magar election mein usko ek seat b mushkil se milay gi.
iss liye ke elcetion mein awam ye dekhti hy k ye shakhs rana hai ya gujjar ya jutt ya sheikh. ji haan tab fard ko nahin uski baradari ko dekha jata hy.


Apki aakhri para mein kahi baton ka jawab k mene 10 percent educated log kahay thay, yakenan parhay likhon ki tadaad 30 percent k kareeb hy, meine unn parhay likhon mein se jo "educated" hyn unki tadaad likhi k 10 percent hyn jo fard ki qualities dekh kr usko vote dena chahein gay, magar unn mein se bhi 1 ya 2 percent log hi vote dalein gay kyun k kon ab dhakkay khaye polling stations par ja k.