bas baqi

iqtabas say pata chalta hay kay tahreer bhi umda hogi yaqeenan :clapping3

InshahAllah parrhon ga download kar kay :

bohat khoob

Bhai Book Ka Hiwala Diya Jaata Hai Iqtibaas Ke Saath Aur Writer KI Qaabliyat Bhi Pata Chalti Hai ...Agar Yehan Pura Novel Hi Likh Diya Jaaye To Phir .....
Waisey Download Kar Lein Bor Na Kar Ne Link De Diya Hai

Jee Zaroor:)

Aur Meri Khasusan Pur Zor Darkhast Hai Ke Issey Zaroor Parhein Na Sirf Iss Novel Ko Umerah Ahmed Ke Sabhi Likhey Novels Ko Parhein Really Aap Bor Na Hunge Aur Aap Dusron Ke To Kiya Apnet Andar Ko Bhi Jhaank Lein Ge

Zaroor Parhein

Shukriya

ji download kar liya hay aur ab parrhon ga InshahAllah

main nay Umaira Ahmad kay kuch novels parrhay hain ........qalam par grift achi hay writer ki laikin aisa lagta hay kay in kay characters extreme walay reactions detay hain yani apnay jazbaat mein extreme par chalay jatay hain...aap ka kiya khyal hay ?

Good work jee...
Maine parhi hui hai ye book complete... ooh zabardast nicely written, ye parh ke aap baray achay muslim ban saktey haiN aur aur bhi boohat assar hota hai aapki Life per, thinking per... in a positive way

Good

Jee Bohat Achi Writer Hein Yeh Bhai EXTREME Walay REACTION Dene Waaley Hi To Iss Duniya Ke Woh Log Hein Jo Apni Baat Per Mazbooti Se Qayim Rahete Aur Nibha bhi Jaate Hein Dekha Jaaye To Yehi Log Iss Duniya Ki Jaan Hein..... Hamare Ird Gird Log Kam Zaroor Nazar Aate Hein Magar Duniya Mein Aisey Hi Bohat Se Log Hein For Example ::

Quid-e-Azam Ne Khawb Dekha Aik Naye Mulk Ka ... Yeh Inn Ka AZAM Hi Nahein JANOON Bhi Tha...

Behrhaal Aisey Bohat Se Example Hein Magar Yeh Bhi Kahungi Ke Yeh EXTREMLY Positive Andaaz MEin Liya Jaaye To Duniya Mein Aisey Log Jaane Kiya Kiya Kar Jaayin .... Magar Afsos Yeh Aisey Logo Ka Saath Bohat Kam Dete Hein.. Jab Aisey Log Koi Acha Kaarnaamah Anjaam Dete Hein To Yehi Ikhtilaaf Rakhney Waale Log Inn Jaise Logon Ke Gun Gaa Rahe Hote Hein Aur Shayad Yehi DUNIYA DAARI Hai

Thanks Jee

Jee Haan Bohat Pur Asar Hai Yeh Novel , Mein Insha'ALLAH Aur Bhi Jo Mujhey Behad Achey Lage Aur Mehsoos Huwa Ke Yehan Share Kiya Jaaye To Zaroor Karungi Iss Ke ilawah Aur Books Ke Bhi Iqtibaas Share Karungi

You R Right Insaan Ki Life Per Bohat Acha TAASUR Aur ASAR Parta Hai... Jab Mein Ne Apney Waalid Se Kaha Yeh Leni Hai To Kahene Lage Jaane Kiya Ala Bala Likha Hoga, Anyway Iss Baar Bhi Loongi Kuch Books

Writer Agar Bohat Achey Aur Mausar Andaaz Mein Apne Maqsad Ko Waazeh Kare Yun Ke Woh Khud Ko Mehsoos Kare Uss Character Mein, Dusri Baat Islami Points Se Bhi Baat Ko Mazboot Daleel Ke Saath Saabat Kar De Aur Parhne Waala Iss Par Ammal Perah Bhi Ho Jaaye To Really Ham Writer Ko Uss Ki Mehnat Ka Silah De Dete Hein Kiyun Ke Writers Hamaare Liye Apna Haq Istimaal Karta Hai Apna Farz Ko Pura Karta Hai Agar Yeh Sab POSITIVE Andaaz Mein Anjaam De Diya Jaaye To Aisey Writers Waqai Qaabil-e-Taareef Hein Aur ALLAH Inn Ke DARJAAT Bhi Yaqeenan Buland Karta Hi Hoga Ke Logon Ko Naiki Ki Taraf Raaghib Karna Bhi Aik AZEEM NAIKI Hi Hai

Oh ohoh Mein Kuch Ziyadah Hi Bol Gayi

Nahi jee.. aur bhi kuch dill meen tha tu wo bhi bool dena tha aap na

Hmmm..... Mujhe meri cousin Baji ne ye book de thi... aur tareefen ker ker ke mera sar bhi khaya tha..aur promise liye tha ke iss ko poora parhna hai
aur maine Matric ke baad urdu ki koi book parhi (10 saal ke baad)
aur jab parhna shuru kiya tooooooooooo.... parhti gayee ..1 week meen khatum kee

aur definately meri thinking bohat positive hui hai..islamic point of view se bi ..Wrtiter is superb
maine suna hai unki her Book meen Islamic touch zaroor hota hai

ji haan.........writer to achi hain...........iss mein koi shak nahin
main nay pehlay bhi kaha tha kay concept aur story par grip bohat umda hoti hay in ki

extreme walay reaction say meri muraad woh nahin thi jo loog apnay iraday mein pakkay hotay hain aur apna mission complete kartay hain........bulkay woh log jaisa kay in kay kai character hotay hain jo jazbaat mein aa kar koi ghalat faisla kar laitay hain jis say un ki zindagi barbad ho jati hay

Quaid nay to sab kaam soch samajh kar kiyay thay aur aqal kay sath apni jido-jihad ko anjam tak pohanchaya tha

hope that you got my point

us din bhi itna barra reply kiya tha

pata nahin kahan gaya........aaj phir likhna parra

Dil MEin To Bohat Kuch Hai Magar Zaruri Nahein Ke Har Baat TASHT BAAM Kiya Jaaye Me Ko Inna AHMAQ Samajh Rakha Hai Kiya U Ne

Kinni Sust Larki Ho 1 Week Mein Parha Mein Ne To Poorey Aik Din Mein Parha Aur Taqreeban Iss Novel Ko 5 Baar Parh chuki Hoon

Jee Haan Inn Ke Har Novel Mein Islamic Touch Hota Hai Coz Woh Khud Islam Se Khaasi TOUCH Hein

Yes ...She Is Very Nice And Greatful Writer And I Am Fan Her So Much

Mere Kashif Bhai

Mein Ne Wohi To Kaha Hai Ke Agar Iss Jazbey Ko Positive Mein Liya Jaaye To Bohat Kush Sanwar Sakta Hai Hamaare Mulk Aur Iss Duniya Mein

Yeh To Writer Ne Apni Tarf Se Nahein Likha Dekha Jaaye To Writer Apney MUSHAIDEY Aur Ird Gird Ke Waaqiyaat Ko Bhi Dekhne Ke Baad Hi Woh Koi aisa Novel TAKHLEEQ Kar Lete Hein

Aik Baat Mein Bare Pattey Ki Bataaun....

Writer Jo Kuch Bhi Likhtey Hein In Ke Zehn MEin ALLAH TAALA'H Bhi Koi Na Koi Baat Daal Detey Hein ... Dekha Jaaye To Kashif Bhai Jo Baat Mein Ne 7th Class Se ab Tak Jitni Kitaabein Parhi Beleive Me Ke Writer Jo Kuch Bhi Likhte Hein Iss Mein Zara Bhi Shubah Nahein Ke Woh Baatein Ya To duniya Maien Kahein Na Kahein Waaqiya Ho Chuki Hoti Hein Aur Kahein Aaney Waale Dino MEin Waaqiyeh Hone Waale Hote Hein Aur Kai Baatein To Haal MEin Hi Haamri Aankhon Ke Saamne Ho Jaati Hein... Bas Mehsoos Aur Nazar Honi Chahiye

For Example:

Ham Roz Marah Office , College School Jaate Hi Rahete Hein, Train MEin Safar Karte Hein Bohat Si Cheezein Hamari Nigaahon Ke Saamne Aati Aur Guzar Jati Hein... Magar Jab Aap Koi Cheez Baad Mein Dekhtey Hein To ap Poochtey Hein Ke Yeh Kab Bana To Aap Ka Koi Na Koi dost Ya Azizi Hairan Hoga aur Kahe Oye Yeh To Kab Ka Bana Hai Ya Kal Bana Ham Kal Yehan Se Guzre Bhi To They Kiya tune Nahein Dekha ??

To Baat Yeh Hai Ke Kai Wajuhaat Hoti Hein..Ya To Ham Uss Waqt Gher Haazir Hote Hein Dimaaghi Taur Per, Ya TAWAJUH Nahein Hoti Waghera Wagherah

Yes I Have Gotten Your Point Of View Plz Yeh Na Samjhiye Ga Ke Aap Se Mera Ya Aap Ka Mujh Se Ikhtilaaf Ho Raha Hai... Balkeh Yeh Soch Kar TABSARAH Karte Hein Ke Iss Se Yeh Ham Aik Dusrey Ke Kahayalat Se Koi Na Koi Baat Hamen PATTEY Ki Pata Chal Sakti Hein...BAAZ Dafah Hamein hamarey Sawaalon Ka Reply Nahein Milta Lekin Phir Hamein Kisi Na Kisi Se Jawab Mil Jaata Hai Khaw Woh Maamuli Insaan Hi Kiyun Na Ho "" Yehan Mujhey Aik Bhai Sahib Yaad Aa Gaye Unn Ki Baat Waqai Sahi Thi "" Aur Yehi MEin Bhi Kaheti Hoon Koi Bhi Ho Sakta Hai Hamare Sawaal Ka Jawaab Liye 2 Saal Ka Bacha Bhi Ho Sakta Hai

Mujhey Khushi Huwi Ke Aap Ne Dilchaspi Li Thanks

ji meri sis ji
main aap ki baton say mutafiq hoon janab
meray kehnay ka matlab yeh nahin tha kay writer nay ghalat character dikhayay hain ya aisay log nahin hotay asal mein.......main nay to bas aik characteristic batyee thi Umaira kay characters ki

aap ki yeh baat bhi bilkul sahi hay kay writers ki tahreer haqeeqat ki akassi karti hay....Aleem ul Haq Haqi, Mohi ud Din Nawab aur bohat say doosary ....bohat realistic stories pesh kartay hain........bulkay apnay mushahiday say woh batein biyan kar detay hain jo aam banda notice mein nahin lata

aik baat kehna chahon ga kay extreme jazbati log jaisa aap nay kaha kay positively react karein to bohat kuch sanwar saktay hain...laikin jahan tak main nay bhi dekha hay apni life mein kay aisay log choti choti baton ko feel kar jatay hain aur nateejay mein apna nuqsan kar bethtay hain ....yani in kay jazbaat ki extreme in say positive kamon ki bajayay ...ziada tar kaam khrab hi karwa deti hay.........iss liyay banday ko tahamul aur sabar say kaam laina chahiyay

aur last yeh kay aap say to itnay pyar say baat ho rahi hay .....iss mein ikhtalaf ka sawal hi nahin ........aur aap to waisay bhi sis hay na meri

I Really Agreed With You Woh Bhi Mukamal Taur Per

Mein Phir Apni Baat Kahungi Ke Wohi Baat Hai Ke Issi Jazbey Ko Sabar Wa Taahmul Ke Saath Positive Andaaz MEin Liya Jaaye Mein Maanti Hoon Baaz Log Tang Aa Kar Nagitive Baat Kar Jaate Hein Magar Aap Ko Yeh Baat Bhi Maanni Pare Gi Ke Jin Ka Zehn Suljha Huwa Hota Hai Woh Kahe Nagitive Baat Kar To Jaate Hein Magar Ammal Karne Se Pahele 100 Baar Zaroor Sochein Ge... Yeh Nagitive Soch Tab Aati Aur Tab Kahe Jaate Hein Jab Aap Kisi Se Kuch Kahe Nahein Paate Agar Kahe Bhi Dein To Dusra Aap Ko Baat Ko Samajhta Na Ho Aur Yaqeena Bhi Na Karta Ho To Phir Aisi Surat-e-haal Pesh Aa Jaati Hai Anyway Agar Mature Hoon TO Phir Khaamosh Ho Jaate Hein Iss Yaqeen Ke Saath Ke Agar Woh Sachey Hein To ALLAH Zarror Un Ki Help Kare Ga Aur Karta Bhi Hai Kaamiyaabi Bhi Deta Hai Magar Bohat Ziyadah Takleefein Sahene Ke Baad Magar Bhai Yeh Bhi Hota Hai Ke Aisey Log Kamiyabi Ke Baad Phir Sahi Taur Per Khush Bhi NAhein Ho Paate Iss Khushi Mein Dukh Aur Afsos Bhi Shaamil Ho Jaata Hai Ke Apney Hi Hamein Na Samajh Sake Jin Ke Saamne Chhote Se Bare Huwe

Ji Tabhi To Aap Se Itna Bol Rahi Hoon Aap Ko Bhai Samajh Kar R U Really Nice Brother Aur Meri Dua Hai ALLAH Aap Ko Bin Maange Bohat Si Khushiya'n De Aur Kaamiyabiya'n Bhi De Aameen

Ab Is Novel Ko Poora Parh Lein PhirKhul Ker Boein Ge Ham Do Behen Bhai

Sis ji

aap ki batein baja hain ........laikin aik baat hay kay aap yeh sab un logon kay baray mein keh rahi hain jo jazbaat par qabo bhi pa laitay hain

main un logon ki baat kar raha tha jo over sensitive hotay hain ..........woh choti si baat say khush bhi ho jatay hain aur choti si baat ko feel bhi kar jatay hain......aisay log ziada deir khush nahin rehtay kiyonke iss dunya mein apni jaisi understanding mil jana barray naseeb ki baat hay ......to woh log apnay ird gird kay logon say bohat ziada understanding expect kartay hain aur sochtay hain kay jaisa hum soch rahay hain waisa hi doosray samajh lein laikin jab aisa nahin ho pata to woh udas ho jatay hain aur depress ho kar koi na koi ghalat qadam utha laitay hain.........iss mein kuch qasoor logon ka bhi hota hay aur kuch un kay jazbaat aur emotions ka hath hota hay .....iss tarah woh aksar khud hi nuqsan utha baith-tay hain .......main nay khud dekha hay kay woh mature hotay huway bhi aisay react kar jatay hain...issi liyay meray khyal mein ziada expectations rakh kar apnay aap ko mushkil mein dalnay wali baat hoti hay...jazbaat kay sath sath aqal say aur thanday dil say mamlat ko dekhna chahiyay

Thanks a lot for your kind words . .......aap bhi bohat achi sis hain ..Allah aap ki duain qabool farmayay aur aap ko bhi hamesha khushyan naseen hoon (Aamin)

waisay abhi parrh nahin saka book.......phir bhi itni batein kar dali hain
koi baat nahin.....achi batein karnay say bhala hi hota hay na

Aap Ki Sab Baaton Per Mein Agree Hoon ... Aik Baat Zaroor Kahungi Chalein Yeh To Baat Sahi Hai Ke Over Sensitive Logon Ki Bhi Ghalatiyaan Hoti Hein Magar Dekha Jaaye Jab Aisey Logon Se Musalsal Hi Wrong Rawaya Log Rakhte Hoon To Kiya Kahen Ge... Over Sensitive Log Aik Dam Pahele Hi Wrong Qadam Ya Jazbaat MEin Nahein Aate Haan Feel Zaroor Karte Hein Magar Qadam Tab Uthaate Hein Jab Inn Ke Saath Musalsal Na-Insaafi Ki Jaye To.....

Behrhaal Dono Taraf Hi Ghalatiyan Hoti Hein Magar Ziyadah Dusrey Logon Ke Sahi Rawaiya Na Hone Ki Bina Per Tabhi Aisey Log Majboor Ho Jaate Hein....Ya To Chup Kar Jayinge Aur Dil Hi Dil Mein Sahete Rahen Ge Warna Kuch Bhi Kar Sakte Hein Aur Aisa Karne Per Bhi Log Hi Majboor Karte Hein

Kher Mein Shayad Apni Baat Poori Tarah Waazeh Nahein Kar Sakti

hir Bhi Sahi Baatein Kar Li Aap Ne ALLAH Ke Fazal Se

ji haan
aap bhi sahi kehti hain janab
asal mein shayd in par woh shair sadiq aata hay

kuch sheher dey log wi zalim san
kuch mainon maran da shauq wi si

yeh dunya to hay hi zalim.........iss liyay apnay aap ko mazboot bana kar rehna parrta hay warna nuqsan apna hi hota hay

aap kehti hain to aisa hi hoga .....Allah kay fazal say

Sher Bara Zabardast Aur Fit Tha Really I Like This Sher

Aik Sher Bhi Hi Poora FALSAFAH Agar Iss Pe Gaur Koi Kare To

Aisey Hi Hamne Itne MAKAALMEY Type Kar Daale Apne Dimaagh Ki DIC Se KANGAAL KANGAAL Ke

ji bilkul

kuch shair hotay hain jo amar ho jatay hain aur aisa farmula hotay hain jo jab bhi parkha jayay durust nikalta hay........pora aisay hay yeh

kuch anj wi rahwan aukhyan san
kuch gal wich ghamaN da tauq wi si
kuch sheher day log wi zalim sun
kuch mainon maran da shauq wi si

hehe
aap nay khangali hain dics. main nay to aisa nahin kiya
waisay ab tak 250 pages parrh chuka hoon aur bohat achi tahreer hay

hehe........aap khangalti rahi hain.........main nay to aisa kaam nahin kiya
waisay ab tak 250 pages parrh liyay hain aur bohat achi tahreer hay

Ji Haan Mere Paas Aik Book Hai Punjabi Poetry Ki Uss Mein Zabardast Poetry Hai Par Kuch Sad Sad Si Hai

Nahein Mazaaq Kar Rahi Thi Koi Nahein Kangaali Mein Ne Dimaagh Se Dic Wagherah Jaise Jaisey Zehn Mein Baat Aati Gayi Type Karti Gayi... Pahelei Baat To Yeh Hai Ke Baat Ke Mutabiq Hi Likhna Hota Hai To GAIB Ka ilam Koi Nahein Jaanta Sawaye Khuda Ke Albata Six Sences Zaroor Hai ... Kuch Baatein Waisey Bhi Muaqah Ki Munaasbat Se Zehn Mein Foran aa Jaati Hain

Good Parhte Rahen Poori Parh Lein To Bataiye Ga Aap Kiya Samjhey

humm

Thats good.........mujhay khud punjabi aati nahin hay bas samajh laita hoon taqreeban aur kuch kuch bol laita hoon
khud hi to kaha tha dimagh khangala aur ab keh rahi hian nahin khangala

haan aaj bhi poori nahin kr saka ........ab last part start ho gaya hay.....subah office na aana hota to khatam kr kay hi sota raat ko

Mujhey Khud Nahein Aati Poori Punjabi Aaj Kal To Punjabi Aur English Language Per Kuch TAWAJUH Hai

Ji Khud Kaha Tha Par Mazaaq Mein

Lein Je Mein To Jab Tak Khatam Na Ho Jaaye Chain sSe Nahein Bethti Ji Aap Ko Office Jaana Hota Hai Aur Phir Aa Kar Parhne Ko Dil Nahein Karta Thakan Ki Wajah Se Bandey Ka Dil Karta Hai Aankhein Band Kar Ke Let Jaaye Aur Halki Plki MOSEEQI Sun Le

hehe
acha to seekh rahi hain aap bhi punjabi

to main kiya serious tha Sis?.......pata tha mujhay

bas ji aaj to khatam kar hi chaurra hay sara novel.....chain to mujhay bhi nahin aata laikin subah jana bhi zarori tha na ........waqai bohat khoobsorat tahreer thi aur kai jaga rona aa jata hay insan ko.......writer ki story par grip aur aala concepts of stories ka main pehlay bhi qa'il tha aur ab yeh novel parrh kr aur bhi acha laga.....raat ko khatam kr kay sonay kay liyay laita to sari baatein zehen mein goonjti rahin.....aur sab say barri baat yeh thi kay jiss mauzoh par qalam uthaya gaya hay jo barra boldly explain kiya gaya hay(ghalat mazhab wala) iss kay liyay himmat ki zarorat thi.......Allah Talah yaqeenan inhain ajar-e-azeem atta karay ga.......waisay to meri thinking ALLAH ka lakh lakh shukar hay inhi positive concepts say milti julti hay......I believe kay insan kay concepts sahi hoon aur doosron ko koi dukh pohanchanay say bacha rahay to baqi chhezein ALLAH TALAH muaf kr dey ga apni rehmat say ...InshahAllah

Ji Aap Ne Bilkul Sahi Kaha Aap Jab Sab Ke Saath Mukhlis Hein Dil Mein Koi Chor Bhi Nahein To Kisi Se Darna Nahein Chahiye Sawaye ALLAH Ke Baaqi Apni Baat Jo Waqai Ghalat Hai Us Ko Ghalat Kahen Aur Jo Sahi Hai Us Ko Sahi Kahen Chahe Hamari Apni Hi Ghalat Ya Sahi Baat Ya Aadat Kiyun Na Ho Main Samajhti Hoon Ke Jo Insaan Aik Ghalati Ya Do Baara Aik Ghalati Ko Karne Ke Baad Sanbhal Jaaye Aur Dubara Na Kare To ALLAH Aisey Logon Ke Saath Hota Hai, Ab Log Puraani Baaton Ke Hiwaale Se Tang Karen To Unhein Dil Bardashta Nahein Hona Chahiye Kiyun Ke Un Ki Naikiyan Aap Ko Mil Rahi Hein Aur Sahi Baat Yeh Hai Ke ALLAH Hi Behter Jaanta Aur Faisilah Karne Wala Hai Ke Kaun Sahi Aur Kaun Ghalat Hai... Ham Aur Aap Nahein Jaante Iss Liye Aisi Baaton Pe Chup Hi Ho Jaana Chahiye Jab Aap Ne Dekha Nahein To Phir Kiyun,,, Sirf Kisi Aur Se Sunna To Saboot NAhein Hai Naa.... Behrhaal Aisey Bhi Marhale Aa Jaate Hein Ke Aap Jo Dekh Rahe Baz Dafa Woh Haqeeqat NAhein Hoti Anyway... Mujhey Khushi Hai Ke Aap Ne Issey Parha Aur Samjha Bhi Kabhi Phir Time Hua To Dubara Zaroor Parhen Jitni Baar Parhen Ge Aap Ko Bohat Mazeed Points Milte Jayin Ge

Thanks Brother Ke Aap Ne Meri Iss Post Pe Replies Diye Aur Mujhey Really Aise Logon Se Baat Kar Ke Khushi Hoti Hai Jo Books Parhne Ke Baad TABSARAH Mil Kar Karen Aur Baat Ko Samajhne Ki Koshish Bhi

ALLAH Aap Ko Hamesha Khush Rakhe Aap Ko Hi Nahein Iss Duniya Ke Base Har Insaan Ko ALLAH Khush Rakhe Aameen

ji bilkul thik kaha aap nay

kisi bhi banday kay bazahir kisi ghalat amal ko dekh kar us say nafrat nahin karni chahiyay ..kiyonke Allah kisi bhi waqt kisi ko sahi rah dikha sakta hay ......bas agar us ki soch ghalat hay to us kay liyay dua karein......laikin dil mein kisi ki tahqeer na karein kiyonke Allah kay nazdeek kon kaisa hay wohi janta hay.....aur jo kisi burai ko kar kay phir wapas aa jata hay aur tauba kar laita hay woh to ziada azeem insan hota hay kiyonke burai ko na karna aur baat hay aur uska nasha pata chal janay kay ba'd usay chauur dena us say bhi mushkil kaam hay

ji main InshahAllah dobara bhi parrhon ga ........abhi bhi 2 din say us ki baatein dil-o-dimagh mein gardish kar rahi hain........jis tarah iss novel mein baar baar Allah ki hikmat ko insan kay iradon par hawi dikhaya gaya hay aur insan ko ALLAH ki taraf rujoh karta huwa dikhaya gaya hay woh yaqeenan kisi bhi musalman ki aankhon mein aanso lay aata hay aur us ko apnay amal par bhi ghaur karnay par majboor karta hay...yehi concepts Umaira kay novels ko khas bana detay hain

aur thanks ki kiya zarorat hay sis ji........yeh to obvious si baat thi kay main nay agar aik achi cheez parrhi hay to us kay baray mein izhaar bhi karon......aur main to hamesha say yeh sochta hoon kay agar main nay koi achi book parrhi hay to us ko kisi aur ko bhi parrhwaon ...aik 2 doston kay sath aisi koshish ki laikin response woh nahin mila jo main chahta tha to phir yeh koshish tark kar di .........duaon kay liyay be-had shukriya ....Allah aap ko bhi khush rakhay hamesha

Dua'un Ke Liye Shukriya Nahein Kahete

Meri Aik Dost Kaha Karti Hein Aksar Yehi Baat Ke " Dua'un Ke Liye Shukriya Nahein Kiya Jaata"

humm
chalein mera to farz tha na kay itni piyari si duaon ka thanks karon......kiyonke ALLAH ka shukarguzar honay kay sath sath bandon ka bhi shukriya ada karna chahiyay