15 Nov 2002 Ko Aik Dictator Neh Duniya Ki Nazroon Mein Dhool Jhonkne K Liye Mulk K Corrupt Tareen Syasi Yateemoon Ko Muslim League (Q) Ka Naam De Kar Jis Dead Assembly Ki Buniyad Rakhi, Aakhir Kaar Aaj Raat Usse Dafna Diya Gaya. Mausoof K Mutabik Yeh Pehli Assembly Hai Jis Ne Apni Muddat Poori Ki Lekin Sochne Ki Baat Yeh Hai K Murday Ko Paanch Saal Tak Be-Goro Kafan Parhay Rehne Dene Ka Har Giz Yeh Matlab Nahin Hota K Marhoom Ne Lambi Umar Paai Hai.

Apne 5 Saalah Murdaar Daur Mein Iss Assembly Mein Hakumti Lotoon Mein Baat Be Baat Shadeed Ikhtilafaat Nazar Aaye, 3 Bar PM Ko Tabdeel Kiya Gaya, Kai Ministers Ko Zuban Kholne Ki Padaash Mein Ya Phir America Ki Mukhalafat Per Apne Mehkmoon Se Haath Dhona Parhay, Sheik Rasheed Pakistan Ki Tareekh K Wahid Minister Hain Jinhein India Ki Khawahish Per TV Ki Roshan Screen Se Hata Kar Kaalay Injun Ki Jagah Laga Diya Gaya.

Aik Dictator Ki Rubber Stamp Qarar De Jane Waali Iss Assembly Ko Dictator Tou Kia Beaurocracy Ne Bhe Koi Khaas Lift Na Kerwai, Kisi Bhe Eham Maqah Per Issay Ehtamaad Mein Nah Liya Gaya Haata K Laal Masjid Jaise Eham Issue Per Jab Kuch Ministers Mufamhamt K Qareeb Puhnch Chukay Thay Tou Dictator Ne Bandook Ki Nouk Per Apna Faislah Saadar Kar Diya. Doosri Taraf Beaurocracy Se Maangi Gai 44969 Explanations Mein Se Siraf 9619 K Dung Tapao Jawabat Diye Gaey, 8770 Sawalaat Speaker Ne Khilaf-e-Zaabta Qarar De Diye. Speaker Ko 300 Tahareek Masool Hoein Jin Mein Se 40 Speaker Ne Manzoor Kein Lekin Behs Siraf 17 Per Ho Saki Aur Woh Bhe Without Any Result. Siwae Aik Mutnazeh Khawateen Bill Pass Kerne K Koi Qabile Zikar Qanoon Saazi Na Hui Aur Hakaumat Ka Kaam Dictator K Ordinance Ussi Ki Marzi K Mutabik Challatay Rahe.

Although Iss Assembly Ki Tareekh Siyah Karnamoon Se Libraiz Hai Lekin Iss K Siyah Tareen Karnamay Aik Army Chief Ko Do Dafa President Elect Kerna Aur Do Dafa He Apne Aghaz Aur Anjam Per PCO K Haq Mein Qaradadein Pass Kerna Hain Jin Se Iss Assembly Ki Jamhooriyat Pasandi Aur Ba'Ikhtiyar Hone Ka Andazah Bakhoobi Lagaya Jaa Sakta Hai.