moti samajh k shaanay karimi nay chun liye
qatray jo thay meray arqay infe'aal kay

PU Jamiat k unit naazim samait bahoot say jamiat arkaan ko jamiat say farigh kar dia gaya. new naazimay jamiat PU nay Imran khan ki rehayee par onka shaandaar istaqbaal karnay ka elaan kia hai (aik khabar)

welcome back Jinab Karachiwala

aap ghalban IJT ki safaiaan jama kerney main masroof they,,, lekin agar donon column khud parhey hotey,,, tu shaid 1 sath post na kartey

pahley column main kaha gya hey ke IJT ki majlis-e-shoora hi nazim-e-a'la se resign talab ker sakti hey,,, aur second column main kaha gya hey ke fori tor pe majlis-e-shoora ka ijlaas hua,,, aur 17 karkunoon ki bunyadi rukniat moutal ker di

matlab ke munfiqeen ke toley jhootey column likh rahey hain,,,aur bhi kai jhoot likhey gye hain,,, jaisey Imran Khan pahli dafa Punjab University main dakhil hua(pata nahin likhney waley ne khud bhi university daikhi hey ke nahin) waghera waghera,,, aur inki munafiqat yahan se zahir hoti hey ke Imran khan ki amad ke khilaf jin nazimeen ne awaz uthai,,, unka baal bhi baika nahin hua,,, jin main

Nasarullah Guraya
Hafiz Yaqub
aur Basit shamil hain

Munfiqat ki inteha hey

kal un ka astefa talab kar lia gaya. naya nazim atiq-ur-rehman hai koi

acha,,, tu main culprit inko pahley 17 main nazar nahin aya tha

this is exteme of hypocracy,,,,, jab media main shor macha ke asal bandey ko tu farigh kya nahin,,, tab inhain khyal aya,,, aur nasarullah guraya ko phir bacha liya

ji main ne abhi daikhi hey reply AA ka,,, aur comment bhi ker diya hey,,, wo comment main wapis le raha hoon

waisa karachiwala bhai aur abu adnan bhai, jitne badnaami hooni thi hoogaye, masla yeh hai ka aik din pehla news paper mai yeh khaber thi ka jamiat aur police na imran ka show flop karna ka program bana lia. abb koi waja thi joo jamiat aur jamaat ka darmian khalij ka sabab bani ka qazi shab na tawan ka yaqeen dilaya aur jamiat na yeh sab kar dia aur ulta ameer maqam koo bhi ba-zaat kia gaya. abb yahan imran khan kaa siasaai qaad ka masla nahi hai masla yeh ka tehreek chal rahi aur uss mai imran bhi hai aur baqi parties bhi too tehreek ko iss sa kitna nuqsaan poohcha..

aur karachi wala bhai aap na jitna article paish kia uss mai haroon rasheed shab ka columns ka zikar tha unn ka woo tamam columns mai ne parha haiin mai yeh keh sakti hoon ka shuru mai woo talkh zaroor tha magar unn kii bataiin sahi thi bhuut sii.. joo rawaya after incident jamat-e-islami na ikhtayaar kia woo bilkul sahi tha magar iss ka bar ask jamiat talba ka rawaya aur unn ka bayan ? is ka ilawa nawaiwaqt mai janab-e-irfan siddique ka column per bhi nazar agar aap kii pari hoo too woo tehreer bhi perh lijaye ga..

yaqeenan jamat sa aur jamiat sa bughz rekhna waloon koo moqa mila hai tana aur tashnia karna ka aur woo yaqeenan zaida tanqeed kar raha hain.. magar abhi jamaiat ko apna girabaan mai bhi dekhna chaye ka woo kya ghaltiaan kar rahi hai...

kya yeh khurram murad wali jamiat hai? aaj khurram murad mujhe yaad agaya

thanks saima sis
ji jab tak apni ghaltioon,, khamioon ko tasleem kerna nahin start karain gey,,, tab tak jamhooriat ke rastey pe safar nahin start ker saktey,,,, jo ghalat hey ussey ghalat kahain,,, na-ke fazool aur be-bunyad batain ker ke apni ghalti pe parda dalain

Ghalati karna bura nahin lekin ghalati kar k na maan-na bura hai.

iss baat ka credit main inn logon ko zaroor doon ga,

lekin!!!! ye ghalatiyaan honay kyun di jati hain ??

Pehlay 17th amendment ki ghalati in logon ne ki phir imran arrest ki kaarwai.

Ek aur baat aham hai k imran khan k univ mein anay se pehle hi jamiyyat ne press conference mein eelan kar diya tha k wo imran k sath bura salook karein gay, tab kyun koi kaarvai nahin ki gai?? aur kyun intezar kia gaya k ye loag kaarvai kar lein phir inko farigh kia jaye ga?

Jamiat aur Jamaat.e.islami maiN baRa faraq hai.

1. 'tanzeemi' etbaar say jamiat, JI ka oss tarah ka koi wing nahi jaisay deger students parties, political parties say 'attached' hoti haiN. jamiat go fikree etbaar say JI hi say "attached" hai aur jamiat say farigh hazraat bil.amoom JI hi maiN jatay haiN... magar iskay bawajood jamiat aik independent student wing hai, jiska apna nazm /ayeen /election system hai. JI ka head kissi bhi jamiaty ohdedaar ko nah to faarigh kar sakta hai nah appoint karsakta hai. yeh sab kaam "internally" proper tareeqay say hota hai.

2. yehi wajah hai k JI jab zia ki cabinet maiN shamil thee oss waqt bhi Jamiat zia ki mokhalfat kar rahi thee..... aisa kissi bhi 'zeli talabah tanzeem maiN nahi hota. jamiat k elawah kissi aur talabah tanzeem maiN koi 'independent' nazm nahi hota nah hi wahaaN jamiat ki tarah elected body hoty hai. wahaaN sab nomination hota hai jo concerned political parties karti hai. jamiat ka maaliyaat ka bhi apna nizaam hai... deger students wing ko onki parties fund farahm karti hai.

3. Jamiat aik 'open to all' students wing hai jahaaN koi 'monaafiq' bhi 'enter' hokar ... jamiat k ayeen ko follow kartay howay jamiat k top level tak pahonch sakta hai.... jamiat ka nazam aisay kissi bhi 'monaafiq' ko qaiday qanoon k tehat 'ooper' jaanay say nahi rok sakti........ bahoot say tallented monafiq log jamiat maiN 'plant' bhi iye jatay haiN takay woh alaa ohdouN par pahonch kar apna KAAM dekha sakaiN. yehi wajah hai k aisay maktabah e fikar k log bhi jamiat maiN aam paye jatay haiN jo apnay mazhab /fiqah k etbaar say jamiat / jamaat /maudoodi sb k mazhabi afkaar say motasadam hotay haiN.... ab iss qism k log bay.waqoof to honay say rahay k onhaiN pata hi nah ho k woh kiss party say wabistah haiN aur inka mazhabi aqeedah kia hai...

4. jamiat maiN har saal hazarouN new comers bhi aatay rahtay haiN ... aur aham ohdouN par to 4/5 saal say zeyadah koi tik hi nahi sakta k yeh farigh hojatay haiN. lehaza jamiat say kissi bhi qism ki 'ghalati' ki tawaqqah ki jasakti hai. aur amalan yeh log aisaa kartay bhi rahay haiN. magar jamiat ka majmooee nazm o wasf inhaiN apni ghaltiyouN par aRay nahi rahnay deta aur bil.amoom yeh log apni ghaltiyouN ka azaalah karnay ki koshish kartay haiN. jaisaa k imraan khan case maiN horaha hai.

5. yeh khabraiN bhi gasht kar rahi haiN k maujoodah chief goraya sb k qazi sb say talluqaat achchay nahi.... lekin iss k bawajood qazi sb jamiat k chief ko farigh nahi karsaktay. albatta jamiat ka apna nazm agar chahay to proper kaarwayee k baad inhaiN farigh karsakta hai yaa yeh khud resign day saktay haiN.

6. aisee khoobniyaaN kissi aur students wing maiN dhoonday say nahi mil sakteeN. bay.deen logouN ka jamiat k khelaaf waawelah to samajh maiN aataa hai k onhaiN bahana chahiye. magar deen,daar aur JI /jamiat k hamradard bhi jamiat ki ghalatiyouN par khamosh nahi rahtay aur woh apna pressure use karkay jamiat ko raahay raast par laanay ki saee kartay haiN. aur aaj bhi yehi horaha hai.

AA bhai maira tu ju experience hay JAMIAT k baray main woh PU n apnaay college tak mahdod hay.... hamaray college main choun-k politics par pabandee thee is liya wahan ki jamiyat waqai main aik islamic jama'at thee//// jab k Punjab University par un ka bharpoor hold thaa..... n woh sab k oper zabardastee apnaa ro'ab rakhtaay thaay. hatta k wahan rooms ki allotment bhi jamiat ki marzee say houtee thee.....Doosray lafzoon main wahan woh aik islamic jamat k tour par nahen.. ghunda jama'at k tour par thee.. n aksar lahore main jamiat n MSF (From Engineering Uni) k darmyan larayee rahtee the.. aur donoon aik doosray ki buses jalaya kartaay thay........ is it islamic???

jiss bhi taleemi adaray /college / university maiN kissi bhi talbah tanzeem ka 'hold' ho wahaaN woh talabah tanzeem amooman yehi karti hai. jamiat bhi iss say mobarra nahi. aisay adaray k teaching /non-teaching staff sab k sab 'qabiz' talbah tanzeem ki marzi hi say apna kaam karpaatay haiN... yeh hamara almia hai.... zia daur maiN students union election k khatemay k bawajood iss behaiour maiN koi faraq nahi aayaa.

aap jamiat ko 'farishtouN ki party' samajh kar dekhengay to iss maiN khaamiyaaN hi khamiyaaN nazar aayengi. maiN jamiat / JI k non-islamic acts ko kabhi support nahi karta. lekin tajzeya nigari maiN balance aur real mawaaznah kia jata hai.

agar kissi college / uni par jamiat ka hold ho to woh apni quwwat k zor par yaqeenan bahoot kuch kartay haiN kuich ghalat kuch sahee... magar yeh tay shudah baat hai k woh below listed kaam hargiz nahi kartay jo MQM, PSF, PSA, MSF, ANI etc talabah tanzeemaiN apnay zeray asar college /uni maiN karti hai. aur yehj koi ilzaam nahi balkay sabit shudah haqaaiq haiN.

1. torture cell qaaim karna jahaaN mokhalif students ko zehni jismani tortue kia jataa hai.
2. mokhalif students ko aghwa karkay college / uni say bahar lay jaakar onhaiN qatal karnaa
3. laRkiyouN ko cheRna / cheRnay walay group ki hemayat karna
4. hostels k zeray qabzah rooms maiN sharaab o shabaab laa kar lutf andoz hona.
5. variety show k naam par tawaifouN /bazaari laRkiyouN ko taleemi adarouN maiN laanaa, student funds say inhaiN nawaaznah aur phir onki nawaazishaat say lutf andoz hona.
6. teaching / non teaching staff say badtameeziyaaN karna, onka garebaan pakaRna, onhaiN dhamkiyaaN denaa, onkay ghar tak pahonchna.

Jamiat walay apnay 'zeray qabzah' college uni maiN above harkat k khelaaf quwwat ka istemaal (jaiz / najaaiz) bila shubah kartay haiN. aur jab kissi k pass quwwat ajaye to woh bay.jaa bhi use karleta hai. lekin aap yeh dekhaiN kaun see party quwwat ka sab sab say kam bay jaa usee karti hai aur kaun zeyadah ghalat use karti hai........... sab say kam ghalat kaam karnaa = sab say zeyadah achcha kaam karna dounouN aik hi baat hai ... farishtay aap ko kaheeN nahi milengay nah hi shaitaan

Afsos isi baat ka hey ke Jamyet ke karkun ne woh ghatya zuban aur tareqa akhtyar kya jo inka watera naheen......

Ab chahye woh sarkari log hon ya kherkari Dagh to daman per lag ghya hey aur jisko dhona aur mitana jamyet ko hi hey..kistrah aur kesey yeh waqt bataey ga...

lakin iss tamam waqey ka musbat pehlo yeh key Qoum ko ek leadre nazer aney laga hey aur iss bahaney tulba ki quwat bhi iss dharey meyn shamil hogai hey

aap sirif hostal ki baat ker rahey hain,,, Colleges main Civil lines college aur Science College in ke main garh hain,,, aur hangama aur gunda gardi ke liye ziada tar yahan se hi import kiye jatey hain,,,, aur in logon ka inter ke baad Punjab University main dakhla pakka hota hey,,, Inter/BSc ke baad yeah loog Chemical Engineering dept main pohanch jatey hain,,,, jo BA/BSc kertey hain,,, unka dakhla MSc Geology aur Education main pakka hota hey,,, issi liye aap ko chattey huey jamatiye in 3 department main millain gey,,, jahan merit ka qatal-e-amm kertey huey inko backdoar se dakhla diya jata hey,,, jaali certificates/degrees ki base pe jis ko yeah verify nahin honey daitey

Iski misal ke tor pe Science college ke 1 sabiq nazim Yousuf Baloch (liaqat baloch se iski koi rishta dari nahi hey,,, aur yeah DG khan side ka rahney wala hey) samait 4-5 students ko college se expel ker diya,,, jis ke nateejey main jamiat ne ne college main strike ker di,,, ke iska admission collegeki taraf se bhaija jaye,,, principal ka ghairao kya,,, 1-2 weeks tak yahi strikes chalain,,,, aur phir kuch nahin pata chala ke kya sattlement hui,,, albatta Yousuf Baloch chemical engineering main pohanch gya,,,,, abb uss ne kis ka haq mara ho ga,,, yeah tu Allah hi bahter janta hey

yeah aap se kis ne kah diya ke wo yeah sab kaam nahin kertey,,,, apney aankhon se jamat ki patti utar ke daikhain tu aapko jamiat bhi yeah sab kaam kerti nazar aye gi,,,, yaqeen nahin ata tu punjab university ke student center main bhabhi ke sath key juice pee ke daikh lain (agar apki umar ka lehaz kertey huey chor diya tu aur baat hey,,,, warna aap donon ka rishta zaroor poocha jaye ga,,,, aur nikah nama bhi talab kya jaye ga,,,, isko muzaq na smajhiye,, yeah haqiqat hey) tu hoska hey ke wo apko jamiat ka thappa laga ke bhaij dain,,,, agar aapko jamiat ke thappey ka nahin pata tu main bata daita hoon,,, unhoon ne istree (irons) rakhi hui hain,,, jin pe jamiat likha hua hey,,, jissey wo garam ker ke mukhalifeen pe lagatey hain,, yeah inka sab se mashoor torture hey

abb baat kertey hain ghunda gardi ki,,, yeah baat IJT Pakistan ke 1 sabiqa general sect ne khud mujh se ki thi,,, kissi se sunni suani hui baat nahin ker raha,, uski zabani sun lijye:

1 dafa MAO college ke samney se guzar raha tha tu MSF waloon ne pahchan liya,,, aur pakar ke hostal main le gye,,, wo tu meri jaib se Quran-e-Pak ka chota nuskha nikal aya,, tu wo chup ho gye aur chor diya,,, warna unhoon ne bohat bura haal kerna tha,,,, kion ke ham bhi kissi ko nahin chortey,,,, 1-adh haddi torna ya aur torture kerna mamooli baat hey,,, yahi sab wo bhi kertey hain,,, bas qismat ki baat hey,,, ke kis ka dao chal jaye

issi ka yeah aitraaf bhi hey ke IJT ka 1 wing hota hey,,, jiska kaam hi ghunda gardi kerna hey

aab baat kertey hain larkioon ki,,, yaqeenan larkioon ko chairney walley ke sath tu yeah bura kertey hi hain,,,, lekin agar koi makhloot group(chahey 20-25 students ka ho,,, jo kuch discussion ker raha ho) bhi nazar aa jaye tu unko bhi nahin chortey,,, aur na hi larkioon ka lehaz kertey hain,,,, class ke andar bhi bhi koi larka kissi larki se baat kerta nazar aa jaye,,,, tu becharey larkey ki aisi ki taisi honey ka imkaan hota hey,,, sikey bar-aks main ne khud aur beshumar logon ne kai jamatioon bil-khasoos inkey ghunda gardi wing ke afraad ko hostal ke sarkari phone par ghantoon larkioon se gappain lagatey daikha hey,,, iskey illawa agar aap girls hostal ke chokidaar se dosti ker lain,,, tu wo apko sarey jamatioon ki details bata dain gey,, jo wahan ke chakker lagatey hain

hostal pe khair qabza tu kya hi hota hey,,, sharab-o-shabab ka mujhey nahin pata,,, na hi daikha,,, tu ho sakta hey,, yeah wala kaam na kertey hoon,,, iss barey main mera ilm baqi partes ke barey main na honey ke barabar hey

haan gi,, yeah university/student fund se bazari larkian waghera tu nahin bulwatey,,, lekin iss ko apney deegar maqasid ke liye use zaroor kertey hain,,, IJT convention ke naam pe hafta bhar sarkari electricity dil khol ke use kertey hain,,, aur apney sathioon ko nawaztey hain

teachers aur baqi staff ke mutaliq bhi apni khush fahmi door ker lain,,, science college ke principal ka waqya tu main bata hi chuka hoon,,,, jabke 1 chokidaar ki kamar pe thappa bhi daikha hua hey,,, iskey illawa agar aap university chaley jain,,,, tu aapko kam-o-baish har department se koi na koi shikar mil jaye ga,,,, hamarey 1 sabiqa professor ke sath tu jo kuch inhon ne kya so kiya,, inkey baitey ki tang main bhi goli mar di,,, wo bechara ab mustaqil langra ke chalta hey.

yeah tu wo batain thin,,, jo apkey khyal main jamatiye nahin kertey,,, iskey illawa aur kya kuch kertey hain,,, wo bhi bata daita hoon

1. kissi bhi department ki kissi bhi class ko excursion tour ke liye university se bus tab tak nahin mil sakti,,, jab tak jamait ka phone bus sect ke pass na aa jaye

2. agar kissi jamatiye ke paas admission slip nahin hey (matlab ke uska admission hi nahin gya hua hey),, tab bhi wo baith ke exam dey sakta hey,, yeah aur baat hey ke exam main baithney se pahley uss ne phone ker daina hey,,, aur adhey poney ghantey hain slip pohanch jaye gi (ankhoon daikha haal)

aakhir main sirif itna kahoon ga,,, ke jo itney ghair islami kaam ker ke bhi apney ooper islam ka label lagata ho,,, aur dosroon ko islam ki talqeen kerta ho,,, usey aap munafiq ke illawa kuch aur kah saktey hain,, tu mujhey bhi bata dain

chalo achcha howaa k aap nay apni info share kardi aur maiN apni .... students (sabeqah aur maujoodah) dounouN k statements paRh k apnay apnay tajarbay wa moshaahiday ki bunyaad par khud hi faislah karlengay k kaun see student party bori hai, kaun see bad.tar aur kaun see bad.tareen. thanx 4 ur info n personal attack. hum nay to sirf apni observation pesh ki thee lekin aap ki wordings say aisaa lagta hai k aap ki dum par pair rakh dee hai Allah aap ko jazaa.ay khair day. aameen

yeah tu mujhey chor ki darhi main tinkey wali baat lag rahi hey,,,, jis shad-o-mad se aap IJT ki taraf dari ker rahey they,,,, uskey baad haqaiq sun ke aap ko aisa hi lagna tha,,,, ke shaid kissi pe personal attack ho rahey hoon

waisey sahafat ki zimmadari hoti hey awam ko sach bataney ki,,, lekin na-janey kion hamarey sahafi sirif apna pasandeeah rukh hi dikhaney ki koshish kertey hain,,,, aur apni sari tawaniaan issi pe surf ker daitey hain,,,, kya hamrey sahafioon ke illawa baqi sahafi bhi yahi kertey hoon,,, aur apni pasand ka rukh dikha ke issi ko sach kah ke apni aankhain band ker ke baith jatey hoon,,,, kion ke inhoon ne tu sach bolney ka apna fariza sar-injam de diya

MJB ki dum per koi bhi abb khara naheen ho sakta kyun ker aab MJB shadi shuda heyn

u mean k aaj kal MJB bhai ki dum par bhabi baraajmaan haiN.

chalo ekhtelafi bataiN nahi kartay k dum par kiss ka pawouN hai ... iss baat par to ittafaaq hai naa k dum is there.

sach kahtey hain ke baroon ke tujrubey ka koi mutabadil nahin

Avoid multiple posting

AA bhai ko meri batoon pe tu shaid yaqeen aya nahin,,,, aap yeah post khud daikh lain

http://www.hulchul.net/HC/index.php?showtopic=155233

I am 100% agree with MJB bhai
AA ka posted article parrh kar to hansi aati hay ..........kis safai say jamiat kay karnamon par parda dalnay ki nakaam koshish ki hay
aur start mein jo shair in ghundon kay liyay likha hay us par to Astaghfir ULLAH hi kaha ja sakta hay

Ather Abbas yaa hassan nisaar type k log koi ghair jaanibdaar sahafi yaa tajzeya nigaar naheeN like jawaid chaudhry. inn douN ki islam dushmani koi dhaki chupi baat naheeN. bhutto daur maiN yeh log daily mosawaat ki editary k daur maiN kia gull khelatay rahay aap ko khabar bhi nahi hosakti k aap oss waqt shayadangooTha hi choostay houNgay jab kay oss ahad maiN bhi sahafat ka aik adna taalib ilm honay k naatay aksar qalam.kaarouN / sahafiyouN k kartootouN say waqif houN.... ab agar koi anti islam / secular / communist type k 'muslims' JI ki mokhalfat maiN kuch likhioN to iski koi wuqat naheeN. news /events / history ko apni marzi k motabiq pesh karnaa aik art hai jiss say har likhari bah khoobi waqif hai aur bila shubah abbas athar / hassan nisar aik manjhay howay likhari / sahafi haiN...... lekin yeh bataiN aap ki samajh maiN to aanay say raheeN. maiN nay likheeN mahaz iss liyeh haiN k HC maiN aap k saath saath kuch samajh.daar log bhi haiN.

Usuf bhai aap ne saheh kaha yeh Ather Abbass aur Hasan Nisar ek secular zehn (ya so called libral ) ki category meyn aatey heyn aur Sahafti halqon meyn ek shiddet pasand aur khud sar nature ke malik samjhey jatey heyn.

Iss section meyn mera koi bhi article post kerney ka matlab herghiz yeh naheen ke meyn uss article ke muderajat sey mutafiq hon ya naheen......
Mmera awaleyn maqsad mukhtalif azhan ke ashkhas ki araa aap doston ke samney pesh kerna hey nateja akhaz kerna ya comments kerna aap ka apna kam hey

thanx 4 confirmation about AA (not me) n HN. maiN nay yeh reply aap ki post par nahi balkay MJB k pur zore israr par ki hai takay yeh baat saamnay laaye jasakay k characterless logouN ka yeh ilzaam bay.maani hai k falaaN falaaN bad.kirdaar hai. kissi k kirdaar par ungli uThanay walay ka apna kirdaar mushtabah nahi hona chahiye.

mujhay kam az kam aap ki niyyat par koi shubah nahi. aap aik achcha kaam kar rahay haiN. plz issay jari rakhiyeh

Shukrya.