PU incident par aik mail milli hai. socha k share kar douN. wazah rahay k iss mail k text say AA, MJB, Kashif ka muttafiq hona zaroori naheeN.

Thanx for this sharing...

Doosra rukh bi samney aana chaiye !

Yeh wala rukh merey samney already tha.
Aur mughey iss sher meyn e bhi kher ki naveed mil rahi hey

aap baray naseeb waalay ho bhai k ...

naveed aap ko mil rahi hai. chalo koi to aap ko bhi milli

Meyn ne naveed ki baat k hey aap naveeda kyun keh rahey heyn

shayad aap issay mazaaq samjhaiN, lekin yeh haqeeqat hai k hamaray M.Sc. ki class maiN ak Mr. navaid thaa aur aik Ms. naveed thee.... naveedah to suparlative degree lagti hai.

hahahahahaha

jamiat ko beyqasoor sabit karnay ki aik aur mazahiya koshish :P

aalazarfi aur jamiat 2 mutazaad cheezein hain

jamiat shidat pasand jahilon ko group hay aur in samiat sab siyasi jamaton say taleemi idaron ko pak kar dena chahiyay

Agar jamiyyat ka wakai mein ye mauqaf tha aur hai k siyasi shakhsiyaat ko universities mein nahin anay diya jaye ga


to sirf 2 din k baad unka mauqaf badal kyun gaya?? aur wo ab ye eelan kyun kar rahay hain k imran khan ko PU mein istaqbaliya dein gay ??

yeh jamiat ka nahi balkay muttahdah talbah mahaaz ka faislah thaa, jiss maiN jamiat bhi shamil hai ... jamita ka kahna hai k imran khan nay ossay yeh moqah nahi dia k jamiat mahaaz ko imraan k aanay par raazi karsakay.... ab jamiat ki mahaaz k saath yeh understanding hai k chouNkay hum political leaders ko PU maiN aanay say nah rok sakay lehaza ab onkay aanay par koi pabandi lagana monasib nahi.... khair maTTy pawo jawo ... jamiat /jamaat ki badnaami hona thee hogayee.... ghalati ki sazaa to ossay mil hi gayee khaah koi maanay ya nah maanay.... sanu ki

chalo 'mazaa' to aayaa nah aap ko ....muft mai|N entertain kardia jamiat nay aap ko...

hahaha bilkul sahi.

Usuf bhai zara hola hath rakheyn apna munda hey

Abb pachtawey kia hoot
jab chiryan chug gai khet

Mohtram, zair-e-nazar column maiN aap ki baat ka jawab mojood hai....yeh rooz nama Jasarat se liya giya hai (mera is se mutafiq hona zaroori nahi):

pachta kaun raha hai bhai .... onhouN nay to apni ghalti maan kar zimmah daaraan k khelaaf action bhi lay lia ... imran nay jamiat ko maaf karkay oskay khelaaf kuch bolnay say inkaar kardia ........... albatta aap k sohna manda aur deger sahafi apni tajzeya nigaari ki hamaqat say qaum ko apni amaqat dikhla rahay haiN ... per sanu ki

Usuf bhai hum abhi bhi hatmi tor per nateja akhaz naheen ker saktey ke agencies apney maqasid meyn kamyab ho gai heyn ya naheen lakin yeh Mush ki tarkish ka akhri teer tha jo unhon ne JI aur Imran ke dermyan phoot dalney ke liey stage kia tha

humm
yeh aap ki baat achi hay kay jahan guftago ka rung badalnay lagta hay aap usay aisi baat kar kay normal kar detay hain

hath jaisa bhi rakhein Abuadnan koi gal nahin saraj bhai

hum bhi kachi golyan nahin khelay huway

aap ki yeh baat bahoot achi hai k .. bil.aakhir aap ko meri koi baat to achi lagi. bhai hanstay moskoratay raha karo ... bahas mobaahesa aur ekhtelaafay roy kartay howay bhi ... sada khush raho

iqraar ki soorat hai inkaar say zaahir

bachpan maiN kanchay (pakki goliyaaN) khoob kheltay rahay ho. yaqeenan haath bhi ganday kiyeh houngay aur kapray bhi ... aur iss baat par baybay say pitay bhi hogay...(yeh aam moshahidah hai koi zaati tajarbah naheeN ) jabhi to hamaray quaid nay har qism ki goliyaaN khelnay ko naa pasanad kia kartya thay.

jo hukm sarkaar ... aap ka (sohna) munda aap ko mobarak ho ... ab hum nay aap kay munday par say apna haath oTha lia hai ... ab aap apna haath rakh saktay haiN....

AA bhai

JI aur IJT ke kam-o-baish nisf darjan se mukhtalif coulmns iss waqiye ki safai main aye hain,,, jin main se har article kissi aur article ki nafi ker raha hey,,, ya koi nya shosha chor raha hey,,,,, agar apni ghalti ki parda poshi ke liye hi efforts kertey rahain gey,,, tu kahi bhi musharraf ko nahin hata sakain gey,,,, Imran ne issi liye pahli baat hi yeah ki thi ke ussey koi gilla nahin,,, sab mil ke amriat ke khilaf jid-o-jihad karain

jab tak aap well directed aur well oriented nahin hoon gey,,, tab ke kuch achive nahin ker saktey,,,, aur result main aisey hi useless columns produce kertey rahain gey

hehe
haan jo baat achi lagi woh bata di main nay
waisay iss say aap ki zihanat ka bhi pata chalta hay kay jab jawab na dena chahtay hoon aap kisi baat ka tab bhi aisa kaam kar guzartay hain
aap bhi khush rahein

hahaha
issi liyay main qaid kay kehnay kay mutabiq golyan waghaira sirf muhawray ki had tak khela hoon asal mein nahin

albata aap ki baton say lagta hay kay aap shayd .......yeh kaam kartay rahay hain

sohna munda ?

bilkul sahi

adaab arz hai

aap bhi to zaheen zaheen say lagtay ho, jabhi to kissi ki zehanat ko read kar letay ho ...

Usuf bahi kashif ka aap ka hath hi pasand hey bas holla rakhne ki derkhawast hey (jo ke na manzor bhi ki jaskati hey )

Theak hey usuf bhai aap ne jesa hath rakha howa hey wesa hi rehney deyn aab Kashif ko maza aaney laga hey

aap ka yeh HUKM bhi sar aankhouN par

Tussi mahaan ho usuf bhai

hath pasand ya napasand to alag baat hay laikin yeh hay kay in say 2,2 hath karnay mein lutf aata hay

hehe
aap kehtay hain to shayd aisa ho ga
waisay main to zaheen nahin samajhta apnay aap ko

hehe
lagta hay aap iss marhalay say guzar chukay hain

zaheen log kabhi khud ko zaheen nahee samajhtay..... maiN bhi kabhi khud ko zaheen nahee samajhta (houN na zaheen ) albatta zaheen log doosray ki zehanat ka fauran etraaf karletay haiN ... jaisay maiN aap k aur aap mer zahanat k qaail hain....

shayad aap ko yeh maloom hochuak hai k saraj bhai "Nawaab.Shaah" say hain. jo nawaabouN aur shaahouN ki sarzameen hai ... nawaabouN kay 'shauq' say kaun waaqif naheeN.

Yani rehna UsufBhai ke hi hathon meyn chahtey ho

Samnader kinarey reh ker bhi samnader ki gherai ka andaza lagaya ja sakta hey samander meyn uterna hi zarori naheen hota

Usuf bhai aap to kafi expereinces hongey Nawabon se bachney ke afterall aap bhi to Nawab Shah sey zyada door naheen paye jatey... heyn na

Khul ke ek dosrey ki tarefeyn kareyn na aveen meyn Fazul.ur.Rehman aur Benazir kyun ban rahey heyn

Nawaab shaah badin say bahoooooooooooooot dooooooooooooor hai balkay raastay bhi judaaaaaaaa judaaaaaaaa. chalo ab CA ki bataiN kartay haiN FTM ki batain FTM maiN hi theek haiN ... qabl iskay k admin ka order aajaye... omeed hai k aap nay ora nahi maan ahoga.

fazlur rahman (choTy borayee) to khair hai lekin khabar daar jo mjhay BB kaha

Mughey to pata tha ke aap Badin meyn tail nikal rahey heyn mager bohat se HC doston ko naheen maloom tha ke aap her trah ke tilon se tail nikalna jantey heyn

Ok boss Aap ka hukum sar ankhon per

hahaha
aisi baatein na karein janab
log jalnay lagein gay

aap ka keh nahin sakta .......main to waqai nacheez sa banda hoon

hehe
ab bari aayee saraj bhai ki

2,2 hath karna chahta hoon