Roodad-e-Get to gather Islamabad 2nd DEC 2007



PaRhti aankhouN aur Click karti Fingers ko mera Salam
Jaisa kay aap sab loug jantay hain kay akhir kaar itnay taradud kay baad ham Islamabadians aik adad GTG organise karnay main kaamyaab hou hii gaye jis ka sehra infact bara wala sehra Saraj aur Sajjad bhai ko jata hai aur main tou kionkay larki houn iss liey aik chouta saa gouta kinari wala dopatta meray sarr jata hai kionkay aik baar phir say iss section main aa kar GTG ka shousha chournay wali main hii thee .. tou jii ALLAH ALLAH kar kay ham aik date final karnay main kaamyaab hou gaye (was not an easy task as everybody knows kabhi kuch masla kabhi kuch,kissi aik date par tou aa kay hii nai day rahay thay sabb khair) aur phir dosra bara masla VENUE ka decision thaa choonkay Islamabad main itniiiiiiiii sari jaghain hain aur who bhi achi achi (apnay sheher kii tareef kartay huey .. ehem ehem..) iss liey decide karna khasa mushkil hou gaya thaa baharhaal hamaray ~Saraj~ sahab kii kaafi PR hai iss muamly main (isski wajah shayed unka PIYARA houna hai ) tou jii akhir kaar yeh tay paaya kay Islamabad kii yeh sard (Islamabad kay mausam ko mad-e-nazar rakhtay huey) GTG Blue area kay aik chinese resturent "Dragon City" main kii jaye gii so yeh done danna dan done hua ,iss tamam arsay main participants kii tadad kabhi kam aur kabhi ziada houti rahi.

Akhri listaiN aanay tak 14 loug confirmed thay jin main say kuch bass list kii had tak hii confirm rahay .. baharhaal akhir kaar who din aan pohoncha jis ka thaa intizaar.. yani 2^nd December 2007 .. HC kii history main aik aur sunehra din (ehem ehem)

Jii tou sabb say pehlay shuruaat kartay hain kay main yani kay Barsaat kaisay pohonchi Dragon City takk kionkay yeh bhi aik kahani hai (shukar karaiN main apnay uthnay kiii kahani skip kar rahi houN ) yeh Saraj bhii naa .. actually mughay Dragon city nai mill raha thaa aur main blue area kay chakar kabhi idher say udher aur kabhi udher say idher kaat rahi thee jab teesri baar gaari muRwaayi tou yaad aaya kion naa Saraj say pooch louN .. fone kia haal ehwal kay baad poocha kay yeh mua resturent hai kidher .. saraj kehta hai aap kahan say aa rahi hain mainay boula APNAY GHAR say .. baat bhi theek thee apnay ghar say hii aa rahi thee .. lou jii lagay hansnay .. khair ji pata samghaya tou pata laga pehlay 2 baar main yanhin say guzr chuki houN baharhaal pohoch gaye ham (ham yani main aur meri sister) enterence pay pohonchay idher udher daikha tou samnay sajjad bhai baithay huey dikhay .. aik elehda say haal numa jaggah pay .. samnay right par sajjad bhai .. head of the family wali seat khali thee aur left pay pehlay Saraj phir M Kashif Nisar unkay Saath Braveheart (ultay pultay lafz nai mill rhay aapkay nick kay issi say guzara chalayaiN) unkay sath Abid Siddique tashreef rakhay way thay.khair jii maiN aur my sister jaa kar sajjad bhai wali side pay baith gaye phir mainay samnay daikha tou kuch ajnabi chehray dikhay tou pooch hii lia kay KAUN KAUN KAUN HAI jis par sabb nay apna apna nick bataya .. participants abhi pooray nai huey thay taaham iss par guftogo hounay lagi kay kaun aanay wala hai kaun bahanay bana raha hai aur kaun foneeee takk nai uthaa raha kay kahin fone main say khainch kar na nikaal laiN .. baharhaal kuch hii dair maiN ham sabb kii piyaari FG kii raaj dulaari Uncertainity tashreef layeiN jinka talluq Lahore say hai .. unkay sath HC kay aik member bhi aaye Daigo Khan .. Dono sabb say millay aur phir apni apni seatouN pay barajmaan hou gaye ..thouri dair baad aik aur shanasa chehra yani Tanha Musafir tashreef laaye apnay riwaiyti andaaz main mounh pay dhairouN muskurahat liey sabb say millay .. gouya mehfil main jaan paRR gayi.. Unkay baad Fahimakhter tashreef laaye jinhouN nay Islamabad kii sardi say nimatnay kay pooray intzaam kiey huey thay jiss main sarr-e-fehrist unkii who oon kii toupi thee jou lag rha thaa ammi nay zabardasti pehnayi bulkay sarr pay rakhi thee (sach aisay hii laga rha thaa kuch sarr pay aisay thouri dair kay liey rakha hua hai ) sabb say millay hamaray fahim bhai .. Fahim bhai kay baad ham kuch aur logouN ko bhi expect kar rahay thay jaisa kay Ilus83,Laila aur Naj magar Ilus83 apni kisi rozgar kii maroofiyat kii binna par tashreef na la paaye issi tarah Naj bhi tabiyat kii nasaazi kii binna par naa ayeiN bahar haal Introduction ka section shoro hua aur sabb nay hasb-e-toufeeq mounh zubaani apni apni defination sunaayi kay wooh kia cheez hain aur kis kaam atay hain (hehehhhehehhe) joke apart sabb nay apna introduction dia jis main sabb say mukhtasar taa'ruf mera (actually maiN naa doosrouN ko ziada mouqa daiti houN tareef kaa ) aur sabb say tafseeli taa'ruf ummmmmmmmmmmmmmmmmmmm Tanha Musafir kaa thaa .. aur sabb say ziada tanqeed jinkay tarruuf pay kii gayi who haiN ham sabb kay piyaray FTM kay shehzaday (yeh aur baat hai kay Raja bhai inko kabhi kabhi gadhay par bitha kar HC kii sair bhi karatay haiN ) Saraj urf Rafay … logouN ko asal problem inki umr say nai bulkay unn saalouN say thee jou inhouN nay apni current job maiN guazaray hain kionky yeh khud bata kay bhool jatay hain kay kis ko kitnay saal bataye huey hain abb jab sabb dost ikathay houngay tou bhaanda tou phootay gaa naa !!! (hehehehhehehe) acha acha serious wali roodad likhnay kii koshish karti houN..

Tou jii intro section over hua usskay baad soup serve hua yummmmmmmmyyyyy yummmmmmmyyyyyyy tastyyyyyy tastyyyyyyyyyyyyy aur usskay sath hii loug soup peenay main mashghool hou gaye .. aur kuch ziada hii mashghoool hou gaye .. kay unko yaad karana paRa kay GTG ka maqsad sirf yehi nai aur bhi hai (u know to whom I am saying ) tou jii sath sath guftgoo bhii hounay laggi Saraj kay bilkul sath Tanha Musafir baithay huey thay jinkay dono hath Saraj nay pakray huey thay kay abhi nai abhi nai .. jab hamnay poocha tou pata chala Saraj unko rouk rahay hain kay abhi nai abhi nai thouri dair baad apna taaza kalam sunana .. (hehhehehheheh) bass jii gup shup chalti rahi sath sath aur sath main khana peena bhi … phir poetry ka silsila shoro hua tanha musafir jii say .. jinhouN nay khizan kii iss rutt main bhi apnay lafzouN say gouya bahaar ka sa samaN bana dia .. bohot maza aaya unki poetry sunn kar .. specially AJAB PAGAL SII LARKI HAI .. too good .. then hamaray Kashif bhai kii taraf toupouN ka rukh hua kay jii abb aapka number poetry sunanay kaa…wooh apnay hamrah kaghaz pay apni poetry likh kay laaye huey thay.. unkay baaray main kuch kehti chalouN .. pehli daffa unsay mulaakaat hui yani pehlay kisi GTG main wooh nai aaye (shayed aye houN but main nai thee) baray saada louh kisam kay seedhay saadhay aur decent sii shaksiyat kay maalik haiN hamaray Kashif bhai .. mill kay bohot acha laga .. unhouN nay apni poetry say mehfil ka lutf doobala kia .. sabb wah wah kar uthay .. usskay baad sath baithay BraveHeart say farmaish kii gayi kay aji aap bhi kuch sunayaiN tou who tou jaisay nayi nawaili dulhan kii tarah sharma hii tou gaye aur lagay jaib say aik kaghaz nikalnay .. nikaal kar kehtay hain nai jii main tou nai likhta .. meray pass tou bass uss post ka print out hai jiss main GTG participants kay naam aur final proramme darj hai (hehehehhehe) tou jii unkay baad hamaray fahim bhai nay apni poetry sunayi .. kaafi gooRhi urdu thee .. bhaee MA Urdu ka student haiN janhaan mouqa lagay gaa yeh tou karaingay naa .. baharhaal unki mushkil magar dilchasp poetry ka session chala usskay baad meri taraf hou gaye sabb kay chalain jii aap sunayaiN jou kay mainay yeh keh kay muazrat kar lii kay jii who bachpan ka zamana thaa jabb maiN likha karti thee jab main nanhin munni thee abb nahinnnnnnnnnnnnnnnnnnnnnnnnnnnnnnnn likhtiii .. tou jii usskay baad baari baari sajjad bhai,uncertainity aur daigo khan say request kii gayi kuch sunanay kii jinhouN nay muazrat kar lii … usskay bad Saraj say bhi request kii gayi jou kay Tanha Musafir jii kii kitaab main say kuch dhoundtay rahay sunanay ko .. magar jou bhi sunanay lagtay who pehlay say hii tanha musafir sunna chukkay thay taaham unhouN nay issi par iktiffa (yehi kehtay hain ghaliban nai bhi kehtay tou khair hai ) kia ..

Saraj ka mobile fone continously harkat main thaa (itna continously tou nai jitna yanhan mainay likha hai kionay koi fone hii nai kar raha thaa tou tang aa kar Tanha Musafir nay Saraj say kaha yaar main bahir jaa kay fone karta houN hhehehhehhehe) phonic participations karnay wallouN maiN hamaray KamlaJatt aur Seemaf sis shamil haiN .. pehlay Kamlajatt ka fone aaya jinhouN nay sabb say baat kii .. bohot acha lagga unsay baat kar kay … unkay baad Seemaaf sis hamri mehfil main shamil hueiN .. unkii bhi taqreebun sabb say gap shap hui .. SMS participation bhi shamil-e-GTG rahi jin maiN Abdullah Bhai aur Evergreen Lady shamil haiN jinhouN nay SMS main sabb ko salam kaha jisska ham sabb nay baa-jamaat walaikon salam kia….Abdullah bhai ko bohot bohot bohot miss kia .. har GTG main who hamesha rahay iss liey aik qabil-e-zikr kammi sari mehfil main feel houti rahi…MISS YOU ABDULLAH Bhai ……… chalain khair who baharaiN phir ayaingi Insha ALLAH ..

Aik khas soughaat bhi laayi gayi Multan say hamaray liey … SOHAN HALWA .. hamaray Kashif bhai laaye thay .. jou ham sabb nay khanay kay baad nosh farmaaya .. thankyou Kashif bhai .. so sweet of you … aik aur tohfa bhi milla ham sabb ko jisski alehda say post bhi mainay kii hai .. Member jinhouN nay yeh tohfa bhaija unka naam nai bataya gaya unki request par .. jou bhi haiN bohot bohot shukriya Tanha Musafir kay through ham ko yeh surprise gift mila .. thankyou .. it's a CD n DVD on Islam n Quraan.ALLAH aapko ajar day iss naiki kaa…

Akhir main photo shoot (jou kay sath sath bhi jaari thaa hamaray abid siddique iss kaam kay mahir jou thehray majaal hai kahin inka camera choonka hou) hua.

Phir sabb rukhsat kii ijazat lainay lagay .. pehel Uncertainity say hui jinhouN nay apni aik dost kii shadi main bhi shirkat karni thee .. so ham nay bhi rukhsat kii ijazat lii aur ghar pohonchay.

Bohot Maza rha .. waqt ka pata bhi na challa aur aik aur memorable din apnay ikhtatam ko pohoncha .. a big note of thankyou tou Saraj and Sajjad bhai .. jinhouN nay itna acha manage kia aur hamaiN itna acha waqt guzarnay kaa mouqa milla so thanks a lot for efforts of both of you!!!!

Hamaray HC kay wooh saathi jou travel kar kay Islamabad GTG attend karnay pohonchay unka bhi bohot bohot shukriya aur aisay loug waqeyi maiN HC kay devoted members haiN. M kashif Nisar all the way from Multan aaye .. bohot bohot shukriya GTG ka hissa bun-nay kaa aur ham umeed kartay hain aapnay enjoy kia hou gaa.Fahimakhter aur Braveheart aapki bhi bohot meherbaani aap dono Lahore say aaye aur iss sham ko (infact dopeher ko) chaar paanch chay chaand lagaye (halankay sooraj bhi thaa phir bhi inhain kaun samghaye.. hehhehhe).

Uncertainty and Daigo Khan ka bhi behud shukriya .. uncertainty aik lively sii full of life personality hain mill kay bohot acha lagga aur aapko bhi ham sabb say mill kar khushi hui hou gii (I think so coz mughay aisa lagg raha thaa ) thanks so much siso.

Baaqi Abid Siddique ka fun-e-camera,Tanha Musafir kii poetry yeh sabb unn ingredients ka hissa hain jinhoun nay iss event ko itna khushgawar bana dia kay jabb say aayi houn GTG say bass khush khush houn .. hehehhehehe .. I mean thanks to both of u toooo.

Zindagi rahi aur waqt milta raha tou yunhi bohot sii GTG's main mulakaat houti rahay gii Insha ALLAH

Yeh tou bass awein sii roodad thee .. asal roodad M kashif nisar likhain gay jiski proof reading uncertainity karaingi aur phir ham sabb paRhaingay .. mughay har cheez kii jaldi rehti hai iss liey raat kay 12 bajay say 3 bjay tak baith kay roodad likhi (yeh aur baat hai kay keyboard kii tak tak say meray kamray main souyi meri behen mughay bohot achay alfaaz main yaad kar rahi hai) aur abb post kar kay hii souyoungii…

Ijazat daiN .. Pakistaan Zindaabaad .. Good Night/Day/Afternoon whatever … Bye Shy ..

Khabar-namah khatam ho gaya...

Bohot hee maza aaya paRh kar...

Aik aur kamyaab GTG k liye bohot bohot mubarak ho...

wowwww awesome ..

Ahh itne mehnat ke likhnay per chalein phir bhe bohat maza aiya par ker thankuu so much 4 sharing wid us

Graet ..yeh it was ful of fun and memorable day.
Really v miss Abduallah Bhai ...
Bersat pehley Seemaf ki call aai thi aur phir kamla jat ki..(Correction)
aur Jat wali baat aap ne gaol kerdi ..kyun woh bhi to batayen na

aray wah
itni quick service
aap nay to post bhi kar daali roodad
aur main bechara ab kiya likhon ga .........I think sab kuch bata diya hay aap nay

saraj bhai
sari baatein GTG ki ....public version of roodad mein nahin aa saktin

aa sakti heyn..........
lagta hey Abid se rodaad likhwani parey gi ..khas tor per faheem ki entertainment

haha
aisa kar diya aap nay to phir to pata nahin kon konsi baatein samnay aa jayein gi

wow .. bohat maza aya parh kr .. sari gtg zehan mai phr se ghoom gayi aur jo nahi bhi likha wo bhi yaad aa gaya ... kashif bhai jaldi se proof reading k liay bhaijain mai chaippian laganay k liay betaab bethi hun hehe

Thanku barsat siso .. ofcourse aap sab se mil kr mujhay bhi bohat acha laga ... Bohatch maza aya .. ab kia kia likhun .. hath bohat se batain likhne ko bechain hain lol ..

Saraj ... aap fiker hi na krain hum sab kuch likhain gay ... abhi Feeder wala qissa bhi to rehta hai



Meri taraf se sab ko is SUCCESSFUL EVENT pr bohat bohat mubarak ho ... we had so much fun and for that Thanks to each individual ..

wo Sajjd Bhai ki khamoshi
wo Rafay ka cheh-chahana
wo Fahim k mazaydar fatway
wo shayer bhai ka betaab hona (atif saeed)

sab yaad hai sab yaad hai

wo Kashif ki masoom adayain
wo Braveheart ka sharmana
wo bersaat ki apnaayiat
wo daigo ka dostana (Baloch bhai se)

sab yaad hai sab yaad hai

wo uncertainty ka sab ko witness kerna

nahi bhoolay ga nahi bhoolay ga


You guys rock

Bohat Umdaah ~~ Bersaat ~~ , bohat mazaah aaya gtg attend ker k aur rodaad perh ker. Sab se mill ker acha lagga aur bohat acha lagga.

Aik correction aur hai aur woh yeh k main Uncertainity aur Diago Khan se pehlay aaya tha

Baqi ki tafseelaat post kerta hooN break k baad

jaldi ayeay shayir bhayia .. phr hmain bhi bohat kuch kehna hai

Bohat Khoob ~~ Bersaat ~~ , Bohat hi achi Roodad likhi hay aap nay,
Aur waqie bohat maza aaya G2G attend kar kay. Aik bohat arsay bad achi si G2G hui

Sajjad

wah, buhat zabardast roodaad likhi Barsaat aapi aap ne, aur buhat mehnat se likhi....

lekin UC aur Kashir Nisar yahan paishi dein aa k,

Kashif ne Roudaad likhni thi aur UC ne proof reading kar k post karni thi? wo kahaan hay???????

ab zara corrections ....

Janaab, jab barsaat aaein thi to hum ne kaha tha k Guess karein k hum kon kon hain? (jo new loog thay, cuz saraj,Sajjad bhai wagera ko to wo pehle jaanti he theein, unho ne guess nahi kiya aur zidd ki k ab bataya jaay k hum mei se kon kon hay...

khair, phir halka phulka taaruf huwa, wo bhi just HC nickname aur real name(jo amma abba ne rakha hay )

aur bas phir GupShup shuru ho gaai, Saraj bhai aur Aatif apni guftoo shuneed mei lag gaae, Sajjad bhai HAMA-TAN Khargoosh ho k un ko daikhne aur sunn`ne lagay,
aur Barsaat bhi dooooooor se kaaan lagaay sun rahi thiin un ki baatein,

aur mei Abid se baatein karne lag para..

::::::::::::::::::::::::::::::::::::::::::::::::::::::::::;

Get to Gether k participants aur un k real name aur wo kiya karte hein, yeh bhi kisi ne nahi likha, khair, ab yeh adhoora kaam bhi mujhe pura karna paray ga

shukriya aur khair mubarak

aur nai tou kia meri unglian farcture hui v hain .. aata bhi nai ghoondh sakti abb

AahoO jii bara fun shun sii

No if and no but only jatt

Jatt noun loko light nai laina sabb toun wada aqal ay gehna

louR paway tay fight v karda aay internet tay chat v karda aay

nai nai buri baat yeh tou unofficial roodad hai .. official tou aap aur uncertainity hii likhaingay

Buhat zabardast Likha ap ne Barsaat

aap bhi kashif bhai aapki jou tareefain oper roodad main kii hain unko edit kar doungii

Wah Barsaaat mazah aa gaya

you rocked too sis infact aisa kehna chahiye : woh uncertainity kii doraan-e-guftagoo bey-sakhta bisti

cya again sometime

aadhi chutti kab kii khatam hou gayi

Kuch paaney ke liye kuch khona to parta hai na dear

shukriya sajjad bhai

tou aap kia kisi dost kii barat kii routi khanay aaye thay GTG main likhain naa achi wali roodad .. chalain shabash

aap say baat kar kay bohot maza aaya thaa sis

[quote name='Uncertainty' date='Dec 3 2007, 12:09 PM' post='2606301']

wow .. bohat maza aya parh kr .. sari gtg zehan mai phr se ghoom gayi aur jo nahi bhi likha wo bhi yaad aa gaya ... kashif bhai jaldi se proof reading k liay bhaijain mai chaippian laganay k liay betaab bethi hun hehe
[color="#0000FF"][b]
woh abhi process mein hay roodad

wo Kashif ki masoom adayain

acha ji

bass maza hii ata hai tumko .. kabhi kisi GTG main naa aana

ay tay hai

otay nahein aaongi

jaisa kay fahim bhai ko mushkil urdu bolnay pay tokna .. balochoun par comment karna aur aur aur

Same here dear

Sirf unglyan fractured hoween theen....? R u sure

Please urdu meyn baat ki jaey

lol .. kia yeh be-saakhta bisti krna thaa ... mera khiyaal to kuch aur hi thaa ... masoom log bhi kaheen k nahi ..

yeh baat ker k to aap ne "FAHIM BHAI KI PUNJABI WITH KAMLA JATT ON FONE" yaad kra di ..

Kitni Dair Lagi Likhne MeiN?

Komal aap kahan theen ....GTG meyn call /SMS kyun naheen ki ?
Kisi Dr ne mana kya howa tha kia

U know v miss u too

Good Work

for writing such a wonderful and descriptive roudaad..

Zabardast Roudaad .... Barsaaat aapi

chaa gai hein aap,

Puuri GTG ka haal bayaan kar diyaa... aur aisa laga k jaisay yeh GTG aaj he huwi hoo..

buhat mazza ayaa parh k , especially emotions jo aap ne post mei use kiyee.. tht were amaizing..

waise Barsaat aapi you are good observer. ..

oh .......acha ji
uncertainty nay to topic start kiya huwa hay ..........meri baari kay liyay thora sa wait plz

haha
main nay aisa kiya keh diya
chalein aap edit kar dein phir main nay bhi roodad likhni hay

Bahut khooob... am sorry.. main call nai kar saki.. mere zehn main hi nai raha.. as I am inactive these days on forum.. but parh kar bahut acha laga.. Insha-Allah.. zindagi main mauqa mila to ap sab se zaroor miloongi... or is se bhi ziyada rounaq lagayeinge...

joke thaa

jatt ko kabhi koi order nai daina pehlay apni beema policy karwao phir takar laina jatt say

teen ghantay aur kuch minute shouq da koi mul nai

yeah we did