AOA

kafi din say aik baat discuss karnay ka soch raha tha
qana'at aur fazool kharchi ki terms to hum use kartay rehtay hain ....laikin agar koi banda apni zindagi par ghaur karna chahay to kaisay maloom karay ga kay in ki limits kiya hain? means kahan tak kharcha qana'at kay ander rahay ga aur kahan say fazool kharchi start ho jayay gi

pehlay apnay views batata chalon
meray khyal mein to koi had muqarar karna mushkil kaam hay .....kiyunke har banda apni income kay lihaz say kharch karta hay ...like mobile zarorat ki cheez hay ...aik banday nay 2nd hand 1000 ka lay kar bhi kaam chalaya huwa hay ...koi 5,6 hazar ka lay laita hay aur jo afford kar sakta hay woh 25,000 ya 30,000 ka bhi lay laita hay ....ab 5000 walay kay nazdeek shayd us nay fazool kharchi ki (25,000 walay nay) aur us kay khyal mein woh baqi paisay kisi aur masraf mein la sakta tha ... laikin woh banda afford kar sakta tha us nay achi cheez lay li ....ab yeh har banda khud hi decide kar sakta hay kay us ki niat kiya hay aur woh kaisay apni daulat ko use kar raha hay

dosri taraf agar aik banda sab kuch Allah ki niamatein hotay huway apnay uper kharch nahin karta aur jo sahoolyat woh aasani say hasil kar sakta hay aur phir bhi hasil nahin karta to issay qana'at kaha jayay ga ya bewaqofi? ba'z log kehtay hain kay guzara to un cheezon kay baghair bhi ho sakta hay to phir zinda rehnay kay liyay to 2 waqt ka mamoli khana aur minimum libas bhi kafi hay ..iss lihaz say socha jayay to banda dunya say hi baizaar ho jata hay

Islam miyana rawi ka dars deita hay ....what I think kay jo Allah nay diya hay.... jaiz rizq hay....to usay use bhi karay ....apni saholat kay liyay jo cheez khareed sakta hay khareeday ....aur jahan tak ho sakay mustahiq logon ki madad bhi karay ...jo kaam zarorat ki had say nikal kar sirf aur sirf dunyadari kay liyay kiya jayay ga woh albata fazool kharchi mein aa jayay ga

Islam mian to raat k liay khana bacha ker rukhny se bhi mana kia gi ahai janab

aap us baray mein kiya kehti hain jo main nay baat pesh ki hay?
aik banda apni saholat kay liyay jo kharcha afford kar sakta hay woh usay apnay uper karna chahiyay ya nahin?

Usuf Bhai kahan hain

Aap k tafseeli jawab ka intizaar hai...

aap bhi apnay views share kar sakri hain

bhai aap ki aboch soch bilkul durust hai aur maiN aap say sad feesad ittefaq karta houN k qanaa'aur fazool kharchi ko absolutely in terms of amount limit nahi kia jasakta k yahaaN tak qanaa'at hai aur yahaaN say fazool kharchi start hoti hai. yeh dounouN relative terms haiN jo person to person aur situation to situation vary karti haiN.

qanaa'at yaqeenan aik achchi cheez hai aur fazool kharchi naa.pasandeedah. Quran maiN fazool kharchi k baray maiN kaha gaay hai:

(1) Those who, when they spend, are not extravagant and not niggardly, but hold a just (balance) between those (extremes);
( سورة الفرقان , Al-Furqan, Chapter #25, Verse #67)

(2) "And follow not the bidding of those who are extravagant,-
( سورة الشعراء , Ash-Shuara, Chapter #26, Verse #151)

(3) 'There were some foolish ones among us, who used to utter extravagant lies against Allah.
( سورة الجن , Al-Jinn, Chapter #72, Verse #4)

qana'at yeh hai k jo kuch ossay hasil hai, oss par satisfy rahay nah k jo kuch ossay hasil nahi hai, oski talab maiN bechain, pareeshaan aur jald az jald har soorat maiN ossay haasil karnay ka khahishmand rahay...... albattah yeh baat qanaa'at k khelaaf nahi hai k jo kuch hasil hai oss par satisfy rahtay howay mazeed k hasool k liyeh jiddo johad aur koshish karta rahay..... qana'at mazeed hasool ki koshish say nahi roktaa.... bandah saari omer khoob say khoob tar aur mazeed say mazeed tar hasil karnay ki jiddo johad kar sakta hai aur karna chhaiyeh.... magar har 'step' par jo kuch bhi hasil hai oss par sabr o shukar k saath satisfy bhi rahnay ka naam qanaa'at hai. youN bandah saari zindagi bayak waqt mutamin bhi rahta hai aur mazeed haasil karnay ki jiddo johad maiN bhi laga rahta hai.

islam kamanay say nahi roktaa. nah hi kharch karnay say rokta hai. jaiz tareeqay say zeyadah say zeyadah kamaya jasakta hai.... albattah kharch kartay waqt (zahir hai k jaiz omoor maiN) ossay aik balance barqarar rakhna hai k zaat par kiss had tak kharch karna hai. jo hamaray dependent haiN onn par ketna, jo hamaray aqarbah haiN onn par ketnaa aur jo deger inferadi o ijtemayeee zaroorat mand haiN onn par ketna, kab aur kaisay kharch karna chhaiyeh. inn tamaam k haqooq ko balance tareeqay say ada karna hi 'ghair-fazool-kharchi' hai. apni zaat ka bhi otna hi haq hai jetna doosrouN ka. apni zaati 'zarooryaat' k elawah apnay araam, araaish o zebaish par bhi kharch karna zaroori hai. apnay zati shauq par bhi kharch kar saktay haiN. bus tarjeehat durust honi chahiyeh.

aik shakhs hazoor saw k pass iss haal maiN aayaa k oska hulya bigra howa tha. baal banay howay nah thay. lebaas omdah nah thaa. aap nay sahabah say poocha kia yeh shakhs ghareeb hai. sahabah nay farmaya nahi yeh to maal.daar hai. aap saw nay farmaya phir iskay hulyay say aisaa zahir kiyouN nahi hota. Agar Allah nay ataa kia hai to aap ki living style say bhi iska izhaar hona chhaiyeh...... jo zaahir hai k dekhawaa, takabbur etc say door bhi ho

sorry zara late hogaya...

howee kuch takheer to baa'esay takheer bhi tha

Thanks a lot for a beautiful explanation Yusaf bhai
thanks also for appreciating my thoughts
in fact yeh har banday ko khud examine karna chahiyay kay woh jo kaam kar raha hay woh sirf dunya dari ya dikhaway kay liyay to nahin hay ...other wise apni aase'ish kay liyay bhi kharch karna ghalat nahin

hum bilkul nahin poochein gay kay baa'is-e-takheer kiya tha

aur hum bhi yeh bilkul nahi batayengay k aap ki bhabi hamesha baa'isay takheer ka sabab (baa'is bhi aur sabab bhi) ban jati haiN....

hehe
baa'is bhi aur sabab bhi
aap nay to na batatay huway raaz khol diya sara

good post kehnay ka thanks

magar yahan to discussion chal rahi thi aur aap ka bhi farz ban-ta tha apnay views share karna
ya yahan bhi agree ho kar hi kaam chala lein gi