QUAM KO MUBARAK HO K
Janab Izzat Maab President Of Pakistan Pervaiz Musharraf Neh Sialkot Airport K Iftatah K Mauqah Per Khataab Kerte Hoey Qaum Ko Khush Khabri Dee Hai K Ayendah Chund Dinnoon Mein Mulk Mein Aatta K Saath Petroleum Masnooaat K Bhe Buhran Paiyadah Hone Waala Hai Aur Iss Buhran Se Nimmatnay K Liye Sab Se Pehle Petroleum Masnooaat Ki Qeemtoon Mein Asafah Kiya Jae Ga Aur Gundum Ki Smuggling Rokne K Liye Gundum Ki Qeemtoon Mein Bhe Asafah Kerna Ho Ga.

Piyre Saathio!
Tayyar Ho Jaiye K Jiss Dictator Neh Apne 8 Saalah Fauji Daur Mein Awam Ko Mehangai Aur Zillat-O-Ruswai K Ilawah Kuchh Nahin Diya Ab Apne Civilian Daur K Aghaz Per Bhe Qaum Ko Mehangai K Aik Naey Tufaan Ki Aamad Ki Naveed Suna Dee Hai. Khair Jab Qaumoon Per Aise Azaab Naazil Ho Jaatay Hain Tou Apne Saath Aise Toofan Bhe Le Kar Aatay Hain. Abhi Kal Ki Baat Hai K Cheeni 15/16 Rs Se barh Kar 30/32 Rs Kilo Kar De Gai, Chawal 28/30 Rs Se Barha Kar 65/70 Rs Kilo Kar Diya Gaya, Cooking Oil Ki Qeemtoon Mein Bhe Hoshruba Asafah Ho Chuka Hai Aur Ab Baari Hai Aatta Aur Petrol Ki, Aatta Tou I Think 10/12 Rs Per Kilo Se Apne Black Waalay Rate Yani 20/22 Rs Kilo Per Aa Jae Ga Lekin Petrol Ki Qeemtoon Mein Qayamat Khaiz Asafah Tou Mausoof Pehle He Farma Chukay Hain Ab Na'janay Kia Kerna Chahtay Hain. MJB Sahib! Chalein Waise Tou Ab Tak Koi Hukamran Iss Mulk Ko Sahoolton K Ehtabar Se Tou Paris Nahin Bana Saka Lekin Ab Qeemtoon K Ehtabar Se Yeh Mulk Bhe Paris Se Kum Nahin Ho Ga.

Mein Waise 2 Baatein Samajhne Se Qaasir Hoon, Aik Tou Yeh K Har Foreign Country Mein Har Govt. Awam Ki Flah-o-Behbood Aur Unn Ko Sahooliyat Fraham Kerne Ka Sochti Hai Lekin Hamari Har Govt. Awam Ka Khoon Choosne K Mansoobay He Kayun Banati Rehti Hai Aur Doosray Yeh K Agar Kisi Mulk Mein Kisi Bhe Cheeze Ki Qeemat Mein 2/3 % Asafah Bhe Ho Jae Tou Awam Unitedly Sarrkoon Per Aa Jaati Hai Aur Govt. Ko Majboorun Woh Asafah Waapis Lena Parhta Hai Ya Kursi Se Mehroom Hona Parhta Hai Lekin Hamaray Haan Laug Itne BeHiss Ho Chukay Hain K Inn K Kaan Per Juun Tak Nahin Reengti Aur Yeh Barri Khamoshi Se Mehangai K Zehar Ka Piyalah Amrat Samajh Kar Pee Jaatay Hain Aur Phir Se Ussi Hukamran K Gun Gaanay Mein Jhut Jaatay Hain.

Friends! Agar Aur Kuchh Nahin Tou Kam Az Kam Hum Dua Tou Kar He Saktay Hain Tou Aayie Yeh Dua Kerein K Ya Allah Hamein Azab-e-Mush Se Najaat Atta Farma Aur Koi Naik Saaleh Hukamran Atta Farma, Aameen Sum Aameen.