Aap mulahiza kertey hon gey key aaj kal hum maloomaat key
raastey per chal rahey hein kyonkey ye information ki sadi hai
aur hum is sadi mey ziada sey ziada maloomaat hasil kerney
key khawahishmand hein' leykin muhabat ka raasta doosra hai
jo hum ko bohot uper ley jata hai aur muhabat ka raasta hasil
kerney key liye mey is nateejey per phoncha hun ké apney ird
gird key logon key sath acha salook kiya jayé--chalien
muhabat na ki jayé--chalien unhien kuch diya na jayé--nabi
kareem (s.a.w) farmaaté hein muskurahat bhi aik sadqa hai--
kabhi kabhi is ko jaari ker diya karein-hans key bol parho
magar hamarey haan ye bhi mafqood ho ker reh gaya hai-hasd
ho gaya' larhai hoi' jhagrhey ho gaye--hum muhabat to aik tarf
rahi, muskurahat bhi kisi ko ada nahi ker saktey halaanké jab
aap kisi sey nafrat ka izhaar kertey hein ' ghori daaltey hein'
maathey per silwatein daaltey hien to aap key chehrey key 7
muscels kaam kertey hein aur agar muskuraein to sirf do
muscles tension mey aatey hein ya tension feel kertey hein--
kitna asaan kaam hai leykin ho nahi paata-
Ashfaq Ahmed ki kitab sey iqtébass