"jab aik zinda insaan k ander ka admi MER jata hai
to wo buht khush ikhlaq aur shaista ho jata hai tab shama e zindagi k perwany noor hasil
kerny k laiy door door se a ker us k as pass jamah hony lagty hain" by IShfaq Ahmed.

baat kuch samajh nahin aayee
meray khyal mein to ander ka insan zinda ho tabhi banda doosroN say akhlaq aur muhabbat say pesh aata hay

shayd apnay ander kay nafs aur an'aa ki baat kar rahay hooN gay yahaN Ashfaq sb

u r rite kashif nasir

boht acha explain keea ap ny

Thanks ji

abhi explain kahaN kiya tha
anyway
thanks janab

hahaha

bas bhai utne sy he samaj a gayee naa

agar ap aur explain kerna chate hain tu zaroor karain

main wo bhee perhoon ga

pehlay to main bhi wahee samjhhe jo kahsif bhai samjhhay,phir sochanaheen aisa kaise ho sakta hai,zuroor koi gehri baat hai

acchee post hai
aur bhi post kijye

yeh to phir aap ki zehanat hay na kay thori baat say ziada samajh laitay haiN
aur explain .........chaleiN time milta hay to karta hooN

slam
ji lashauri toor per insaan buht hi khud gharaz ,khud pasand,khush amand pasand,nafs ka mara hua ana parast hota hai yahi insaan ka asal roop means ander ka admi hota hai,jab us main se yeh sab burain khatam ho jati hain baqi sirf jism bachta hai means BUTT bach jata hai aur us but ki sab loog puja shoro ker dety hain.means us ne noor hasil kerny any lagty hain

nice sharing.....

nahi jee zahanat kahan agar zaheen hote tu F k kareeb na hote

bilkul janab main wait karoon ga

hehe
nahin yaar asal mein to F nahin hain na aap

aur mazeed I think reply# 10 mein acha explain kiya hay Hadeea nay

baat kuch samajh nahi aayi

ashfaq ahmed n mustansar hussain taRaR etc nay iss qism k aur bhi 'unique' falsafay ghaRay haiN.... yeh koi pahli misaal nahi.

aap ko yeh HAQQ nahi k onki baat ko 'twist' karkay durust banayaiN.

onka 'matlab' wohi hai, jo onhouN nay likha hai. onki baat balkay khid onko samajhnay k liyeh onki jumlah tahreer o activities par nazar dauranay ki zaroorat hai. islamic point of view say to woh koi aalaa o arfaah fard thay hi nahi... aik aam 'scholar' yaa mosleh qaum bhi nahi thay.... he was a gud 'daastaan go'..... onhaiN daastaan sonanay aur likhnay maiN malekah haasil thaa aur onhouN nay tahreer, audio aur video productions k zariyah aisaa khoob kiaa hai.......... he was even not a (so called) soofi, jaisaa onhaiN banaa kar pesh kia jaraha hai..... show biz field maiN onkay kaarnaamay ko as a whole dekh laiN pata lag jayegaa.

PS: aap ka yaa kissi aur ka above nokaat say muttafiq hona zaroori nahi. albattah onki tahreerouN, dramouN k to the point hawalouN say koi mokaalmah karna chahay to most welcome.

Yusaf bhai
Ashfaq sahab ko itni detail say to nahin parrha laikin un say mila huwa hoon aur kai baar un kay ghar "dastan saraye" mein ja kar un ki baatein bhi suni hain .....jahan tak mujhay yaad hay unhon nay tv par bhi kaha tha kay ""main soofi nahin, main to aam sa banda hoon"
main nay to badgumani say bachtay huway un ki baat ki sense ko samajhnay ki koshish ki thi
khair un ki shakhsiat ki baat alag .....laikin un ki iss quotation par kia explain karna chahein gay?

he was right ... lekin shah say zeyadah shaah k wafadaar .... log onhaiN pataa nahi kia kia bananay par tull jatayhaiN....

aap nay bilkul durust kia, aap ki naik niyyati par koi shubah nahi... lekin hum par yeh laazim nahi onki har baat ko durust samajhain ... nah hi onki baat ko twist karkay 'qaabilay qabool' bananay par maamoor haiN.

onki baat saaf saaf wazah hai ... jo yaa to ghalat hai yaa sahi hai.... haan baat ki 'tafseer' zaroor ki jasakti hai, baat k rukh ko moRay beghair....

"jab aik zinda insaan k ander ka admi MER jata hai"

ab yaa to yahaaN 'insaan' aur 'aadmi' ko hum maani samjha jaaye yaa phir alag alag ... agar alag alag samjha jaaye... jissmaiN 'insaan' aik positively 'developed aadmi' hota hai aur 'aadmi' by born niraa aadmi hota hai to yeh fiqrah hi mahmal hogaya. kiyouN kay 'aadmi' hi taraqqi paakar insaan bantaa hai to ab insaan k ander 'aadmi' kahaaN say aagayaa. did u get it?

farz kia dounouN hum maani haiN. yaani zindah aadmi k ander kaa aadmi ... ab yeh ander kaa aadmi kia hosakta hai .... aadmi k ander aik to rooh hoti hai... agar baat iss rooh ki horahi hai to .... aagay aap khud samajh jayaiN

rooh k elawah aadmi k ander 2 aur cheezaiN payee jati haiN aik manfi nafs aur doosra musbat zameer ... yeh dounouN hi asal maiN 'ander kaa aadmi' hai. iss maiN say aik ko maarnay ki hadaayat hai aur doosray ko zindah rakhnay ki ... dounouN ko to maaraa nahi jasaktaa. aik ko maarengay to doosra qawi tar hotaa jayega. dounouN saath saath kam o besh to rah saktay haiN... dounouN khataam nahi hosaktay.... iss liyeh 'ander k aadmi' ko maar kar khatam kardena bhi aik il logic baat hai....

ab dekhna yeh chahiyeh k marhoom nay yeh baat kiss daastaan k dauran, kiss pasay manzar maiN kahi thee. kia yeh onk kissi afsanay kahani k ander ki ebarat hai yaa kissi khas moqay par kahi gayee baat hai.... iss baat ko "sahi" sabi karnay k liyeh woh pasay manzer ... sayaaq o sabaaq ka jaanna zaroori hai.... yeh koi aisaa qaul nahi jo universally truth ki tarah such ho. yaani issay aap 'aqwaalay zarreeN" k ziman maiN pesh nahi karsaktay. log gumraah nah bhi howay to confuse zaroor hongay.

humm
great janab
aap nay postmortem hi kar daala sari baat ka
issi liyay main nay likha tha kay baat samajh nahin aayee.....kiyunke yeh sochnay wali baat hay
aap kay last para kay mutabiq yeh baat apnay pas-e-manzar kay sath wazeh ho sakti hay kay un ki murad iss say kia thi.....beheral main ab bhi iss ko positive hi loon ga kay woh apnay ander ki anna aur nafs ko maarnay ki baat hi kar rahay thay

dead body / dead views ki maut ki asal wajooh jannay k liyeh postmortem zaroori hota hai. aur baad az postmortem dead body /views ko jal ad az dafan kardena chahiyeh warnah naa.gawaar boo aanay lagti hai ....... lehaza iss qissay ko yeheeN dafan kiyeh detay haiN.

humm
thik hay bhai
(waisay Ashfaq sahab say khasy mutnaffar lagtay hain aap )

haha haha

aisee baat nahi hai bhai... maiN onki achi, sabaq aamoz batouN ki hamayat aur 'raushan khayal falsafay' ka mokhalif houN. jabkay onkay 'parastaar' onki har baat ko 'durust sabit' karnay par musir hotay haiN.... agar maiN yahaaN ashfaaq /baano aapaa k novels say iqtebaas pesh karouN to woh fauran edit hojayega. bhai meray inki overall takhleeqaat 'taraqqi-pasandanah' hi hai. shayad aap ko urdu adab ki 'taraqqi-pasand tahreek' ka pata nahi jinkay DaanDay ishtarakiyaat say miltay haiN. chalo hon matti paa bhi do warnah......

humm

ok ji mitti pa di
ab chup..........