A thought for you friends to share ur views...

i would appriciate ur comments for this... yey baat kuch dinuun sy zehan main thee socha ap dostuun sy bhi rayey li jayey...

so i'll eagerly wait for ur valueable comments for this...


Kya Shairy karnay k liyey Muhabbat ki zaroorat hai...

ya

Muhabbat karnay k liyey Shairy ki zarurat hai...

(aur haan Muhabbat ko sirf physical appearance nahi balkay aik kafiyat k taur per sochyey ga)

yaar jahan tak specific kisi mard o aurat wali muhabbat ki baat hay to woh I think zarori nahin shayeri kay liyay ...kiyunke main bhi poetry karta hoon aur meray sath aisa mamla nahin hay.......haan albata muhabbat say muraad gudaz-dil hona aur generally apnay say taluq rakhnay walay logoon ka khyal rakhna aur un ka bhala chahna hay to woh aik poet mein hoti hay kiyunke poets sensitive dil kay malik hotay hain (exceptions are always there )

doosray muhabbat kay liyay shayeri lazmi hay yeh bhi hamesha zarori nahin hay kiyunke bohat say log shayeri say itni raghbat nahin rakhtay .....iss ka yeh matlab nahin kay woh muhabbat ka jazba hi nahin rakhtay dil mein

me nay shairi par comments diye to log naraz ho jain gay... me risk nahi lay sakta

2no nahi kien

dono hi ek doosray ke liye laazim o malzoom naheen .haan jaisay ke kashif na kaha exceptions are always there
haan jinka dimagh shaerana hota hai woh kisi haadsay ya waaqetay ko kaghaz par utaar lete hain ek tarah se gham ka outlet hota hai
aur ham jiaise log jo shaaeri naheen kar paatay seedhae seedhay nasriyan andaz mein kisi faithful dost ke saath share kar lete hain.
aur shaaeri ke liye mohabbat? yeh to na dekha na suna magar ky maloom, exceptions are always there

well brother shairy keynay kay lian muhabat ki nahi uskay ehsas ki zarorat hai means wo ehsas kisi kay lian bhi hosakta hai yeah zarori nahi kay koi larki hi ho
haan per yeah baat or hai kay hamaray kuch shair mobhat main nakami ki badolat wajood main aay hain..... lolz.. actualy shairi ik jazba hai ik kafiyat hai ik hunar hia jo qudrati hota hai... personaly to main bass yahi kehta hoon .........

YEAH SHAIRY JO HAI MERAY DIL KI KITAB HAI
LAFZOON SAY KHELTA HOON BARI AJZEE KAY SATH

or jahan tak mobhat ka taluq hai uskay lian kuch bhi zarori nahi wo ik belos jazba hai jo kisi kay lian bhi ubhar sakta hai koi kabhi bhi....

HAY MOBHAT HAYAT KI LAZAT WORNA KUCH LAZAT-E-HAYAT NAHI (LOVE IS A REAL TASTE OF LIFE)

nice topic


main jahan tak samajhta hon shairi bagher mohabbat kiye samajh main nahin aati.

Mein to nahi samajhta k aisa zaroori hai k shairi likhnay k liye mohabbat karna zaroori hai.Qk shairi k liye inspiration zaroori hoti hai mohabbat hona zaroori nahi hota hai.

Agar aisa hota k shairi k liye mohabbat ka hona zaroori hota to socho k jo log polititions pe shairi likhtay hain un ka kya hota

sab ney to keh dia...and i would say the same!!

shairi ko muhabat k saath relate karna theek hey....but 2no terms ko aik doosray k liye lazim-o-malzoom samjna....kisi had tak sahi keh saktey hein..as ppl have said exceptions are there always...but in my point of view its not right...2no ko karnay k liye...2no ka hona..seems not fair & reasonable...
but mostly esa hota hey k jo poetry karta hey us ka link muhabat sey kia jata hey...aur jo baat *mostly* ho woh trend ya law nahi ban sakta...

whereas poetry is to lay-down the feelings,,,aur yeh feelings kutch bhi ho sakti hein not necessarily the love-feelings

dono ake dosaray k lain zarori nahi hain ,
kyun k shairy tu ake kafiyat hai jo kisi bhi waqat tari ho jati hai
jesay mousam acha honay pe dil khil utha hai or gungunanay lagtay hain
jesay samander may lehrain banti hain
jesay chilchilati dhoop may thori si chaoon or thandi hawa ka ake jhonka
jesay jesay sakht thand may narm or garm dhoop .
or mohabat tu ake ahsas hai ,
mohabat to wo bhi karta hai jiss ko shairy samjhna tu dur ki baat
parhna bhi nahi atti hai .
han mohabat k izhar k lain shairy ka sahara zaror letay hain
magar ye mohabat k lain zarori nahi .

nice topic...


Shairi karne ke liye kisi se mohabbat hona zaroori hai.. yeh zaroori nai ke aurat or mard ki hi mohabbat ho.. kisi bhi cheez se nature se mohabbat ho to insan shairi karta hai.. khuda se, phooloon se,, samundar se... kun ke woh influence hota hia in sab cheezon se to usko apne lafzon main dhaal deta hai..


lekin mohabbat karne ke liye shairi ki zaroorat nai parhti.. per kisi cheez ka izhaar shairana tareeqay ka hojata hai..

Buhot umdah topic hai. Meh#### tu mehz zehni ikhtarah hai aur isska shaairy se kuch leyna deyna nahi. Shaair apni sooch ke izhaar ke liye jiss object ko select karta hai vohi dosray ma'na meiN 'meh####' qaraar paata hai. Mojooda zamaane meiN khaas taur se jo trend apnaaya jaa raha hai voh Faiz Ahmed Faiz ka tarz.e.bayaan se muta'asir hai ... jaise unki mashoor.e.zamana nazm, mujh se pehli si mohabbat mere meh#### na maaNg .... yahaan per insaani sooch meiN irtiqaa ki nishaniyaaN dekhaaee daiti haiN .. keh voh mehz lufzooN ki jaado.gari se azaad ho raha hai aur 'real-life problems ko address kar raha hai' ... aur usska meh#### ab insaniyat hai na keh koi makhsoos 'insaan'.

Yeh meri apni raaey hai, batour shaair meraa her uss mozo per kehne ko dil chahta hai jiss meiN maiN zindagi ke kisi na kisi pehlu ko mazeed ujaagar kar sakooN ... ya kisi aisi cheez ka ehsaas ujagar karooN jisse hum aam taur se samajhte tu haiN lekin tawajjo aur deep thinking ke qaabil nahi gardaaNte:

tum ne mehsoos kya hai keh ghanni chaaouN talay
siskiyaaN pattooN ke hilne se ubharti haiN kabhi !!

aulaad ke liye maaN baap jo takaleef uthaatay haiN unhaiN bacche ussi waqt samajhte haiN jab voh khud sahib.e.aulaad ho jaate haiN ... aur phir unka dil chahta hai keh apna sar deevar se maar laiN.

Khush RahaiN

Assalam O Alaikum

topic bohat dhoond ke start kiya hai aap ne

commonly yehi baat kahi jati hai ke agar kisi ko sha'iri pasand hai ya koi sha'ir hai to waja Mohabbat hogi........magar mera zati khayal hai ke aisa kuch bhi nahi hai

sha'iri ka daman to itna was'ee hai ke her moz'oo is main simat aata hai...........mohabbat, nafrat, khushi, gham,takleef,rahat even ye ke routine life ki bohat choti choti si batain jo hum dekh ke nazar andaaz kar jatay hain wo sha'iri ke zar'iye bohat prominent ho sakti hain aur bohat baar aisa hota bhi hai

sha'ir aik sensitive insan hota hai aur usay sirf aik mohabbat ke ilawa bhi bohat kuch nazar aa jata hai jisay wo lafzoN ke ulat phair se logoN tak pohncha deta hai

to sha'iri ka talluq mohabbat se ya mohabbat ka talluq sha'iri se hona ye ghalat concept hai

pehlay tu tamam dostuun k comments parh kr behad khushi hoi... her aik ki zaati rayey jannay ka moqa mila... jis ka ma behad mashkoor huun...

sab sy pehlay Khalish bhai k comments ko quote is liyey karraha hun kyunki jaisa k ma apnay kaii replies main bata chuka hun k haqeeqatan Khalish bhai k comments sy her baar aik nayee baat ki vizahat hoti hai... is topic ki jo theme hai woh tu zehan main thee bht dinnun sy magar HC per topic share karnay ka khayal bhi Khalish bhai ka FTM k aik topic per share kiya gaya aik aeedat bhara sher parh kar aya...

yeh jo lufz mujh meiN haiN booltay, ye mere nahi ye mere nahi
koi natq.gar tha jo meharbaaN yeh usski ka husn.e.kamaal hai
jo basa ho mere wajood meiN, jo meri he zaat meiN qaid ho
usse bhool jaaouN meiN kis tarah, usse bhoolna tu mahaal hai

meray nazdiik yaqeenan shairy karnay k liyey kisi na fitri jazbay ki zarurat hoti hai... chahay koi insaan kitna bhi Muhabbat sy inkaar karay magar her shakhs k andar Muhabbat ka fitri jazba mojood hota hai... aur us ka izhaar kisi bhi soorat kiya jasakta hai...

haan muhabbat k liyey shairy zaruuri nahi... is baat sy tu ma mutafiq hun... magar yey kahna k Shairy karnay k liyey muhabbat zaruri nahi yey baat nahi aqal main atiii.... Muhabbat ko yahan sirf aik kaifiyat k taur per quote kiya jaraha hai... Shairy k liyey appsi Bahmi Rishtuun ki muhabbat zaruuri hai... jin ka asar phir tehreer main nazar ataa hai.... chahay woh aqeedat ho, ulfat ho, judai ho....

bht khubsurat baat kahi Kashif apny... gudaz-dil ki bhi khoob kahi...

magar yey bhi meray nazdiik aik debate hai k kiya vaqai tamam shair hazraat sensitive dil k malik hotay hain... is per phir kabhi seniors ki rayey lain gay Inshallah...

Khush Rahain!!!

nahi bhai naraz honay ya na honay ka tu yahan sawal hi nahi... hum tu sirf ap ki rayey janna chahtay hain...

aur ma aur bht sy deegar members zaruur ap k comments ka intizaar karain gy... ap k chund deegar topics per diyey gayey comments sy lagta hai k yahan bhi ap k comments yaqeenan khubsurat hi huun gy...

Sha'eri k liey Muhabbat .....

Ya muhabbat k liey sha'eri.....!!

No....!!

Aik aisa zehn...aur Quwat e mushaheda... jo har Tarah ki feelingz ko utni he gehraie sey mehsoos kar sakey .. k jitni taab sey wo roo numa hoti hain .. !!

Mukhtasir ye k .. agar aap.. jazbon ki gehraie ko lafzon k sanchey main dhaal saktey hain ...
wo jazbey chahey Muhabbat k hon .. ya nafrat k ... kisi ki shan main hon ya ... kisi k khilaaf ..
tou mera khayal hay k .. aap main sha'erana salhiyat mojood hay ... aur aap
" Sirf ' Muhabbat k baad he sha'er nahin ban saktey bal k aap sha'er hain ..

Haan ... Muhabbat ... aap ki soch main aik sachi shiddat payeda kar jati hay .. aur aap ki soch ko mazeed gehraie dey jati hay .
aik SOZ ... aap k lafzon sey jhalakta hay .. !!!

Nice topic ...MP ....

aulaad ke liye maaN baap jo takaleef uthaatay haiN unhaiN bacche ussi waqt samajhte haiN jab voh khud sahib.e.aulaad ho jaate haiN ... aur phir unka dil chahta hai keh apna sar deevar se maar laiN.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
khalish bhai yeh silsila to chalta rahega
har daur ke waaldein apni aulaadon se yahi kehtay raheingay aur woh auladein apni auladon se,ya phir waqt guzarnay ke saaht kucch badal bhi jaaye i eman shayed aulad waaldein bannay se pehlay maa'n baap ke is jumlay ki gehraayi ko samjhh jaaye

baat pasand karnay ka shukriya bhai

nahin sab poets nahin hotay .......main nay kaha hay na kay exceptions bhi hoti hain
bas youn samajh lein kay ba'z logon ko alfaaz say khelnay ki salahiat hasil ho jati hay laikin dar-haqeeqat woh mann kay sachay nahin hotay

aap bhi khush rahein

Good Topic

Sab ke replies parhey achhey lagey ... specially Khalish bhai

Mere khayal main to shairi ke liye Sensitive hona zaroori hota hai ....

W/S... tu kya yey mumkin hai k koi insaan khud ko sensitive bana sakay??? ya yey nature bhi God Gifted hi hotii hai???

Khud to nahi bana saktey haan yeh hai ke kabhi zindagi main paish honey waley halaat usko sensitive bana detey hain ..... aur kuch ki nature hoti hai

ab Khuda janay log alfaazuun sy kheltay hain ya Alfaaz hum sy khel rahay hotay hain...
aik hi tehreer hoti hai magar halaat k saath saath us ka matlab badalta rehta hai...

humm
aap pata nahin kis background mein baat kar rahay hain......laikin main nay jo baat ki thi us say murad aisay log thay jo shayer bhi hotay hain laikin poray poray dunya-dar bhi hotay hain

meray nazdeek 1 shair bunyaadi taur per sirf dunya-dar hi hota hai... yehi dunyadaari k tanazur main us ki shairy hoti hai... haan ab her insaan(shair) ki apni apni soch aur lau hoti hai jis sy ya jis ki taraf laga lay... yey bhi aik aisa topic hai jis per her shakhs apni rayey rakhta hai...

humm
yeh to waqai aik alag topic ban jayay ga
iss liyay iss baat ko yaheen par chaur detay hain

Mujhe aap ki yeh baat buhot ziyaadah haqeeqat se qareeb tar rakhti hai. Shaair sirf dil ke saaz per haath rakhta hai, sargam parhne waale ka dil khud chair daita hai ... aur jiss qadar taleem, tarbiyat, tajarby se qaari kahi baat ko samajhne aur lutf andooz hone ki koshish karta hai .. kahi baat usse kaheiN se kaheiN pohancha deyti hai .. aur phir usski rooh shaair ki rooh se mil jaati hai aur voh shaair ki sooch se ham.aahang ho jaata hai. Basa auqaat aisa bhi hota hai keh khud shaair bhi apni she'r ko voh maani nahi pehnata jo qaari ne pehnaaey hote haiN .. aur hairaan kun taur per voh bunyaadi alfaaz se voh kuch akhaz karta hai jo shayed shayer ne she'r kehte hoay soocha bhi na ho.

Thanks for ur words... i hope aur bht sy dostoon ki soch ko is baat sy kuch naya rang mila hoga...