salaam alaikum
aksar yahan hc par hi kucch points aisay hotay hai ke dil chahta hai raaye dee jaaye,lekin phir lagta hai ke kya maloom isko madd e muqabil kaisay kay,maybe rudely answer karay,so kya yeh behtar hai ke badmazgi se bachnay ke liiye kucch kaha hi na jaaye
thankyou

roy dena kabhi kabhi deeni 'fareezah' bhi ban jata hai. aisay maiN khamosh rahna 'deeni jurm' hai. hazoor saw ki aik hadees k motabiq 'ghalat' baatouN par sirf dil maiN bora janna imaan ka sab say lower darja hai. insaan ko kam az kam zoban say to zaroor bolna chahiyeh. har woh baat jo mujhay 'ghalat' nazar aati hai (meri nazar bhi ghalat hosakti hai) oss par mujhay lazman roy deni chahiyeh. haaN adab o ehteraam laazim hai. ilfaaz k sahi use say baRi say bari baat ki jasakti hai. agar koi meri roy / baat say ikhtelaaf karta hai to woh iska haq hai. aur maiN oskay iss haq ki hamayat karta houN. lekin yeh kabhi nahi sochta k WOH naraaz hogayaa to mera kia banega. bandoun ki narazgi say zeyadah mujhay Allah ki naraazgi ki fikar hoti hai k agar maiN iss maamlay maiN chup rahaa (to log bay shak mujh say naraaz nahi houngay) lekin kaheeN Allah to naraaz nahi hojayega jiss nay quwewat goyayee dee hai to iskay faraiz maiN yeh bhi hai k moqah par sahi baat karnay say nah rokay raho.

wallah o alam bissawab.

meray khyal mein apni rayay ka izhaar kar dena chahiyay ......haan agar baat aisay mauzoh par ho jahan aap ko pata hay kay aglay banday ka iss say agree hona namumkin hay aur behes ka koi faida nahin hoga to chup kar jayein ...warna aam halaat mein apni rayay ka izhar kar dena chahiyay ....ho sakta hay iss say kai logon ka bhala ho jayay

AA bhai aur Kashif
bahot bahot shukriya
kabhi kabhi badmizaaj aur badtameez logon se pala pad jaaye to marhala mushkil bhi ho sakta hai ke unko toka to yaqeenan woh tehzeeb ke daairya mein rehkar jawab naheen deingay.

aur normally bhi hamko pata naheen hota ke ham to neki se koi baat kahein aur doosra usay kaheen aur la jaaye aISAY mein bahot takleef hoti hai.

kaashif aapkiyeh baat theke hai ke faaidah hi na ho kucch asar hi na ho to chhor dena chahiye,magar koshish karnay ke baad.


AA bhai
bahot acchee tarh explain kiya,lekin har insan mein itna hauslah naheen hota ( apni izzat apnay haath) ke har waqt woh raaye de sakay,haan aisay mein aisi mahol o mehfil mein khamoshi se aur apnay chehray ke taassur se bhi raaye dee ja saktee hai,yeh bhi effective hoti hai kayi baar

you are welcome janab
chalein kuch to faida huwa hoga aap ko humari batoN say

Bilkul karna chahiyye apni raaye ka izhaar ..... agar ap apni jaga sahi hain to phir darr kaisa??

bilkul sahi

bilkul am agree wid AA BHAI KASHIF ND SEEMAF SISo...


sis kuch bhi bura lagey kuch bhi app usi waqt kehdo de do apni rae ....kuch logon ko maloom nhi parta k woh sahi hain ya ghalat ..to apki ek rae unko samjha sakti hai ...or jahan batameez log hote hain un bhi badlao ajata hai ..wo shuru mien embrasse sa feel karte hain isliye phr batameezi pe utar ate hain magar apki rae ko bhulte nhi or next tym usey hee samne rakh k baat karte hain so0 app apni rae dein jo batamezz karey phr usey ignore karien bas! kiu k apka kaam tha rae dena behes karna mnhi .. =)

jahan tak taaluk hai rayee denay ka woh zaroor daini chahiyay afterall agar woh banda munh main zaban rakhta hai to aap bhi rakhti ho... 2ndly yahan kuch log hain jinka mazak bardasht agar nahi hota to atleast main yehi karta hoon keh unhain avoid karta hoon... like rae deta hoon magar un say relate ho kar anhi deta!!!

acchee sahi raaye milti hai tab hi to hc par aati hoon

jee seema so true

ji bilkul

yeh bhi accha tareeqa hai raaye dene ka ke relate karke na dee jaaye magar de di jaaye.
avoid karna bhi accha hai lekin kabhi kabhi baat itni ghalt hoti hai ke na bol kar guilt ho jaati hai

kiu k apka kaam tha rae dena behes karna mnhi .. =)
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

sahi
aur yeh bhi sach hai sometimes hamein logon ko batana padta hai explain karna padta hai and then they get it
true

well dear sis chaheye koi b topic ho main apne point of views denay se baaz nahi aati ... ju main sochti hon uss k baray kuch na kuch keh deti hon ... n jis ne batamizi karni hai karta rahe ... par apni baat to convey kar hi deni chaheye I think ...

haan aap point kar kay na karain... general baat karain... agar mujhay koi aisi baaat kehni par jati hai to main apna hawala day kar kehta hoon... like keh meray jaisay kitnay log hain jo yeh yeh kartay hain.. ab directly usay bhi nahi keh rehay aur msg bhi phunch raha hai

jee bilkul aisa hota hai k apni rayey detay waqt yey khayaal zarur hota hai k parhnay wala janay kiya rayey day... magar mujhay jo baat ghalat lagay tu ma us per rayey ka izhaar zarur karta hun... sirf dosray per tanqeed karna maqsad nahi hota magar shayed ma apna point of view check karna chahta hun k meri baat kis hadd tak thek hhai... kahin aisa tu nahi k dosray ko ghalt samjhnay main haqeeqatan ma hi ghalt sooch raha hun...

so jaisa HC per bhi kuch dost aisay hain jo hamesha authentic way main hi baat ki wazaahat kartay hain... so un ki rayey parh kar samajh kar hamesha kuch naya jannay ko milta hai...

magar yey bhi hai k kuch topic zindagee k aisay hotay hain k jin per app apni rayey tu day saktay hain magar wahan per authentications ki zarurat hotii hai so aisay topics per ma apni rayey denay sy guraiz karta hun... aur just un authentic comments ko parh kar hi apni tasiih karnay ki koshish karta hun...

Ma rule, Just say it

haan aisa bhi hai...lekin sis bas batrao den show sum attitude .. bas khatam hogai baat ;)

i know main to aksar takalluf mein hi pad jaati hoon

yaani apni hi khabar geeri kar lee
not bad

soldier nay kah hai na baat yeh bhi to dekhain

lagta tou nahi

aap buzurg to naheen

oh mere Allah abhi dhyaan se dekha yeh icon to chashma hatate waqt ek aankh band karta hai,,zurror aankh laal hogi itching bhi hogi becharay ko,chashma bhi kala,conjunctivitis hai kya

har baar naheen, aksar

aray aap pakistani politics say waqif nahi hain warna... yeh shujaat hussain hain

hoon na.. aap nay koi kalay ilm ka tor karwana ho... koi naukri main rukawat ya mehbub aap kay kadmon main wagayra to bataiyay ga

main naheen jaanti

ek mashawarah doon?

aap yeh reply ka as a topic post kijiye
it will be fun

aur haan pehlay yeh to bataaiye ke yeh kala ilm kaun sa hota hai,main ne to jana tha ke ilm berung hai

good answer ManPaki

"sirf dosray per tanqeed karna maqsad nahi hota magar shayed ma apna point of view check karna chahta hun k meri baat kis hadd tak thek hhai... kahin aisa tu nahi k dosray ko ghalt samjhnay main haqeeqatan ma hi ghalt sooch raha hun..."


yeah sometinmes aisa bhi ho sakta hai.


main bahot khush hoon is topic ke zariye aap sab say hi kaafi kucch jannay ko mil raha hai

just say it say it

yessSSS
show some attitude
i know log dar jaatay hain,us waqt bhi aur aaindah bhi ehtiyaat kartay hain

sorry if i missed any reply
please let me know

aray nahi to altaf hussain ko to jaanti hi hoon gi na??

yeh rehay




hain to pakistani magar pakistan main hotay nahi... aur yeh jub glasses utar kar aankh martay hain to karachi ki galiyaan khoon say bhar jati hain.... Allah ka fazal hai keh mostly chashma pehnay hi rakhtay hain

sisoo main nahi lagta meray topic fail ho jatay hain


aray ilm berung nahi hota woh to paani hota hai.... berung... beybu... bezaiqa

ilm ko kisi rung mein qaid naheen kar saktay ,nayee? khair chalein isay qaus o qaza ka nama de dete hain

about the failure of topics:
mere bhi aksar o beshtar topic pass naheen ho paatay thay ,ab to haalaat behtar hain shuru mein bahot aisa hota tha,is dil ke tukday hazaar hojaatay thay koi yahan girta tha koi wahan
aksar acchay amazing topics par reply kam bhi aajatay hain aatay hain jaisay art movies log kam dekhtay hain.

chalain qaus o qaza sehi hai


magar masla hai na main nahi chahta dil kay koi tukray hoon... sub ko koi chir si hai mujh say

kis ko chir ha app sy

dont worry main app k sath hon

hahahahah thankuuuu

oh