"Ghum Sirf Us Waqt Tak Hi Ghum Rehta Hai Jab Tak Ap So Nahi Jaty"

Hamesha Ki Neend Naa?

Kionkay KhushiyaN To Hava K Jhonkay Ki Tarah Aati HaiN Aur Chali Jaati HaiN.... Magar Ghum Apna Saaya Aap Ki Zaat Se Kabhi Duur Nahi Karta.... Zara C Thes Ghum Ko Jaganay Ka Sabab Ban Jati Hai ... Yehi To Woh Sathi Hai Jo Qabar Ki GehraiyoN MeiN Pohncha Kar Apnaa Aakhri Farz Bhi Nibha Deta Hai...

Agar soney sey Murad aik bharpoor neend lena ... kisi ghum sey chhutkara dila sakta hay tou .... meri nazar main ye baat durust nahin ...
kiuoon k .. har jazbey ki tarah ... ghum ki bhe aik sarhad hoti hay... k jahan pohonch kar he uss ki dastarass se nikla ja sakta hay ....
mehez so jana ( neend kar lena ) shayed iss ki sarhad nahin ... !!!

haan agar soney sey murad ...Zehn sey uss ghamgeen khayal ko mehv karna hay .. tou ye bhee az khud kar sakna .. hamarey buss ki baat nahin ...

agar koi baat such lagti hay tou wo sirf itni k ... ghum ko apna safar khud he mukamil karna hota hay .... kabhi dinon aur maheenon main ... tou kabhi umr bhar... !!



Nice post hadea jee...

Allah maaf karay ... shubh shubh bolo bibi

ghum aur khushi aik hi sikkay k 2 rukh hotay haiN.... kabhi loss kabhi win.... din aur raat ki tarah, kabhi ujala kabi andhera.... half glass milk ki tarah... jo baik waqt half-empty (baa;isay ghum) bhi hota hai aur half-filled (baa'isay khushi) bhi.... ossi aik shakhs ki tarah jo (nusrat fatah ali) khan sb k baqaul:

ghum hai yaa khushi hai tou
meri zindageeeeeee hai tou

I am agree with Gohar bhai
gham ko bhulana itna aasan nahin hota .........sotay mein to insan ko apni khabar nahin hoti laikin neend pori karnay kay ba'd uthna bhi to hota hay na
gham aahista aahista waqt kay sath kam hota hay

Shubh Shubh Hi BoloN Gi Usuf Bhai Lakin So Kar Ghum K Ghum Na Rehne Ki Baat Ho Rahi Thi To Fori Khyaal Yehi Aaya K Koun Sa Sona..... Daaymi Neend Hi GhamoN Se Chutkara De Sakti Hai.
Lakin Jaisa K Aap Ne Likhaa K Aik Hi Sikkay K 2 Rukh HaiN Ghum Aur Khushi ...... Lakin Dono Rukh Ba-yak Waqat To Kabhi Nazar Nahi Aatay Naa..... Aik Waqt Mein Aik Kaifiyat Hi Haavi Hoti Hai Insaan Par In 2 Mein Se...... Jaise Raat Aati Hai To Din Chala Jata Hai.....Gham Aata Hai To Khushi Chali Jaati Hai.....
Kiya KHushi Aanay Se Ghum B Chala Jaata Hai?

i know k "Ghum Sirf Us Waqt Tak Hi Ghum Rehta Hai Jab Tak Ap So Nahi Jaty" walay statement nay aap ko mazeed ghum.zadah kardia hai. u r rite k ghum aur zindagi ka choli daman ka saath hai. jab tak dum maiN dum hai, saath ghum hai. yeh bhi sahi hai k aik waqt main aik hi kaifiyat hoti hai. kabhi khushi kabhi ghum... lekin yeh bhi haqeeqat hai k jiss banday ko jo kaifiyat zeyadah pasand ho, oskay mawaqay ossay zeyadah miltay haiN. khush rahnay walay har haal maiN khush khush rahna jaantay haiN aur 'ghum-pasand' logouN k liyeh ghamoun ki kami naheeN. waisay hassas log zeyadah ghum pasand hotay haiN. jaisay adeeb o shair zeyadah tar ghum.zadah hi rahtay haiN.

waisay khushi aur ghum dounouN basically inner-feeling ka naam hai. iska talluq have or have-not say zara kam hi hota hai. aik faqeer.zadah bhi khush o khurram rah sakta hai aur aik shaah.zaadah bhi ghum o fikar maiN ghal.taaN. ghum aur khushi dounouN hamaray saath saath hotay haiN... kissi aik k 'aanay' say doosra kabhi 'jata' nahi.... bus kabhi aik saamnay hota hai to doosra peechay chupa howa, lekin hotay dounouN hi hamaray paas hi haiN.... maahereen nafseyaat kahtay haiN k dukh k alam maiN apni on 'khushiyoun' ko yaad rakhaiN jo still aap k pass haiN to dukh ka ehsaas kam hojata hai.... dukh 'milnay' par aik baar g bhar kar ro laiN to g halka hojata hai.... dukh k alam maiN bachchouN ki companay khel kood maiN mash.ghool hojayaiN to dukh 'bhool' jata hai. dukh k tanhaa lamhaat maiN comedy movie, mazahia books paRhaiN to aik gona khushi lauT aati hai... dukh milnay par doosrouN maiN khushi taqseem karaiN to khushi laUt aati hai. aik daulatmand khatoon ka kahna thaa k jab bhi woh odaas hoti hai to woh mukhtalif gifts aur tahaif lay kar ghareeb basti maiN jaakar bachchouN maiN taqseem karnay lagti hai... bachchay yeh gift paa kar khush hojatay haiN aur onhaiN khush dekh kar woh bhi khush hojayaa karti hai

slam
janab yeh baat wasif ali wasif sahib ne baat se baat book main likhi hai
main sirf dekhna chahti thi kah kint loog un ki taraeh sochty hain
wo theek kah rahy hain
her ghum ki umer bas us waqt tak hai jab tak ap so nahi jaty
ap ne ghor kia hoga kah koi humara buht pyaara azzez es dunya se chala jata hai to us ki maan ya baap ya wife ya us ke bahan sakty ki kafeat main ajaty hain ya kisi bhi qism ka koi shock lagy zindagi main to sab ki koshish hoti kah kah kisi na kisi tarah us ko sulaya jay injection de ker ya kisi aur tarah.
so ghum ki age bas itni hi hoti jitni daer tak ap ki ankh nahi lag jati aik baar so k uthain to phir kasak chuban rah jati hai jo kah sari umer rahy gi dard bhi rahy ga but again same ghum ki wajah se shock main nahi jaye ga. so HER GHUM KI UMER SIRF CHAND GHANTY HI HOTI HAI .
wasif ali wasif is right
thnx
main khud bhi her statement ko explain ker sakti hoon but chahti hon ap loog sochain .just dekhna yeh hota hai kon kis tarah sochta hai
regards
hadeea

ghum aur shock maiN zameen aasman ka faraq hai.... shock maiN nervous sytem effected hota hai jo neend ki soorat maiN relax hojata hai. fari, achanak, unexpected ghum /dukh say insaan ko jo shock lagta hai, saktah tari hota hai, aasaabi nizaam bigaR jata hai, woh khul kar ronay say bhi aur gahri neend say bhi normal hojata hai.

jabkay ghum aur dukh ki age to baRi taweel bhi hosakti hai aur basa auqaat to taa danmay marg baqi rahti hai. yeh zati ghum bhi hosakta hai, khandani bhi, mulki o qaumi bhi aur milli o deeni bhi.... last ki misaal 'ghamay hussain' say bhi dee jasakti hai. moharram aatay hi lakhouN nahi kaRoRouN mosalman iss ghum say bar bar dochaar hotay haiN.

yeh zaroori nahi k har baRay adeeb /likhari ki har baat durust aur bari ho. onki barayee yeh hoti hai k onhouN nay aam insaan ki satah say ooper uTh kar kuch aisay baray kaam /tahreer pesh kiyeh hotay haiN, jo onhaiN nomayaaN kartti hai. sirf ambaya karam AS ki har baat mustanad hoti hai.

ab pata nahi wasif sb nay yeh baat kiss pasay manzar maiN kahi hai... mutalaqan to iss baat maiN zara bhi dam nahi. albattah iski taaweel ki jaye to kuch nah kuch matlab nikali jasakti hai. waisay writers aur phalsafi maiN bara faraq hota hai. har writer falsafi nahi hota nah hi falsafyanah bataiN karnay ka ahal hota hai... garchay kuch adeeb ki kuch bataiN falsafay par mushtamil hosakti haiN.

ab pata nahi wasif sb nay yeh baat kiss pasay manzar maiN kahi hai
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

good point AA bhai

ham kitabon meion deeni kitaabon mein statements mein,speeches mein ek jumlay ko lekar bhaag khaday hotay hai

Magar Ghum Apna Saaya Aap Ki Zaat Se Kabhi Duur Nahi Karta.... Zara C Thes Ghum Ko Jaganay Ka Sabab Ban Jati Hai ..
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

waah!![

slam
ji wasif sahib ne yeh baat kisi pas e manzer main nahi likhi. un ki book ka naam hai BAAT SE BAAT.us main sirf isi trah ke quotes likhy hain.ab wasif ali wasif ko writer kahen ya philosopher ,amin to un ko philosopher hi manti hoon

thanx for clarification.

yeh aap ka 'haq' hai k aap wasif ali ko kuch bhi maanaiN, hatta k phalsafi bhi.
lekin zaroori nahi k deger log bhi aap ki roy ko tasleem karaiN.

sada khush rahaiN

Usuf Bhai I 100 % agree with you.

Yeh ghum ,khushi, zindagi ,mout,roshni ,andhera,pyar ,nafrat yeh sab ek hi shey ke do rukh heyn.

"Rehman ki gher mojodgi Shetan ki mojodgi ka mazher hoti hey"

Yeh lazim.o.malzom wali baat hey .......

Wasif Ali Wasif is a good writer and give some food of thought as well....