Ek aalim n e jab kisi aur hadith ya hadith ki kisi ghair maaroof kitab ki hadith ya Quran ki kisi ayat ki roshni mein faisla diya ho ga to yakeenan uss hadith, uss kitab aur uss ayat ka hawala bhi to diya ho ga, aur jab hawala diya ho ga to usko dekha jaaye k uss aalim k points kitni daleel rakhtay hain aur kya wakai Quran se ya hadith se wohi hukam nikalta bhi hai ya nahin.......Lekin iskay muqablay mein agar koi ye kahay k bus falan aalim ya falan imam ne ye baat kar di hai to ye Quran ki ayat ki tarha sachi ho gai aur qabil e itaat ho gai to ye intehayi ghair islami ravayyah hai.......




Ulama e haq to kabhi aisa nahin chahtay na kehtay hain....... lekin unkay mureed aur chahnay walay aisa hi kartay hain aur issi ravayyah ki muzammat ki gai hai yahan

to hazrat may itni dair sey yahan kia kehney ki koshish kar raha hon

to agar ap nay ulama e haq ki atat nai karni to kis ki karni hay ????

Aap itni der se jo kehne ki koshish kar rahay hain wo uss se mukhtalif hai jo mene kaha, zara dobara ghaour farmaiye ga......



Allah aur uskay Rasool(PBUH) ki.......... na k ulama ki, ulama ki itaat nahi ki jaaye gi balkeh unki har baat ko Allah aur Rasool(PBUH) k ahkaam k taabaye rakh kar unki baat maani jaye gi, fiqhi ulama k kayi faislay jo kitabon mein miltay hain wo Quran aur Ahadith k sareehan khilaaf hain, lehaza wo nahin maanay jaain gey aur ghair mashroot itaat sirf Allah aur uskay Rasool(PBUH) ki ho gi na k ulama ki........

apni baat ka clear kar k likho

arey uncle itat ka matlab mere is jumley may kia banta hay us par goor karo
jese fiqah may dosrey fiqah ko mazhab ka naam dia jata hai wese hi may nay itat ki term use ki hay
acha mujey aik fiqahi faisla esa dikha do fiqah ki kitaboon may sey jo quran or hadith k khilaf ho
yani k yahan tum ye dawa kar rahey ho k tum fuqah sey barey alim ho chalo dekhtey hain tum kitney pani may ho
mujey AIK MASLA esa dikha do fiqah ka jo quran wa hadith k khilaf ho

JazakAllah khair Leader Bhai. i Compeltly agree with u.

Ulma Haq kabhi bhi apni ghair mashroot itaat ka nahi kehta, laken unn ka manaa wala sirf un ki ghair mashroot ataat nahi karta balka baaz auqat yeh cheez ghair islami ibadaat tak poohch jati hai.

jab gair islamic hoti hai to ham us ko condemn kartey hain
wese bhi taqleed Alim ki nai Mujtahid ki jati hay

Very good answer..

Laken sawal ye paida hota hai ke Mujtahid koun hai ? Mujtahid honey ke liye kiya shrait haiN ?

Mujtahid ki kiya safat haiN, jo usey aik aalim se mumaiz kerti haiN ? neez ijthad ki haqeeqat kiya hai ?

Welcome Day Light,

Mujhey khushi hoi ye dekh ker ke aap Ulma-e-haq ke wajood ko tasleem kertey haiN..

Aap ki doosri baat se mujhey poora iteefaq hai...ke 'taqleed' jaiz hai, laken kisi bhi shakhs ki aNdhi (blind) taqleed, Islam maiN bilkul jaiz nahi (sawai Rasool saw ki hasti ke)

issi liye Quran maiN ja bja aqal se kaam leney aur ghoor kerny ki dawat di gai hai,

na aqal ko poori trah azad choRa ja sakta hai ke shariyat hi hodood se hi bahir ho jai

aur na aqal ko itna pabaNd kiya jana chaiye ke wo soochney samjhney aur 'parkhaney' (haq-o-batil ke dermyan farq kerney) ki salahiyat hi khoo bathey

Jazak Allah

Mene ye daawa kab kiya ??? Maine to ek asool bayaan kiya hai k itaat to Allah aur Rasool(PBUH) ki ho gi aur har shakhs aur har aalim ki deen k hawalay se kahi hui baat ko Allah aur Rasool(PBUH) k irshadaat ki roshni mein dekha jaye ga na k un irshadaat ki andhi taqleed ki jaye gi....




Aap ne ek masla poocha, 50 poochtay to wo bhi dikha deta

chalein ek masla haazir hai, Imam Abu hanifa ka jo fatwa Fiqh ki mashoor kitab Hadaya mein naqal hua hai uskay mutabik Imam Abu Hanifa ne bachay ko doodh pilanay yani raza'at ki muddat 2.5 yani dhai saal batayi jab k Quran mein 2 saal hai, ab batain ye Quran k khilaf hai ya nahin ??

Saboot k liye Hadaya ka title page aur book ka matlooba page haazir hai, Iss page mein jo sentence underline/overline hai wo hamara matlooba sentence hai..... jo aisay start hota hai "summa muddatl ul reza....."

http://i12.tinypic.com/7xiq354.jpg
http://i8.tinypic.com/6jb9mz7.jpg

MashaALLAH Daylight bhai
ab tak mujey lagta hay k ap k barey may bara galat suna tha
ap to mujey koi Allama lagtey hain MashaALLAH
ap to bagair kisi aarr k direct hazoor SAW ki itat kartey hain wah
bhai
1. jis tarikey sey ap esa kartey hain mujey bhi wo tarika sikha dain k esa kese ho sakta hay ...... kia ap khawab may hazoor SAW sey direct seekhtey hain matlab wo kia tarika hay jis sey hazoor SAW ki direct itat mumkin hai
2.quran ki wo ayat paish karain jis may likha hay k maa bachey ko sirf 2 saal tak doodh pilaye or kisi mustanad tafseer ka hawala bhi dain agar scan page ho sakey to maza ajaye ga
3.hadaya k is sey agey k 3 pages bhi send karain ta k masla PURA samajh may ajaye
wasalam

Assalam-o-alaikum

Leader Bhai Aysay Ek Dosray Say Sawal Mazeed Pechidhgeyaan paeda kardayngay

Ager ho sakay tu plzz read this book Download : Ijtihad aur Mazhab Hanfi Ki Haqeeqat

http://www.tauheed-sunnat.com/a/downloadvi...i_Haqeeqat.html

Ans:

1) Kya aap tak koi Hadith e Rasool(PBUH) nahin pouhanchi k aap khwab mein zyarat e Rasool(PBUH) k bagher Rasool(PBUH) k kisi hukam ko nahin jaan saktay??

2) Surah Baqara ki ayat 233 parh lijiye, jis mein saaf likha hai k 2 saal tak doodh pilaya ja sakta hai , haan maan baap apni marzi se muddat ko kamm bhi kar saktay hain, yani hadh 2 saal hai. Ayat bhi parh lijiye ga aur tafseer bhi jo marzi dekh lijiye, Maudodi sahib aur Ibn e Kathir k ilava kayi tafaseer online bhi available hain, Main ibn e kathir ki tafseer k pagaes yahan board par lagana nahin chahta due to some obvious reasons so consult the website of that tafsir wese bhi sirf paki pakayi kheer nahin khaani chahiye kuch khud bhi tehqeeq karna chahiye

3) Hadaya k iss page se jo samajh lagi hai pehle wo bata dein phir agay bhi chaltay hain, kyunke muje masla wohi lag raha hai k chahay 1 daleel pesh karo ya 100 na maan-nay k sau bahanay

mere bhai jitney bhi Alim hotey hain un ka aik shajra e hadith hota hay k hadith kahan sey seekhi phir jis sey seekhi us nay kahan sey seekhi
or is tarha ye shajra Ashab e Rasool SAW tak pohonchta hay
ap nay hadith kahan sey seekhi ???
dosri baat k ap nay hadith ki kitni kitabain parhi hain ab tak mujey umeed hay ap sari kitabain khatam kar chukey hon gey
or wo shaksh kia karey jis ko urdu hi parhni nai ati .......



mere bhai in dono baton ka jawab usi wakat don ga jab
hadaya k urdu pages ya is safey ki urdu translation yahan paste nai kartey
or sath may jis ayat ka ap hawala dey rahey hain
mujey uska tarjuma or tafseer bhi paish karain
urdu may atafseer mududi , ameer ahsan or gamdi wagera ki na ho like kisi ALim ki ho jis nay mudrasey sey parha howa ho
ghar ka bana hoa Alim na ho
baki hayada ka jo page ap nay dikhaya hay is ko dekhney sey maloom ho raha hay k ye baat puri nai hay is safhey may
ap jo urdu may translation paish karain gey us may is masla k shuru sey lay kar akhir tak sara post karain sirf aik do lines sey kaam nai chaley ga
mujey umeed hay ap bura nai manain gey lakin baat karney ka ye hi tarika hay k ap saboot pura faraham karain
ap ko karney ka isi liye keh raha hon tak ap ye na kahain k may apni marzi ka mawad la raha hon yahan

Sunny dear yahi to saari baat hai k jab doosray k saamnay ahadith aur Ayaat rakh di jaain aur usne baat maan-ni hi na ho to phir wo aisay hi heelay bahano se kaam lenay lagta hai k tum ne hadith ki kitni kitabein parhi, kis madrassay mein gaye ho, Allah ki ayat nahin balkeh insan ki likhi tafseer pesh karo, aur falan falan shakhs ki pesh na karo.... Ye sirf heelay bahanay hain aur kuch nahin.......



Aap ko kis baat se maloom ho raha hai k baat iss page par poori nahin hai?? mere bhai jaan agar iss se agay ya pichlay k kisi page par bhi iss fatway k baray mein kuch mazeed majood ho to apko inam apko shaaid fiqah ki kitabon ka andaaz nahin maloom, wahan fatway quote hotay hain aur phir un fatwon par reasoning ki koi khaas detail nahin hoti....... mutallika hissay ka tarjuma apko bata chuka agar aap shuru se aakhir tak kayi pages ka tarjuma chahtay hain to aap hadaya ka urdu tarjuma khareed hi lijiye aam available hai
wese faida kuch khas na ho shaaid kyunke surah baqara ki ayat k hawalay k bawajood Quran ki baat maan-ne ki bajaye heelay bahanay insan k dil mein anay lagain to hidaya ko apnay dil o damagh k mutallik moar lena kya mushkil ho ga aap k liye

mere bhai frist of all ap ese baat kar rahey hain jese ap mere dil ki niyyat jantey hain
ye sari baat karney ka maqsad ap ki baat sey inkar karna nai tha
bal k ap ko ye batna tha k jab ghar may beth kar koi kitabain parh kar doctor ya engineer nai ban sakta usi tarha ghar may beth kar hadith parhney sey koi muhadith bhi nai ban sakta
ap jis masley ko seekhna chahtey hain ap ko us masley k mahir ustad or mahool ki zarorat hoti hay
lakin ap meri baat ko samajhney ki bajaye ulti taraf ley gaye any wayz meri baat ki taraf goor kijiye ga


mere bhai ab may itna bhi jahil nai hon k mujey itna bhi na pata ho k baat kahan par khatam ho rahi hai or kahan par baki bachti hay


mere bhai ye hi to may keh raha hon k is fatawey k barey may is kitaab may jo jo details hain wo dain ta k masla samajhney may asani ho
dosri baat fiqah ki kitaboon ka mujey thora bouhat ilm hay or mere pas khud bhi kuch fiqah ki kitabain hain or may samajhta bhi hon isi liye baki pages ki bhi darkhwast kar raha hon
or bhai phir ap khud bhi maan rahey hain k us fatawey ki or bhi details moujood hai jo ap nay nai di
mere bhai zayada behter ye hi hai k ap koi tajuma bhi scan kar k paish karain khud apna tarjuma bataney k kiun mushkil sey kisi ko arabic ati ho gi yahan
to urdu may paish karain ta k mere jese bhi samajh sakain baat ko ashraful hidaya aik tarjuma hay agar ap k pass ye ho to ye hi paish kar dain

ye Bouhat purani aur fazool misaal hai jo di jati hai ta k koi Quran ko samajhne ki koshish na karay, doctor ban-ne aur Quran parhne mein jo farq hai wo wazeh hai........ main aisi ghalat misaalon mein waqt zaya nahi karna chahta k mazeed tafseel mein jaon, main to bus ye dekh raha hon k aap ne ek maslay ka poocha jo Quran k khilaf ho, mene fiqah ka faisla bhi dikha diya aur Quran ka bhi lekin aap dono ko hi nahin maan rahay



Kabhi aap kehtay hain k apko arabic ki samajh hi nahin lagi k page par majood kya hai, aur kabhi kehtay hain k itni samajh lag gai k baat mukammal nahin hai
Main mazeed pages pesh karne ko bhi tayaar hon magar aap ko wo kesay samajh lagain gey?? Jahan par fatwa quote hua uska tarjuma apko bata diya........ uskay baad uss fatway k mutallik kuch majood nahin........

Mene saaf kaha k Fatwa naqal hua hai tafseel nahin lekin aap likhtay hain k "phir ap khud bhi maan rahey hain k us fatawey ki or bhi details moujood hai jo ap nay nai di" , kya aap batain gey k mene ye kab kaha k uski mazeed detail bhi hai?? mene to kaha tha k itni hi detail hai hidaya mein.

Baqi apko ayat number bataya uska bhi aap ne jo jawab diya wo qaabil e ghaour hai yani aap kehtay hain k uska bhi tarjuma likho, agarche likh diya tha, phir aap kehtay hain falan falan ki tafseer k ilava bakiyun ki tafseeron k pages scan kar k yahan pesh karo, phir kehtay hain k jis fiqah ki kitab k page par fatwa naqal hua hai wohi nahin uskay aglay pichlay bhi 3,3 pages lagao aur sath mein urdu tarjumay bhi scan kar k pesh karo :d

Muje Hazrat Moosa(AS) aur unki qaum k sawaal o jawaab ka waqaya yaad aa gaya
Im going to lahore today and may not come till next month, till then do your research urself and u will get the same what i have presented here...... paki pakayi kheer hi to na khaain

mere bhai ap ko to ye purani or fazool hi lagey gi kiun k ab ap is ko man na nai chahtey ap is ko galat misal samajhtey hain may is ko bilkul theek misal samjhta hon mere bhai abi may ap ko ye misal sahi sabit kar k dikhata hon k ghar beth kar quran sirf ap jesa hi seekha jata hay
http://www.noorehidayat.org/index.php?p=alquran
ye raha tafseer e usmani ka link
ap esa karain khud hi is may sey surah baqara ki ayat number 233
or para 26 surah Ahqaf ayat number 15

ayat , tarjuma or tafseer k sath yahan paish karain ap ki fiqah dani or quran dani samney ajaye gi k ap nay ghar beth kar kia seekha hay or yahan ap imam abu hanifa Rehmatullah ki keya galtiyan nikal rahey hain or ye k ye misal kitni purani or galat hay

mere bhai ap ki baki sari baat ka jawab may sirf itna kahon ga k
ap urdu tarjuma jo may nay bataya hay hidaya ka us may sey kiun scan pages post nai kartey chalain ap ko special margin ap arabic hi post kar dain 5 pechey k 5 agey k thats it
phir ham agey baat kartey hain

pehle ap ne khud he refrence mangna k quran mein kahan likha hai do sal doodh pilaney ka aur ab ap khud he scan page de rahey hain k yeh ayat mein likha hai... dznt make sense to me... why did u ask in the first place if u knew

DL SHAIB
AIK HADIS TU SUNI HO GHI AAP NAY YA NZER SAY GHUZRI HO GHI RAZAAT KAY BAREH MAIN (BALIGH KAY LIYEH)
OSS PAR KOCH ROSHNI DALNA CHAIN GHAIN YA..................
KIAY WU HADIS SEHI HAI?

ji ji may janta hon it isnt making sense right now
but it will make when DL will post the refrences which i told him

Bus kuch logon ki aadat hoti hai k baat ko maan lene ki bjaye baat ko khainchtay chalay jana, reference pesh karo wo bhi full page ka to aglay aur pichlay 10 pages hi nahin balkeh khud bhi jo reference pesh kartay hain uskay baaray mein bhi irshad hai k "ayat , tarjuma or tafseer k sath yahan paish karain"...... Jab taqleed ki patti bandhi ho to chahay 10 pages post karo ya 25 jisne nahin maan-na usne nahin maan na.

Haan main aam logon k liye Tafseer Ibn e Katheer se mutallika hissa pesh karta hon, jis mein bhi zikr hai imam abu hanifa k iss khilaf e quran fatway ka

http://i29.tinypic.com/2hdckdt.jpg
http://i25.tinypic.com/t7fsco.jpg

Surah baqara para 2 ayat 233

Tarjuma
Tafseer

Para 26 surah Ahqaf ayat 15


Tarjuma


Tafseer

تو ڈےلاءیٹ صاحب آپ تو قرآن سے 2 سال کا ثبوت دے رہے تھے ۔ اور آپکو جو پوسٹ کرنے کا کہا گیا تھا آپ نے وہ بھی پوسٹ نہی کیا آپ نے اپنے مطلب کی آیت تو پوسٹ کر دی لیکن جو میں نے کہی تھی وہ چھوڑ دی میرے بھای دھوکہ دہی کی بھی حد ہوتی ہے ۔ آپکو پتا ہے کہ یہاں لوگ عربی نہی جانتے اسی لیے آپ صرف اپینی مطلوبہ بات کا اوردو میں ترجمہ پیش کر رہے ہیں وہ بھی آپکا کیا ہوا جس کا ویسے ہی کوی اعتبار نہی کیا جا سکتا ۔ میرے بھای اب جو میں نے یہاں پوسٹ کیا ہے اس کو دیکھ کر بتاءیں کیا امام ابو حنیفہ کا فتویٰ سورہ احقاف کی آیت کے مطابق نہی ہے ؟
میرے بھای آپکو جب میں نے ڈیٹیلز پوسٹ کرنے کا کہا تھا کہ اس فتوے کی ڈیٹیلز پوسٹ کریں تو اپنا پول کھلنے کے ڈر سے آپنے ایسا بھی نہی کیا ۔
اصل بات اس آیت کی تفسیر میں لکھی ہوی ہے جو چھپا کر آپ لوگوں کو گمراہ کر رہے تھے ۔ وہ فتویٰ رضا کی مدت کا تھا جو کہ حمل وغیرہ ملا کر 30 مہینے بنتی ہے وہاں امام ابو حنیفہ نے فتویٰ دودھ پلانے کا نہی بلکہ ٹوٹل رضا کی مدت کا دیا تھا جس میں حمل بھی شامل ہے اب اس ساری بحث سے یہ ثاپت ہوا کہ آپ خود مسلے کو سمجھے نہی اور امام ابوحنیفہ کو کہ رہے ہیں کہ فتویٰ قرآن حدیث کے مخالف دیا ۔۔
میرے بھای اسی لیے ہم امام ابو حنیفہ رحمتاللہ کی تقلید کرتے ہیں کہ اگر تقلید نہ کریں تو پھر آپ جیسی حرکتیں کریں گے ۔کہ قرآن سہی طرح پڑہا نہی اور چل دیے محقق بننے اور نکالنے لگے ہدایہ میں نقص ۔ تو میرے بھای اپنی یہ عادت ٹھیک کریں یہ بہت خطرناک ہے ایسے علماء کرام پر نا علمی کی بنیاد پر بہتان لگانا ۔

Sunny Bhai Maira Mashwara Hy Aapko Aap Insay Bahees Na Kerain

Bass Aap Ko Aik Shair Suna Daita Hoon


Hain Kawakab Khush Nazar Attay Hain Kuch
Daity Hain Dhooka Yay Baziger Khula

bhai may logon ko sirf itna hi batana chahta hon k ye loog dhokey k siwa kuch bhi nai
jese abi dia hay inho nay
kash k koi samajh jaye hamari bhi baat

Jazak Allah sunny bhai

Sunny prince , aap ne pehle zor diye rakha k 2 saal ki razaat ki muddat Quran se dikhao , imam abu hanifa ne 2.5 years batayi hai to wo ghalat nahin hai........ wo aap ko dikhaya quran mein aap ne jawab mein quran ki ayaat pesh kar k khud hi 2 saal saabit kr diya jis se aap pehle inkari thay..... aur phir khud hi keh diya k imam abu hanifa ne 2.5 years razaat aur hamal ko mila kar bataye hain jo k safaid jhot hai........... oopar fiqah ki kitab hidaya ka scanned page main pesh kar chuka jis m ein saaf likha hai k razaat ki muddat imam abu hanifa k mutabik 2.5 years hai aur phir mene tafsir ibn e kathir ka page bhi pesh kar diya hai jis mein bhi ye likha hua hai k abu hanifa ne 2.5 saal ki muddat e razaat batayi hai........

aap batain k aap kesay keh saktay hain k imam abu hanifa ne razaat plus hamal ki muddat 2.5 saal batayi hai jab k na sirf fiqah balkeh tafsir ibn e kathir bhi ye kehti hai k unhon ne sirf razaat ki muddat batai hai 2.5 years......

Pesh kijiye koi reference, apni taraf se doosray k aqwaal na banain..........

Aain dekhtay hain ab k kon kitne pani mein hai.........

sunny_prince2020 @ May 29 2008, 01:46 AM)
pak main 4 ghantyeh kay liyeh bijli jati hai dl ki trauf tu 4 month tak bijli ghaib thi..........
after 4 month

Iss liye jawab na diya k zarurat hi na thi , pehle ye khud 2 saal ki muddat ka reference quran se maangtay rahay , aakhir mein khud hi reference de kar maan gaye lolz......... ab iss par kya reply mazeed karta ???

ab unki farmaish par reply kar diya...... lekin apki tarha nahin k ek haftay ka keh kar ek saal baad bhi gayab rahein haha,

main yahan forum par feb ruary k baad 2,3 posts karne k ilava active hi nai hua. ab phir ek do din ka mehmaan hon yahan........

kis nik kay sath?
aap ki itla kay liyeh arz hai aap mehmaan hi rehain ghain or wu mehman ju man na man

SUBHANALLAH gambler bahye bahut muffed post hay . kep it up

Chalein Sunnyprince aap ne apne mauqaf ki dhajjiyan to khud hi ura k rakh di, aap ne apni post number mein mujh par dhoka dahi ka ilzam lagaya tha aur kaha tha k mera tarjuma khud saakhta hai……

Sub members se darkhast hai k wo firqa parasti aur andhi taqleed se bala-tar ho kar neechay waali meri post parhein aur batain k dhoka kon de raha hai aur kon fiqah ki andhi taqleed mein Quran k alfaaz aur ahkaam k sath hair phair kar raha hai aur kon khud saakhta tarjuma kar raha hai…….

Sunnyprince ko kaha gaya k Quran ne razaat yani bachay ko doodh pilanay ki muddat 2 saal batayi hai, sunnyprince ka mauqaf tha k nahin jab tak marzi bachay ko doodh pilaya ja sakta hai aur imam abu hanifa ka fatwa k razaat ki muddat 2.5 saal hai Quran k mukhalif nahin balkeh Quran mein bhi 2.5 saal hi muddat batayi gayi hai….


Ab Dhoka dahi mulahiza kijiye….. Sunnyprince ne pehle to imam abu hanifa k iss fatway ka hi inkar kiya k imam sahib ne aisa koi fatwa diya hai lekin phir mene na sirf Kitab al Hidaya mein inko imam sahib ka fatwa dikhaya balkeh tafseer ibn e katheer mein bhi ye fatwa dikhaya…… phir bhi ye na maanay aur mazeed scanned pages ka mutalba kartay rahay lekin akhir kaar khud hi maan gaye aur apni post number mein Imam Sahib k iss fatway ka iqrar kar liya……… Lekin ek bad-diyanti k sath k imam sahib ka fatwa hi badal daala aur ek khud saakhta fatwa imam abu hanifa k naam se pesh kar diya

Likhtay hain k “ Imam abu hanifa ne jo 2.5 saal yani 30 maahenay ka razaat ka fatwa diya tha uss mein hamal k 6 maheenay shamil kar k fatwa diya tha akelay doodh pilanay k 30 maheenay nahin bataye thay”….

Sunnyprince ko itna bhi nahin maloom k razaat aur hamal mein bouhat farq hota hai aur jab imam sahib ne fatwa razaat ka diya hai to uss mein hamal k 6 maheenay ye apni taraf se fatway mein shamil kar k le aaye……

Sunnyprince ko kaha gaya k Imam sahib ka fatwa to sirf doodh pilanay ki muddat 2.5 saal ka tha , aap uss mein hamal ko bhi shamil kar rahay hain to zara iss fatway ko pesh karein k unhon ne kahan hamal ki muddat ko bhi 2.5 saal mein shaamil kiya hai…. Chunke aisa koi fatwa tha hi nahin aur har fiqah ki kitab aur har tafseer ki kitab mein imam sahib ka fatwa hamal k bagher sirf doodh pilanay ka 2.5 saal hai lehaza sunnyprince aisa koi reference laa hi nahin saktay thay LEHAZA WO APNI BAAT SE HI PHIR GAYE AGLI HI POST MEIN AUR SAABIT KIYA K INKAY ANDAR BHI ASIF ALI ZARDARI KI ROOH AA GAYI HAI YANI BAAT SE PHIR JANA….. 

Apni akhri post mein wo baat hi badal gaye aur kehne lagay k Imam sahib ne 2.5 saal ka fatwa doodh pilanay ka hi diya tha hamal k bagher :d Aur ye likh kar apni pichli post ki ghalati par maazrat karne ki bajaye kehne lagay k Daylight aap ne maslay ko sahi samjha hi nahin :p

Ji haan jahan aap roz roz bayaan badal lein aur imam sahib ka naam le kar khud sakhta fatway dene lagain to wahan daylight kya koi bhi nahin samajh sakay ga…..

Pehle kaha k imam sahib 30 maheenay mein hamal k bhi 6 maheenay shamil kartay hain, reference maanga to bayaan badal liya aur kaha k nai wo hamal k bagher 30 maheenay kehtay hain aur Surah Ahkaaf mein jo ayat hai k doodh pilanay aur hamal k 30 maheenay hain to iss se muraad ye dono mila kar 30 mah nahin balkeh hamal k bhi 30 maheenay hain aur doodh pilanay k bhi 30 maheenay ……. Agar ab aap keh rahay hain k doodh pilanay k bhi 30 maheenay hain to pehle jhoot kyun kaha k imam sahib hamal ko shamil kar k 30 maheenay batatay hain ???? Hai koi jawab iss dhoka dahi ka ????

Aur koi muje bataye ga k ye 30 maheenay ka hamal konsa hota hai ??? Koi bataye ga k konsi aurat 2.5 saal tak pregnant rehne k baad phir maa bani ??? Aur iss cheez ko Quran se saabit karne ki koshish ki jaati hai ?? Kya hamal k 30 maheenay hotay hain ??? Aur phir inn logon ka daava k Quran scientific hai……… Aur ye sub sirf iss liye k kisi tarha Quran k maani ko idhar udhar kar k taaweel kar k imam sahib k fatway ko bacha liya jaaye chahay Qurani ahkamaat ki dhajjiyaan urh jaain…….. Kyunke inkay mazhab mein imam sahib ki taqleed karna Quran ki taqleed karne se zyada afzal hai…..

Aur ilzam mujh par tha k mene ayaat ka tarjuma apni taraf se kar k uskay matlab ko badla hai…… sub loag aain aur khud dekhein k Quran k tarjumay aur matlab ko kis ne badla hai ……….

Ab masla sirf itna reh gaya hai k Quran razaat ya doodh pilanay ki kya muddat batata hai…….. mera kehna hai k 2 saal aur Sunnyprince ka kehna hai k 2.5 saal…… main 3 ayaat saamne rakhta hon aur phir aap sub logon se poochta hon k dil se faisla kar k batain k kon Quran k alfaaz k sath khel kar unkay maani badalnay ki koshish kar raha hai aur taaweel ka sahara le raha hai……aur inn 3 ayaat se kya baat saamnay aati hai k razaat ki muddat 2 sala hai ya 2.5 saal


Ayat Number 1 :-

“Jo baap chahtay hon k unki aulaad poori muddat e razaat tak doodh piye to maa apnay bachon ko pooray 2 saal tak doodh pilaye” ……..uskay baad issi ayat mein agay hai k “Lekin agar parents baahmi razamandi se doodh chhura lena chahain to un par koi gunah nahin”. (Surah Baqara 2, Ayat number 233)

Yani Quran kehta hai k agar doodh pilanay ki muddat poori karni ho to 2 saal tak doodh pilain lekin agar pehle bhi chhura lena chahain to chhura sakti hain……. Itnay wazeh hukam k baad bhi agar koi kahay k nahin muddat 2 saal nahin 2.5 saal hai to ye Quran k moonh mein apni zuban dene waali baat nahin kya ??

Sunnyprince yahan iss ayat k mutallik irshad farmatay hain k “Iss ayat mein kaha gaya hai k 2 saal tak doodh pilain iss se kam na pilain” …… Jab k ayat mein saaf likha hai k jo muddat ko poora karna chahay wohi 2 saal tak pilaye aur agar bahmi mashwaray se wo pehle hi chhura lena chahain to chhura saktay hain…… iska ye matlab kahan se nikal aya k iss ayat mein hukam hai k laazman 2 saal tak pilain iss se kam nahin……… Batao muje kisi tafseer ka link jis mein kaha gaya ho k 2 saal tak doodh pilana farz hai iss se kam nahin pila saktay ……. Qurani ahkamaat ko badalne ki koshish na kijiye , ab to ramzan bhi anay wala hai kuch uska hi khayal kar lijiye……..

Ab ayat k akhir mein jo alfaaz hain Quran k “Aur agar wo aapas ki razamandi se doodh chhura lena chahein to un par koi gunah nahin” …….. Sunny prince kehtay hain k iss se muraad hai k 2 saal k baad agar doodh chhura lena chahein to koi gunah nahin warna 2 saal tak k baad bhi pilatay rahein to no problem….

Ab dekhna ye hai k mufasireen ne iss baat ka kya matlab liya hai k aapas ki razamandi se doodh chhurana 2 saal k andar ho ga ya 2 saal k baad……..Main kehta hon k iss se muraad hai k 2 saal se pehle lekin sunnyprince kehtay hain k nahin 2 saal k baad chhuranay ka kaha gaya hai……


Sunnyprince k sub se qaabil e aitmaad mufassir Allama Shabbir Ahmad Usmani se start kartay hain….. Kyunke Sunnyprince ne kaha tha k aur kisi ki tafseer pesh na karna tafseer usmani pesh karna, yakeenan ye inn k liye authentic ho gi…..

Mere paas Tafseer usmani kitabi shakal mein majood hai aur mere saamne iss waqt khuli pari hai…… iss mein Qurani ayaat ka lafzi tarjuma diya gaya hai jo k Pak o Hind k sub se mahsoor shakhs ka tarjuma hai yani Sheikh ul Hind Maulana Mehmood ul Hasan…… dekhiye wo iss ayat ka kya tarjuma kartay hain, tarjuma lafzi hai…..uskay baad usmani sahib ne iss ka kya matlab liye wo bhi likhta hon….

Tarjuma ayat 2/233

“ Aur bachay wali aurtein doodh pilain apne bachon ko 2 saal pooray jo koi chahay k poori karay doodh ki muddat”

Yahan par Shabbir ahmad usmani sahib haashiye mein likhtay hain “Yani maan ko hukam hai k apnay bachay ko 2 saal tak doodh pilaye aur ye muddat uss k liye hai jo maan aur baap doodh peenay ki muddat ko poora karna chahein warna iss mein kami bhi jaaiz hai”…….

Yani Tafseer usmani jisko authentic samajh kar khud sunnyprince ne iski tafseer pesh karne ka kaha tha uss mein to likha hai k muddat 2 sala hai aur iss mein kami bhi ho sakti hai lekin Sunnyprince kehtay hain k “iss ayat mein ye likha hua hai k 2 saal tak doodh pilain iss se kamm na pilain”……… KON BADAL RAHA HAI QURANI AHKAAM AUR TARJUMAY KO ?????

Phir iss ayat k akhir ka tarjuma Sheikh ul Hind ne ye kiya hai

“Phir agar maan baap chahein k doodh chhura lein yani 2 saal k andar hi apni raza aur mashwaray se to un par kuch gunah nahin”

Aur Shabbir ahmad usmani sahib iskay haashiye mein likhtay hain k

“Yani agar maan baap kisi maslehat ki wajah se 2 saal k andar hi bahmi mashwara aur razamandi se doodh chhurana chahein to iss mein nuqsan nahin”.

Jab k Sunnyprince jo Sheikh ul hind se zyada Quran k tarjumay ko samajhtay aur shabbir ahmad usmani se zyada Qurani ayaat ka mafhoom samajhtay hain inn dono ka inkar kar k kehtay hain k yahan 2 saal k andar nahin 2 saal k baad ka kaha gaya hai ……… KON BADAL RAHA HAI QURAN K SEEDHAY AUR SAAF AHKAAM KO , SIRF EK FATWAY KO BACHANAY K LIYE KON KHEL RAHA HAI QURANI AHKAMAAT SE ???

Ayat Number 2:-

“ Aur hum ne insan ko uskay waaldain k mutallik taaqeed ki hai, Uski maa kamzori par kamzori bardasht kar k ussay uthaye phirti hai aur doodh ka chhurana 2 saal mein hota hai ……” ( Surah Luqman 31, Ayat number 15)

Yahan phir wazeh tareen alfaz mein razaat ki muddat 2 saal batayi hai…agar razaat ki muddat 2.5 saal hoti to pehle wali ayat mein aur phir iss ayat mein kyun 2 saal ka zikr hai ???….. itne khulay hukam ka inkaar sirf iss liye k kahin imam abu hanifa ka fatwa ghalat na sabit ho jaaye ??? Afsos k hum Quran ki roshni mein fiqah k faislon ko nahin dekhtay balkeh fiqah k faislon ki roshni mein Quran ki khaincha taani kartay hain….

Sheikh ul hind mehmood ul hasan iska ye tarjuma kartay hain

“Aur hum ne taaqeed kar di insan ko uskay maan baap k waastay pait mein rakha usko uski maa ne thak thak kar aur doodh chhurana hai uska 2 saal mein”…..

Aur Shabbir Ahmad Usmani uskay haashiye mein likhtay hain

“ Yani maa ka haq baap se bhi zyada hai wo maheeno tak uska bhoj pait mein uthaye phiri , phir waza e hamal k baad 2 saal tak doodh pilaya. Doodh chhuranay ki muddat jo yahan 2 saal bayaan hui hai ba-aitbar e ghalib aur aksari aadat k hai. Imam Abu Hanifa jo aksar muddat 2.5 saal batatay hain unkay paas koi aur daleel ho gi Jamhoor k nazdeek 2 hi saal hain.”

Yani Jamhoor 2 saal par qaim hain, Quran bhi 2 saal kehta hai Fuqaha, mufassireen aur tafaseer bhi 2 saal batati hain , akele Imam Abu Hanifa ko 2.5 saal ki wahi hui hai…… Bataiye kis k faislay ko maana jaaye ?? Aap to ijmaye ummat ko authentic maantay hain to yahan jo ijmaa 2 saal par hai usko kyun nahin maan rahay ?? kyunke iss se Abu Hanifa ghalat sabit ho jatay hain ???

Ayat Number 3:-

“Insan ki maa ussay takleef se uthati aur takleef se janam deti hai aur hamal aur doodh chhurana 30 maheenay mein hota hai …” (Surah Al Ahkaaf 46, Ayat 15)

Yani 2 saal 6 maheenay hamal aur razaat k huay jis se fuqaha aur aima ne muttafiqa faisla diya hai k chunke Quran ne 2 saal razaat k bataye hain to hamal ki kam az kam muddat 6 maheenay hai….. aur ye kam az kam muddat zana k muqadmaat mein ahmiyyat rakhti thi k shadi k 6 maheenay k baad aik aurat ka bacha ho gaya to uss par Islam k 2 azeem Khulafa ne kya faisla diya iss ayat ki roshni mein aain aap se share karta hon…….
Ye wakaya Tafsir Ibn e Kathir mein b hai , Tafsir Ibn e Jareer mein bhi, Imam Jassaas ki tafseer mein bhi , Ibn e Abi Haatim ki ahadith ki kitab mein b, Maudodi sahib ki tafseer mein bhi aur Mufti Shafi ki tafseer mein bhi , Qurtabi ki tafseer mein bhi…. Baqiyun mein bhi ho ga mukhtalif asnaad se lekin inn tafaseer mein zaroor hai…..Aur ye sub mufassireen hi nahin balkeh Aima aur Fuqaha aur Sahaba(RA) bhi muttafiq hain k razaat ki muddat 2 saal aur hamal ki muddat kam az kam 6 maheenay hai aur unka istadlaal yehi ayat hai…..


Waqaya haazir hai……

Hazrat Usman(RA) k daur e khilafat mein ek shakhs k haan shadi k 6 maheenay baad bacha paida ho gaya to wo Hazrat Usman(RA) ki khidmat mein haazir hua k ye kesay ho gaya muje zana ka khadsha hai , Hazrat Usman (RA) ne uss aurat ko zaania qarar de kar usay saza ka hukam dia….Hazrat Ali(RA) fauran pouhanchay aur kaha Usman ye aap ne kya faisla suna dia. Hazrat Usman bolay k uss aurat ka 6 maheenay k baad bacha paida ho gaya to kya ye zana ka sabot nahin. Hazrat Ali(RA) ne wohi teen ayaat jo mene opar pesh ki hain tarteeb se parhi aur kaha k teesri surah ahkaaf ki ayat mein 30 maheenay mein se razaat k 2 saal nikaal diye jaain to hamal k 6 maheenay reh jatay hain jis se pata chalta hai k hamal ki kam az kam muddat takreeban 6 mah hai. Hazrat Usman(RA) ne farmaya k oh iss taraf to mera zehan hi nahin gaya aur saza khatam kar k faisla wapis le liya.
Tafsir ibn e kathir mein Hazrat Ibn e Abbas(RA) ka bhi ek qaul ek doosri sanad se issi ayat k mutallik hai jis mein muddat e razaat 2 saal aur kam az kam hamal ki muddat 6 mah qarar di gai hai…..

Ab mera Sunnyprince se sawaal hai k ek taraf Quran ka wazeh tareen faisla hai, Jaleel ul Qadar Sahaba(RA) ka faisla hai, Fuqaha aur aima sub k sab yahi rai rakhtay hain, Tafaseer iss se bhari pari hain k muddat e razaat 2 saal hai, mufasareen iss se muttafiq hain aur doosri taraf imam abu hanifa ka qaul hai k muddat e razaat 2.5 saal hai……… batao k kis ka hukam maanein aur aap ne jo kaha k muddat e razaat 2 saal nahin hai to ye Quran k ahkamaat ko badal dena nahin ??

Aap kehtay hain k iss ayat mein 30 maheenay ki muddat hamal k liye alag hai aur razaaat k liye alag, to opar walay waqaya mein Hazrat Ali(RA) ko iss baat ki khabar kyun na ho saki ?? Hazrat Usman(RA) ko bhi khabar na hui k bhai ye to 30 maheenay alag alag hain, Na ji kisi ko khabar na hui bus aaj aap par iska inkeshaaf hua k bus kisi na kisi tarha Imam Abu Hanifa k fatway ko bacha liya jaaye…….


Aap loag aitraz to kartay hain Shia hazraat par k wo apnay imams ko masoom un il khata qarar detay hain k unse ghalati nahin ho sakti lekin khud wohi tarz e amal aapka apnay imam sahibaan k sath bhi hota hai….. Taqleed mein aap loag bhi shia se peechay nahin. Imam Abu Hanifa ek azeem insane thay lekin thay wo insane hi aur insane se ghalati bhi ho jati hai, aur buzurgon ki azmat issi mein hai k hum unko insane samajh kar unki ghalat baat ko ghalat aur sahi ko sahi samjhain warna agar hum unki ghalat baat ko bhi khencha taani kar k sahi bananay ki koshish karein gey to iss se uss shakhsiyyat ka waqar hi majrooh ho ga aur kuch nahin………


Yaad rahay k opar sirf Sheikhul Hind Mehmood ul hasan aur Allama Shabbir Ahmad Usmani ki tafseer aur tarjuma diya gaya hai , aap Mufti Shafi ki tafseer utha lein, Malana Maudodi ki tafseer utha lein, Tafseer Ibn e Katheer utha lein….. sub iss maamlay mein muttafiq hain aur sub ne wohi tafseer aur tarjuma pesh kiya hai jo k mera mauqaf hai…….

Aur akhri baat k Sunnyprince sahib ka irshad hai k Imam Abu Hanifa ne ehtayaat k taur par 6 maheenay zyada ka zikr kiya hai k 2 saal k baad 6 maheenay doodh chhootne mein guzar jaain gey……..
Amazing !!!!! Yani Quran ka hukam jo 2 saal ka thaw o bay-ehtiyati hai aur imam sahib ne uss bay-ehtayati ko theek kar k 6 maheenay barha diye …..wah Imam sahib to Allah se bhi zyada aqalmand aur ehtayaat walay niklay, Allah ko andaza hi na ho saka k doodh chhoot-tay chhot-tay bhi to 6 maheenay lagnay hain wo to shamil nahin kiye , shukar hai k Imam Abu hanifa iss duniya mein aaye aur unhon ne iss Qurani hukam mein 6 maheenay ka izafa kar k ehtayaat paida ki……Kya 1.5 saal k baad doodh chhuratay chhuratay 6 maheenay nahin guzaray ja saktay??? Kya Quran ka hukam bay ehtayati par mabni tha ??? Likh kese di aap ne ye baat, heart hai bhai.

Phir Sunnyprince opar wali post k pehle scanned page mein farmaatay hain k “ Asal mein muddat e razaat imam abu hanifa k nazdeek bhi 2 saal hi hai”…….

Aur yehi sahib doosray scanned page par Surah Ahkaaf ki aayat pesh kar k kehtay hain k 30 maheenay ki muddat Razaat aur Hamal k liye alag alag hai”

Yani ek page mein ye sahib razaat ki muddat 2 saal batatay hain aur aglay hi page par dobara 2.5 saal ………..

Jab insaan Quran ko chhor kar aur taaweelaat ka sahara le kar kuch kahay to wo aisay hi qalabaaziyan khaata hai…… Oopar jo 3 ayaat mene bayaan ki hain un mein se pehli 2 kitni wazeh hain k 2 saal hai muddat aur ye sahib teesri ayat ko le kar saari zor aazmai ussi par kar rahay hain k uss mein dandi maarne ka chance hai…. Aisa tareeqa Qaadiyani kartay hain k wazeh ayaat ko chhor k unn ayaat ki taaweelaat karne mein lag jaatay hain jahan se 2 meanings nikalay ja sakain….. aur apnay iss tarz e amal se ye bhai hamal ki muddat bhi 2.5 saal bata rahay hain…….. Maar de ga ye shakhs aurton ko :d :d

Bye bye…….

Quran ki ayaat k sath hair phair ko qabool kijiye dear