Adaab Hcians


MOthers day ki amad amad hay... jAHaN aaj kalhur jagha mothers day kay huwalay se baat ho rahi hay kio na thora sa apni nani dadi ko bhi yaad kar liya jaye......


Share somthing about them.........unkay khanay, unkay totkay kuch dilchasp se baatieN. unki cooking ka andaaz, unkay haath ki lazzat.

Mey dadi apnay kay pass zayda arsa nahi rahi, aik activity mujhe achi tarha yaad hay kay woh jan khana banati thi toh miti ka cholha banaya hoya tha aur woh aag jalati aur hum ghar mey se kaghaz jama kar kay laa laa kar aag mey daltay, hum ko yeh sab kuch fun lag raha hota.ghar kay pass furniture walay se boraa lana aur pata nahi kya kya,

phir nani kay haath ka saag aur makhaye ki roti woh sawad aaj tak mun mey hay aur waisa taste doobara khanay ko nahi milaa.

bahoot pyar karti thi sab se...aik baat hay hum kabhi bhi apnay maa baap aur barOn kay pyar ka haq nahi ada kar saktay.


share somthing abt ur granny's with us.

Salam Sahera Jee.......

Kiya Yaad Kara Diya......

Lagat Hai K Wohi Zaayiqa Taaza Ho Gaya Hai.... Mujhay Apni Naani K Banaaey Prathay Aaj B Bahot Yaad Aatay HaiN. Dil Chaahta Hai K Kaash Woh Zinda HoteeN To Aik Baar Phir Se Wohi Lazeez Prathay Khaati.
Issi Tarah Daadi K Haath Ki Banaayi Lassi Aur Makhan Ka Zaayiqa B bhulaaey Nahi Bhoolta.

Khush Rahiay Hamesha.

wat a good topic sahera jee...

sab sy pehlay tu Allah ka Shukar hai k meri Daadi aur Naani amma ka sayaa hum per abhi salamat hai aur Allah un ko sehat aur tandrusti bhi ataa farmayey... ameen

jee tu ap ka topic about their tootky, khanay etc...

OMG i love sweets aur us ki vajah bhi yahi do khawateen hain... meri daadi amma tu choori kiya lazeez banaatiin theen (jee bilkul wohi choori mian mithu wali ) specially summer vacations k dauraan tu daily un sy farmayeish k jee ajj hum nashtay main Choori khayain gey... aur bagair kisi hill-o-hujjat k haazir hotiin thee... aur meetha bhi aisay k jaisay parathay sy zyada cheeni dali ho dadi hazuur ny... Daadi hazuur k tootky... Allahu Akbar... ghar main kisi ko bhi kuch hojayey tu daadi amma k tootky haazir hotay thay... aur kabhi ghalti sy khud beemar hojana daadi hazuur ny tu khud per tootky nahi azmanay yey vaisay aj tak samajh nai lagii aksar logoon sy suna hai k un ki daadi ya naani ka bhi yahi tareeqa hota tha...

aur jee Naani amma Allah un ko bhi zindagee k saath sehat aur tandrusti ataa farmayey... un ki taraf jb bhi jana tu halwa aisa lazeez pakna k banda sirf halway sy hi puur baash ho jata tha... halwa saath parathay ya qulchay i love those days with my Granny... Naani hazuur tu kahtiin hain k tootka hota hi dosruun k liyey hai khud k liyey nahi hota...

anyway bht khubsurat aur munfarid topic start kiya hai ap ny... emeed hai kaafi achay experiances parhnay ki milain gey...

Dear Siso.. nice topic

i really wish kiay miri koi nani ya dadi hoti.. jin kiay stah hum bi apna waqt guzartye... hum apnay granday's mei kisi kiay sath rah suktiaye....

sorry.. pur ab hum kiya add kuray idur,,,

A very very Good topic

I miss both (nani and dadi)

Meri dadi buhat achha khana pakati theen ... Mujhey theek se to yaad nahi coz i was in matric jab us ka inteqal hua... Per har cheez achhi banati theen meri dadi ... aur har nayi cheez try karti theen .... Mujhye un ke haath ke "Khasta koftey" abh tak yaad hain.. un ke baad woh kabhi khayen hi nahi Coz ammi se koi na koi garbar zaroor ho jati thi to phir try hi nahi kiye .

Apni nani ke haath ki Gurr ki kheer bari yaad aati hai... jab bhi pakati theen mere liye bhejti theen coz baqi behnain nahi khati theen shoq se .

meri naani to ab is duniya main nahi raheen dadi hain magar buhat weak ho gaye hain

khair ji dish say yaad aya meri daadi nay aik dafa banaye thi meri chacha kay liye (mgar hum bhi shareek ho gaye khaany main) woh roti main na gur tha,.... its like roti ko jb pakaya na to roti phool gaye buhat si aur phooli hi rahi phir usko upar say tor kar khaya.... like upar say tora na to beech main gur melt howa hota hai us main dabo dabo kar roti kha jatay hain

Sisoo Me ko meri Nano N dadoo ki yaad dila di aap ne ...

Unfortunatelly mein unke pass rahi hi nai


Kuch wi nai yaad .... kya share karon

bachpan ka baRa mukhtasar arsaa guzraa hai naani, daadi k saath. daadi k baray maiN ammi batlaati haiN k woh roTiyaaN bahoot achcha pakati theeN. beghair ghee k subah ki pakayee howee roTiyaaN shaam tak 'tazaah' rahti thee. 'roTy meri gol gol' naami meri aik tafseeli post ki info shayad genitically onhi say mujh tak pahonchi ho. meri daadi shorbay walaa aalo /sabzi ka salan bhi etna achcha banati theeN k (beghair gosht k) iss salan say gosht ki khushboo ayaa karti thee aur log salan maiN gosht dhoonda kartay thay. naani k baray maiN aik ajeeb o ghareeb baat soni hai aami say k jab say woh shadi karkay naanaa k ghar aayeeN, martay dam tak naan k ghar say bahar nahi nikleeN... yeh alag baat hai k naanaa ka ghar hi etna bara thaa k mardaanaa hissa alag, zananah hissa alag, zananah hissay say muttasil small khait jahaaN sabziyaaN aur phul waghairah sirf ghar ki zaroorat k liyeh kaasht hoti thee. saath hi aik kuNwaaN (water well) bhi thaa jissay ooper say half wall k zariyeh separate kia gaya tha takay doosray end say doosray log bhi paani bhar sakaiN... hamaray naanaa 11 bhai thay aur par.naanaa aik baray zameendaar.... jabkay dadhiyaal middle class ki thee... daadaa nay 2 shadi ki thee, woh apni category maiN khush.haal hi thay... magar hum nay dadaa ko nahi dekhaa, daadi ko bhi kam omri main hi dekha. albatta naanaa-naani ko laRakpan tak dekha. kia sohanaay din howaa kartay thay. aajkal to cities maiN naani-daadi institutions hi khatam hogaya hai k saab alag alag gharouN maiN rahtay haiN. joint family system jo nahi rahaa

same here dear

mere to munh mein filhaal pani aarhaa hai nani jana aur daadijaan ke haaht ki pakayi cheezein parh parh kay.

meri paidaaish say pehlay meri daadi guzar gayin
aur main kucch 7/8 ki thee tab nani amma ka inteqaal ho gaya to dishes to yaad naheen,haan garm garam bareek chapatiyaan zuroor yaad hainmsardi ke dinon mein ham sab chhlhay ke aaspaas baitthtay thay aur woh garam garam rotiyaan utaar kar deti jaati theen aisi bareek aur narm rotiyaan aur woh bhi baghair belan ke haath say pakaati theen.
aur khaanay say hat ke ek baat
jab chhuttiyon mein aonay nanhiaal lucknow jaati thee to woh bair ke ped par jhhola zuroor dalwa ke rakhtee theen hamaray liye,,,, awwww i miss you nani amma
hamari mummy bhi ab is duniya mein naheen unkay haath ki to ahr cheez uff mere Allah kya zaaiqah hota tha,main ab bhi sab say kehti hoon ke sirf namak mirch mein pakkay huwe baingan bhi kya ghazab ka zaaiqah rakhtay thay.
hmmmmm i miss all my buzurgs so so very much :(
Allah paak unhein jawar e rehmat mein jagah ata farmaaye Ameen.

walikum asalaam

aaray us zamanay mey toh haath ki madani se makhan nikaalaa jata tha aur lassi bhi banaye jati thi...meri nani kay woh mitti kay bartan meray pass abhi bhi hieN..infact hur porani cheese mujhe itni achi lagti hay kay bas, mitti kay bartanoo mey bani koi bhi chese bahoot lazatdar hoti hay.

ab toh waisay pind bhi nahi rahey jaisay pehlay hoya kartay thay...


i miss my nani dadi too much.


Parathay lasii kay saath achaar ki toh kya baat hay .....hai na?

konsa achaar sab se zayda pasand hay?

aap ka reply parh kar bahoot maza aaya....aap ki nani dadi kay baray mey jaan kar khushi hoe.

mithayian toh ab achi lagnay lagi hein mjhe warna mujhe meethay ka itna shuk nahi thaa aur ab bahoot meetha khati hoN meri nani amaa gajreela bhi bahoot acha banati thi..maine bahoot kum choree khaye hay , coz meetha pasand nahi tha. but maine apnay nana abu aur dada ko choree khatay dekha hay. dada abu toh ab nahi rahey bas nana abu hein. dono ko choree bahoot pasand thi. aur cheeni aur ghee itna daltay kay roti khatam hojaye na ghee khatam ho na cheeni Aur mashaLLAH se dono ki sehat bahoot achi rahi.


phir dadi kay haath kay pakay kareelay gosht aur bhindi bahoot yaad atay hien. karelay aur bhindi achi pakanaa bhi bahoot kaam rakhta hay....mey toh nadeedoN ki tarha kisi na kisii ki nani dadi dhondhti rheti hoN yeh sab cheesian khanay kay liye.

kahaN dhondhay ab poranay rishtoN ko .

Kuch daair pehle hi diner kiya hai magar achaar k zikar ne phir se bhook laga dee... uff sahera ji kis waqat achaar ka naam le liyaa.... mujhe Adrak ka achaar zyada pasand hai. aam ka b acha lagta hai lakin taza daala gaya achaar...
achaar k zikar par yaad aaya k Meri ammi jaan bahot mazay ka achaar banati haiN...aam aur lemon kaa...

haan sahi keh rahi hain aap.... chaati ki lassi aur makhan ka to sawaad hi wakhra hai.

pind to waaqyi waise nahi rahay jaise huva kartay thay .....lakin phir b dil chahta hai k aik baar wohi manaazir dekhein jo kabhi dekhay thay... kionkay khaitoN k manaazir to nahi badlay hon gey na abhi.. aur wohi zyada dil-pasand haiN.
apnay watan ki kiya hi baat hai.

aaray koi baat nahi SIS....aap baki sab ki baatien parahey aur enjoy karay.....

wah ap ny kiya dish yaad kar wa di... Karelay... aik dish hoti hai qeema bharay karelay... is ko lahore main specially puranay lahore(androon shahar walay) walay is dish ko "Buut Karalay" kahtay hain... aur meri daadi amma tu is dish ko bht hi zabardast tayyar kartiin thee... karelay k beej nikal kar aur qeema in main bharna aur phir baqaida soi dhagay sy uppper sy karelay ko seety thay aur phir kya zabardast dish banti hai... mostly sab logoon ny yaqeenan khayee hogi yey dish... aur bhindi bhi zabardast dish banatii theen magar mujay kabhi bhindi pasand nahe ayee so us k baray kuch kah nahi sakta...

hmm ma nai dono ko he nahi deika bus parent se hee inn kay baray ma jana hai i miss both of them k kash ajj wo hotay

yeh roti bhala kaisay banti hogi.zara idea toh hdeiN?

yeh roti bhala kaisay banti hogi.zara idea toh hdeiN?

dear Behna.....

aap khair se kahaN thi phir bhala? kisi aur country mey pali bharhe ho?

Aray shafaq APaa!

Dair se jawab denay par mazarat......

mey kabhi bhi aisay jholoN par nahi jholee haan tv par dekh kar dil bahoot karta . ab waisay mahool he nahi rahey....na angan hotay heiN na paiR .....buzurgoN kay khanoo mey jo lazaat thi woh ab nahi rahi khanoO mey.


ALLAH sab ko apni hifz o emaan mey rakhay.

maza aaya aap ka bhi jawab parh kar....meri nani amaa kay abba jee bhi zameedaar thay....aur nana abu middle class se belong kartay thay....nani amaa ko ghuR sawari ka bahoot shuk tha , apnay abbajee ki ladali bhi bahoot thi, jab unhonay khana pakana shuru kiya toh dhair dhair rotiyan paka kar rakh diya karti thi, aur kisi ko ijzat nahi thi unko kisi baat par tokay. jab shadi hoye toh unki saas aksar shikyaat kiya karti thi....meri nani amaa ko parthay khanay ka bahoot shuk tha aur woh is tarha bahoot mazeydaar banati thi. phir jab unko sugaar hoye toh sab chooooth gaya.

joint family system humaray shehar mey toh abhi bhi hay ..... buzurgOn ka ghar par hona acha hota hay pata nahi loog kio alehdagi ki tarf bhagtay heiN.