Dosto ...

Kahin " AshfaQ Ahmed " saheb ki aik line parhi thee,
k jis ka sada matlab ye hay k ..

" Muhabbat " ki " Replacement " nahin ho sakti ....
Ho he nahin sakti .... !!

Bilkul baja hay, k muhabbat ka mutabadil, nahin ho sakta ...
phir aksar hum dekhtey hain ... apni zaati zindgi main ...
apney atraaf main bikhrey huwey insanon ki zindgi main ...
k wo jiss shakhs sey , jiss hasti sey
bey intehaa muhabbat kartey hain , uss k Bichharh janey k baad...
Rootth janey k baad... Kuchh he waqt k baad wo kisi aur Hasti ko
apni Muhabbat ka Mehvar banaey nazar atey hain ..!!

Ma'soom bacha Apni maan sey bey hadd muhabbat karta hay
Agar Maa'n na rahey tou ...dekha gaya hay k ..
jo bhee usey Maa'n ki tarah pyar karey
wo bacha apni muhabbat ko uss hasti main MuntaQil kar leta hay...
goya Mutabadil muhabbat .. Hasil kar leta hay... !!

Azdvaji zindgi main bhe yehi kuchh dekhney main ata hay ..
k aik jorha... aurat ya mard .. aik doosrey sey bey hadd pyaar kartey hain
tasavur nahin kar saktey akeley zindgi bitaney ka ...
lekin .. Qudrati ... Judaiee ki soorat main ..
Naya Jorha ( Spouce) bana kar
uss k sath shayed uss sey bhe zyada Muhabbat kartey hain ...!!
goya yahan bhe hum koi na koi Mutabadil muhabbat khojj letey hain ...

Love affairs k moamlat ko ley lijiey .... friendship ko dekhiey ...
etc etc ... Qadam Qadam par hum dekhtey hain k ..
hum apni Gumshuda muhabbat ka mutabadil ... talash kar letey hain

Tou kya aisi soorat main " AshfaQ Ahmed " jesey Danishwar ki ye
line Ghalat sabit hoti nahin hoti ...

" Muhabbat ka Mutabadil ho he nahin sakta "

Shayed nahin ... !!!

kiuoon k ... hum apni zroorat ko ..
apni fitrat ko (k jo hamain tanha nahin dekh sakti )
Apni taskeen ko ... " Muhabbat " ka naam dey kar Khud ko
mutma'in rakhtey hain...

Agar hum waqa'ee muhabbat kartey hain ... tou ..
Uss muhabbat ka Mutabadil ... kabhi ho he nahin sakta ... !!

kya khayal hay aap ka ....???

khud hi kaafi acha explain kar diya aap nay Gohar bhai
mera bhi khyal hay kay aisa hi hay

wah wah wah aj to ASHFAQ AHMED ki rooh kitniiiiiiiii khush ho gee hain na

waisay i agree with u

bas ik baat hi bolaye gey

nikal hi aati hai koi na koi gunja'ish
kisi ka piyar kabhi aakhri nahi hota

n this is very true

I am aggred wd naj siso Insaan woh hai jisko koi aisa saath chaheye jis k saath woh khush reh sakay woh saath ju uski mushkil waqt main sambhal sakey ... aur jab aik insaan apko chor kar chala jata hai tou its true k uss waqt hum pyar main buht bari bari batien kar baithte hain aur haqeeqat bhool jate hain k hum b aakhir insaan hain humien bhi zaroorat hai kisi k saath ki aur woh saath humien chaheye ... islye waqt aanay par jab woh saath humien milta hai tou hum aik baar phir bebass ho jate hain khudh k aagey aur mohabbat ho jati hai dobara ... mujhey ye baat sahi nahi lagi cuz thats not practical ... koi bhi insaan kisi dousre k lye marr nahi sakta apni sansien nahi tor sakta ... insan tou insan hai waqt kuch b kar sakta hai aur sab se bari baat jab humare naseeb main khushiyan hon tou woh mill k rehti hain aur sumtyms ye b ehsaas hota hai k shayad humara pehla pyar dhouka tha xindagi ne abb humien sacha pyar dikhaya hai blah blah ... so ye baat ghalt hai insaan tou insaan hai aut s/he needs love chaheye woh kisi bhi umar ka ho ... pyar kya hai kisi ka humien ehmiyat dena aur aesa jab koi karta hai tou dobara mohabbat ho jat hai and u will find it new everytime u fell in love

MUHABBAT KA MUTBADIL TOW MUMKIN NAHIN PER INSAAN KI SOCH KA MUTBADIL TOW MUMKIN HAI NAA ....TABDEELI KAINAAT KA AUR INSAN KI NATURE KA KHAMEER HAI ......INSAAN KI FITRET HAI BEHTER SE BEHTER KI TALSH .........LIFE MEIN KHABNI AISA HOTA HAI K KISSI K SATH KUCH WAQAT GUZRAE TOW APP KO LAGTA HAI K APP KO USS SE MUHABBAT HO GAI .....THE ACTUAL REASON IS THAT K JISS SE MUHABBAT DEVELOP HOTI HAI WOH ZAROR APP KI NATURE K ACCORDING PERSON HOTA HAI......PER KAHIN JAA KER LAGTA HAI HE/SHE IS NOT THE RIGHT ONE TOW PHIR WOH WAQATI ATTRACTION HOTTI HAI NOT A TRUE BASED LUV AUR LOG USSAY MUHABBAT KA NAAM DAY DETE HEIN ........MUHAABAT AGER SUCHI HO TOW ISS KI REPLACEMENT MUMKIN NAHIN NAAH USS SHAKHS SE PEHLE KOI ZAAT HOTTI HAI NAAH BAAD MEIN BUS WOHI ALL IN ALL HOTA HAI ........LOG MUHABBAT KI REPLACEMENT KUYN KERTE HEIN ITS UP TO THE CONDITIONS N CIRCUMSTANCES .....THE BASIC REASON IS THAT K WAQAT AUR ZINDAGI KHABI KISSI K LIEY NAHIN RUKTE AUR INSAAN HAMESHA LAA HASIL KI KHOJ MEIN REHTA HAI ....MORE N MORE ......SEARCH FOR SOMEONE N SEARCH 4 BETTER...YEAH USS KI FITRET KA HISSA HAI AUR YEAHI FITRET USS K EMOTIONS PER GHALIB AA JATI HAI ................JO BACHE KI EXAMPLE DI HAI TOW MAA SE BACHE KI MUHABBAT EK FITRII AMAL HAI ........BACHA TOW PYAR KA HOTA HAI JO PYAR DAY GAA USSI KA HO JAYE GAA ...........MUHABBAT KI TAQSEEM TOW EK JANWER BHI NAHIN KERTA HUM TOW PHIR INSAAN HEIN .......LEKIN HER INSAAN APNI EK KHAS JAGH BANA LETA HAI .....JAISE PARENTS SE N FAMILY SE MUHABBAT HOTTI HAI JO K FITRI AMAL HAI .....PHIR AFTER MARRIAGE SHOHER SE N BACHON SE .....TOW IT DOESNT MEAN K JO MAA BAAP SE MUHABBAT THI USS KO SHOHER N BACHON KI MUHABBAT NE REPLACE KER DIYAA .......UN KA MUHABBAT MEIN APNA EK MUQAAM HO GAA AUR SHOHER N BACHON KA EK ALAG .........HER INSAAN KA DIL USS KA WOH APNA GHAR HOTA HAI JISS PER NUMBER OF PLATE KISSI DUSRAE NAAM KI LAGI HOTTI HAI MAGER HALAAT K TEHAT WOH BADLTI REHTI HAI ........BAQI YEAH TOPIC MERE AGE LEVEL SE KAFFI HIGH THAA

haan yeh toh wakeye such hay kay mohabbat ki replacement hojati hay.magar mohabbat ki noeyat shidat ehsaas badal jatay heiN.....aap jis se mohabbat kartay heiN bilkul usay ehsaas ki mohabat aur shidat kisi ko aur ko nahi dey saktay uskay chalay janay kay baad.....zindagi guzarnay kaylye insaan saharay dhondh leta hay....mutbadil mohabbat mey khush bhi hota hay magar sawal yeh payeda hota hay kay kabhi apni pehlay wali mohababt ko woh faramosh kar saka hay? usay bhool saka hay chahey woh kisi se bhi ho.....

jo pyar aur ehsaasat aap kay apni maa se juray hein woh aap ki dosari maa se nahi jur saktay......same with the first wife/husband

isi tarha aik larka larki ki mohabbat bhi aisi hay.aur wakeye mohabbat aik baar he hoti hay baki sab toh mutbadil hotay heiN uskay....not the real thing. aap aik baar jis ko apnay dil mey jagha dey lo jo muqam dey lo....ap na us se woh moqam cheen saktay ho aur na he woh kisi aur ko dey saktay ho chahey aap apni mohabbat kay hathoN kitni he baar qatal he kio na hoye ho.

just read ur reply.....


very nicely explained......

Arey kashif bhaiee....

main kahan explain kar paya hoon .... main ney tou just apney views samney rakhey thay ..
k.. dost in par comments karain k ... kahan iss baat ki nafi ho rahi hay
k
Muhabbat ki replacement nahin ho sakti
ya kahan iss baat ko confirm kiya ja sakta hay ......!!!

waiting 4 ur details....

AshfaQ Ahmad ki rooh tou shayed hamesha he mutmain aur khush ho gee...
k jab tak un k lafzon sey hum istefada hasil kartey rahain gey... !!

wesey ... aap kis baat sey agreed hain ..
k
muhabbat ki replacement ho sakti hay .....????

Lekin itney barey Danishwar ney ,, aisa kiuoon kaha ....??

" Muhabbat ki replacement ho he nahin sakti "

In short .. k ... jo mujhey sarahey ... meri Qadar karey .. merey liey jan deney k da'vey karey wohi mera Mehboooob hay.....
phir jab wo mujh sey rootth jaey , bichharh jaey .. door chala jaey ya bewafa ho jaey ...
tou .. main uss jesa he koi doosra talash kar loon .. ya koi mujhey dhoondh ley ........???

i do not agree... princess.....!!!

oh iss ka matlab hay mujhay bhi explain karna hoga

chalein phir aatay hain jald hi detailed reply kay sath

right

A/A... Gohar Bhai... bht hi zabardast views share kiyey sab dostuun ny... kaafi baar ap ki topic ko parha agar koi khaas jawaab zehan main nahi ayaa k kiya likha jayey jawab main... specially FATIMA4U k reply k baad tu jaisay kuch kehnay ko reh hi nahi gaya... thts just my personal opinion...vaisay Muhabbat ki replacemnet mumkin hai ya nahi magar her insaan ki aik fitrii khuwahish hoti hia aur woh hai kisi ki tawajjah ka markaz ban'na like jis taraf us ko tawajjah milay gii wohi us ki us waqt ki muhabbat ka markaz hoga... jaisay ap ny misaal di aik bachay ki tu bht had tak ap ki baat durust hai k jo bhi aurat us ko maa'n ka pyaar dy gee wohi us bachay ki tawajjah/muhabbat ka markaz hogii... magar kiya aisa nahi hoga kabhi k zindagee main jis waqt us bachay ko maluum hoga k woh aurat su ki maa'n nahi tu phir us bachay ko khuwaah kitna hi pyaar mila ho us ko aik maa'n k pyaar ki mehroomi ka ehsaas hoga yaqeenan hoga woh yahi samjhay ga k shayed meri apni maa'n hoti tu mujay is bhi kahin zyada pyaar miltaa... lehaaza Muhabbat ki replacemnet tu bilkul bhi na hoi is case main... that care n love is just an alternative for a mother's love... sab apny apny ehsaas ki baat hoti hai...

meray nazdiik asal muhabbat kiya hai koi explain hi nahi kar sakta... aur jab Muhabbat ki explanition hi mumkin nahi ho payee tu us ki replacement ko hum kaisay judge karsaktay hain...

JIS MUSANNIF (ASHFAQ AHEMD) KO QUOTE KIYA APNY IN TEHREERAIN PARHNAY SY PATA CHALTA HAI K YEY KHUD SO CALLED MUHABBAT K PAIROKAAR WAQT K SAATH SAATH APNI TAWAJJAH KA MARKAZ BADALTAY RAHAY HAIN... Ashfaq Ahmed k saath kuch aur bhi aisay musannif hain jo waqt k saath saath apni soch ko aik mumkin had tak badaltay rahay hain... laikin chund musannif hazraat aisay zaruur hain k jin ki tehreer parhnay sy yey baat bilkul wazih hoti hia k her dunyavee sachi muhabbat insaan ko bil-akhir Haqeeqi muhabbat ki taraf lay jaati hai... aur in chund musannif hazraat main 2 naam zaruur shaamil karna chahuun ga Ahmed Nadeem Qasmi & Dr. Anwer Sajjad.

lehaazaa meray nazdiik muhabbat ki replacemnet mumkin nahi hai... her shakhs sy milnay wali muhabbat ya tawajjah sirf usi fard-e-wahid ki zaat ki had tak mehdood hoti hai aur woh kisi dosray ki muhabbat ko replace nahi karsakta...

we chenge our priorities according to circumstances...

(phir jab wo mujh sey rootth jaey , bichharh jaey .. door chala jaey ya bewafa ho jaey ...
tou .. main uss jesa he koi doosra talash kar loon .. ya koi mujhey dhoondh ley ........???).....aye kii gal hoi ji .....pehli baat tow yeah hai app khud stable minded type nahin lag rahe ho ......aur jin writer ka ziker ya statement app ne likhaa hai ....may be buhat baray writer hoon gey i dont have any idea about that .................but pehle ek sawal ka jawab do app "kia woh hadees kehte hein ya thae jo badal nahin saktii ?/"..............her insaan ki appni ek soch hai ek alag perception hai ussi ko lay ker woh kuch suggest ya opine ker deta hai .....but it doesnt mean keh woh herf-e-aakhir ho gaa .....its just up to the person n persons ....in which way they take them .....all r not having the same thinking n perceptions bcoz of nature changing ......everyone thinks , talks, saying, writes ...so on aacording to their perception.... u can judge. n take aacording to ur mind ....evey one has different definition n idea.....for example the thing n view that i have in my mind it may be is not right in ur opinion .....
for exmple

amjad islam amjad says:


muhabbat aisa deryaa hai keh
barish rooth bhi jaye tow pani kam nahin hota ........(yeah un ka perception hai )



but one writer says keh ......

muhabbat mer bhi sakti hai

bahum reh ker
ager berh jain,dil k fasilay yukdum
bicher jane kaa phir tow faislaah yeah ker bhi sakti hai
muhabbat mer bhi sakti hai ....................




so the what is the sense of behind this exmple ........is that k her insaan ka apna ek point of view hai ....uss ko mad-e-nazer rakh k woh baat kerta hai ....issi terha its up to u n that person who is connected to u .....insaano ki dunyiaa mein sub jhoot nahin hota , dil aur bhi uljhay ga perhiye naah kitabon ko .....

taahum baat yeah hai k muhabbat 5 herfon per mushtamil ek lafaz hai jo sunane mein tow buhat khubsurat lagta hai but nibhane mein mushkil ....important baat yeah hotti hai keh jiss se muhabbat hui uss ka jawabi amal/reaction kia hai ....kya jawbi amal utna he shadeed hai yaa uss mein kuch kami bay-shee-- hai .... muhabbat uss tetlii ki terha hoti hai jiss ko muthii mein qaid kerne ki koshish karo tow mer jati hai ghutan se aur ager muthii dheeli choro tow urr jati hai ....kuch log jo looking 4 another one ...when a person got dumped ....muhabbat mein koi chor gaya tow koi aur sahara dhundhne mein lag gaye tow aisa insan mutter k chilkon ki terhaa do rukhaa hota hai .....amuman muhabbat mein naa-kami k baad woh apni he zaat ki tazleel mein lag jata hai ya saharay talsh kerta hai ....keh get rid of all the memories....... luv is the sorce of security n sureity .....knowing that the other person will always be with u but if they r away or apart ....remaining near in heart all the times ....u got that or not ........luv doesnt walk away people do .....luv cant be explained.....it can only be experienced ..............

a very good reply.. n well explained...

but one thing ap nay fitri jzbay ko bhut accha explain kiya.. pur true love kidr ha inn mei.. kiya yea exist kurta bi ha ya naih... jub ap replacmnet ki truf attaye ha to yea insan ki zrourt ha.. us ki fitrt mei ye cheez dali gaye ha...

ap nay exmple jo di.. wo nature ha.. aur jo insan kiay akhtair mei ha wo zrourt... ma baap kiay pyar say wo inkar naih kur sukta pur zrourt say kur sukta ha....

Fatima nay bhut detial mei reply kiya ha iss baat pur

sahi kaha app ne..............per rishtae zarorat se nahin hotay ehsaas se taluaq rakhtay hein .true luv kii jahan tak baat hai tow yeah persons per depend kerta hai keh woh kitne sincere hein werna phir flert n affair he reh jaye gaa aur kehlaye gaa .....yeah alag baat hai aaj kal her rishta zarorat samjha jaa raha hai ..... nasty desires aa chuki hein .....but just a matter of luck keh qismat app ko kia rang dikhati hai .. koi mukhalis bhi ho sakta hai 5 fingers r not equal ..zarorat se bhi inkar mumkin nahin but zararut uss ki puhanch se baher ho tow woh kaise poori karay gaa jab uss tak rassayi naah mumkin ho .....majboran laa hasil reh jaye gaa .......peechae hut jaye gaa ....app kya kehna chah rahi hein zarorat k point per thora clear n elaborate karo than i will give u the rply ....mein pick nahin ker paai what u wanna say .,...okies ....

dear ap apni hi baat ko idur conflict kur rahi ha
ik truf ap dis agree ho to dosri truf agre aur explain kur rahi ho
m nt going in detail.... coz long discussion ll be boring for every one...
in my point of view... lov diff type ka hota ha hur relation mei.. diff catg kiay sath.. maa/baap, bhen/bhai, wife/huby., lovers... n so on... u cant bound th love.. true lov hota ha no odubt. pur waqt kiay sath wo bi change ho jatta ha coz mohabbut ik waihd jazba ha jo apni jugga zrour bnatta ha.. in any case.. aur ye mira personal observ ha..

hm hm .....there is no confliction in my mind ....actually topic starting point per ek writer ya patah nahin woh auther hein kaun hein ....muhabbat ki replacement peh thaa ...........app ne relations n zarorat ko bhi shamil kya n bring out in the discussion ....yeah 3 terms jo hein interrelated hein ....aik dujae se connected hein ......

muhhabbat .....ki jahan tak haqeeqat hai tow yeah 2 types ki basically hai jo pehle ishaq-e-haqeeqi mein aati hai jiss se murad Allah (swt) ki zaat se ishaq aata hai ....phir deen .....blood relations .....all r included in this type .........jo actual hein jin mein no this no that app tornaah bhi chaho munah murnaah bhi chaho yeah joon k toon rahein gey ....2nd mein ishaq-e-majazi aata hai jiss mein insan ki apni soch apni merzi apni choice aur intekhaab hai ..its just up to the person ....keh woh ek he zaat ko apne liey all in aal manta hai yaa phir bay lagaam janwaron ki terhaa idher udher munah marta hai ...........sorry 4 hard wording ....yeah actual muhaabat hai k naah uss se pehle koi naah baad mein , mutbadil mumkin nahin ............

relations : relations bhi buhat type k hein mager sub se bari haqeeqat rishton ki hai k yeah nibhtay nahin nibhaye jate hein ....buhat c kasaution se guzerna perta hai ....per sub se important chiz ehsaas hai jo rishton ki namo kerti hai ....

zarorat ..... zarorat mein buhat c terms hein jo interchanging hein ..............kuch log her hud se guzer jatay hein apni zaati zarorat ko fullfill kerne mein ....aur kuch log apni zarorat per dusrae ki zarorat ko prefer kerte hein ....sahiinsan woh hai jo apni zarorat per dusrae ki zarorat ko terjeeh day ....i explained it in relations sense not materialistic ......lekin sometimes app k pass khud itni gunjayesh nahinhoti k app apni koi zarorat fullfill ker sako tow dusrae ki kaise karo gey .....in materialistic sense apna hath khali ho tow faqeer ka katora kaisay bhara jaye gaa....



yeah sari terms mein n in actual mein elaborate ki hein .....rrather than writers saying ........

Apnay Dil Main Kise Kay Leya Naram Jazbaat Or Us Kay Leya Or Us Kay Leya Kuch Bhe Kar Guzarnay Ka Naam Mohobbat Hai...,

''Mohobbat'' Khuda Say Ho To Bandagi Ban Jati Hai,Rasool(s.a) Say Ho To Ata'at Ban Jate Hai,Waldain Say Ho To Farmanbardari Kahlati Hai,Bahan Bhai Say Ho To Khaloos Kahlati Hai,Rishta Daron Say Ho To Unseyat Kahlati Hai,Khalq-e-Khuda Say Ho To Khaloos Kahlati Hai,Biwi Say Ho To Wafadari Ban Jati Hai Or Agar Mehboob Say Ho To Ashqi Ban Jati Hai..,


Dekhnay MaiN Aya Hai Kay Hum Logon Main Har Terha Kay Rishtay Ke Mohobbat Kam Hotay Hotay Khatam Hote Ja Rahi Hai.Chahay Woh Waldain Say Ho ,Bahan Bhai Ya Kise Bhe Rishtay Daar Say Ho.Aik Doosray Ko Bardasht Karnay Ka Mada Khatam Hota Ja Raha Hai.Lehjon Main Ghussa Or Uktahat Ud i Hai.Mohobbat Ke Jaga Jhunjhulahat laite Ja Rahi Hai.Is Jhunjhlahat Ke Bohot Se Wajoohat Hain.Maslan..!Paisa,Passand Ke Shadi Waghaira.., waldain ki zaberdasti ....zatti mufaad ...so on ....Mohobbat AiK Aise Konpal Hai Jo Insaan Kay Paida Honay Kay Foran Baad Phoot'te Hai Or Waqt kay Sath Sath Phalte Phoolte rehtii hai ....mager hatam nahin hotti .....Mohobbat Hiss ka Naam Hai.Jo KHuda Nay Sab Ko Day Rakhi Hai.Yeh na To Zabardasti Kise Say Karwae Ja Sakte Hai Or na he Khareede ja Sakte Hai.Balkay..! Mushahidati Tor Per Dekha Gaya Hai Jahan Dolat Ke Farawani Hote Hai Wahan Sakoon Or Mohobbat Ghayab Hota jaa raha hai ....on the other hand Jab Kay Aik Ghareeb Gharanay Main Chahay Paisa Na Ho Lakin Un Kay Dilon Main AiK Doosray Kay LEya Naram Jazbaat Kuch Kar Guzarnay Ka Hosla Or Mohobbat Hote Hai.
Humaray Ird Gird aise Bohoy Sari Zinda Misalain Mojoood Hain..!



tow in ki replacement k word se yeah ek abstract mein ne diyaa hai issi post mein ek question arise kiya hai kya reasons hein k muhabbat aur suchae jazbaat hum mein dum tor rahay hein aur ranjishein bhertii jaa rahi hein ..............nourishment kuyn nahin ho rahi ...??

Bohut Khoob .. MP jee... !!!

Bohut detailed .. reply hay aap ka .. aur Topic ka mukamil Ehata kiey huwey ...
k jiss main Buniyadi baat lafz " MUHABBAT " ko samjhna ..

Phir " Muhabbat " aur " Zuroorat " k jazbon ko alag karna ...
Phir .. apni "FITRI KHUWAHISHAT ' ka mehavar talash karna ...
Aur Akhir main ..
Aik baar phir apni asal " Muhabbat " ki taraf laut jana ... !!

K Muhabbat cant b replaced ... !!!

Bohut Umda Usman jee... !!!

Fatima jee.... !!!

aap ney jo confusion yahan merey Qoute ko ley kar dali hay ...
uss ka sahi jawab iss tarah hay k ... " Airy Princess k reply ko agar dekho gee tou andaza ho gaa jo main ney ye " Red Color " main likha hay ... wo un k reply ka result hay...
jiss sey main agree nahin karta ...
plzz read it again ... !!

Doosra ye k ... in other color jo qoute hay .. k iss waqt ehmiyat iss bat ki nahin k kis writer ney likha hay ...
ehem ye hay k .. kya likha hay ...

aur Third one color jo hay uss main .... main ney aap ki zehni soch ko samney rakha hay
k .. aap k kiey gaey " Sawal " sey mujhey aap ki zehni satah ka andaza lagana mushkil nahin ...
k aap ko abhi ye bhe ma'loom nahin k .. Hadees " Kis hasti k sath mansoob hoti hay ... !!

Afsosss..... !!!

Sure naj jee...
nice xplained ... n judgement ...
kisi bhe baat ki zroorat sey zyada tafseel main janey sey .. baat asal markaz sey ghoom kar .. kahin aur nikal jati hay .... aur apna asal maqsad kho beth ti hay .... !!

Fatima baby ....

Mera khayal hay k .. abhi aap ney .. " Topic " ka mafhoom he nahin samjha hay ...
iss liey aap k reply to the point nahin hain ..
aur agar kahin sey 2-4 achhey jumley ya havaley aap ney add kiey hain aur un ki ta'reef ho gaee hay tou .. aap .. mazeed bey ja tafseelat main ja kar un ka maza bhe kharab kar rahi hain .. !!

yahan hamain iss bat sey gharaz nahin k .. ye lines kis ney likhi ...!!
behess iss bat par hay k ...
Mubat ki replacement hay ... ya nahin ... !!

Fatima Bee....

Topic k asal point par rahain ... plzz...
ye Muhabbat k barey main nahin hay k .. what iz muhabbat ...
the actual topic is ... k

Muhabbat ki replacemnet mumkin hay ...???

" Muhabbat ka Mutabadil ho he nahin sakta "

Shayed nahin ... !!!

kiuoon k ... hum apni zroorat ko ..
apni fitrat ko (k jo hamain tanha nahin dekh sakti )
Apni taskeen ko ... " Muhabbat " ka naam dey kar Khud ko
mutma'in rakhtey hain...

Agar hum waqa'ee muhabbat kartey hain ... tou ..
Uss muhabbat ka Mutabadil ... kabhi ho he nahin sakta ... !!

kya khayal hay aap ka ....???
[/color][/size][/b]
[/quote]

aap nay khud hi buhut acha explain kr diya..
bilkul theak kha Mohabbat ka koi mutbadal tou ho hi nhin skta
agr aap nay waqai mohabbat ki hai tou phir chahe wou khin bhi chala jae
app kisi aur ko wou muqaam kbhi day hi nhin patay..

ok so sorry ainda mein app ki post mein kuch opine nahin karun gi ............mein ne just jo logon ne share kiya un k sath he discussion ko continue kiya hai ........................jo yeah baat jahan kahi hai aap dubara perhein tow samjh lag jaye gi mein ne kiss sense mein kaha hai .............aur kahin reply mein app ne kaha k tareef ............tow mein yahan apni tareef kernwane nahin aati aur naah mujhae kissi ki tareef ki zarorat hai ...i know what im doing n saying ....aur yeah kitna valuable hai aur kiss comment ka kitna haqdar hai ....app ko bura laga really sorry but mein ne just apna point of view kiya hai jo her reply se interrrlated tha ...app starting point se post perh ker daikho ....aur jahan tak topic ki baat hai tow topic tow ek he hota hai but jub different views share hotay hein tow buhat se sawal aik he topic mein uthate hein jin ko further clerify kiya jata hai .....anyways sorry again .

any ways ... jaisey aap ki marzi ....
ye ya koi bhe mera zaati topic ya meri meerass nahin hay ... lekin iss tarah ..
Topic sey hat kar direct.. kisi ko Nishana banana ... shayed munasib baat nahin ... !!

uff ............aray app ne iss baat ko dil peh lay liaa............... i didnt mean that nishana ...etc ..............u got this thing in wrong way ...mein ne app ki baton ko perh ker uss statement ki conflictions ko lay ker kaha thaa ....app jo kehna chah rahay thae aur puchna writer k pin point per uss mein thehrao nahin thaa ...means may or may not ...uss ne ek baat kahi writer ne right app ne topic suggest kiya ..yeah topic buhat aacha n elaborating hai ....sub se pehle muhabbat ki replacement ki ager aap baat karo tow sub se pehle muhabbat k concepts clear hona zarori hein phir he app iss sentense ki afadyet ko perkh sakte ho n kuch opine ker k conclusion per puhanch sakte ho k muhabbat ki replacement nahin ho sakti ...jo discussion hui app away he rahay mein regular in hotti rahi jis ne jo bola mujhay jitni samjh thii uss lehaz se topic mein contribute kiya ...jab muhabbat ki replacement mumkin nahin iss kaa mutbadil nahin tow .yeah proved hai ...iss per her koi agree he karay ga ...phir sawal mein ne aorouse kiye un logon k liey jo agreed huaway k ager muhabbat ki replacement mumkin nahin aur nahin hotti ...tow kuyn muhabbatein dum tor rahi hein aur jo sawal kiye woh app k knowledge mein hein .....mera hergiz maqsad yeah nahin thaa .,..app phir wohi k writer nay kuyn kaha ...app apna moto ya jo vision hai woh eloborate kuyn nahin ker rahay ...apna clear vision dain phir dusron se perkh kerwanein.....then approaches to the conclusion mein just yeah kehna chah rahi thii ....aur mein ne tow pehle he bola tha in first post mein yeah mere level se high hai ......again sorry mein ne iss context mein baat nahin kahii thii ....i have big fault i tell exactly whats on my mind ...n put it in words what i feel n whatever occurs ....kuch age aur tajurbaa kam hai ...butapp jaise kind hearted log hein sudharne k liey ....thats y im here ..to explore n nourish...........with the help of the persons like u ....anyways once again sorry ....bhashan hatam huawa ...

Thanx 4 ur comments here ...

QUOTE(**Gohar @ Jun 13 2008, 01:39 AM)

In short .. k ... jo mujhey sarahey ... meri Qadar karey .. merey liey jan deney k da'vey karey wohi mera Mehboooob hay.....
phir jab wo mujh sey rootth jaey , bichharh jaey .. door chala jaey ya bewafa ho jaey ...
tou .. main uss jesa he koi doosra talash kar loon .. ya koi mujhey dhoondh ley ........???

i do not agree... princess.....!!!

Bro I dont know what to say really ... app k words apko yaad karvati hon jab main kehti thi k mohabbat aik se hi honi chaheye tou app ne tab kya kaha tha

QUOTE

Aik sey zyada baar muhabbat ho jana .. kya aik Fitri amal nahin hay .??
kya isey bewafaiee ka naam diya jana chahiey ..??

kya Pehla pyar he hamrey liey 100 % ho sakta hay k buss ab air tight door closed
andar sey koi baher na ja sakey ... baher sey koi andar na aa sakey ..??

aik jagah aur

QUOTE

Bohut Umda ...!!


muhabbat kisi Rishtey , ta'luq ya shakhsiyat k sath
mehdood nahin ki ja sakti ye kabhi bhe kisi sey bhe aur kitni bhee ho sakti hay....,


Iss k izhar ki tadaad ko zanjeer bhe pehnana mumkin nahin ...!!


Khush rehiey ... Muskuratey huwey ...!!

yeh sab pages perh lijeyega :afasana:

CODE

http://www.hulchul.net/HC/index.php?showtopic=148859&st=20

bubhbye

Ruko Ruko .... Suno .. !!

Ye .. aur Wo .. sub merey he alfaz hain ... jo main ney he kahey hain aur mujhey yad hain ..
lekin Dear ....
ye " Muhabbat " k Topic par hain ...
aur yahan baat ho rahi hay ... " Muhabbat / Replacement " ki

tou ab main vizahat kar doon k ...

Muhabbat ki Replacement ho he nahin sakti
aur
agar Replacement ho sakti hay .. Tou usey Muhabbat nahin kaha ja sakta ..

That is " Zuroorat " " Fitrat " ..etc etc ...

i think ab Gohar ap bi apna view batta diaye aftr recving replies from other members...

Naj jee....

boht achha lagta hay k jub kisi sanjida Topic par ... dost apney nazriyat share kartey hain ... aur hamain .. ye mouq'aa milta hay k .. hum apney khayalat par .. doston ki ra'ey sey nazr e sani karain ya unhain mazeed behter bana'eyn .. !!

Iss topic par bhe mera nazriya .. ibtidaie post main boht wazeh hay ...
aur ab agar isey dohraya jaey tou .. " AshfaQ Ahmed " ki ussi baat ko samney rakhoon ga k ..

" Muhabbat ki replacement nahin ho sakti "

main ney khud apni post main ... aur deegar sathiyon ney bhe iss line ki mukhalifat main bohut sey dalaeyl diey hain .. aur " Muhabbat " ko replace kar k dikhaya hay ...

ab yahan main " Jibran " ki kahi hui aik baat Qoute karoon ga k .. Hum ..

" Muhabbat aur zroorat " main farq nahin kar patey ...

aur apni zroorat ko .. aksar muhabbat samjh beth-tey hain ...
aur jub wo Zroorat ( Jisey hum Muhabbat samjhtey hain ) aik hasti sey poori na ho paey ..
ya wo hasti .. hum sey bichharh jaey .. tou kuchh waqt hum .. udasiyon aur uss ki wabastgi ki shiddat ko yaad kar k rafta rafta bhooltey chaley jatey hain ..
aur Rafta Rafta .. aik " Doosri Muhabbat ( jo asal main hamari zroorat thee ) hasil kar k khud ko mutm'ain kar letey hain ... !!

Moujooda Dour main tou lafz Muhabbat ki buniyad he hum nahin pehchan pa'ey hain .. asal muhabbat k jisey Replace nahin kiya ja sakta ... uss muhabbat ki tou hum parchhaeyn bhe nahin paa sakey .. !!

kya khayal hay aap ka ...??

aik link add kar raha hoon .. isey bhe dekh lijiey gaa... !!

http://www.hulchul.net/HC/index.php?showto...p;#entry2877576

.............

Uss waqt slip ho gaee thi yeh reply, isse bhi nimta diya hai