TOOTHPICK


Usay ek toothpick darkaar thee,
charon taraf nazar daali
kitaabon ki qareenay say saji shelve,kitaabein hi kitaabein
toothpick ka dibba wahan kaheen naheen
nazrein sofay say hoti hui flower decoraton wali table tak pahoncheen idhar udhar khhanka daayein baayein,yeh toothpick gaye kahan.
Bedroom ka rukh kiya neatly biccha bistar,side table pa rrakhee kitaabein utthayin lamp ko uttha ke dekha,table ke peechay bhi jhaank liya
"ya ALlah kahan gaya nigoda dibba"
"kaheen kapdon ki cupboard mein kisi nay na daal diya ho chance to naheen magar dekh hi loon"

kapday idhar say udhar udhar say idhar kiye,kapdon ke beech mein zewar ka dibba bhi,khubsurat zewar uski pasand kay,usay bhi band karkay rakh diya,"ab yeh toothpick ka kaam to karnay walay naheen" woh jhuunjhlaayi.
tthak haar ke woh soafay par aakar dhamm say baitth gayi,daant ke dard par ghussa bhi tha ,baitthtay hi koi cheez zameen apr ucchal kar giri ,tooth pick ka dibba tha.
woh muskuraayi,zehen mein kitaabein ,sofa, side table a khubsurat decoration saaf sutthra bistar , zewaraat ka dibba sab ghoom gaya ke jab woh toothpick dhoondh rahi thee to yeh sab kitnay be maani lag rahay thay ,har cheez ki apni bahot ahmiyat khwaah woh toothpick hi kyun na ho!

bhoot khoob

acha lika...

sahi kaha "har cheez ki apni aik ehamyat hoti hay"

acha likha hay janab

Wah buhat khoob

Superb message

Thanks for sharing with us dear sis

dili shukriya Life,seema siso and kashif

thankyou so much

ham har roz yahi kahani dekhtay hai,barish ho to umbrella say imp kucch bhi naheen,likhna ho to pen/pencil ,kucch erase karna ho to chaha yduniya ke kitnay umbrellas,pens pencils etc etc aajaayein lekin mitaanay ke liye eraser/rubber hi chahiye aur us waqt that is the most imp thing

ek mazay ki baat suniye tooth pick/khilaal ki nisbat say

hamaray ek buzurg bahot accha qat'a sunaya kartay thay jo yaad reh gaya,funny hai isliye

yaar tum bhi kamaal kartay ho
zindigi paaemaal kartay ho
chand tinkay hain asshiyanay mein
tum unheen say khilaal kartay ho ?




khush rahein aap sab

bohat khobsorat tahreer shafaq aapa..

thankyou tihami
i always dream of being a writer,but i guess likhnay ka sha'oor aa naheen raha hai

khush rahein

ShafaQ kisii haiN ap hmmmmmmmmmmmmm

bohut zabardast likha haiii

wo kya khetay haiN khy koZay maiN samander ko band kernaa

waQahiii her ChoTii se Chotiii CheeZ ki apni aik ahmiyat hoteee hai

KhuSh rehaiN

buhut khoobsorat tehreer

thanks for sharing shafaq ji

keep writing

aawaaz siso
i am sooOOO happy ke aap yahan aayeen
shukriya bahot bahot

bilkul sahi ke har cheez ki apni ahmiyat,pen dhhondnay chalo to raastay mein kitnay ki toothpick milein,comb,lipstick ,broom jo bhi mil jaaye pen kakaam pen hi kar sakta hai

ghazal
aap to kam kam aanay lagee hain i miss you
shukriya aapka ke aapko tehrreer pasand aayee

aur aapka signature kya hi khoob hai
great choice

wow kia khoob afsaanchah likha hai... message bhi bahoot acha hai.... woh iqbaal nay kahaa thaa naa k ....nahi koi cheez nikammi khodaa k kaarkhanay maiN ... thanx 4 sharing.

aap itna accha likhnay walay AA bhai
yeh bataiye ke ismein kya tarmeem aur izaafah kiya ja sakta hai,kucch guide lines

good one...and message conveyed

u welcome
ji der asal ajkal MASHA ALLAH shadion ka season haina ussy may busy hoon zara

i miss you toooooooo

buhut shukriya apko signature pasand aya ....
ye aik Naat hay jo Junaid Jamshed nay perhi hay ..
mujhay buhut pasand hay

Bohat Acha Aur Informative and Message Diya Hai Aap Ne Siso

thankyou aaminah
how are u doing

jee shadiyon ka season to hai ,is tarf bhi
hope you have a good time at all the shaadeees

kucch interesting rasmein baataiye ga

pasand karnay ka shukriya
khud bhi kucch seekhtee jaati hoon


khush rahein

Waah bahot khoob Shafaq jee

Kitni khoobsorati se yeh baat waziyah kar dii aap ne k har cheez ki ehmiyyat hoti hai khvaah woh ba-zaahir aik tinkay jaisi mamooli hi kyun na ho.

Khush rahiay hamesha

nice comment

thanks nice of you

Shafaq

Alhumdulilah sab fine,,howz going on ur side?

well and good
Allah ka shukr hai

Good news!