salam !...........plz just check it ou in ISLAMIC SECTION ................... what the hell is going on there ....some posts r based on mazhubi firqa-bundi .....kuch posts mein suuni, shia , wahabi ko hit point per kuyn rakha ja raha hai ....ager yeahi posts continue rahein tow ek mazhubi jung start ho jaye gii on hc ....so plz kindly take some actions ....to cope this problem ....

Mery khayal sey behter ye ho ga .. k in posts ko close ya delete karney sey aisey anaasir ... zyada mushta'il ho kar mazeed topics add karain gey ..
iss liey
1... memberz in posts par reply na karain ..

2... adimistaration agar chahey tou iss tarah ki Fake id's block kar k iss amal ki rouk thaam kar saktey hain

3...behter yehi hay k .. aisey topics ko buss dekhtey huwey guzar jaeyn ..
jab topic active he nahin rahey ga ... tou khud he dabb jaey gaa..

Wahan karwai ho rahi hay. Insha allah sab theek ho jaye ga

yeh koi new baat nhin pehle bhi aisa hota aya hai HC per ... phr khud he hashaaaash bashaaash hojaengey ...
ALLAH SAB KO HEDAYAT DEY ..

bilkul sahi,nothing new for hc.ghamasaan ladaaiyaan hongi,dheenga mushti uttha patak aur phir sab theek ho jaaega,until next time jab shar pasand anasir phir munh utthayein.


Abdullah bhai! agar aap sab un topics ke baaray mein kucch kar rahay hain to issay behtar kya hoga,i know musalmanon bhaiyon ke beech jangein hc par dekhtay rahein hain ham old members,lekin na iskay aadi huwe hain aur na hona chahtay hain aaj bhi bahot hi bura lagta hai,afsos hota hai,BEBASI bhi lagtee hai,kyunki topic ko close karna delete karna tanbeeh karna warn karna,ban karna admin ke haath hai hamaray naheen

har tareeki ka aik musbat-pahloo bhi hota hai ... aur yahaaN MUSBAT pahloo yeh hai k islam section samait HC par kissi bhi qism k 'qaabilay giraft anti islamic posts /replies ki maujoodgi' par khodaa k hazoor kam az kam hum JAWAAB.DAH naheeN. Allah k hazoor do'aa hai k ZIMMAH.DARAAN ko apni zimmah daariyaaN adaa karnay ki taufeq day takay woh rozay hashar iss zimna maiN bari hosakaiN. aameen

ji AA bhai bilkul sahi kaha aapnay,zimmedaari fairness ki mohtaaj hai warna what's the point.

Jab admin post per jaa kar yeh samjhaata hai keh bhai tum saamne waale ke choNtees daant kaise tooro ge, daaNt tu kul batees hote haiN, tu woh admin ko bata deyta hai keh dou tumhaare bhi shaamil kar liye haiN.

Aap ne tareeki ke musbat pehlu ki taraf bhi roshni daali hai. Sahi kaha aap ne, accha hai loog galam galooch karke be.zaar khud bhi ho jaaeiN aur parhne waale likhne walooN se be.zaar ho jaaeiN ... yeh yaqeenan musbat pehlu hai iss jahaalat ka.

sorry behna zimme.darooN ko dhooNdhne ke liye tu sadiyouN ka safar karna pare ga.. jab fitna namodaar ho raha tha tu uss waqt ZIMME.DAR kahaaN the?

salaams khalish bhai

wahabiyat par post hui to aapki warning aayee to mujhhay laga ke aap bhi meri tarah shar o ftna pasand naheen kartay aur saath mein yeh sawal fauran zehen mein uttha ke aapnay shia wali post ke saath bhi aisi fair dealing kyun naheen kee.itna to kehnay/sunnay concern zaahir karnay ka haq hai na ham members ko.

Behna yes shiya, sunni, wahabi etc. ka masla nahi hai.. her kisi ko apne aqeeday per amal karne ki poori poori aazaadi hai. Yeh tu mazhabi 'junooniyat' hai, chahay isska muzahira koi bhi kare, keh apne aqeeday se bahar walooN ka bhurkas nikaalne per tula jaaey. Usuf Bhai se maiN tareeki ke roshan pehle per ooper baat kar chuka hooN, meri guzarishaat ko daikh lijiay.

wow kia khoob 'raushan-nukta' nikala hai ser g aap nay ser dhun.nay ki g chaahta hai .... apnaa k maiN bhi to aik chota saa likhnay walaa houN.....

wa alaikum salaam khalish bhai
jee AA bhai ke liye aapka reply dekh chuki hoon.

mazhabi junooniyat ki ya kiisi bhi junooniyat ki koi inteha naheen kyunki woh junooniyat hai
sawal yeh hai jab aqeedon ki tazleel ho to admin kya role play karegi,partiality ki raah legi ya ek zimmedaar ohdadaar honay ke naatay fair dealings ko apna shu'aar banaaegi.kyunki har ek ko,mujhhay aapko sab ko apna aqeedah payara hai aur uski tazleel honay mazaaq udtay na main dekh sakti hoon na aap.ummeed hai mera maqsad meri query meri tashweesh aap samjhh gaye hoongay ( pehlay reply mein to the point bhi likh chuki hoon) aur waazah alfaaz mein jawab dekar meri fikr ko door farmaayeingay.
khush rahiye
duago