salaam alaik..

apki zindagi k chote se leker bada faisla maan baap per hota hai zahir hai wo hamare parents hain humare liye kia sahi hai kia nhin wo he jaan sakte hain

or ek or baat insaaan ki khuwahishaat kabhi khatam nhi hoti ..
lekin ...

EK COMMON SI SITUATION JO HAI..WOHI BATIE MIE AP SE SHARE KARNA CHAHTI HU JANNA CHHAHTI HU ,,,KIU K YAHAN SAREY HEE SENIOURS HAIN JO ISKA ACHE SE ACHA JAWAB DE SAKTE HAIN
YAHAN PARENTS BHI ATEY HAIN
ISLIYE SOCHA KCH AISA HE SAWAAL PUChLU ..


k agar app ko hamesha se wo khushi nhi mili jo apne chahi k chalo agey jakey wo sab bhi mil jaega ...isi umed pe or phr kisi or ki ghalti wajah se app ka wo waqt aAkey bhi ap ka sath na de pae..

or jab app parents se kahien ..to zahir hai most of de parents yahi kehte hain k TUMHE IS CHIZ KI KIA ZARURAT PAR GAI US KI KIA...YA TO PHR KEHTE HAIN K YEH UMER NHI AISI BAATIE KARNE KI ...YA TO HUM JO KARTE HAIN ACHE K LIYE =)

HUM SAB SAMAJTE HAIN ..

PER HAMIEN PATA HAI KCH NA KCH KABHI KABHI BOHT KCH ZINDAGI MIE KARNA CHAHTE HAIN JO HUM INHI JAWABAAT K AGEY CHUP HOJATE HAIN...

ZINDAGI KO JEENA ZARUR CHAHIYE..


HAR KOI SOCH RAKHTA HAI K MIE YEH KARUNGI WO KARUNGI
PER AGEY SE APKO KAHA JAE ISKI KIA ZARURAT HAI TO..?

OR PHR KABHI AP KAR BHI LO TO KISI OR KI GHALTI PE APKO USKI SAZA DE DETE HAIN ..ZAHIR HAI MAAN BAAP HAI DAR JATE HAIN..

PHR WO APKO KISI RISHTE SE JOR DETE HAIN ..
OR WO KAMIYAB BHI NHI REHTA ..

YE SAB HAMESHA EK LARKI K SATH HOTA HAI MOSTLY,,,

TO PHR AP ITNA KCH SEH CHUKEY OR AB AP CHAHTE HO K KAM AZ KAM AB TO JEENEY DIYA JAEGA K DHAM SE KCH PURANI BAAT AJATI HAI OR BAS KEHDETE HAIN

CHALO ISKI AB SHADI KARA DENI CHAHIYE


PER WO KIA KARE JO SHURU SE ITNA SEHTI AI...ITNA KUCH DEKHA

OR AGEY PHR YAHI MILJAE ..K AB BIYAH DE DO ISEY ...

AB WO SHAKS KCH KEH BHI NA SAKEY ..APKO WO SHAKS PASAND BHI NA HO ..OR YE BAAT JANTE BHI HO SAB..
PHR BHI AISA KARNE PE MAJBUR KARIEN ..

KIA KARNA CHAHIYE KIU AISA HOTA HAI???

KIU KABHIKABHI KISI KO KOI HAQ NHI MILTA BOLNE KO ....ATLEAST EK SHAKS APNNI LYF KO EK DAFA SUDHAR DEY USEY SANWAR DEY ...MAGAR ..


KIA PARENTS SAHI HOTEY HAIN HAMESHA??

JO SHAKS HAMESHA APNE MAAN BAAP KA FARMABARDAAR RAHEY K USKI IZAT KO ANCH NA AE...WO KEHTE HAIN YE NA KAROI OK NA KARO WO BIH NA HO OK NAHI HUA...

PHR BHI AAKHIR MIEN KCH HASIL NHI HOTA ...BAS PARAYA KARDENA HE LAST STEP HOJATA HAI ..
MAANTI HU K AGEY JAKEY WO SHAKS KHUSH BHI REH SAKTE HAIN

PER WAQT TO MILNA CHAHIYE...

EK KHUWAAB JO APP BASA RAHE HO USEY BHUL JANE K LIYE EK JO APKI KABHI MAANI NA GAI HO USKO BHULNE K LIE EK KABHI JO KISI OR KI WAJAH SE SEHNE KO MILA ..EK JO APKO RISHTE MIE JORDIA GAYA ..JISEY TORDIA GAYA ...IN SAB KO MITANE K LIYE EK WAQT CHAHIYE HOTA HAINA

TAB HE AP ZINDAGI AGEY BASAR KARSAKTE HO KIA IN SAB BATU KO MITANE KA EK HE ZARIYA HAI BIYAH DENA?

KIA PARENTS SAHI HOTE HAIN HAR WAQT???

PLEASE HAV UR SAY!!

itni gehri batain

aap glat sochti ho sister

ajkal k maashry main aik larki ka akaily rehna theak nhi
parents usy secure krty hain kisi aisy relation sy

kya pata aap k jo khwaab hon wo sahi na hon
aap k parents ko wo aap k liye behtar na lagty hon

parents apni olaad k liye acha sochty hain
ab ye aap ki bad luck or good luck ha
sister aap ny itny saary topic bnaye hain or un main aisa hi likha ha k girls ko importance nhi d jaati
lakin reality main asa nhi ab bohat kuch change ho chuka ha wo sab nhi rha
girls ajkal wo sab kr rhi hain jo wo chahti hain

arey mere pyare bhai ..meri soch nhi hai yeh ..yeh jo hota hai mien woh batarahi hu

ajj kall k halaat mana durust nhin per kch khuwahishaaat jaiz bhi hoti hain zaruri nhi k har khuwahish najaiz ho:)

or tab kiajab ap k parents yeh na jane k wo behter hai ya nhin bas NHIN ... hee hot hai ..

i knw acha sochte hain ..

to u mean parents are always ryt eh ?

KAHAN CHANG HAI ZARA BATANA???

YEH SRF UN K LIYE HAI JO EK AZAAD FAMILY SE HAIN ..UN KO DEKH K AP AISA KEHRAHE HONA OR DOSRA YEH K SAREY AISE SOCH NHI RAKHTE AB BHI

AISI SOCH WALEY LOG HAIN JO MIE KEHRAHI HU APNE TOPIC MIE
JO KUCH KARANA NHIN CHAHTE ,.,,

YAHI HE PUCH RAHI HU IS TARAH KIA E SAHI HA?

wasalam

nice topic yara
kehne ko bohot kuch hai ish topic per is liye reply jab mai neend mai nai hongi tab filhal yuhi chaker marne ayi ti socha reple kerlun

topic par reply ka waqt to naheen angel sweeto lekin tumhara siggy especially the first part about repair is too good,seriously

i think humehsa nahi but 98 % teekh hi hotay hain

Kia Parents Hamesha Saheh Hotey heyn...?

It depends upon your parents.......simple

Parents bhi Insan hi hote hain....aur insan hamesha sahi nahi hota.... Insan ki sooch waqt aur halaat ke saath badalti hay jo aaj sahi lagta hay woh kal ghalat bhi lag sakt ahay aur jo aaj ghalat hota hay woh kal sahi bhi ho sakt ahay ...ye sab halaat per depend kart ahay..

Lekin jahan tak meri tarbiyat aur sooch ka talaq hay ...Agar parents ghalat bhi hoon to unke ke against nahi jana chahye... Allah jee jab unko itna bara rutba de sakte hain to hum kon hote hain unke liye koi kharaab baat kehne wale..

Haan agar aap munasib alfaaz aur tehzeeb ke daiere mein reh ke parents ko nishandahi kara do ke ye baat ghalat hay to sahi hay lekin gustakhi kabhi bhi nahi karni chahye..

Maa aur Baap to aese hote hain ke jin ki Thandi chaon ke baghair hum sab kahin na kahin RUL rahe hote .... wohi hain jo hum ko sambhalne wale hain ..


Haan agar koi bahot ghalat decision lein aap ke liye aur aap ke batane ke bawajoob bhi na manen to leave rest on Allah jee... Aap sooch bhi nahi sakte ke iska kitna meetha phal dein ge Allah jee aap ko,,, apne parents ki Farmanbardari ke awez har mushkil aasan kar dein ge Allah jee aap ki aur ye aazmai huwi baat hay ....


Aakhri baat .... agar hum ye soochte hain ke humen aaj tak woh nahi mila jo hum ne chaha ...To hum loog bahot khushkismat hain ke musalmaan hain ....Zindagi mein na sahi .....Marne ke baad woh khushyan milen ge is kami ki waja se jo wahan se shuroo hoti hain jahan hamari sooch khatam hoti hay ...

not so simple .....

It depends upon U whether u take them RIGHT or WRONG........... n a lot more..

excellent reply FG ..............


I totally agree with this......

Thank U Bhai ... Aur kissi ka to nai pata lekin mein kabhi ye nai chahti ke mere Parents mere liye ek lamhe ke liye bhi ye soochen ke "Mein Unki Achii Beti nai "

Allah jee na karen ...jis din unke dil mein ye aaya meri Zindagi ka maqsad hi jese khatam ho jay ga

aik aur solagtaa howaa topic ... topic of the town and topic of da day.... aaj yeh ghar ghar ka balkay har ghar ka burning issue hai laRkouN k liyeh bhi lekin khaas taur par larkiyouN aur aise laRkiyouN k liyeh jo educated haiN yaa workin gals haiN .... onkay liyeh yeh maslaa aur bhi sangeen hojata hai agar onkay parents, specially mother on jetni educated nah houN...... sawaal hai k

kia parents hamesha sahi hotay haiN?????


maiN poochta houN k kia:

kia aap ka doctor hamesha sahi hotay haiN?????? jo hum apni har choTi baRi jismani disease k liyeh hamesha khud ko onkay hawalay kardetay haiN... khaah woh hamaiN maar dain yaa bachaa laiN.... hum hamesha onkay kahnay par onhaiN blank sign karkay kiyouN day detay haiN k agar iss operation k nateejah maiN hamara patient mar bhi jaye to hum onkay khilaaf kuch nahi karengay.... woh dawaa k naam par hamaiN zahar bhi day ... aur hum jaantay bhi houN k woh 'zahar' day raha hai... magar phir bhi hum woh zahar medicine k naam par khaa letay haiN... aakhir kiyouN ???? isliyeh k dr k pass ilm+tajarbah hai aur woh hamain batlaataa hai k baaz amraaz ka ilaaj hi 'zahar' hai.... baaz imraaz ka ilaaj hi operation hai.... baaz imraaz ka ilaaj hi kissi organ ko cut kar kay alag karna hai.... hum ossay sirf ossi soorat main CHALLENGE karsaktay hain jab hum khud bhi doctor houN aur ossi ki tarah tajarbah kaar aur qualified bhi .... warnah chaahay woh hamain zahar ki medicvine day kar maarday ya operation karkay .... hum apnay har medical prob ki soorat main apnay doc k paas hi jaatay hain aur ossi ki baat maantay hain ... aakhir kiyouN ... halaankay aap bhi doc hi ki tarah graduate hain... oss nay MBBS kia hai to aap nay BE kia hai balkay hosakta haiN k aap nay MS bhi kia ho aur apnay doc say zeyadah qaabil houN... aap ka status zeyadah high ho ... magar phir bhi aap doc ki baat kiyouN maantay hain.... halaaNkay woh hamesha sahi nahi hotaa... aur sabeqah 1/2 martabah woh aap k ahlay khana k patient ko elaaj k naam par maar chukaa hai........ aur patient ko maarnay k baawajood aap nah sirf chup haiN balkay onhaiN iss QATAL ki doc ko fee bhi pesh ki khushi khushi .... are you a MAD????

aapkay pagal-pan par mujhay iss liyeh bhi koi shubah nahi k aap sirf aik doc k saamnay hi KAM.AQLI ka saboot nahi detay ... jab aap kissi moqadmay maiN phans jatay haiN to hamesha apnay wakeel hi k paas jatay haiN kia wakeel hamesha sahi hotay haiN???? hargiz nahii..... aksar yeh dekhnay maiN aataa hai k koi masoom bandah kissi qatal k moqadmay maiN phans gayaa.... magar dushmanouN ki chaal aur jhooTay gawaahouN k baaes woh pakra gayaa... aap k wakeel nay ossay bachanay ki bharee fee bhi lio magar aap k masoom banday ko phansee k phnaday say nah bacha sakaaa.... kia yeh oss wakeel ki naa.ahli nahi k woh aik masoom banaday ko phansee par chaRhnay say nah bacha sakaa... kia oss nay fee iss liyeh li thee aur aap nay fee iss liyeh dee thee............ magar aap ki bay.wa.qoofi ki intehaa dekhiyeh k aap dobarah bhi qanooni imdaad k liyeh apnay wakeel hi k pass jatay haiN aur oski advice par amal kartay haiN .... kia aap ka wakeel hamesha sahi hota hai ... yaa aap hi ahmaq haiN.....????

phir aik doc yaa wakeel hi por kia munhasir .... aap har maamlay main aisaa hi kartay haiN.... magar kabhi yeh sawaal nahi oThaatay.... kia molvi hamesha sahi hota hai k aap apni shadi aur maut par apnay molvi hi ko pakaR laatay hain k nikaah /janazaah paRhaa day .... makaan ki khareed o farokht k liyeh kissi builder /real estate consultant k paas hi kyouN jatay haiN... kia woh hamesha sahi hota hai... kia oss nay kabhi kissi ko looTa nahi hotaa... kissi ko daboyaa nahi hotaa...... aap to baray ahmaq hain????


mujhay yaqeen hai k aap meray above ilzaamaat k jawaab maiN mujhay hi AHMAQ qarar dengay k mujhay hi asal maiN haqaaiq ka ilm nahi... maiN hi ghalat soch ka haamil houN... go meri pesh kardah misaalaiN durust haiN ... magar inka conclusion ghalat hai... aap k khayaal maiN , maiN maamlay ki tah tak pahonchnay say aur sahi tajzeya karnay ki ahliat hi say mahroom houN........ phir aap mujhay samjhaayengay k dekho bhai aisaa nahi hotaa jaisaa tum sochtay ho..... har aadmi har kaam nahi karsaktaa, ... har kaam ki kuch specialities hoti haiN.... har shobay k apnay apnay maahereen hotay haiN... wohi oss kaam ko karnay k mijaaz /authorized bhi hotay haiN aur behtar taur ar kar bhi saktay haiN magar zaroori nahi k har martabah woh sahi houN........ operation karna aik surgeon ki ka kaam hai... khaah oskay operated mareez mar hi kiouN nah jayaiN.... wakalat karnaa aik wakeel hi ka kaam hai khaah oska mo'wakkil phansi hi kiyouN nah chaRh jaye etc etc.... ab aap mujhay kuch kuch reasonable aur samjhdaar lagnay lagay hain.... magar phir aap ka yeh sawaal chah maani daarda k


kia parents hamesha sahi hotay haiN????? ... parents hamesha sahi houN yaa hamesha ghalat (hamesha ghalat to khair ho hi nahi saktay ... jaisay koi doc /wakeel hamesha ghalat nahi hosakta) ... yeh parents hi ka haq balkay farz hai k woh apni aulaad ki parwarish karay... dekh bhaal karay... taleem o tarbiat dilaye... osay kamanay khaanay k qaabil banayee... oski shadi karay aur ossay apnay paouN par khara karay.... aur ossay aasheerwaad deta howa iss dunyaa say rukhsat hojayee..... kia koi aur farad.... adarah parents ka motabadil hosakta hai ... aur agar howaa bhi (jaisay sarparast / welfare estate etc) to kia woh parents say behtar hosaktay haiN .. hargiz nahi ... jiss nay paidaa kiaa... aik loThray ko laamhah bah lamha baRa jawaan kia... oss say zeyadah oska koi khair khaah hosakta hai... oss say zeyadah koi osay jaan sakta hai... oss say zeyadah behtar koi iski khabar geeri karsakta hai... hargiz nahi... parents mistakes karsaktay hain magar woh ghalat nahi hosaktay... misal mash'hoor hai k maaN say zeyadah chaahay , maamaa-kuTni kahlaaye.... yaani agar koi aurat kisis bachchay ko maaN say zeyadah piyaar jatlaaye to samajh lo k woh bachcha oThanay /choraanay wali hai...

laRkiyouN ko bhi samajh lena achahiyeh 2 ghaRee ki molaaqaat main ossay milnay walaa, ossay chaahnay walaa, piyaar karnay walaa ... khaah ketnaa hi real aur sachcha kiyouN nah ho, oskay parents say baRh kar nahi hosaktaa...... aur ain mumkin hai k maaN say zeyadah piyaar karnay wali maamaa kuTni ki tarah woh lover bhi mahaz aap ko choranaa chaah.taa ho, looTna chaah.ta ho.... kia aap akelay, parents ki moshawrat, support , help, razamandi k beghair iss bharee dunyaa maiN mahaaz chand din /maheenay qabal milnay walay fard ko parakh aur samajh lengi.... jabkay aap ka iss maamlay maiN shadi beyaah k maamlay maIn koi saabeqah tajatbah bhi nahi.... aap k parents iss tajarbay aur aap say zeyadah moshaahiday say bahrah mand haiN.... agar kabhi onka koi faislah ghalat bhi sabit hojaye to woh ghalat sabit nahi hotay.......... apnay love affairs /marriage jaisay maamlaat main apnay parents ko saath lay kar calaiN... tanhaa kabhi koi faislah nah karaiN.... ghalati aap bhi kar sakti haiN aur aap k parents bhi .... magar apni khud kardah ghalati ka chance nah laiN ... parents ki mumkinha ghalati ka risk aisaa hi hai jaisay kissi surgeon ki mumkinah ghalati ka .... aap surgeon par bharosah karaiN apnay aap ko khud operate nah karaiN nah kissi aur wakeel /engr say aisaa karwayaiN.... apnay lover par apnay parents ko tarjeeh dain... agar aap ka lover aap k parents kaa etmaad jeet lay... parents razi hojayaiN to dis iz da best warna ossay TATA kah daiN ... parenTs say behtar koi aur nahi... maaN k qadmouN talay jannat hai.... parents ki taabedaari maiN azmat hai.... after marriage aap yehi rutbah apnay husband ko ataa karaiN... then pahli priority husband... 2nd priority parents for gals only.

@ Abu-Adnan



Buhot umdah khayalaat share kiye haiN aap ne. Parents amooman apne bacchooN ki taraqqi ki rah meiN haail nahi hote balke unhaiN dil.o.jaan se support karte haiN. MaaN baap kam taleem.yaafta tu ho sakte haiN lekin woh yeh kabhi nahi chahaiNge keh unki aulaad ta'leem se mehroom rahe. Woh jahaan tak khud madad kar sakte haiN karaiNge aur jab baccha unke ilm ki hudd se aage barh jaaey tu woh usse mahireen ke hawaale kar deyte haiN, jinhaiN .. Academic Advisors kaha jaata hai.

Rahi baat shaadi biyah ki tu aap iss per mufassil rooshni daal chuke haiN aur aap ne masle aur usske hull ka umdah ahaata kiya hai.

Buhot shukriya, mujhe umeed hai keh hamaare members iss post se istifada haasil karaiNge.

Usuf Bhai Aap Ka Tafseeli Javab Parh Kar Bahot Acha Laga... Aap Ne Har Baat Ba-Khoobi Waaziyah Kar Di Hai.

Khush Rahiay Hamesha

nice topic...

par dear yee parent par depand karta hai aor sab aik jasay nahi hoty

khalish bhai aap nay to by-default, majbooran above green-khayalaat ki himayat karni hi thee k aap bhi meri tarah 'parents' k oss takhtay shahi par baiThay haiN jiskay neechay aulaad qad.aawer hoti jarahi hai. maslah hamaray point-of-view ka nahi hai k hamara mofaad to issi point-of-view maiN hai...... maslaa yeh hai k aaj ki naii nasal issay kis had tak accept karti hai. hamari koshish to yehi hoti hai k new generations say open communication ho takay onhaiN zati tajarbay say qabal hi apnay boray bhalay ki tameez hojaye... zaati tajaurbay say haasil shudah sabaq to bil.amoom oss fard k liyeh bay.faidah hi hota hai ... aik cheeni kahawat hai k:

tajarbah woh kanghee (comb) hai jo insaan ko oss waqt milti hai jab woh ganjaa ho chukaa hotaa hai

ab aik faarighul.baal shakhs kanghee say doosrouN ki zulfaiN hi saaN.waar sakta hai... so hum yehi karnay ki koshish kar rahay haiN. agar youth nay amali zindagi k manjh.dhaar maiN otarnay say qabl apni zindagi ki zulf k pech o kham saaN.waar liyeh to onka hi bhalaa hogaa. aur hamaiN onkay bhalay maiN khushi hogi.

thanx a lot kamli ... aap bhi khush rahiye hamesha

yeh aulaad par depend karta hai k woh parents say kis had tak sahi istefadah kartay haiN .... poet nay to aashiq k liyeh kahaa thaa k (mahboob ki) gaaliyaaN khaa kay bay.mazaa nah howaa ... lekin yehi baat aulaad par saadiq aani chaahiyeh k woh parents ki gaaliyouN ko bhi amrat (water of life) samajh kar pee jayaiN.

bilkul sahi correct kia tahir bhai aap nay saraj ko i mean k onki statement ko ....

Sirf Allah ki zaat hi sahi hai aur us ka kia hoa har faisla sahi hota hai, Us kai ilwa is dunia main jo bhee aam loog hain wo sahi bhee ho saktay hain aur ghalat bhee and I think parents are included.

Agar parents hamaisha sahi hotay tou bohut si arrange marriages ko main nai unsuccessful hotay daikha hai, bohut si love marriages ko successful hotay daikha hai. Baat sirf qadar ki hai, everyone gets whatever that person is destined for.

For example aik larki ki shaadi ho aur agar wo khush na rahay to chahay wo arrange marriage karti ya love us ki kismet main us shaadi sai khushi thee hi nahi.

You get whatever has decided for you, but the strategy depends on you....you can either choose a halal way of getting it or a haram way…choice is yours.

Parents kai jo faislay aap ko lagain keh sahi nahi hain, behtar ye hai keh un sai discuss kia jay. Either convince them or be ready to be convinced. Dono soorat main aap satisfied hongay, likin apnay haq kai liay bolain agar aap waqaii right pai hoon. Kuch bhee milna na milna tou kismet ki baat hai likin atleast baad main regret to nahi hoga na keh ham us waqt chup kun rahay , ham nai koshish kun nahi ki.

Bajay is kai keh koi ghalat kadam uthaain (jo kai bohut sai cases main hota hai) behtar yehi hai on the spot parents sai baat ki jay is difference ko soochay beghair keh aap larki hain ya larka aur is yaqeen kai saath keh milna wohi hai jo kismet main hai. Struggle aur dua aap karain, agar aap sahi hoay to Allah khud aap kai liay rastay banaay ga.

kia solah aanay durust baat ki hai BZ aap nay .... bhoot hi +ve and practical approch hai.... youth, specially gals k liyeh mash.alay raah.... Allah karay k zoray qalam aur zeyadah ... moqah milay to aisay burning issues par zaroor comments kia karaiN... bahtouN ka bhalaa hogaa insha Allah.

JazakAllah is hosla afzaii ka...main sooch hi rahi thee fire brigade join karnay ka

dushmanoo jab tum kisi serious topic par boolti hou 2-3 saal main aik martaba tu bhi bakhoobi bolti hu......

as usuf bhai said a balanced answer...

the only thing is that while discussing any issue with parents .. we need to keep their respect in our mind, wordings and level of voice.......

achi tawajjah delayee hai bhai aap nay ... hum bil.amoom is taraf tawajjah nahi detay. jazak Allah

baRa naik khayaal nahi

physically insaan k tan badan maiN aag lagi ho yaa roohaani taur par insaan apnay gird o pesh k behaviours say aag bagolaa ho raha ho ... dounouN soortouN maiN aag bujhanay k liyeh kissi bhi qism k fire brigade maiN shamooliat waqt ki zaroorat bhi hai aur karay khair balkay sadqah.e.jaaria bhi ... bhashan khatam howaa

Well the problem is not if they are right or wrong but that they are most of the times thinking that they are right.

children are (normally) not capable to decide that their parents are right or wrong.... It is parents who can correctly decide that thier children are going on wrong or right track .... We shudn't try to reverse the flow of the stream. Students can not pass or fail their teachers or a sub-ordinate can not lead his boss. Children can disscuss all matters wid their parents but they are not authorised to dictate their parents. while parents can even dictate their children. This is not only the ruling of nature but also the teaching of islam.

thnx

shukar hai aap nai bhee poori century kai baad kuch sahi kaha tou

itna lambay bhashan bhee shaadi shuda honay ki alamat hai

goya aap ko abhi tak khalish bhai k shadi shudah honay pay shak hai .......

Tihami olad ki terbeyet kon kerta hey....walden naa....ager terbeyet meyn hi koi kami beshi reh jaey to ..iski zimeydari kisper hogi...thats why i said it depends parents...but also agree there are so many other factors too......

wesey I agree its all depends both of us..lakin being a parents yeh unka haq hey aur hamara farz ke unki jaiz baton ko to emaan ka hissa samjh ker maneyn aur jahan samjhen ke woh aap ki baat nahin samjh rahey wahan unhen pyar se apni mohabat se manayen aur koshish kareyn kabhi bhi apney walden ..bilkhasos mother ki merzi ke bagher koi kaam na kareyn...yeh mera personal experience hey ke walden ki duyaen unkey dunya se chaley janey ke baad bhi aap ke saath rehti heyn aur esi bohat sarey mwaqey meyn ne face kiey heyn jahan sirf aur sirf maan baap ki duyaon ke tufail Allah ne izzat rakhi hey....

Baat derasal yeh hey ke ajkal ke dour meyn sirf aur sirf naam ki taleem reh gai hey aur terbeyt ka koi khyal nahin rakha jata ...hum aur hamaery baad ki nasal yeh samjhti hey ke bas hum hi aql.e.kul heyn halanke esa nahin hey buzrugon ki sohabt hi aap ko bohat kuch sikha deti heyn jo hum shayed salon meyn bhi hasil na ker sakeyn....

Meri raey meyn difference of opinion hona with logic ek achi terbeyet ki nishani hey lakin iska matlab yeh nahin ke aap hatdhermi per uter aayen aur apney walden ko nakara samjhney lageyn....

Merey walden merey pass nahin heyn I am not sure ke meyn unka kesa beta sabit hota but jab tak merey walden hyat rahey unhen kabhi bhi meri taleem aur khel kod waghera se taklef nahin pohanchi..

Mere payarey doston apney Maan baap ki qader karo yeh Allah ka woh anmol tohfa heyn jiski qader hameyn kerni chahiey....

meri iss baat ko woh log zyada ehsan tareqy se samjh saktey heyn jo khud sahib.e.olad heyn............

Meri nazer meyn sirf walden ki woh baat nahin man'na chahiey jo khilaf.e.Islam ya sheryet ho lakin iskey bawajod unka ehtram hamper farz hey.

Allah Hum sab ko apney apney walden ka akhrat meyn zeriya .e.nijat baney aur hamari wajah se kabhi bhi umki zaat ko dukh ya takleef na pohanchey.Ameen

Usuf bhai meyn ne ab apni baat ki wazahat kerdi hey....please check my reply.............

parents bhi insan hotay hain iss liyay woh ghalat bhi ho saktay hain ........asal mein masla wahan aata hay jab aulaad barri ho jati hay aur parents phir bhi un par apnay faislay aur apni marzi hi chalana chahtay hain aur yeh realize nahin kartay kay bachay ki baat mein bhi wazan ho sakta hay aur woh ab "bacha" nahin raha

beharhaal jaisay kay kai logon nay kaha hay kay donon taraf say logical baat honi chaiyay aur aik doosray ko qaail karnay ki koshish karni chahiyay ...maan baap ko bhi apni baat bachon ko samjhani zaroor chahiyay ......aur bachon kay liyay yehi hay kay jahan tak bhi ho sakay woh maan baap ko khush rakhnay ki koshish karein aur un ki baat maan-nay ki koshish karein .......agar koi extreme situation aa jayay aur woh khud ko haq par samajhtay hoon to phir bhi poori koshish karein koi darmiyan ka raasta nikalnay ki

ab aap ko is reply ka ''sahih'' jawab parhnay k liyay aik century mazeed wait karna paray ga,...........