Assalam o Alaikum!
Abhi to Ramazan shuru honay wala hai. Chahye to tha k yahan Ramazan ki fazeelat o ahmiat ka ziker hota lekin main iss forum pr new member hun iss liye ye topic bhi muj tak dair se pohncha hai.or baki jo 2,3 din ziada huay wo research kernay main.Iss k liye aap se muazrat khua hun.. To sawal ye tha k shab barat ki koi sharayi ahmiat hai ya nai. Quran or hadis main iss k baray main kya bayan hai?yahan pr Quran se aayaat or Saha Sitta se kuch ahadees hen jis se Shab barat ki ahmiat o fazeelat kafi hadd tak wazeh ho jati hai.
Sab se pehlay hum iss mah e Shaban ki fazeelat o ahmiat ki baat kerain gey. Iss mah ki fazeelat o ahmiat to bohot si jaghon pr bayan ki gayi hai
Sahi bukhari main"kitab us soum"main Soum Shaban ka ek baab aata hai.jis main bayan hai k Aap (s.a.w) ne Mah e Ramazan k baad sab se ziada ahmiat mahe Shaban ko di hai.Ramazan k baad sab se ziada rozon ka ehtamam Hazoor (s.a.w) Shaban main kertay thay.
Hazarat Ayesha(r.a) se hadees rawayat hai isi baab main:
"main ne koi mahina aisa nahin dekha k jis main pehly din se akhri din tak pooray k pooray dinon main aap (s.a.w) rozay rakhtay hon siwayay maha e ramazan k.or ramazan k baad main aaqa (a.s) ko Shaban se barh kr kisi mahinay main rozay rakhtay huay nahin dekha.11 mahinon me sab se ziada Aap( s.a.w )agar rozay rakhtay mahe ramazan k bad to wo mahe Shaban mai rakhtay thay''.
Sahi bukhari main baab 54 safa 336: ek or hadees nayi sanad k sath Hazarat Ayesha hi se marvi hai k :Shaban k mahinay se barh kr aaqa (A.s )kisi mahinay me itnay rozay nai rakhtay thay.hatta k Aap(s.a.w) Shaban ka pura mahina rozay rakhtay thay or hamen farmatay jitni istitaat ho tm uss qadar amal le lo.''
Sahi bukhari or muslim ki inn ahadees se Aap (s.a.w)ki sunnat sabit kr rahi hai k puray saal main Ramazan k baad Shaban ki khas barkat o fazeelat hai.or jb ek mahinay ko fazilat hoti hai to uss mahinay main koi khas din ya raat zaroor rakha jata hai. Jaisay Ramazan ko fazeelat di hai to uss main ek khas raat rakhi gayi hai jiss ko hazar mahinon se afzal qarar diya gya hai or baki 11 mahino main ager Aap(s.a.w) nay shaban ko ahmiat di hai to iss main b ek khas din ya raat zaroor hoga.
Nisai sharif main Hazarat Aayesha(r.a) se, hazarat Umm e salma se,Usama bin Zaid se kayi hadeesain riwayat kin hen or ek poora baab mah e shaban ki fazeelat ka bayan kia hai.
Sunnan e Nisai jild :2 hadees 230: Aap (s.a.w) se pucha gya k ya Rasool Allah(s.a.w) kya waja hai k saaray mahino ko chor kr aap mah e Shaban main itnay rozay rakhtay hain,mahe shaban se itni mohabbat kertay hen to Aap(s.a.w) ne farmaya k ye mah e shaban wo mahina hai k logon k amaal iss mahinay main Allah ki bargah main uthayay jatay hen.main mohabbat kerta hn k main pura mahina shaban ka rozay se rahun ta k jis din, jis raat jis lamhay meray amaal Allah k hazoor paish hon to main uss waqt rozay ki halat main hun''.
Iss kay baad ab;
NISF SHAB MAH E SHABAN KI AHMIAT O FAZILAT:
Quran e Pak main iss raat ka ziker Allah ne Qasam k zariye kia hai:
"Hameem. iss roshan kitab ki qasam.bay shak hum ne isay ek ba barkat raat main utara hai bay shak hum darr sunanay walay hen.iss raat main her hikmat walay kaam ka juda juda faisla kr diya jata hai hamari bargah k hukam se, beshak hum hi bhejnay walay hen(ye)ap kay rabb ki taraf se rehmat hai, beshak wo khoob sunanay wala khoob jananay wala hai.aasmanon or zameen ka or jo kuch unn k darmiyan hai(uss ka )parwardigar hai bashart ye k tum yakeen rakhnay walay ho.uss k siwa koi mabood nahi,wo hi zindagi deta hai or mout deta hai(wo)tumhara(bhi)rabb hai or tumharay aglay aaba o ajdad ka(bhi)rabb hai.{44:surat: Dakhan.verses:1to8}
Huzoor( s.a.w )ne farmaya:'Shaban mera mahina hai or Ramazan Allah ka mahina hai.'' Or farmaya jo Shaban ki achi tayari kr le ga uss ka Ramazan acha ho jaye ga. Ye mahina ''shahr ut touba'' bhi kehlata hai. Iss liye ye mahina haqdaar hai k deegar mahino se barh kr iss main ibadat o itaat ki jaye. yun to sara mahina ba barkat or ba sadat he lekin is ki khas imtiazi khasoosiat ye hai k iss main ek raat hai jiss ko ''laila tul mubaraka tu nisf shaban kehtay'' hen.14 or 15 Shaban ki darmiyani raat.matlab iss ko Allah ne ''barkat wali raat ''kaha hai.kasrat e ulama o sahaba ka nukta nazar ye hai k shab qadar k baad saal k bara(12) mahinon main sb se afzal ye raat hai.iss ka ziker upper aa chukka hai aayat main verse no; 4 main k ye barkat wali raat hai or tamam aham amoor kay ijrah(jari kerna) ka faisla iss raat kia jata hai. faisla iss raat kr diya jata hai.
Hadees sharif main hai Allah ne Quran ko Loh e mehfooz se asaman e duniya per iss raat main utarta hai.Aap S.A.W pr 23 saal wahi nazil hui. Jitni wahi ek anay waalay saal main utarna hoti, utni wahi Loh e Mehfooz se asman e duniya pr Allah pak utar deta. Iss hi raat ko Quran k Shab e Qadar main nazil honay ka fesla hua.
Hadees pak main Hazrat Ataa bin yasaar( R.A )se riwayat hai: Huzoor S.A.W ne farmaya''jb Shaban ki ye raat ati hai Allah Tabarak wa Taala malik ul mout ko aglay saal yani shaban se shaban tak k mout o hayat k amoor nifaz or ijrah k liye sapurd farma dete hen."
Amoor to Allah k han pehlay se likhay hotay hen iss raat k liye wo amoor ya orders de diye jatay hen jin ko aglay saal nifaz hona hota hai.
Aap s.a.w ne farmaya "bohot se log aisay hotay hen jin pr jb 15 Shaban guzarti hai to wo apnay zulm main masroof hotay hen ya zalimana mansubay bana rahay hotay hen or kuch gunahon k khayalat dil main liye baithay hotay hain hala k unn ka nam marnay walon ki fehrist main aa chukka hota hai."
Isi terha duniya k rizq k baray main k kis ka rizq kitna ho ga Allah pak faisla farma dete hain. Means jo Amar e Elahi hai wo nafaz k liye nichay dunya main utara jata hai.
Imam Tirmazi ne "Sunan e Tirmazi" jild 3 hdis/113 main hazrat ans ibn e malik(R.A) se riwayat kiya hai: Ramazan k bad sb se afzal rozay Shaban k hen iss liye k shaban ki tazeem tazeem e ramazan ki waja se hai.
Nisf shab Shaban:
Tirmazi sharif: sunnan e tirmazi baab 39:hadis/739 jild 2: Imam Tirmazi ne 15 nisf Shaban ki fazeelat main isi unwan se baab qaim kiya hai.iss hadees ki ravi b Hazrat Ayesha(R.A) hen.or unn se Hazrat Urwa(R.A) ne riwayat kiya hai:
Hazrat Ayesha(r.a) farmati hen k 15 Shaban ki raat thi.(means 14 or 15 ki darmiyani shab)me ne achanak raat ko dekha k Aaqa A.S apnay bister e mubarak pe aram farma nahin hen to main foran Aap (A.S) ki talash mein ghar se nikal pari, to main ne Aaqa A.S ko Baqi k qabristan main paya.jb Hazarat Ayesha(R.A) aap S.A.W k pas pohnchin to ap A.S ne farmaya:"Ayesha dorti dorti muje talash kernay k liye ayi ho tmhara kya khayal Allah or Allah ka rasool tumhari haq talfi keray ga?"to unhon ne ye arz kia k ya Rasool Allah muje ye guman guzra k aap kisi zoja k han tashrif na le gaye hon to iss pr Aaqa A.S ne farmaya "nahin baat ye he ayesha jb Shaban ki 15 ki raat ati hai to Allah tabark taala. Asaman e duniya ki taraf ek khas shan se nazil hotay hain( means azeem maghfirat or rehmat ki shan k sath) or wo qabila jis k pas duniya main sb se ziada bakriyan hen,unn bakriyon k upper jitney baal hen unn baalon se bhi barh kr iss raat Allah meri ummat ki bakhshish farma deta hai".iss liye iss ko Shab e barat kehtay hen kun k iss raat dozakh se azadi hoti hai or bakhshish ka Allah ki taraf se élan hota hai. Isi baab maihazrat Ayesha R.A se.
iss riwayat main Aap (S.A.W) ne fermaya: "meray pas jibrail e amin ayay or muje kaha Ya Rasool Allah(s.a.w) ye ap ki ummat k liye atiya hai, ye nisf e Shaban ki raat hai or iss raat Allah pak khata kaar logon ki dozakh ki aag se nijat fermata hai" iss liye iss k sath lafz "barat" istamal hota hai hamari urdu or faarsi zaban main.ye Aap S.A.W. ka ataa krda laqab hai or siwaye mushrik k,bughz o adawat dil me rakhnay walay k,khooni rishton k sath qata rehmi krnay walay k,maghroor or walidain k naferman k or sharabi k, inn afrad ko chor kr Allah taala baki sb logon ki jo touba kertay hen bakhshish ka saman kerta hai."
Ye hadees 8 sahaba se riwayat hai mukhtalif asnaad per or mazameen badal badal kr ye hadisen ayi hen iss musnad main Iimam Ahmad bin Hamble se tehqeeq lene k baad iss per shwahid bayan kiye gaye hen.Imam Haitami ne ye hadees "Majma o Ziwayf"main riwayat ki,Imam Ahmed bin Hambal ne iss k rijal ko siqa kaha.Hazrat Ayesha sadeeqa (R.A) ne alag sannad se riwayat ki,hazrat Maaz bin jabal(R.A) ne iss hadees ko riwayat kia,hazratAbu Moosa Ashari ne riwayat kiya,Ibne Hubbaan,Imam Ibn e abi Asim ne riwayat kia Hazrat Abubaker Siddique se, Imam Behaqi ne "Shaab ul Iman" me riwayat ki,Imam Bazzaar ne Hazrat Abu baker Siddique se riwayat kia," Mussnad e Bazzaar main.Imam Ibn e Huzaima ne riwayat kia,phir Imam behqi ne 'Shaab ul Iman" main hazrat abu bakaer siddique(R.A) se riwayat kia,phir hazrat Abu Saliba(R.A )ne riwayat kia, jis ko Imam Abi Qasim ne "Kitab us sunna" main or Imam Behqi nai "Shab ul iman" me riwayat kia, phir Imam Bazzar ne apni Musnad main hazrat Abu Huraira(R.A)se riwayat kia, phir Hazrat Auf bin Malik(R.A) ne riwayat kia,
Jb koi imam kisi hadees pr ek baab qaim kerta hai or uss k sath mukhatalif riwayat hoti hen to ye baat taih k uss hadees main koi shak ki gujaish nahi hoti.Saha Sitta main sirf inn pr baab nai qainm huay bal k ye Imam tirmazi o Maja ka uqaaid main shamil tha. Wo iss raat ka ehtamam kertay thay or saari raat ibadat kertay thay. Tab hi to unhon ne hadees ka casually ziker nai kia bal k baqaida chapters likhay hen.
Ager hadees kisi ek sanad k sath ayi hoti to uss k mashkook honay ka jawaz ban sakta hai.lekin itni asnaad k sath ap kisi hadees ko radd nahi kr saktay. Ager Kisi ek hadees main zouf (hadees ka zaeef hona)ya shak zahir bhi ho to dusri uss ko taqwiyat de deti hai.ager fazayel e amal main koi hadees aati hai to uss pr ager koi doubt bhi ho to bhi wo maqbool, means acceptable hoti hai.or ye mutaffiqa alaih qaida hai Asool e hadees ka.zouf kabhi b hadees k mazmoon main nai hota us ki asnaad main kisi waja se ho sakta hai.ager sanad main shak ho or dusri sanad uss se qawi ho to shak khatam ho jata hai.
Muhaddisin likhtay hen k ye hadeesain sari sahi hain kun k saba karam ki kaseer jamaat,or kasrat k saath tabaeen or aba tabaeen in hadison ko riwayat kertay chalay ayay hen.
Allama ibn e tah miyyah,jinn pr puray Saudia k ulama ka daro midar hai,apnay "Fattawa" main bayan kertay hen; jild 23 pg/132"15 shaban ki raat ki fazeelat main bohot si ahaadees ayi hain bohot se sahaba k aqwal or ye baat sabit hai k wo iss raat main khasoosi ibadat kertay or namazain oerhtay thay, hazrat umaer bin abdul aziz apnay ummal ko likhtay thay k 4 raton k shab e qadar k ilawa ehtamam se manaya jaye unn main mah e rajab ki pehli raat or shaban ki 15 raat shamil hoti thi.Imam Shafayi fermatay hain 5 raaten aisi hen shab qadar k ilawa jin ki dua kabi radd nai hoti unn main ek juma ki raat hai ,ek 2 eedon ki raat hai ek mahe rajab ki pehli raat hai or ek shaban ki 15 raat hai.

An important Q;.Jb Allah pak ne sb kuch taih kr liya hai to phir iss raat ko zahir kun kia k iss raat main faislay hotay hen?
(Quran:surat: Ra-ad:39:13)
"Or jis(likhay huay) ko chahta hai mita deta hai or(jisay chahta hai)sabt farma deta hai or usi k paas asal kitaab(loh e mehfooz)hai.''
kun k Allah k wasayel mehdood nahin hain.uss ki namaten or rehmaten her cheez per wasih hen.iss ayat main Allahne farmaya k sirf Loh e Mefooz wala nahi uss ka malik bhi hai so iss raat ager koi uss se girgira kr mangay to wo lohe maefooz ka likha mita bhi deta hai or naya likh bhi deta hai.ager raddo badal ka imkan na hota to ye raat batayi na jati.
Huzoor S.a.W ne farmaya:''do chizen taqdeer ko badal deti hain, ek dua or ek sadqa o khairat.''
Ye raat iss liye zahir ki k hum Allah se rizq barhaanay ki dua maang len.touba astaghfar kr len.umer darazi ki dua kr len,balaon or afaton k talnay ki dua mang ken or duniya oakhrat main bakhshish omaghfirat ki duaen man glen. Or apni badbakhti o shaqawat ko naik bakhti or saadat se badlay janay ki duaen maang len.
Hazrat maaz bin jabal riwayat kertay hen k Huzoor s.a.w ne farmaya:" 5 raten aisi hen k jis ne unn paanch raaton main jag kr mehnat kr li uss ne jannat k liye apna raasta saaf kr liya,unn main se ek raat Shaban ki 15 raat hai."
Ek or hadees hazrat Abdullah bin Umer R.A se riwayat hai: Aap s.a.w ne farmaya paanch raten aisi hen jin main dua radd nai hoti unn main se ek juma ki raat hai or ek15 nisf shaban ki raat hai."
(Sunan ibn e maja;book 1:pg445:hadees1390)(Ahmad bin Hambal:mussnad:book 2 pg/176,imam behqi's Shab ul ilman:book 3;pg:384; hadees;3837)
Iss raat gharoob e aftab se apni shan k laik Allah pak asman e dunya pr bandon k qareeb aa jata hai or fajr tak Allah pak bandon k qareeb rehta hai, or awaz dete hen; hai koi muj se maghfirat mangnay wala to muaaf kr dn;hai koi muj se rizq mangnay wala to rizq de dn;hai koi mu se sawal kernay wala to main uss k sawal puray kerun.jo shakhs sawal kerta hai or maghfirat talab kerta hai main iss raat sawal puray kerta hn or maghfirat kerta hn siwaye chand logon k;mushrik jb tk shirk chor na de;bughz o adawat rakhnay wala;doosron ka khoon bahanay wala, jb tak k us ski talafi na kr lay;khooni rishton main nafaq dalnay wala; qata e rehmi kernay wala;gharoor kernay wala;sharabi;jb tk k wo sharab chor na de;gheebat kernay wala;
Hazrat Abdul Qadar Jelani ne farmaya: shaban 5 harfon ka majmooa hai; shaban ki sheen main Allah pak ne sharaf rakha hai,ain main aloom, azmat bulandi rakhi, bay main bir, naiki or taqwa, alif main ulfat o mohabbat rakhi hai, or noon main Allah nain noor rakha hai.ye Allah Taala k tohfay hen jo shaban k zariye naseeb huay or jb 15 shaban ati he to sb tohfon k darwazay khol diy jatay hen. Khairat k darwazay khl diye jatay hen barkaten nazil hoti hen, gunah mita diye jatay hen or kasrat k sath huzoor(S.A.W) pr salawat ka nazool hota hai.imam qustulani ne fermaya: Shaban ki ek fazeelat ye bhi hai k issmahinay main Ap s.a.w pr drood osalam ki aayat nazil hui.so Shaban ka talluq Hazoor (s.a.w) k sath b bohot hai or Allah ki maghfirat o toba k sath b bohot hai.lehaza iss raat me ibadat se Ap s.a.w ki bargah me qurb naseeb hota hai or Allah ki bargah main bhi.n isi mozu per hazarat Abu baker R.A se bhi ye hadees riwayat hai.
Sunan ibne Maja jild 3:iss ka bhi baab hai jiss main 15 Shaabn ki raat k baray main bayan hai.ye Hazrat Ali (r.A) se riwayat kertay hen; Aap (S.A.W) ne farmaya," jb 15 shaban ayay to logo uss raat qayyaam kia kro, nawafil perha kro ibadat kia kro or uss k din ko roza rakha kero kun k 14 shaban k gharoob e aftab k sath hi Allah tala apni shan k sath iss asaman dunya per nazool e ijlaal fermata hai or tuloo e aftab tak logo ki maghfirat or bakhshish ka saman kiya jata hai or Allah pak fermata hai: hai koi muj se astaghfar kernay wala,gunahon ki muaafi mangnay wala,to main uss ko muaaf kr dn, hai koi muj se rizq talab kernay wala? To main uss k rizq main wusat ata kr dn,hai koi masayeb o aalam main mubtala shakhs?muj se maangay to main uss ko aafiyat ata kr dn, hai koi aisa shakhs? Hai koi aisa shakhs?"ye keh k Allah pak élan fermata rehta hai or apni ataa or skha k daman ko phelata rehta hai, hatta k fajr tulu ho jati hai."
ek or hadees hazrat Aesha(R.A )se riwayat ki hai isi baab main:jild 2 pg/169. or ye wahi hadis hai jo Imam Tirmazi ne riwayat ki hai.
Iss k baad Imam ibn e Maja ne Hazrat Abu Moosa Ashari(r.a) se bhi riwayat kia hai jild:2pg/169:
"Ap(S.A.W) ne fermaya Allah taala 15 Shaban ki raat ko zahoor fermata hai apni rehmat or maghfirat ki shan k sath,phir Allah pak saari makhlooq ki bakhshish ka ehtamam kerta hai or sari makhlooq ki bakhshish k liye izn e aam fermata hai bashart k wo shakhs sidqay dil k sath taayb ho jaye,siwaye mushrik k agar wo shirk se taayb na ho or jodil main logon k khilaaf bughz oadaawat rakhta ho."
Hazarat Imam Tabrani ne bhi iss hadees ko riwayat kia or unhon ne isay hazrat Maaz bin Jabal(r.a) se riwayat kia.or Imam ibn e Hibban ne bhi riawyat kia or ravi hazrat Maaz bin Jabal hen. Iss k ilawa Imam Ahmed bin Hambal nain apni Mussnad main riwayat ki or unhon ne Hazrat Abdullah bin amr (r.A) se riwayat kia, hazrat Ali R.A se, or imam behqi ne riwayat kia

asa
bahi app nay baat too dair say shoro kee magar jo baat bhee islah ke hoo jab bhee shoro ke jaa aiy ghee kisi na kisi ke islah ka sababa banti hay
app ke is post ko abhee pora nahin parha ,magar uper kay kuch paragharph parh kar main samjh gaiya kay yeh kis baray main hay.
is baray main main nay aik topic shoro kiya tha , jis main,main nay yeh sabit kiya tha kay yeh raat deen main kowee ahmiyat nahin rakhtee.
\aour is ke sub say baree daleel yeh hay kay app saw nay na to is din main kowee rozay rakha na is raat mai kowee ebadat kee aour na hee is ka hukam diya.
phir is kay baad dosree daleel yeh hay kay is raat main sahaba rz say be kowee amal sabit nahin.
aour to aour tabaeen aour tabba tabeen say bhee kowee amal sabit nahin
phir yeh raat ayee kahan say .
is ke fazeelat kahan say sabit howee.
is mairay pass aik he jawab hay aour woh yeh kay
is raat main shia aqeeday kay mutabiq shion ka 12 waan imam paida howa tha.
aour shion nay hee is raat ko humaray dermiyan fazeelat day kar phila diya.
app khud daikhain kay app nay jo ayat paish kee hain woh laila tul qadar kay baray main hain , jin ko app nay 15 shaban say munsalik kar diya.\
aour app nay kaha kay is raat main faislay bhee hotay hain
bahi sorah qadar ka naam hee daikh lain
qadar ka matalb he qismat hay aour faisalay laila tul qadar mai hotay hain
aour laila tul qadr ramzan main hotee hay shabaan main nahin
is baray main jo bhee ahdith ayee hain woh sub he sub zaeef hain.
aour jo ulema in ahdith ko paish kartay bhee hain
woh yeh tasleem kartay hain kay yeh ahadith zaeef hain
magar chunkay yeh ahadith kafee taddad main hain is leyai in ahdith ko tasleem kartay hain.
laikin bahi aik sawal agar 100 admi aik hee jhoot bolain to kiya woh such ban jata hay
nahin her giz nahin
isi tarha is ziman main jitni bhee ahadith ayee hain woh sub ke sub zaeef hain magar
paata nahin ulema is per israr kiuon kartay hain
jab kay unko bata bee diya jata hay kay
yeh mr 12th ke paidaish ka din hay\
aour shia ke books main yeh aqeedah hay kay yeh laila tul qadar hay
aour is raat main maout aour rizq 12 wain imam per utara jata hay . aour woh is ko saree duniya per taqseem karta hay
magar ye sub kuch ref kay saath dekhanay kay bhee kowee nahin mantay
allah hum sub ko seedha rasata dekha aiy.
is topic say related behs is thread main hay.agar time milay to is ko bhee parh lain jazakallah wa ahsan al jaza
http://www.hulchul.net/HC/index.php?showtopic=189607

Mein ahadees per tau coMment nhi kar sakti but Quran ki ayat jo ap ne Quote ki hai us pe zaroor kuch kahon gi... jis raat ka us Mein zikar hai tht is NOT "Shab - e - Baraat" kion k is ayat k mutabiq "Quran" ko us raat nazil kia gaya jab k "Surah BaQra" Ayt:185 and "Surah Qadar" Ayat:1 mein saaf saaf likha hai k Quran kO raMdaan k Maheeney Mein nazil kia gaya now in dono ayats ko saamney rakhtey hOye its clear k jis raat ka surah dukhaan Mein zikar hai its "Shab-e-Qadar" and NOT shab-e-baraat... and finally jab Quran Mein is ka zikar nhi tau Mera is raat per koi belief nhi

jazakallah khairan for giving ayat ref .
yes that is clear kay is raat ka na too sahih ahdith main zikar hay na quran main phir is kowee fazeelat nahin ho saktee.
aour waisay bhee SHABAY BARAT ,ya , LAILA TUL BARAt.arbi kay alfaz hai hee nahin ,yeh na quran main ayai hain na hadith main .

soorat qadr ki pehli aayet ki translation main QURAN ka naam aaya hai ? mere ilm k mutabiq us aayet ki translation banti hai

"byashak hum nay isay shab'ay qadr main naazil kiya"

na k

"byashak hum nay quran ko shab'ay qadr main naazil kiya"


(main yaha'n behs karne nahi aaya, bus correction karni thi 1)

kuch simple aur seedhi cheezain bhi hoti hain,,,, jis main naam laina zaroori nahin,,, aur sab ko pata hey ke yeah baat Quran ke nazool ke liye hi kahi gai hey,,,,, waisey agar apkey khyal main yeah Quran ke barey main nahin,,,, tu kis ke barey main,,,, aur Allah ta'ala ne sab-e-qadar main kya nazil kiya

infact behas kerney ki zaroorat iss liye bhi nahin,,, kion ke Surat al-baqarh ki ayat no.185 main Quran ka naam ke ke kaha gya hey ke isko ramzan main nazil kiya gya hey

asim sahab
aap ki kai bachgana baateiN parrh kar hansi aati hay magar iss daway numa khush-fehmi nay to bohat hansaya mujhay

bhai yeh to naseeb ki baat hay.........jo muqadas raat thi woh aa kar guzar bhi gayee aur jin ka naseeb tha unhon nay ibadat bhi ki aur roza bhi rakha aur tauba/istaghfaar bhi kiya ......aur ...muaf kijyay ga... jin ka naseeb nahin tha woh sabit aur saboot kay chakar mein lagay rahay........mujhay hamdardi hay aap jaisay khyalaat kay logon say

i m agree with u

[quote name='Kashif' date='Sep 3 2008, 02:43 PM' post='3037846']
asim sahab

asa
bahi main nay bachgana baat kahan kee is ke mujhay samjh nahin ayee.
aour bahi app nay agar pichlay topic parhay hotay to app is ko mairee khush fehmi nahin bulkay khud aitemadi kehtay .
aour main app kay hansanay ka sabab bana yeh ko khoshi kee baat hay , kay mairee wajah say kowee to hansa .


bahi ajeeb baat hay kay mozo hee yeh hay kay yeh moqdas raat hay kay nahin .aour app isi baighair kisi daleel kay moqadas raat khe rahay hain.
bahi agar app bhee isi lagay banday tareeqay per chal rahay hain too is main app ka kowee qasoor nahin.
main nay too baray baray ulema ko dekha hay is raat ke woh woh fazeelatain bayan kartay hain kay allah ke panah.
laila tul qadar ke ayat is raat say mila kar is ko baraha charha kar paish kartay hain.aour phir pata nahin is kiya kiya fazail bayan kartay hain.

bahi kiya biddat karna khush naseebee hay too yeh khush naseebi app ko mubarak hoo, yeh raat na sirf biddat hay bulkay yeh raat shion ke ejad karda hay,aour un ka aqeedah hay kay is raat main chunkay 12waan imam paida howa tha.is leyai yeh raat fazeelat rakhtee hay.
bahi aik request hay agar app kisi maqool daleel say isay sahih sabit kar sakain to mujhay baree khushi ho ghee. jazakallah khairan

Shab-e-Baraat bidday nahi dosray topic pay sabit ki ja chuki hai ehlesunnat k mutabiq ..


Biddat es raat main kise makhsoos ebadat ko karna hai ya koe or new ijad jo nabi(saw) nay na ki ho ..

yeh topic osi main merge karna chaeyh

bhai mujhay yaqeen hay ke yeh raat muqadas hoti hay leikin yeh baat aap accept nahin kartay to aap ka naseeb hay ......hum kya kar saktay hain

hum to sirf aap say hamdardi hi kar saktay hain ke aap shiaon say nafrat mein iss raat ko hi negate karnay lagay hain ......jo ulma iss ki ehamyat bayan kartay hain agar aap ka ilm un say ziada hay aur aap un ko negate kar saktay hain to yeh aap ki marzi hay ......mujhay koi daleel denay ki zarorat nahin kiyunke kaafi material aur fazeelat iss raat ki pichlay topic mein bhi kai log pesh kar chukay hain......aur by the way main nay aaj tak kisi "aalim" ke munh say shab-e-birat aur shab-e-Qadar ko mix kartay huway nahin suna ....deen ka mamoli sa ilm rakhnay wala bhi janta hay ke yeh 2 alag alag raatein hain

baqi aap ka bad-naseebi hay jab ALLAH TALAH ki taraf say aawaz aa rahi hoti hay "hay koi maghfirat mangnay wala" to us waqt aap biddat biddat keh kar ALLAH ki rehmat ko thukra rahay hotay hain .....ALLAH rehem farmayay aap kay hum-khyal logoN par

thanks

ASA
BAHI AGAR AP ISAY BIDDAT NAHIN SAMJHTAY TO MAIN BHEE DALAIL SAY YEH BAAT PAISH KEE HAY KAY IS RAAT KE KOWEE AHMIYAT NAHIN
PER MASALA YEH HAY KAY APP AIK ADHI POST KAY BAAD JAWAB DAINA HEE CHOR DAITAY HAIN \YA TO BAAT MUKAMAL KIYA KRAIN YA HISA HEE NA LIYA KARAIN

[quote name='Kashif' date='Sep 5 2008, 10:08 AM' post='3039830']

mairay bahi agar app ka yaqeen kowee daleel hotee to phir maira bhee yaqeen hay kay yeh raat theek nahin, to phir abb kiya kiya ja aiy to is hall yeh hay hum dono apnay apnay dalail bayan karain aour jis ke baat sahih hoo us ko dosra maan lay.


bahi agar main aour batain bhee bayan karoon too app ko hairat ho ghee kay shia hum main kitna andar tak rach bas chukee hay.

......
maira ilm to khair kisi bhee alim say kam ho sakta hay,magar mairee daleel kisi alim say ziyda mazboot hay. kiuon kay main lagay phanaday tareeqoon say azad ho kar baat karta hoon.isi leyai jo zehn ajj tak azaad nahin howay woh mujh say ekhtilaf hee kartay hain

bahi is ka matlab hay app nay kisi alim ko suna hee nahin.humaray sunioon ka too aqeedah hee yeh hay .


mairay bahi yeh awaz to bilanagha rooz tahajud kay waqat atee hay.sahih bukhari kee hadith kay mutabiq.magar kuch loogoon nay sirf is raat ko allah ke maghfirat say makhsoon kar diya.
.....ALLAH rehem farmayay aap kay hum-khyal logoN par

bhai mujhay aap say behes nahin karni aur na hi aap ko qaa'il karnay ki koshish karni hay .....jab aap ko ulma ki baateiN aur references qaa'il nahin kar sakay to hum kya kar saktay hain

humaray sunyoon ka hargiz yeh aqeeda nahin hay ......ALLAH ka shukar hay humein shab-e-birat aur shab-e-Qadar ka farq maloom hay

wallikumas salam

Hazrat pehlay ja k usool-e-hadith sekhayin phir logoon ko kahin k main serf quran o hadith ko manta hoon..

app k samnay Ehlesunnat wal jamat ka Shab-e-baraeet pay paesh kia ja chuka hai tu abb falto behas nahi karayin na main falto batoon ka jawab dayta hoon main chatting ka adi nahi hoon ..


Dobara ja k parho k meray jawab adhay hain ya puray

http://www.hulchul.net/HC/index.php?showto...89607&st=40

[quote name='Gambler1' date='Sep 7 2008, 03:05 AM' post='3042113']
wallikumas salam


bahi yeh acha tareeqa hay kisi ko lajwab karnay ka , yani jis ko usolay hadith na pata hoon woh deen kay kisi mamlay per baat he na karay very good . but he nirala usool hay. ..


mera khiyal hay kay ziyda behs na para jaa aiy . is leyai app say sirf 4 sawal karta hoon buhat hee sedhay say sawal hain.aour inshallah jawab bhee sada hee hoon ghay.
1.kiya NABI AKRAM saw nay kabhi khud is raat main kowee khas ebadat kee.
2.kiya NABI AKRAM saw nay kabhi is ka hukam diya.kisi sahih hadith ka ref day dain . mairay leyai kafee ho gha.inshallah
3.kiya sahaba rz bhee is raat main khasoosee ebadat ka ehtamam kartay thay.
4.kiya 4oon aima nay is raat kowee khasoosiyat bayan kee.


mera khiyal hay sawal buhat sada hay jawab bhee sada hee hoon ghay.

Mashallah Gambler bahyee bahut hi wazhe dallel i m agree urs all posts. thax for sahring brother

Gambler sahab thanks for sharing
leikin koi faida nahin..........jinhoN nay biddat biddat kehtay rehna hay woh nahin accept karein gey yeh sab

Kashif bahyee dont worry is say wazeh dalle ab aur nahi ho sakti jis nay is ko kerna hay qoh mustafeed ho gaya aur jo na ker saky woh is fazilet say mehroom raha

These Questions are directed to gambler bro

1: ive read in ur post k shab e barat ko kia kia hota hai n my question is k agar yeh sab shab e barat mein hota hai tau shab e qadar ki raat mein kia hota hai? shab e qadar ko barkat wali raat kion kaha jata hai?

2: ive met a lot of ppl from other countries but i havnt met NYONE jo shab e barat se waqif ho... agar yeh raat itni he barkat wali hai tau pak n india k muslims k ilawa isey kisi aur country mein kion nhi mana jata?

asa
shukria sisiter.kay app nay kam az kam is raat kay baray main kuch sochnay ke himmat too kee.warna humara muqald tabqa fikr ulema kay kahay howa kay agay bay bass ho jata hay .kay janab yeh un kay alim nay keh diya is leyai bus yaheen baat khatam .
aour gambler bahi main to yeh kaha tha kay hum ziyda behS main nahi prtay sirf chand sawal keyai thay per app phir aik lambee behs lay kar baith gayai
main nay apnay pichlay thread main aik hadith per ulema rayai bhee likhi thee app nay us ka bhee jawab nahin diya
chalain mujhay chorain rat ke rani jawab he day dainc

asa
yaar gambler bahi main nay kuch sawal pochay thay app nay un ka jawab to diya nahin aour aik lambi post paish kar dee.isi leyai to main kehta hoo muqlad zehn mohaqiq nahin ho sakta.pata nahin app loog ulema ke itni ghair mashroot atat kiuon kartay hain.
kiya ulema ko elham ho ta hay jo un ke her baatr sahih hay.
main nay posha tha.
in main say kisi baat ka bhee app nay jawab nahin diya.
app ka kiya khiyal hay yeh sub fazail ya ahadith mairee nazr nahin,oh bahi in tamam afadith per main jitna mera elmay us kay mutabik tehqeeq kar chuka hoon , us kay baad he main nay yeh nazriya qaim kiya kay raat bay asal hay,aour shion ke banayee howee hay.
plz app is per khud bhee kuch tehqeeq karain,aour un ulema kay dlail bhee sunnain jo is ko biddat kehtay hain

Asim bahyee aap ne jo sawal kiye us ka mery hisab se reply mil hi gaya he per phir bhi app bazid hien ke is ko kissi sahbi ne kiya ya nabi pak as ne kiya woh hadith ka hi hawal diya he kissi kitab ka nahi. aur app kehty hien ke yeh shiuoon ki banaye howi he ap kiya samjhty hien ke hum shiuoon ko follow karein shiuoon ki to patahky phorna chiragha krna sahmil he per hum yeh nahi kerty aur shiuoon ky bary me jitna ikhtilaf app ko he us say ziyada hum ko bhi hie to kiya hum phir bhi shiuoon ko follow kary.aur laiatul qader and shaby barat in dono ki apni jaga afadiyet he app kham khowa yeh sabit ker rahien hien ke hum shaby qader ko nahi manty . essi baat nahi he bahut se akabrey diin is baat per muntafik hien kay nisf shabam ki bahut bari ehmiyet he. aap sirf is ko raad kerne me lagy howin hein. dekhin jinab mery hisab se her chieze wazeh ho gaye . ky is raat ki haqikat hay . aap ko yeh bhi maloom hon achayeh kay hum biddet aur shirk se itna door hien jitna zameen aur asman. hum ne aj tak kissi biddet ko na apnaya he aur na hi apnay gey phir app kessy kehsakty hien ky shabe barat biddet he.aap sir imamm abu hanifa ke bughz ki waja se apny moakkef per kaim hien to yeh bhughz ko dil se niaklein aru is bahes se perhieze karein
ALLAh hum sub ka hami o nazir rahy amin

medem raat ki rani sabe qadder ki apni fazilet hay aur shabe barat ki apni fazilet gambler bahyee ne kaha na kay sahbi barat me eik sal me jitne duniya me ay gey aur jitny wapis jay gey un ki rozi ka hisab kitab hota he .aur sahb qader me yehnahi hota saaf likha howa he app kahm khuwa confusion peda ho rahi he
gambler bahye ne iek aur jaga likha ha kay sahbi bedari ijtamye na ho alag se ibadet ki jaey aur roza rakah jaye jub kay sahbe kader me bakieda ijtami ammel hota he. itni wazih tor per gambler bahye ne define kiya hay per app ne sari posts ki dhajiyan hi uradi jessy hum doodh peety bachy hien kay opper wlai psot ko chor ker app ki batoon per ammel karein. any way. eik bar phir ghore se perhin umeed he samjh agye ho gi
aru rahi bat dosry mumalik ki to dosry mumailk jesa saudia arabia aur bhi kuch nahi kerta un ko na shabby barat se lena na sahbi qader se lena . un ka apna masal he per jitny paksitani indian bangali wohi kerty hien jo un ke mulk me hota hay. biddet d\se hat ker. aur bhi bahut kcuh hota he poochn he to me hazir hoon me bhi dosry mulk me rehta hoon kaho to bata doon ga
meri bat ka bura nahi manana

imran bhai,,, just think 1 thing

gambler bhai ki post main sahih-ahadith kon kon si hain
aur shab-e-qadr ka zikar tu quran main hey,,,, shab-maiaj ka bhi tazkra hey,,,, phir shab-e-bar'aat ka kion nahin

Assalam-o-alaikum

Mjb Bhai Yeh Shab-e-Baraet pay Dosra Topic Move Kar K Yahan Laya Gea hai Pehlay Topic Pay App K Sawal Ka Jawab Mojoodh
Hai Alhamdulilah Or Baqi Sawaloon K Jawab Bhi Wahaan Mojoodh Hain .

Post #22

http://www.hulchul.net/HC/index.php?showto...89607&st=20


TOPIC OFF NOW

yes ai agree topic shuold be closed. eik topic ko do bar alag alag jaga per wazeh kerna munasib nahi. ab her cheize wessy he clear ho gaye hay. thax

from like 4-5 years i have been studying islam in detail .. .. and i have realized that we *sub-continent muslims* are following things which are never been islam .. .. .. and these things have been proved after my visit to Makkah (i went there from Umrah) .. .. ..

I don't think that there is *any special* night in *shabaan*. Shabaan months it self is really important but there is no explicit saying for *sab-e-barat*. In the whole world, the only people following and OFFERING prayer @ shab-e-barat/shab-e-miraj are those who belongs to *sub-continent*. You'll never ever find a native *arab* doing this and if you are doing something specially on this night and spreading this forward to other muslims saying that this is in *ISLAM* then you are spreading a wrong message and you are sinfull for it .

Whereever there is some saying about a night, it's *shab-e-qadar* (which is btw, does not have to be on 27 of ramdan, it could be any odd date of ramdan in last decade).

Right now i don't have references, since i don't study these things on internet and what i study from books i can't post here (due to shortage of time) but will try to get something to post over here.

mery bahuyee aap to umrah per aye thy app ne to aur bhi kuch nahi dekha ho ga chalo me batata hoon aur kiya nahi kerty yeh log.
yeh log to eitikaf me bhi nahi bethty(madinah and makkah chor ker) then app kiya kaho gey yeh log laiatul qader bhi nahi manaty me be madinah ya makkah me ho all othe kingdom kuch bhi nahi hota . eid kay bad shawal ke rozon ka bhi koyee ziker in kay han nahi milta sirf pak. indian ya bangla deish waly hi is ka eihtimam kerty hien. bahye mery saudia me app kiya samjhty hien islam per chalta he un ka apna kanoon apan din he. din se murad sirf ramdhan and eidein bus. app aur kuch poochien me phir jawab deta hoon.
thx

I guess there is no need to check about *aitkaaf* and other stuff you mentioned. There is no doubt about those things and each n every thing are proven either from quran/suna/hadeet.

The question arises when there is doubt and when you get puzzle. Then you have to gather things from multiple sources. It's not that you AGREE and start following one particular person, whose words touches your heart .. .. .. you have to be *RATIONAL* and if someone says YES then you have to authenticate his *YES*.

So, there is doubt on *shab-e-barat* and if there are 3 YES in its favor and if there is even 1 *NO*, even then you have to AUTHENTICATE it .. gotcha?!

ary bahye jub aap ko urdu atti he to behter hota national lan ko terje detyy . any way bahye eitikaf hadithme mention nahi . wah jitny stuf me ne mentioned kiye hine is ka to hadithon me bahut jaga per iqrar he. app kahm khuwa aker nayee chezon ko mutaref na kerwain . sub chiezin hadith se zahir ho gaye hine . ab aap irreleventely tor per posts ker rahien hien mei admin se humble request he kay yeh topic ko closed ker diya jaye . every things is clear now thax.

meri nazar mai ir-relevant nahi hain. mager agr baqi log aitraf krtay hain to mujhay koi msla nahi. kr do bnd. bt still i have to digg about the truth ..

u must check this links and also check this thread . may be u will catch the fact
http://www.hulchul.net/HC/index.php?showto...89607&st=20

thanks - i'll

inshallah sham ko koch page ghuniyaat talibain say post karoun gha jidher iss saab par baat ki ghai hai..
meryeh sunayeh main aaya hai HAZRAAT shah abdul qadir jilani ra kay mutaliq Gm kehtay hain wu eh lay hadis they
....
agher eysa hi hai tu GM ko oun ki baat mani chiyeh
dua karin koch fursaat mil jayeh.... Ameen
meri zati rayeh yeh hai agehr koi infradi tour par apnyeh gher main yeh raat ibadaat kartay guzarta hai tu iss main kiya harg hai.......

wrong page
wait
ws

ws

Jazakallh raja bahyee bahut achi sahring per Asim kissi tor per agree nahi ho raha. khiemery next post me asimbahye ka reply kerta hoon.

Asim bahyee. app ke point of view kay mutabik ap nekaha he kay hum is waj se nuksan me hya kay hum ulima krame ki ghier mashroot atet kerty hein. mujh ko app batye kay app nahi kerty. kiya ap ke han ulima nahi hein . aru bina kcuh jany app kham khuwa quran and hadith ki perwi kerty hein. mery hisab se quran and hadith kay ilaem kay liya ulima kram hufaaz and mufti saab se maded derkar honi chayeh werna kiya nuksan ho ga woh to sub ko maloom he . bacha metric begheri teacher kay nahi ker saky ga halanky kitabien mojood ho ngi app us ko bol do han bahye tum school na jao gher bethy paper do inhi books se sawal aien gey. to app batein kiya aap is terha paper day sako gey. nahi na is kay liya app ko scholl jana perhy ga. 10 sall lagany hon gey then app paper deny kay kabil ho gey na kay gher bethy.
yahee baat he heumin ilam kay liya ulima karam ke zzerye hasil kerna ho ga . gher beth ker kahli quran le ker ya hadith le ker hum alim nahi ban jaien gey.
yeh ho gaye woh baat jo app ne ulima kaybary me kahee.
App logon ka din esa hi he her iek ko yehaee khety phirty ho kay kissi ki taied nahi kerni quran he na khudhi dekho khudhi faisal karo. hadit he na us ko dekho kissi ke pass jany kikiya zaroret aur yeh hi sub say bari jahalet he jessa kay app sahby barat ko nahi man rahy . halanky bahtu hi wazeh daleel a chuki he.
any way . is se ziyada me arukuch nahi keh sakta baki batein baad me.

At laaaaast........now i can post in this section
raja ne jo information post ki hai takreeban wohi ayyat o ahadees main ne bhi post main likhi hain jb k Hazrat Abu Baker Siddique(R.A), Hazrat Ali(R.A),or Hazrat Ayesha(R.A) se rawayat ki hui ahadees batayi hain lekin asim bhai unn ko bhi zaeef ahadees keh rhay hain. inn sahaba se ziada mazboot sanad or kis ki ho sakti hai....? bolo bolo tell tell

ab her chieze wazeh ho gaye he . in ke nazdeek wohi hadith sahi hien jo in ko perhaye jati hien . baki zaief.
is liya . jo cambler bahyee nad raja bahyee ne detail de di wohi kafi he baki WALLAH ho allem