Meri behno plz zara tasty type kay pakory banay ki terkeeb post kijye bana to leta hoon per kabhi achy banty hein kabhi nahi zara behtreen si tips derkar hein jazakallh

hmmm.... pakoray shuru main meray bhi kharab ho jatay thay jb main ne naye naye bananay shuru kiye. lekin ab Allah ka shuker hai k thek bantay hain.iss kay liye thori practise ki zaroorat hoti hai. the recepie that i use to make pakoras will tell you.besan main jitnay ingridients dalen pkoray utnay hi achay bantay hain. lekin aisa na ho k besan ho hi na or sb ingredients hi nazar ayen
sab se pehlay to besan ghol k rakhen, iss terha k wo na ziada thick ho or na hi thin.
phir ap uss main namak mirch haldi,white zeera,thori kutti mirch, chat masala da, sabut sookha dhanya, or thora anar dana dalen; ye sb chizen apnay taste k mutabiq dalen.
phir uss main thora carbonate powder means meetha soda half ya half se bhi kam teaspoon dalen;meray khayal main 1/4 tea spoon kafi ho ga.
ab iss main tamam green ingridients kaat kr dalen dalen;

green chili 1 or 2;
onion 1 of normal size, potato bareek katay huay 1 small, thori palak kaat k dalen iss se pakotay bohot tasty bantay hain,podina leaves dho kr, thora kata hua sabz dhanya, thori sookhimethi(ager dalna chahen to)
(optional tip) ager ap 2 lehsan k pices pees kr pakoron main dalen to unn ki taseer garam nahi rehti;
abhi ap ye sab ingridients besan mai mila kr rakh dain orphir kuch dair baad fry kerain.

fry kernay se pehlay karahi main oil daal kr pehlay tez aanch pe rakhen ta k oil achi terha garam ho jaye. pakoray dalnay k baad aan cha normalkr dain. lekin fry kertay huay ye khayal rakhain k oil thanda na honay paaye nahin to pakoray sakht ho jatay hain. iss liye chulhay ki aanch ko oil k mutabiq adjust kertay rahein. jb golden brown ho jayen to nikal len.

tax u meri bahen app nay wakye ahi tips di hien me pehly hi sub dal deta tha then sub ko gholta tha . ab essy hikaroon ga . bahut shukri meri bahen..

good book nay bohat acha tarika bataya hai ...........

per aik aur recepie hai wo ye kay

paste banalay besan ka jis mai bason , namak,crushed lal mirch ,zeera , aur pani ho itna thick banaye jasay dahi ka raita .

pher bread kay charo konay kaat day aur half ker lay

bread ko dip karay bason kay paste mai aur deep fry ker lay.

jub pakoray tayar ho jaye to raitay ka saath nosh fermaye.

tthx a lot u 2 thek hay ji dono tips kar amed hien thax 4 sharing

I will also try sidekick's recepie

wah zaberdest tarkeeb also thax a lot

mainay same to same yehi kal Iftaar main banaye thay, they taste soo gooood !!

Ji, ab bakiyun ko tarsao

aftari mein samosay aur pakorray ...........kya baat hay

tarasnay kii kia baat hai, bana lain naa

kya baat hai

pakoray chahe jaise bhi banao lkin agar uss main ek egg bh beat kr k dal doto pakoras bauhat crispy bnte hain

thx for the tip, try karti houn

bohat achi baat hay

kal bhi khayay thay aftaari mein pakorray.........us ke ba'd khana bhi nahin khaya gaya

hath houla rakh kay khanay thay naa shukar karain hichki nai lagi, jaldi jaldi khanay say bari buri hichki lagti hai

haha
woh kya hay na ke baqi sab aisay hi takaluf kartay hain ......jab dosray nahin khatay to phir main aftari ki cheezon ka safaya karta jata hoon

ab aisay bhi nahin khatay hum ke hichki lag jayay

a plate full of pakoras and kashif

hmmm,good idea

barsaat sis
ek idea aya
agar ham pakoray banatay waqt besan mein thora sa semolina/suji/rawa add karein to i guess crisp banaeingay


waisay main to besan phaiantay waqt thora oil bhi add kar deti hoon,ab soft bantay hain ya nahen yeh khaatay waqt kabhi yaad naheen rehta,lolzz

aur haan green chillies ko beecch say slit karkay ( upto the stem) baqi sabziyon ke saath daalein,uff kya mazay kee teekhee teekhee hoti hain.

kucch log besan mein lemon juice bhi add kartay hain

aadmi ko adventurous hona chahiye na ke yeh bhi daal do woh bhi daal do always try something new

achi bey-takalufi hai

semolina wala idea fit lagta hai, me kal add kar kay daikhti houn, pakoray kurkaray banaingay I guess

oil,..hmm yeh bhi theek ,.. me baking soda dalti hn bilkul thoura saa us say bhi soft bantay hain

haan naa iss tarah kii fried baisan lagi chilli's hamaray haan bohot pasand kii jati hain roz hii bana laiti hn

aur abb me roz aik anda bhi add karti hn bater main, yeh bhi good addition hai.

haan naa pakora adventure's

haha
bilkul ji bilkul..............

hehe..........aur kya ji..........jis nay takaluf kiya woh reh gaya

anday ke baaray mein to bhool hi gayi thee,thanks for reminding
kucch log pisi hui pyaaz bhi daaltay hain ,soft karnay ke liye


anyway bhuttay kay pakoray khaaye hain aapnay

chaar paanch bhuttay grate karein
usmein thora sa besan daalein nama daalein,chili powder daalein bareek hara dhaniya daalein.phir green chillies ko mota mota liquidiser mein pees lein ( not too mota)
ab usay besan mein add kar dein,pisa garlic thora sa add karein aur halka sa paani daal kar mix kar lein.yeh besan ke pakoraon say kam paani leta hai,bas itna paani daalein ke aap mixture ke gol gol pakoray shape de sakein,bas ab fry kar lein,tail bahot garm na hon aur na thaanda ho ke tail pakoray mein bhar jaaye.
try kijiye ga they are yummy
next time bhuttay (corn) ki ek aur dish

bohat achi tips hain.