Assalam u alaikum!
Ham sites kiu visit kartay hain??
Emails k liye,
apne interest ka text read karnay k liye!
apne interest ki pictures dekhnay k liye!
apni pasandeedah videos dekhnay k liye!
games khailne k liye,
aur aisa he bohot kuch karnay k liye,
laikin kya ham perfectly brows kartay hain????
yaqeenan ham main say bohot say log intihaee aam aur simple tareeqa ikhtiar kartay hain, jo k matlooba result nahi deta.
i.e. search engines k istimaal: web ya image search waghaira:
agar koi game pasand aa jaey aur download ka link bhi na ho to kaisay download karein: agar koi clip pasand aa jaey to kya karein:
kuch khaas sites ki tips waghaira, page source ka apne maqasid k liye istimaal karna hamein main say bohot say logon ko nahi aata:
Is topic mein ham yehi sab kuch seekhne ki koshish karein gey:
Jin doston ko koi achi tip aati ho to please yahaan share karein:
Meri taraf say kuch tips haazir hain aur mazeed ka intizaar karein:
-----------------------------------------------------------------
Google Tips:
1) agar aap kuch aisa talaash karna chahtay hain jo k content k bajaey domain (URL) mein mojood ho to us k liye google web search mein likhen
inurl:koi lafz
example:
inurl:pakistan
Defination:
is tareeqe say aap ko google search engine wo domain ya web address dikhae ga jin main lafz pakistan mojood ho ga.
2) agar aap koi aisa page dhoondhna chahtay hain jis ka title aap ka matlooba lafz ho to ye tareeqa istimaal karein
intitle:koi lafz
example:
intitle:mera watan
Defination:
is se google wo page search karay ga jin ka title mera wata ho ga.
3) agar aap ko kisi khaas chees k baray mein information chahiye aur kuch khaas sites k andar to us k liye ye tareeqa ikhtiyar kaein.
koi lafz (inurl:site1 | inrul:site2 | inurl:site3)
example:
biryani (inurl:allrecipes.com | inurl:epicurious | inurl:recipesource | site:cooking.com | inurl:Recipezaar )
Defination:
is tareeqe se aap ko sirf biryani ki receips milein gi na k wo pages jin mein lafz biryani likha ho.
Google Image search
4) agar aap koi kisi aik he site ki tamaam picutes dekhna chahtay hain to us k liye ye tareeqa istimaal karein, google.com pay ja kar image search ko click karein aur ye likhein
site:koi site.com
example:
site:hulchul.net
Defination:
is say aap hulchul ki site pay maujood tamam pictures dekh saktay hain.
4-b) agar aap kisi aik site pay kisi khaas naam ki pictures ki talaash mein hain to ye tareeqa dekhein.
site:koi site.com koi lafz
example:
site:hulchul.net Leo
Defination:
is tareeqay say aap hulchul.net pay Leo say mutaliq tamaam pictures dekh sakein gey.
abhi time nahi baqi aainda
reply zaroor kijiye ga k ye tips kaisi lagein, aur apni tips bhi share kijiye ga.
Full Version: Browsing
Information share karne ka shukria
QUOTE(KnOwN_StRaNgEr @ Sep 20 2008, 08:49 AM) [snapback]3058106[/snapback]
Information share karne ka shukria
welcome janab. ap k pass jo tips hain wo bhi share kar dein na yahaan.
This is a "lo-fi" version of our main content. To view the full version with more information, formatting and images, please click here.