hamari badqismati yeh hai k punjab k awam houN ya sindh k ... kalabagh dam jaisay issues maiN apnay leaders k bahkaway main aaker dam ki bil.tarteeb hamayat / mokhalfat par otar aataay hain... kuch sochay samjhay beghair youN polarisation ki sooratay haal paida hojati hai .... chunanchah aaj koi aisa punjabi (mo'asser taadaad maiN) naheen jo kala bagh dam ki aqli bunyadouN par mokhalfat karay yaa vice versa.
maiN yahaaN kuch sawaalaat oThata houN.... kala bagh k hami / mokhalif inkay jawabaat denay ki koshish karaiN:
1. WAPDA k aalaa markazi hukkam sirf kala bagh dam har haal maiN kiyouN bananay par tolay howay haiN...... ki onki nazar on arbouN $$$$$$$ k qarzay par to naheeN jo approved haiN aur project start hotay hi commission ki mad maiN onki jaib / ghair mulki accounts bharnay ki soorat paida hogi. agar aisa naheeN haiN to woh inn sawalouN ka jawaab daiN:
a) kia woh waqe'ee deyanat daar haiN. aur qabl azeeN k aisay projects say maal naheeN kama chukay haiN. onki maujoodah maali haisiyat, onki income aur WAPDA main shamooliat say qabl onki maali hasiyat ka hissab dia jaye.
b) kia woh har haal maiN sirf aur sirf kala bagh dam bananan chahtay haiN yaa asal maqsad pani ki storage hai / kami poora karna hai. agar doosra maqsad hai to woh pahlay say maujood dams jo nisf say zeyadah soil say bhar chuki hai, onki de-silting per tawajjah kiyouN naheeN detay......... agar onhaiN sirf pani darkaar hai to woh deger (proposed) dams par tawajjah kiyouN naheeN detay....... aur jab qadeer khan nay kaha tha k maiN dunya ki sab say baRee glacier (jo pak k pass hai) ko pighlaa kar pani ka intezaam kar sakta houN to onhouN nay iss proposal k badlay qadeer ko hi band kiyouN karwa dia.
2. kaha jata hai k pakistan maiN avg har paanch saal baad sailaab aataa hai ... jiss say dam bhartay hain....... AUR ISSI SAILABI PANI KO STORE KARNAY K LIYEH KALA BAGH DAM bananan hai ........ phir iss kalabagh dam say canal nikaalnay ki baat kiyouN ki gayee. ... pahlay aisa naheeN kaha gayaa tha.
3. kia kalabagh dam ki badaulat punjab k awaam ko bhi khush haali milegi yaa sirf punjabi zameendaaroun k ghar khush haali aayegi aur nateejatan sindhi waDeray ki zameenaiN weeraan houngeeN........ goya yeh jang sirf aur sirf punjabi / sindhi waDeroun aur jaageer daarouN ki zameenaiN (jo onhaiN angrezouN ki ghulami aur muslimanouN ko ghulaam bananay maiN madad denay k nateejay maiN milee theeN) ko sairaab karnay ka jhagRa hai.......... yehi wajah hai k nah punjaab k awaam iss dam ki hamayat maiN saRak par aarahay hain nah iss dam ki mokhalfat maiN sindh k awaam......... kiyouN kay faidah / nuqsaan maiN awam ki shirkat hai hi naheeN.
4. sindh k waderay zameendaar apni bahoot see nahri zameenaiN aaj bhi sirf iss liyeh abaad naheeN kartay (pani honay k bawajood) k iss say yahaaN k haari / kissan / mazdoor tabqah ko monasib rozgaar milega aur woh khush haal hojayengay............... yeh haqeeqat koi bhi sindh k nahri elaqouN maiN abaad zameen k saath saath weeran zameen dekh kar bah khoobi laga sakta hai.
qissah mukhtaser asal jhagRa punjab aur sindh k waderoun aur jaageerdaroun ki zameen ki sairabi k awasail ko baRhanay / ghatanay ka hai nah k punjab / sindh k awaam ko pani faraham karneka.......... pakistan ko pani storage facility ki kami, ko maujoodah dams say mitti nikalnay k kissi project ko start karnay say hosakta hai......... aur pani ki kami glacier ko pighlakar hasil ki jasakti hai......... jo golbal warming k nateejah main bil.aakhir pighlana hi hai. yaa phir asal masla arbouN $$$$$ k qarzay say apna hissa lena hai jaisa k 1.5 arab $$$ k haalya zalzalay aids k silsilay maiN andaroonay khana bander baaNT ka aghaaz hochuka hai.....
Full Version: (maal) Pani Yaa Kala Baagh Dam
QUOTE
1. WAPDA k aalaa markazi hukkam sirf kala bagh dam har haal maiN kiyouN bananay par tolay howay haiN...... ki onki nazar on arbouN $$$$$$$ k qarzay par to naheeN jo approved haiN aur project start hotay hi commission ki mad maiN onki jaib / ghair mulki accounts bharnay ki soorat paida hogi. agar aisa naheeN haiN to woh inn sawalouN ka jawaab daiN:
commission say inkaar kerna mumkin nahi hay!!! infact yeh aaj kal her porjects ka may'aar ban chuka hay... aur commissions 99% cases maiN faisla.kun kirdar ada kertay haiN... agr aaj sindhi afsraan/waDerooN ko supply ya kisi aur surat maiN contract/commission milnay ki surat paida ho jaye tu unkay aitraa'zaat jhaag ki tarah baiTh jayaiN gay
QUOTE
b) kia woh har haal maiN sirf aur sirf kala bagh dam bananan chahtay haiN yaa asal maqsad pani ki storage hai / kami poora karna hai. agar doosra maqsad hai to woh pahlay say maujood dams jo nisf say zeyadah soil say bhar chuki hai, onki de-silting per tawajjah kiyouN naheeN detay......... agar onhaiN sirf pani darkaar hai to woh deger (proposed) dams par tawajjah kiyouN naheeN detay....... aur jab qadeer khan nay kaha tha k maiN dunya ki sab say baRee glacier (jo pak k pass hai) ko pighlaa kar pani ka intezaam kar sakta houN to onhouN nay iss proposal k badlay qadeer ko hi band kiyouN karwa dia.
Agr sirf pani aur sasti bijli ( pan-bijli) ka hi masla hay tu Basha Dam ( meri ab tak ki maloomaat kay mutabiq) iss surat-e-haal maiN behtreen hal hay... balkay yeh kehnay maiN aar nahi kay Pakistan ko Kala-Bagh kay bajaye Basha Dam ko hi final ker kay uss per kam shoroo ker dayna chahiyee...
hamay yeh haqeeqat accept ker layni chahiyee kay mojooda setup maiN Dr. Qadeer Khan ka role khatum ker diya gaya hay!
QUOTE
2. kaha jata hai k pakistan maiN avg har paanch saal baad sailaab aataa hai ... jiss say dam bhartay hain....... AUR ISSI SAILABI PANI KO STORE KARNAY K LIYEH KALA BAGH DAM bananan hai ........ phir iss kalabagh dam say canal nikaalnay ki baat kiyouN ki gayee. ... pahlay aisa naheeN kaha gayaa tha.
app nay yeh tu bataya hi nahi kay jin canals ki baat key hay woh DAM say nikal ker kahaaN jaa raheeN haiN yani kis khitay ko sairaab ker rahee haiN ??? Khuda.ra uss ka rukh wapis lahore ki tarf mat moR.wa dee jiye ga!!
QUOTE
3. kia kalabagh dam ki badaulat punjab k awaam ko bhi khush haali milegi yaa sirf punjabi zameendaaroun k ghar khush haali aayegi aur nateejatan sindhi waDeray ki zameenaiN weeraan houngeeN........ goya yeh jang sirf aur sirf punjabi / sindhi waDeroun aur jaageer daarouN ki zameenaiN (jo onhaiN angrezouN ki ghulami aur muslimanouN ko ghulaam bananay maiN madad denay k nateejay maiN milee theeN) ko sairaab karnay ka jhagRa hai.......... yehi wajah hai k nah punjaab k awaam iss dam ki hamayat maiN saRak par aarahay hain nah iss dam ki mokhalfat maiN sindh k awaam......... kiyouN kay faidah / nuqsaan maiN awam ki shirkat hai hi naheeN.
iss Dam maiN sab say baRa faida ju mujhay nazr aata hay woh hay sasti bijli!!!! ju kay naa sirf utility bills maiN kami ka mo'ajib hogi balkay production cost maiN maiN quality say compromise kiya baghair numaya kami aye gee!!!
QUOTE(khan_amer @ Dec 13 2005, 10:18 AM) [snapback]2110175[/snapback]
commission say inkaar kerna mumkin nahi hay!!! infact yeh aaj kal her porjects ka may'aar ban chuka hay... aur commissions 99% cases maiN faisla.kun kirdar ada kertay haiN... agr aaj sindhi afsraan/waDerooN ko supply ya kisi aur surat maiN contract/commission milnay ki surat paida ho jaye tu unkay aitraa'zaat jhaag ki tarah baiTh jayaiN gay
sad feesad durust baat hai .......... etna baRa project aur sindhi afsaraan ka koi hissa naheeN.
karachi maiN world ban ka aik project koi 12/13 arab rupees ka tha....... iss project k start honay say pahlay mujhay "offer" milli k maiN iss maiN shamooliat ekhteyaar karouN....... maiN nay "salaray package" poocha to world bank k mottaleqah officer mera mouN dekhta rah gaya........ (meree bay.waqoofi / bhol-pan par).... meree aramco say wapsi par woh meray office kissi kaam say aya tha aur batouN hi batouN main MEREE SABEQAH SERVICES ka ahwaal maloom karkay oss nay mujhay yeh offer dee thee ...
koi 4/5 saal baad meree posting ossi project par kardee gayee, jahaaN k liyeh mujhay qabl azeeN offer thee........ project taqreeban mokammal tha...... wahaan joining par jo kuch dekha woh meree aankhaiN khol denay k liyeh kafi tha....... iss project k liyeh koi 12 officers say abroad (UK etc) training lee thee .... aur kaam start honay tak 11 trined officers apna tabaadlah karwa chukay thay... mujh say aik darjah ooper k "sindhi officer" ko wahaan laye gaye aik aur new sindhi officer nay meray saamnay kaha k tu to iss project say kam az kam one karoR rupee kama chukay ho ab mujhay kiyouN bolwaya hai........
yahaaN mera aanay k baad aik 10 x 10' ka tarnsformer jo zameen par aik concrete plate form per nasab tha .......... oska plate form aik taraf ko jhuk gaya.......... iss plate form par say transformer ko hatanay ... plateform ko durust karanay aur phir wapis tanseeb ka Thekah 25 lakh rupee ka diya gaya......... world bank approved contractor nay yeh kaam lay kar aik sub-contractor ko koi 2 lakh rupee maiN karwaya....... ab zaahir hai 23 lakh rupee oski jaib maiN to naheeN gaye houNgya........ aap issi say 13 arab rupees (excluding plot cost0 ka andazah laga lain.......... iss project maiN adam shamooliat say maiN nay bhi apna lakhouN ka nuqsaan kia hoga........ lekin alhamdoliilah ossay kaheeN zeyadah maiN nay baad maiN HALAL zariyeh say kama liyeh.
This is a "lo-fi" version of our main content. To view the full version with more information, formatting and images, please click here.