Assalam-o-alaikum,

Faisalabad Police ney "imam Mehdi" honay kay dawedar shakhs aur oos kay kuch sathiyon ko arrest kiya hay muqablay kay baad... Punjab maen kaheen na kaheen her doosrey maheenay koi "mehdi" namudaar hota hee rehta hay... tafseel paRhiyay ;




from BBC: http://www.bbc.co.uk/urdu/pakistan/story/2..._mehdi_ra.shtml


wassalaam,
farooqi.

Aur mazay ki baat ke iss naye "Imam Mehdi" ka zahoor mere ghar ke saamne hua Kyunke mera ghar bhi Sargodha Road par hi hai about 10 minutes drive from Motor Way.

Pakistan aur England ka match laga hua tha ke achanak baahir firing shuru ho gayi, baahir nikal ker dekha to "Imam Mehdi ke saathi banners le kar kharay thay aur loud speaker se eelan ho raha tha ke Imam Mehdi ko qabool ker lo nahin to 4 bajay ke baad zalzala aa jaaye ga aur sab kuch tabah ho jaaye ga police siren sunn ker wo loag motor way ki taraf bhaagay aur phir baaqi kahani akhbaaraat mein

"Imam Mehdi" ke jo saathi zakhmi huway hain wo Allied Hospital mein hain 3 minutes drive from my house, mera bhai doctor hai wahan par to usne aa ker bataya ke wo emergeny mein doctors se larh raha tha aur oonchi oonchi naaray laga raha tha ke mehdi ko maan lo nahin to tabah ho jaao gay aur ye bhi ke agar kisi doctor ne mujhe naaray laganay se roka to hamaray kul 10,000 saathi hain jadeed aslaha se lace jo tum mein se kisi ko nahin chhorein gay Kaise kaise pagal hotay hain zamanay mein.......

Faisalabad Police kay iss karnaamay per kay aam logon ko bachatey hoey unn musallah logon ko arrest kiya hay koi inaam zaroor milna chahiyay...iss karwaai maen jinhon ney hissa liya unn kee hosla afzaai kay liyay...

farooqi.

Geo walooN nay Goher-Shahi firqay ka naam kiya tha jab kay ARY walay deen-e-younis ka naam lay rahay thay!!! yeh goher shahi ka tu mujhay pata hay deen-e-younis kiya cheez hay???

Assalam-o-alaikum,

Goher shahi bhee fitna tha aur yay bhee fitna hee hay... yay cheez common hay dono maen.... Huzoor(saw) kee hadees ka mafhoom hay kay qurb-e-qayamat fitnay aesay phailaen gey jaisay tasbih ager toot jaey tu oos kay daanay yakay baad deegray, 1 kay baad 1 girtey chalay jaatey haen... Allah hum sab kee hifazat farmaey.. (Ameen)

wassalaam,
farooqi.

jaali "imam mehdi" ke saathiyun ka kehna tha ke gohar shahi ke fitnay ko khatam kerne par hakumat tawajju de aur unhon ne jo badge lagaye huway thay apni uniform par uss par Deen e Younis likha hua tha........lashkar e taiba waalon ka kehna hai ke ye aik british tanzeem ke loag hain jinhon ne inko tarbiyyat di hai aur jo deen e younis ka naam leetay hain........

hummmmmmmmmmm..... in maiN say koy eak apnay deen ka parchar kernay HC per aa jaye tu maza hi aa jaye!!!! (winks)