Assalam O Alaikum

bohat arsay baad hazir hui hoon aik nazam ke saath.......thehray huay pani main aik pathar maarnay ki jasarat ki hai ........ umeed hai ye pathar kuch na kuch hulchul zaroor paida karay ga

khush raheye

Zindagi~








patang hamari, hamari doraiN
hazaar dolat ho in pe qurbaN
hazaar janaiN hoN in pe wari
chalo ke mil ke khushi manaeiN
patang uraaeiN
to kia hua ke
na janay kitni ghareeb maaoN
ke kitnay bachay
jigar ke goshay
abhi zara si hi dair pehlay
kati patangoN ke peechay peechay
bhari sarak pe jo bhaagtay thay
bus aik pal main
lahoo huay hain
na janay kis ki thi choti bachi
abhi galay pe jo dor phirnay
se chal basi hai
patang hamari, hamari doraiN
hazaar dolat ho in pe qurbaN
hazaar janaiN hoN in pe waari
to kia hua ke
issi mohallay ke kuch gharoN main
abhi bhi ghurbat hai raqs karti
koi hai bhooka to ho bala se
kisi ke ghar main bicha ho matam
kisi ke marnay ka kia karaiN gham
kisi ki aankhoN ke jaltay tarey
bujhaiN agar to malaal kia hai
patang hamari, hamari doraiN
hazaar dolat ho in pe qurbaN
hazaar janaiN hoN in pe waari
chalo ke mil ke khushi manaeiN
patang uraaeiN

ITS REALLY NICE SHARING
SHAYAD AISEY HI KOI SAMJH JAYE PERH KER...
THNX 4 SHARING

Wa alaikum assalam.......jeeti raho & welcome back (really its nice to see u again)
buhat khoobsurat peraye main baaNdha hai tum ne aik haqeeqat ko
acha flow hai nazm ka.
keep writing or iisi taraH patthar marti raho....or koi ummid to hai nahi tum se :P ...

khush raho

mdsr

Assalam o alikum Janab!

Welcome back Its nice to c u back here. I m personally missing ur creations and sharings. Now comming towards ur Poem, I m speechless and have no words to praise ur beautiful and thoughtful effort. Every ingrediant of ur poem is simply outstanding and perfect. The thought, the words, the rhythm simply touching the heart.

Kaash k inn lafzooN ko, in main chuppay dukh ko logg samjhain aur lashooN k dhair per Jashn e baharaaN mananna chorr dain.

Aatif

verry niceee
keep sharing

Salam

aray janab yeah kia loog HC per lotay to wo bhi phatar haat main lay ker............. khair post ka to jawab nahi very nice .........

PEacemaker Khush Howa

JEE rahi hoon tabhi to post ki hai nazam (really nice to see ur reply )
nazam ka to mujhay pehlay se hi pata hai ke bohat achi hai is liye tareef karna choro

i'll keep writing aur shukar karo ke pathar tumhain nahi laga abhi ........ mujh se aur koi umeed rakhna bhi mat

Allah tumhain khush rakhay

Amber~

























kaisa reply hai







issi umeed per ye nazam likhi hai ke shayad is tarha kisi tak asal msg pohaNch jaye

pasandeedgi ka shukriya

khush raheye

Zindagi~

very nice and thoughtful poem


keep writing and keep sharing with us

bohat bohat bohat achi nazm hai
thanxxxx for sharing

Wa Alaikum Assalam W.R.W.B

bohat bohat sara thanks ke tum ne itna detailed reply kiya aur meri nazam ko itna saraha

agar koi aik insaan bhi meray msg ko get kar sakay to samjho mera likhna kaam aa gaya

khush raho

Amber~

U r most welcome dear I m really feeling good to c u back here. Abb khaberdaar jo iss mehfil ko chornay ke kawish kee. Acha lagta hai acha kalam perhna.

Khush raho

Aatif

buhut zabardast hay

keep sharing

Welcome back Amber ji... Aap ki shayari ko yaha'n sub bohat hi miss kartey hain... kaha'n gayab ho gai thee'n.. Basant kabhi na dekhi na manai... lekin sunaa bohat hai... us sey honey waley nukhsan kay barey mey... aur aap ki tehreer parh kar sirf itna kahoo'n kay.. tareef kay liey alfaz nahi hain... simply beautiful..
Thanks for sharing
Sada khush rahein
Umair

Walaikum Assalam

Welcome back after very long time...it nice to see u again:)

Buhat hi zabardast poetry share ki ap ne....a cruel truth

Pata nahi log kyun nahi samajhtey is baat ko

Keep sharing more "Pathars" takey "hulchul" hoti rahey

bohat bohat zarra nawazi hai aap ki aap ne itna warm welcome kiya is ke liye bohat mamnoon hoon

khush raheye

Zindagi~

Salaam Behna

Yeh qalam ka jahaad hai ma'shrati buraaeeyouN ke khilaaf aur aap ne apna haq ba.khoobi ada kiya hai ... shayed keh kisi dil meiN utar jaaey TERRI baat

Buhot khushi hoi aap ki yeh shaandaar kaavish daikh kar. Meri jaanib se dhairooN daad aur mubarakbaadi.

Khush RahaiN

bohat achay.... zabardast.....

Ws Salam baRay bhai

aap ki be panah mohabbat ke liye tah e dil se mamnoon hoon ..... aap ka sarahna bohat mu'ani rakhta hai yaqeenan bus Allah karay ke ye nazam waqaii kisi ke dil main utar jaye to is ko likhnay ka maqsad poora ho jaye

Allah Rabbul Izzat aap ko da'imi khushiyaN de (Aameen)

heloo dear ur nazam wa s super keep sharing













im standing in the rain to hide ma tearz

thank u so much sis aap ne mujhay welcome kiya aur meri nazam aap ko pasand aaii

Allah aap ko khush rakhay

Amber~

U r always welcome dear

Ap ki nazam hai hi itni realistic aur zabardast...is ki tareef na karna to ziadti ho gi na ap ke saath aur nazam ke saath bhi

Same wishes for u

Salam

Bahot Achi Nazam Kahi Hai Aap Nay,,,,,
Khush Rahiay

Asalam-0-Alyekum

kaisi hain aap Zindagi

yoon tu basant ko guzre kafi din ho gaye hain lekin main bhi kia karun main aya hi ab hoon HC par ....

hmmmm kia kahun ...... sooch raha hoon k kuch kehna zaroor chahiye lekin mare paas Yakeenun alfaz ki wo Tughyani nahi hai jo aap ki is Pursakoon Nazm ki Kashti ko Mutazalzul kar sakay....... Bohut khoobsurat Alfaz ka istamal karte hoye aap ne jis tarha iss Fail ki Muzamet ki hai wo na Sirf Qabil-e-Qader hai balke Qabil-e-Satayish bhi ...

Jeeti RAhiye Khush Rahiye

Waliequm salam

me fine and hope that u all will be fine

such a nice sharing

Ws Salam

aap ne kuch na kehtay huay bhi bohat kuch keh diya hai meri nazam ko sarahnay ke liye (f)

khush raheye

Zindagi~

aik nazuk maslay par bohat khoobsurti say likha hay aapnay....very nice zindagi jeee....i like ur style....Allah ham sab ko aql-e-saleem ata farma.a(aameen)

umdah
buhat umdah
LaJawaab

wah zindagi bhai
bohot achhi sharing.. achhi nazm..
khush rahin sada ap

v nice one

Asalam o alaikum

bohut hi umda khawish hai jo aap nay share ki hum sab say

khaash log is main chuppay dukh ki gehrai ko bhi samhjain

aur khoon ki holi manana chor dain




~rani aapi~

Salam zindagi jee

tanqeedi ,islaahi aur munfarid
tehreer share ki aap ney

sada khush rahain

QUOTE

na janay kitni ghareeb maaoN
ke kitnay bachay
jigar ke goshay
abhi zara si hi dair pehlay
kati patangoN ke peechay peechay
bhari sarak pe jo bhaagtay thay
bus aik pal main
lahoo huay hain

bemisaal tehreer hai... no words... Lajawaab

Nice effort Dear and message

really sad