muntazimeen-e-meHfil:
Aadaab-o-tasleemaat,

she'r-o-shaahiree section meN apnee hee post ko edit karne meN mujhe problem ho rahii hai. keh vahaN par aisee koyii sahoolat maujood naheN hai.

mere Khayaal se kam az kam pahlee baar meN jab keh member apnee post ko add karne jaaYe use apnee post ko submit karaane ke ba'ad edit karne (akcar ghalatee ka eHsaas post karne ke ba'ad hotaa hai) ka option maujood honaa chahiye.

agar is baare meN ghaur kiyaa jaaYe tu bohat mamnoon hooNgii.

wassalam

Zahida Raees :Raji:

ZR!
apni hi post ko edit karnay ki sahoolat last 5 yrs say har member k pass maujood thee.... magar kuch members nay iska ghair zimmah daranah istemal kia jiss say degar members bilkhasoos female members ko shikayaat paida howeeN. jab yeh shikayaat baRhnay lageeN to HC intezamia nay majbooran yeh option khatam kardi....... ab jo members apni kissi post ko edit karwana chahaiN woh kissi bhi online mods ko pm karkay aisa karsaktay haiN.

u know k ghalat kaam chand log kartay hain aur bhugatna bahtouN ko paRta hai. aap samait bahoot say sanjeedah members nay yeh option re-open karnay ki darkhast ki hai, jiss par HC intezamia ghaur kar rahi hai. agar pahlay jaisi sooratay haal dobarah paida honay ka khadsha nah raha to koi wajah naheeN k yeh option bahaal nah ho...... taaham hum iss option k miss-use honay ko har haal maiN rokay rakhna chaahtay haiN.

iss ziman maiN aap ko jo zahmat ho rahi hai, hum oskay liyeh maazraty khaah haiN. aap filhaal mods ki help say kam chalayaiN.

mukhlis
AA

moHataram Janab-e-Abu Adnan SaaHeb:

Aadaab-o-tasleemaat,

Khat ke jawab ke liye dil kee gherahiyoN se aap kee shukrguzaar hooN.
aap ka kehnaa bilkul bajaa hai keh kuch logoN ke kiye kee sazaa sab logoN ko miltee hai.

mujhe apne posts meN raddobadal ke Hawale se moderators se rujooH karne meN qataan koyii e'itraaz naheeN hai lekin baat Sirf itnee see hai keh mere paas PM kee sahoolat bhi maujood naheeN hai.

ab in Halaat meN teesree koyii Soorat kyaa ho saktee hai jis se keh maiN apnaa kaam chala sakoN.

maiN aap kee rehnumayii kee muntazir hooN.

Wassalam

Zahida Raees :Raji:

Assalam-o-ALaikum

Haan edit option khatam hone se kaafi problem hui hai members ko ..... filwaqt ap yeh karain ke apni post yahan mention kardain kyunke PM bhi nahi karsakti ap so i think yehi hal hai .... aur next time post DEKH BHAAL kar karain

Seemaaf SaaHebah: Aadaab,

shaahiree section meN meree Ghazal posted hai is laRee meN:

http://www.hulchul.net/HC/index.php?showtopic=96355

yahaN par Ghazal ka font size aur type aisaa select hoovaa hai jiskee vajah se Ghazal ke miSray doosree line meN shift hogaye heN. jiskee vajah se kam az kam mujhe dekhne meN bohat buraa ma'aloom ho raha hai.
agar ho sake tu ise aise font size aur font type meN convert kar deN jis se keh yeh buraahii nah rahe.

aap ne bilkul durust kahaa keh dekh~ baal kar post submit karnaa chahiye lekin kyaa kiyaa jaaYe keh PREVIEW aur SUBMIT button qareeb qareeb heN aur bajaYe ek keh doosraa click ho jaataa hai.

aahindah aap ke mashvarooN par a'aml karooNgii.

ta'awaun ke liye bohat mamnoon hooN.

wassalam

Zahida Raees :Raji:

Your post has been edited now

Haan qareeb to hain... aur waise bhi hamari adat nahi na preview karney ki so "adat se majbor hian"

No problem..... "Mods ka hai farz madad ap ki"

Bohat Shukriyah Seemaf Jee :

Khush rahiye

hehehe sahi jee sahi

My pleasure