Aadaab SaatiyoN:

maiN ek baar phir aap logoN se madad HaaSil karne ke liye HaaZir hoovii hooN is yaqeen ke saath keh maayoos naheeN kareNge.

maiN pichle do roz se apnii posts par reply dene kee koshish kar rahii hooN lekin mustaqil is taraH ke errors se waastah paRh raha hai.
kyaa maiN jaan saktee hooN keh iskii vajah kyaa hai? aur saath hee isee door karne ke liye bhi aap kee rehnumayii darkaar hai.




mamnoon

Zahida Raees :Raji:

w/adaab!

aap ki yeh post kiss section maiN aur kiss title say hai

kaheeN yeh post bahoot zeyadah old to naheeN.

aap ki wazahat k baad hi kuch arz kia jasakta hai.

mukhlis
AA

moHtaram janab-e-Abu Adnan SaaHeb:
Aadaab,

aap kee tavajju ke liye dil kee gherahiyoN se shukr-guzaar hooN.
meree yeh post abhi chand roz pahle kee hai.

yeh shaahiree section meN hai aur is ka title hai:

"yeh heN chand lamHay Hayaat ke, inheN besabab nah buraa karo! "

http://www.hulchul.net/HC/index.php?showtopic=96355

is mas-halae ke ilawah bhi ek aur cheez jo post sumittion ke duaraan maiN ne meHsoos kee hai voh yeh keh ek Khat ka jawab likhne ke ba'ad jab doosre Khat ka jawab likhte heN tu voh pichle Khat ke aaKhir meN post ho jaataa hai yanii pahle waalee post ka HiSSah ban kar. jo meree naZar meN naheeN hona chahiye.

aisaa meree do teen threads ke andar hoovaa hai.

wassalam

Zahida Raees :Raji:

Internet ki speed kay baray mian kia khayal hay app ka kabhi kabhi speed ki wajah say bhi asa hota hay.

aap k doosray sawal k jawaab maiN arz hai k aisa sab hi k saath hota hai even modz k saath bhi ......... agar 2 ya 2 say zayad replies foran foran ki jayaiN to yeh sari replies murge hojati haiN............ agar aap chahti haiN k aap ki replies murge nah houN to aik reply k baad kuch waqfah day dia karaiN... iss dauran dossray pages visit kar lia karaiN

pahli / original uljhan ka kai jawaab douN. mujh say open hogaya hai aur maiN nay reply maiN bhi post ki haiN...... iski mukhtalit reasons hosakti haiN........ but now it's ok

mukhlis

AA

moHtaram janab-e-Abu Adnan SaaHeb:

taKheer se likhne ke liye ma'azrat Khwah hooN. waise kal maiN bhi haRtaal peh thee ( chuTee mujhe har Soorat azeez hai )

madad ke liye dil kee gherahiyoN se aap kee shukrguzaar hoN aahindah aap ke mashvarah number 1 par tu zaroor amal karoNgii.

jee ab posting meN meree taraf se bhi problem naheeN aa rahii lekin ek cheez jo abhi kuch dery qabl hee maiN ne note kee hai voh yeh keh moHtarmah Rubinah SaaHebah ke Khat ko quote karne meN hee yeh problem aa rahii hai.

unke Khat ko baghaur dekhne se andazah hotaa hai keh unhoN ne mere Khat ko quote kar ke apnaa Khat likhaa hai aur jaldii meN yaa be-deyaanii meN mere paragraphe ke [./quote] ko delete kar diyaa hai jiskee vajah se hee unka khat mujh se reply ke liye naheeN quote ho raha (wahaN se ek tag kee kamii ho gayii hai. )

..[.quote= rubina]
..[.quote= Raji]

...
...
[./quote] (yeh tag missing hai)
[./quote]


mamnoon-o-taalib-e-dua
Zahida Raees :Raji:

g baja farmaya....

aisa kabhi kabhi hojata haiN maiN nay onn mohtarma ka [quote] otaardia hai. ab aap onkay [quote] ko use karsakti haiN.

b d waya ayandah kabhi aisee mushkil pesha aaye to aik simple sa hull hai k aap simply addreply karaiN aur apnay text say qabl onkay text ko [quote] copy-paste[/quote] karlaiN.... guzarah to chal hi jayega gokay onkaa naam waghairh thru system naheeN zaahir hoga.

omeed hai aap ka masla hull hogay hoga.

mukhlis
AA