Aadaab dostooN,

Aaj phir ek aur taaza Ghazal ke saath aap kee bazm meN HaaZir hoovii hooN.
Hab-e-mamool aap kee aaraa ka intizaar rahe gaa.


mamnoon-o-taalib-e-dua'a

Zahida Raees :Raji:

Ghazal:
~~~~

1. chaleiN zindagi ke niSabooN kee baateN
Ghalat ho gaheeN sab kitaabooN kee baateN


2. ghaRee do ghaRee thee gulabooN kee baateN
raheeN u'mr bhar phir azaabooN kee baateN


3. suneeN tum ne saare HisaabooN kee baateN
chipee reh ga,eeN be-HisaabooN kee baateN


4. bohat soch kar yeh kahaa thaa kisee ne!
karo har kisee se nah KhwabooN kee baateN


5. vohii ek takraar thee zindagi meN
sawalooN kee baateN jawabooN kee baateN


6. hameN "aagahii", "zindagi" se milee hai
sikh~aaho nah ham ko kitabooN kee baateN


7. Ghazal meN miri, mil nah paa,eeNgii tum ko
:shababooN: kee baateN, :sharabooN: kee baateN


8. ghareebana dil kee hai saadaa mizaaji
kareN ham bhalaa kyaa nawaabooN kee baateN


9. Hayaa, be-Hayaayii, meN kyaa farq samjheN
naheeN jaante jo :HijaabooN: kee baateN


10. gunahooN kee lazzat se manoos the jo
kahaaN kar sake voh cawaabooN kee baateN


11. Haqaa,iq ka chehrah judaa saa lage gaa
bayaaN gar hooN :Raji: naqaabaoN kii baateN

( Zahida Raees :Raji: )

Nice Dear

very nice... bohat achi terha likha aap ne

V. NICE

gud one

Thanks dear

Asalamoalikum sis

hamesha ki tarah aik khoobsoorat takhliq

buhut zabardastt GHAZAL hay apki

keep sharing

I must say u really have a very good command on Shairi.........good flow and mature thinking
great work........whole nazm is outstanding but this one is spcl...

hameN "aagahii", "zindagi" se milee hai
sikh~aaho nah ham ko kitabooN kee baateN
keep creating such a nice work

mashallah bohut Zabardast posting ke hai app nai nice sharing

bohat achii taraH matlab????? mujhe Safayii ke number alag se mileNge

Ghazal kee pasandeedgi ke liye bohat shukriyah qubool keejiye

hm nice

nice sharin'

Assalam-o-ALaikum

Hamesha ki tarah buhat khobsoorat ghazal paish ki hai ap ne

MAshaAllah bohat khoobsurat takhleeq hai aap ki (f)

daad qubool kejiye (f)

v. thanks

Simply Beautiful
Umair

Nice effort keep it up god bless u

thanks:)

Nice....

here is its urdu version:

Ghazal kee pasandeedgii aur daad ke liye bohat shurkiyah Zindagi jee:)

Aasalaam-O-Alaikom...

kaisi hein Zaida ji Aap,Umeed hay ke ALLAH ke FAZAL-O-KARAM se khariyat se hoon gi so me fine2...
wah Zahida ji Bahut khoob,superb bahut acha likha hay Aap ne MASHA-ALLAH se,aur DUA hay ALLAH-TA'ALA se ke Aap is se kaii behter aur Mazeed acha likhein...AMEEN...SUM-AMEEN...khush rahein sada,hansti muskurati rahein...AMEEN...SUM-AMEEN...

Apna khayal rakhiye ga
aur Apney Ghar waloon ka bhi
Bahut sa aur Bahut sa...

ALLAH-HAFIZ...

Janab-e-Mahiwal SaaHeb:
Walaikum Assalam,

Jeete rahiye, Khush rahiye,

aap kee neik dua'aoN ke liye dil kee gehrahiyoN se aap kee shukrguzaar hooN. Ghazal kee pasandeedgi aur bharpoor HoSlah-afzaii ke liye bhi shukriyah qubool keejiye.

Allah(swt) aap ko bhi Khush rakhe (Aameen)

wassalam

Zahida Raees :Raji:

Azeezah Ghazal Sis,
yeh tu aapkee moHabbat aur aap ka KhulooS hai keh aap ko hamaree taKhleeq hameshah hee pasand aatee hai.
daad aur Khat ke liye dil kee gehrahiyoN se aap kee shukrguzaar hooN.

Sada Khush rahiye

dua'a go wa taalib-e-dua'a

Yours sister
Zahida Raees Raji

Raji Saahiba

Mere naseeb itni umdah ghazal se itne dinno mehroom raha !! Buhot khoobsurat aur murrassa ghazal kahi hai aap ne.

Tamaam ashaar he nihayat acche haiN lekin mujhe khaas taur se matla aur husn.e.matla buhot he pasand aaey haiN aur inmeiN pooshida gehraaee ajeeb lutf se dou.chaar kar rahi hai ... zindagi apni haqeeqat bayaan kar rahi hai:


Meri jaanib se buhot buhot daad aur mubarakbaadi qabool farmaaeeye.

Khush RahaiN

Salaam Alykum raji p'

Kaisi hain aap..masha Allah bohat khoob ghazal hai ..haqeeqat posheedah ashaar sey bharpoor ...khaas taur sey akhiri couplet pasand aya ...

Haqaa,iq ka chehrah judaa saa lage gaa
bayaaN gar hooN :Raji: naqaabaoN kii baateN

..very well p!! hmm ...bohat gehri baat hai.....kehney ko bi gehri hai aur dig kiya jaye to bhi ussey bi ziada gehri!!!.....
jitna wazan haqeeqat mein hoga bas utna hi maza aur wazan alfaaz mein hai.

jaisa ki mein expect karti hon ki apki shairi mein khasa wazan hota hai ...koi artifical beauty nahin ..aur ye baat apney is ghazal mein keh bi di hai.....masha Allah ..sadgi sey kehna wo bi critical ..acha hunar hai!!!! keep it up!

loved to read. sher ba sher likh ba saki ..uskey liye sorry ..mein college ki lab mein hon...ghazal padhi aur akhir key sher ko quote karney ka mann kiya to ..kehdi apni choti si baat...

sada khush rahein!

duago
tabassum'
ALLAH HAFIZ
FIAMANILLAH'

khud_aashna Jee Aadaab,

Khat aur Ghazal kee pasandeedgi ke liye bohat mamnoon hooN.
Yeh aap ka Husn-e-naZar hai keh aap ko meree is adnaa see koshish meN KhoobSoortee naZar aaYii.
quoted she'r kee special pasandeedi aur bharpoor HoSlah^afazaii ke liye dil kee gehrahioN se aap ka shukriyah adaa kartee hooN.

Sada Khush rahiye

mamnoon-o-taalib-e-dua'a

Zahida Raees :Raji:

bOhat khOob likha hai... kuch sher tO waQayi Qabl-e-tareef hain...

hameN "aagahii", "zindagi" se milee hai
sikh~aaho nah ham ko kitabooN kee baateN

zabardast!

Hayaa, be-Hayaayii, meN kyaa farq samjheN
naheeN jaante jo :HijaabooN: kee baateN

bohat khoob Raji
FIAMANILLAH
DUA

Yeh manzar main bhi dekhoon ga' yeh manzar tum bhi dekho ge
Suna hai main ne logon se
Parha hai sab kitabon mein
Kisi a'lam mufkkir se
Likha hai sab nasabon mein
Yeh manzar tum bhi dekho ge' kisi din main bhi dekhoon ga
Agar sachi MUHABBAT ho
To manzil khud ba-khud a kar qadam ko bosa deti hai
Haqeeqat hain meri batain inhen khuch ghour se sun lo
Khichain ao ge bin bandhe wafa ki dor se sun lo
Meri nazrain jami hon gi mere hi ghar ki chuokat par
Hava ki sarsarahat par kisi qasid ki a'hat par
Har ik phone ki ghanti par aksar chounk jaon ga
Likhe hon ge jo ulfat mein
Wo name tere haton ke tujhe parh kar sunaon ga
Yeh manzar mein bhi dekhoon ga' kisi din tum bhi dekhon ge
Agar aisa na ho paya
To hum ikrar karte hain
Sabhi a'lam mufkkir se
Kitabon se nasabon se
Haqeeqat se haqeedat se
Kara inkar kartey hain
Mugar yeh ho nahin sakhta
Natay aik Musalman ke mera yaqin mohkam hai
Khuda apni haqeeqat ko khabi youn kho nahin sakhta
Yeh manzar main bhi dekhoon ga' kisi din tum bhi dekho ge
Suna hai main logon se
Parha hai sab kitabon mein.

Walaikum Assalam
my dearest Tabassum sis:


sab se pahle tu meree ma'azrat qubool keejiye keh aapkii aapii is Khat ka jawab bar-waqt naheeN de sakee hai :(
vajah tu aap jaantee hee heN yanii maSroofiyat jo azal se mere saath hai aur ho saktaa hai keh aaKhree saa'atooN meN farishtooN se keh dooN "please ek minute hold keejiye maiN abhi aatee hoN" (just kidding).

umeed hai keh aap bhi bilkul Khairiyat se hoNgii aur paRhayii bhi khoob jaa rahii ho gii.

aap ne meree is adnaa see koshish ko itne bharpoor andaaz se sarahaa hai keh shukriyah ke liye mere paas alfaaz kam paR gaye heN. (lagtaa hai ab kisee se udhar lenaa paRe gaa )

aap ne mere ashaar kee rooH ko samajhne kee koshish kee hai mere liye is se ziyadah aur kyaa baat ho gii.
Allah(swt) aap ko bhi Khush aur aabaad rakhe. (Aameen)


mamnoon-o-taalib-e-dua'a
Aap kee aapii
Raji

bohat shukriyah jee keh aap ko kuch she'r qaabil-e-taareef lage hen.

umeed haI Keh aap aahindah bhi youNhi HoSlah-afzaii kartee raheNgii.

Khush rahiye

Khair andesh

Zahida Raees :Raji:

. zabardast!!!!!!

Very well done janab, Buhat he umda likha hai aap nay raji.. Tamaam aasahaar buhat behtreen hain

Keep it up n up
Khush Rahiye
MAY GOD BLESS YEW WID ALL HIS BEST BLESSINGS

bohat shukriya Soz jee.
quoted she'r kee pasaneedgi aur HoSlah-afzaii ke liye aap kee bohat mamnoon hooN.

Khush rahiye

wasslam

Zahida Raees :Raji:

Aadaan Sahil Haider SaaHeb:
is naZm kee is laRee meN maujoodgii mujhe kuch samajh naheeN aayii.
nazm tu bilashuba bohat Khoob hai lekin agar yeh aap meHfil ke eHbaab se share karna chah rahe the tu ise alag laRee meN post kar dete.

bohot bohat shukriyah jee.

Allah(swt) aap par bhi apnee reHmateN navaaze (Aameen)

Dua'a go wa taalib-e-dua'a

Zahida Raees :Raji: