Aadaab dostooN:

apnii ek aur taaza Ghazal ke saath Haazir hoovii hooN is meHfil meN. apnii aaraa se zaroor navaziye gaa.

mamnoon-o-taalib-e-dua'a

Zahida Raees :Raji:


Ghazal:
~~~~~
aaNkhooN meN kisee ne miri d'ar dekh~ liyaa hai
qismat ke sitaarooN kaa safar dekh~ liyaa hai


ik d'oobtee kashtee ko bachaane kee thee koshish
saaHil se jise tum ne, bhanwar dekh~ liyaa hai

ham apnii Haqeeqat ke liye aap bohat heN
tum ne hameN kyaa jaane kidhar dekh~ liyaa hai

jeene ke liye ek bahaanah thaa Z^aroori
so ham ne tumheN ek naZar dekh~ liyaa hai


shat^ranj peh jeevan ke har ik shaKhS hai mohrah
Qudrat kaa Ajab ham ne hunar dekh liyaa hai


t^oofaan kaa ruKh~ jab se hoovaa hai miri jaanib
eHsaas ne aazurdah jigar dekh~ liyaa hai


lafZooN kee Haqeeqat se uTh~ayaa hai jo pardaa
har shaKhS kee baatooN kaa hunar dekh~ liyaa hai


darkaar hai sab ko isee dhartee peh Thikaanaa
ham ne magar aakaash peh ghar dekh~ liyaa hai


kuch bhi ho azaabooN meN sarabooN kee Haqeeqat
KhwabooN ne mirii shab ko saHar dekh~ liyaa hai


is shab ke andh~eray ko koyii cheer de :Raaji:
KhwabooN ne ujaale kaa safar dekh~ liyaa hai

(Zahida Raees :Raji: )

bohhotttttttttt khoob
verry nice

assalam o alikum Raji G!

ham apnii Haqeeqat ke liye aap bohat heN
tum ne hameN kyaa jaane kidhar dekh~ liyaa hai

Wah wah wah kia khobsoorat khiyaal bandhay hain aap ne iss ghazal main. Behar bhee rawaaN hai aur uss per alfaaz aur khiyalaat k iss khobsoorat taanay baanay ne issay chaar chaanD lagga diya hain.

Jeeti rehiya,

Bohat Khush rehiya

Aatif

Assalamualaikum Appi'

ghazal bohat pasand ayi aapki...issey pehley bhi apki takhleeq padhin hain meiney ..aur hamesha pasand ayi..bas jab kabhi kabhi ashaar theek sey samajh nahin aye to baat alag thi.( na samajh aney ki wajah mein khud hon, kionki bandi ko aap logon jaisi achi urdu nahina ati..suni sunayey..alfaaz ka istemaal kya hai aur kaisey issey samajh leyti hon..baaqi normally jo bolti hon wo to hai hi theek,,)

waisey to alfaaz ka istemaal aur unmein ek flow kaisey bandhtey hain ye mujey maloom nahin. mein urdu mein nahin likhti magar ek baar bhoot sawaar hua tha..to behar , n rawani .blah blah ,.mein atak kar reh gayi..so ghazal bhi jati rahi....to isliye is area mein to koi raye merey paas hai nahin..balki koi raye deyney ko nahin hai..han magar meri personal raye ye hai ..ki ghazal waqayii badi achi hai.
aam taur per jo meiney apki ghazlein padhin hain...unmein conviction bada strong hota hai ..jo mujey hamesha attract karta hai!!...iradon aur ideas ki safayi aur bulandi ..badey achey sey chalakti hai apki shairi mein appi...i feel kind of strength in all what u right. be that poetry or prose..

now come to ur ghazal couplet by couplet...

aaNkhooN meN kisee ne miri d'ar dekh~ liyaa hai
qismat ke sitaarooN kaa safar dekh~ liyaa hai ...

acha andaaz hai ...jazbaat miley jhuley sey hain...magar har ek jazba bada mysterious maloom deyta hai...which is what attracts the other end!..good one

ik d'oobtee kashtee ko bachaane kee thee koshish
saaHil se jise tum ne, bhanwar dekh~ liyaa hai ....

hmmm..bohat khoob...delicate bhi hai aur strong bhi...ye combo khasa acha hai...jazba khoob hai!

ham apnii Haqeeqat ke liye aap bohat heN
tum ne hameN kyaa jaane kidhar dekh~ liyaa hai...

sabsey ziada strong self conviction is mein hai...n tat too in d first line..

jeene ke liye ek bahaanah thaa Z^aroori
so ham ne tumheN ek naZar dekh~ liyaa hai ...

nice insistance...


shat^ranj peh jeevan ke har ik shaKhS hai mohrah
Qudrat kaa Ajab ham ne hunar dekh liyaa hai..

hmm..kaafi common baat hai but everytime we say its worth saying n listening...

t^oofaan kaa ruKh~ jab se hoovaa hai miri jaanib
eHsaas ne aazurdah jigar dekh~ liyaa hai ....

hmm..khoob kaha...yunhi ohir ham aadii hojatey hain....

lafZooN kee Haqeeqat se uTh~ayaa hai jo pardaa
har shaKhS kee baatooN kaa hunar dekh~ liyaa hai ....

bohat achey ...agar ye hunar ajaye...to kuch asaaniyan paida hojayein....

...hmm appi..baaqi ashaar key saath phir hazir hojaongi...filhaal kuch kaam alaga hai..magar har sher umdaah hai ..couldnt help not replying...

take care ..sada sada khush rahein~
ALLAH HAFIZ
FIAMANILLAH'
tabassum'

SALAM TO AAL & RAJI SIS
BHOT HI UMDA AAIK BAR PHIR THIS IS V.V.V.V.V.V. NICE
MAY ALLAH BLESS U& ALLL

Asalamoalikum SIS

aap kaisi hain .....

hamesha ki tarah buhut hi khoobsoorat takhliq

ghazal buhut zada pasand ayee hay kya kehnay

khush rahain

Bohat khoob
Umair

bohat shurkiya

Aatif SaaHeb:
Walaikum Assalam,

Aap ko hamaree yeh tukbandii pasand aaYii yeh jaan kar Khushii hoovii.
quoted she'r kee pasandeedgi aur daad ke liye dil kee gehrahiyoN se aap kee shukrguzaar hooN.
aap bhi sada Khush rahiye aur Allah(swt) aap ko bhi lambii zindagi SeHat aur aafiyat ke saath at^a farmaYe.

mamnoon-o-taalib-e-dua'a

Zahida Raees :Raji:

very nice poetry

impressive

keep smiling

hasni

My sweet Tabassum sis

Sada Khush raho,

Aap ka Khat dekh kar dil baaG baaG ho gayaa.
itnee pazeeraYii aur intee tafSeelii aaraa paRh kar acha lagaa. is taraH kee mufaSSil aaraa ka faahidah yeh hotaa hai keh qalamkaar/shaahir ko apne har ek she'r kee achahii yaa buraYii ka baKhoobii andazah ho jaataa hai.
weise tu har taKhleeqkaar ko apnee achii yaa buree taKhleeq dil se azeez hotee hai lekin jab voh ek qaarii ke paas aa jaatii hai tab us kee aaraa bhi ehmiyat rakhne lagtee hai.
baqayaa ashaar par aap kee aaraa ka mujhe intizaar hai. taKheer se aane kee qatan koyii mumani'at naheeN hai.

Ghazal kee pasandeedgii aur HoSlah-afzaii ke liye dil kee gerhrahiyoN se aap kee shukrguzaar hooN.

aap kee Urdu kam az kam mujh se tu behtar hee hogii. isliye likhne kee SalaHiyat agar aap meN maujood hai tu use stop nah kareN. taKhleeq meN ravaanii aur puKhtagii tu waqt ke saath saath aa hii jaatee hai isliye uskee babat fikrmand hone kee zaroorat naheeN hai. jo Khayal jis taraH se aap ke zehn peh waarid ho raha ho use lafz ba lafz qalamband kar leejiye. phir jab in Khayalaat ke aane ka silsilah rukh jaYe tu use naaqid kee Haiciyat se review keejiye.

aise meN mashoor shauraa kee taKhleeqaat ko paRh kar samajhne kee koshish bhi zehn kee girheN kholne meN ma'awun caabit hotee heN. koshish se aap bohat jald apnee lughat meN bhi izaafah kar leNgee.

Sada Khush rahiye

dua'a go wa taalib-e-dua'a

Aap kee aapii

Zahida Raees :Raji:

nice

wonderfull,,,

keep writing

keep sharing

Salaam Appi...

bohat din baad hazir hui hon,uskey liye m so sorry...magar aagey bhi ashaar per batein likhni zaruri
hain....

darkaar hai sab ko isee dhartee peh Thikaanaa
ham ne magar aakaash peh ghar dekh~ liyaa hai

...khaasi bulandi hai is sher mein...yun to baat badu sada hai pehley misrey mein ..magar doosra misra uska khaas bana deyta hai ...they compliment each other. lekin doosrey misrey apni alag pehchan hai ..jaisey likhney waley ki hai!!! ...gud one

kuch bhi ho azaabooN meN sarabooN kee Haqeeqat
KhwabooN ne mirii shab ko saHar dekh~ liyaa hai

sunder zid hai ..sunder information hai ..shab ko achey sey agaah kar diya hai apney.....


is shab ke andh~eray ko koyii cheer de :Raaji:
KhwabooN ne ujaale kaa safar dekh~ liyaa hai


bohat khooob......jab shab ko paigham dey hi diya hai ...to adherey ki chadar bhi phat jayegi....aur roshni usey cheerti nazar ayegi .....gudone!

akhiri sher sey ek baat yaad ayi ...jo hamney hamari ek poem mein kahi thi ..poem kahon ya noha kahon ..ya kya magar andherey aur ujaley ke yehi milan tha ....kabhi yahin Hc per post ki thi..per ab sab ghayab hogayin hain yahan sey ....

hmm to P...mein baar baar nahin aapati yahan ...magar apki writings ka track rakhney ki koshish karongi...alag hi pasand hai in mein meri...ya agar aap meharbani karein to......

hmm filhaal to duaon ki sakht zarurat hai ...

ab chalti hon ...kaafi raat hogayi kaam kartey kartey socha aaj zara c light hojaon....aur wada key wafa karlon....

aur han jee itney pyarey sey reply key liye apka shukriya ....
take care'
ALLAH HAFIZ
FIAMANILLAH'
tabassum'

Hello Ma'am Raji.... thats a very nice poetry...... i dont as such a big fan of poetry....bas aisay hi guzar hua to...i opened ur poetry by chance...shaid aik acha material pharhna meri kismat mai thaa.......

very nice miss......cant say beautiful words like...seniors did...but i will just say....could'nt resist reply u.....

Allah Hafiz

Assalam-o-Alaikum

Buhat khoobsurat Ghazal hai ap ki ...

Very nice

I Must Say, Its really a very very nice creation..
bohot umdaa'h andaaz mai'n khayaalaat bayaan kiyay hai'n.. khaas tor se, alfaaz ka chunaao, aur wazan..
Tamaam nazm aik beher mai'n hai.. really appreciate ur work []
Khush Rahiyay..
Allah Zor-e-Qalam Aur zyada karay. Aameen

Walaikum Assalam Rubbina sis:
jeetee raho aur Khush raho,
aap ko hamaree taKhleeq pasand aaYii yeh jaan kar hameN bhi bohat Khushii hoovii.
Aap ka bohat shukriayh
Allah(swt) aap ko bhi apne amaan meN rakhe

Khair andesh
Zahida Raees :Raji:

Refreshed

Walaikum Assalam Ghazal sis:
maiN tu bilkul Khairiyat se hooN aap batahiye aap kaisee heN?

Ghazal kee bohat ziyadah pasandeedgi ka jaan kar bohat Khushii hoovi.
Khat aur neik dua'a ke liYe aap ka bohat shukriyah

aap bhi Khush rahiye

wa taalib-e-dua'a

Aap kee sis

Raji

lafZooN kee Haqeeqat se uTh~ayaa hai jo pardaa
har shaKhS kee baatooN kaa hunar dekh~ liyaa hai



bahoot khooob.