Appni Dost sey baat cheet K dooran ... Baat sey Baat Nikli tu Baat College ki aik lerki tak puhanchi jo Ghar sey bhagi thee... Iss mein shayed itna hairan honey WALI baat tu thee Nahi keon K woh Duniya ki pehli Lerki nahi thee Jo ghar sey bhagi thee.... liekin aik muqam-e- Hairat thaa K woh muhabbat, pasnad ki shadi... ya maan baap sey lerr ker unhien apni merzi K poora na honey per nahi choor ker gayee thee woh aik "zidd" ya aik " saza dieney k taur" per choor Ker gayee thee... aur jis lerkey k sath woh bhagi thee yaqeenen uss K sath Hosho hawas mien shayed Muhaabt nahi ki ja skati thee... Uss ka koe Gang type group tha college mien.. sirf college aa jatey they yeh loog .. baqi pata thaa Abba jee Ki factory hey ... ja ker flies mein sign he tu kerney hien... aur baqi ... khair...
So lerki K baghney ki wajah mein batati chaloun.. woh college puhanchee tu ussey pata chala woh maan baap ki haqeeqi aulad nahi, woh appni phopho ko maan aur apney phopha ko baap samajhtee rahihey aur jin ko sari umar woh mamoun kehtee rahi aur jis aurat ko woh mumani samjahtee rahiwoh uss ki maan hey ... Aur sitam yeh k uss K maan baap iss aulad K baad Aulad sye mehroom rahey leikin bhai ney behan ko bietee dey ker wapis na leee.. halankey iss bachi Ko adopt kerey K baad woh Maan bhi bani (yani iss lerki ki phopho)...aur iss lerki k chotey bhai they...
lekri college girl thee... teenager ho gi.. jab ussey paat chala tu woh Haqeeqee Maan baap K pass puhanchi.. Baap ney Yeh Keh ker Nikaal diya Tum wapis jaoo aur woh appni man K seeney sey bhi na lag saki
.......
aur Phir uss ney aik dhokey K rad-e-amal mein appni merzi ki ... akhri Itlaat Tal woh dubai mien thee.. appney Husband K sath... aur aik bachye K sath...

Meri App tama logoun sey Guzarish hey Uss lerki K iss amal ko Justify ya Unjustify Ya criticise kerney ki zaroorat Nahi.... abhi yeh mamla zair-e-Bahaiss hey K agar App o 18,19 saal tak aik jhooti shanakht di jaye app sey app ki he identity K BAREY MEIN Jhoot bola jaye aur sitam yeh K iss amal ko theek bhi samjhaa jaye tu kiya yeh.....Theek ehy Kiya humara mushraa iss kamzoori ko door nahi ker saktaa.... Hum appney bachoun K sath ayessey jhoot keon Boltey Hien k woh hum sey bad-zun ho jatey ... aur ksi bhi amal ko iss amal K RAD-E-AMAL k toor per jaiz samajh laitey hein

.....

yeh point mujhay bhi buhat confuse ker raha hay:

Farz karaiN

maiN Eak choTay say bahcay ko adopt ker layta hooN. agr sha'oor ki umr maiN puhanchanay per ussay yeh bata diya jata hay kay woh Adopt hay tu uss kay baad problem ho saktee hay

bachooN per kabhi kabar sakhtii bhi kerni paRtee aur kabhi un ki baat say inkaar bhi kiya jata hay aur kabhi un key zid ko rad bhi kiya jata hay.. yeh sab uss bachay key apni bhala'i kay liya hi hota hay.. ab agr aulaad ko pata ho kay yeh haqeeqa maa baap haiN tu woh zyada say zyada roo dho ker chup ho jatay haiN aur phir raat gayee baat gayee wala mamla !!!

per agr bachay ko pata ho kay woh uss kay haqeeqai walidaiN nahi haiN tu yeh qisa raat kay baad bhi khatum nahi hota.. bachay kay ander ehsaas-e-Mehroomi paida ho jata hay.. woh yeh sochta hay kay agr woh apnay haqeeqi maa baap kay pass hota tu ussay jhiRka na jata!!!

above say yeh easily conclude kiya ja sakta hay kay bachay ko na bataya jaye

per iss ka dosra rukh zyada khaternaak nikaal sakta hay... agr ussay khud pata chal jaye tu woh uss tamam arsay ko ju uss nay apnay "Adopted-Parents" kay saath guzara hay yaksr faramosh bhi ker sakta hay aur apni "haqeeqat" ki talaash maiN lag jata hay...ya phir badla laynay per uter aata hay jaisay above situation maiN howa!!!

tu agr tu meray pass koy adopted bacha hay tu uss say kaisay deal kiya jaye?

seemel aur Amer ki posts daikh kar be.tahaasha apne rab ka shukriya ada karne ko jee chahta hai.

Islami shari'a meiN 'adoption' sirf aur sirf uss sourat meiN jaaiz hai jab keh baccha adopted paresents ke paas apne haqeeqi waldiyat ke saath rahe. Zaid ne agar Bakr ke bacche ko adopt kiya hai tu bacche ki waldiyat Bakr he rahe gi. Lihaaza zindagi ke kisi bhi mooR per koi masla khara hone ka imkaan he nahi hai. Sab se aham baat yeh hai keh zinda walidaiN ke aulaad 'adopted' shumaar nahi hogi, walidaiN ki mout ki sourat meiN yateem baccha 'adopt' tu ho jaaey ga, lekin voh waaris sirf aur sirf apne walidaiN ke tarke ka hoga na keh 'the one who adopts him/her' .. kyNke usske apne bacche bhi ho sakte haiN. Iss sourat.e.haal meiN yateem baccha apne paalne/parwarish kene waale ka ehsaan.mand ta hayat rehta hai aur agar walidain ki mout ki sourat meiN usske bhai/behan kisi aur ke haan parwarish paate haiN tu un se mustaqbil meiN milna julna bhi ho sakta hai aur muntashir khaandaan phir akhatta ho sakta hai.

Jo sourtain paish ki gaee haiN, voh chashm.poshi ka radd.e.amal haiN ... kisi ke bacche ko paalna (uss sourat meiN jab usske haqeeqi walidain usse kisi majboori ke tehat na paal sakin) naiki ka kaam hai ... lekin usski waldiyat tabdeel kar ke paalna issi khatray ka baais hoga jo inn sourtooN meiN paish aa raha hai.

Khush RahaiN

hay tu kaRwi goli per mustaqbil maiN paida honay wali buhat c preshaniyooN ko jaR say khatum ker rahee hay

As-salam-O-Alaikum!!!!

Khan Amer
Buhat shukriyah reply ka.......Jo sawal app ney kiya... uss ka jawab bhi shayed app ney dey diya hey... k agar tu bata diya jaye... tu yeh aik choti museebat hey.... aur agar aik Fake identity di jaye tu uss sey bara zulm... aik age hoti hey "change" ki ... physical, mental, psychological change.... tabb bacha her cheez ka jawab mangta ehy...aur agar bachey ko bata ker ... ussey aik aitmaad diya jeya.. uss k haqeeqi maan baap sey milwayaa jayae... uss k haqeeqi maan baap (agar houn ) tu ussey bataien k woh khush naseeb hey k ussey 2 gharoun sey piyaar mill raha hey aur uss ko jo paal rahey hien... woh kitna acha kaam ker rrahey hien keon k meri Maan G bhi kehtee hien.. k appney bachey sey ghari ka bacha palna mushkil hota hey... Keon k ayessey bachey ka dhrka eh laga rehata hey ... k kahien kuch galat na ho jaye aur shayed woh istehqaq bhi nahi hota jo apney bachoun per hota hey.....

Khalish Bhai
Darasal... ayessey bachoun ko buhat qareeb sey bhi diekhney ka moqa mila... ayessey bachey jab appney dostoun... family frnds k bachoun sye suntey hien k woh appney maan baap ki haqeeqi aulad nahi... aur maan baap iss ki tardeed kertey hien k nahi woh haqeeqi aulad eh hien... iss terhan woh sirf mushkil nahi... aik "Puzzle" mien zindagi guzartey hien.. aur agar haqeeqi baap ka naam sath ho.... tu koe mushkil nahi hoti.. keon k sach chahey kerwa ho... app k qadam mazboot rakhta hey..... buhat mazboot aur bachey bhi zindagi ko sach k sath basar kerney hien koe sharam nahi mehsoos kertey
....

App donoun ka reply ka bey hadd shukriyah

salaams seemel
aapke replies mein do points bahot hi acche hain,really nice and thought provoking:

1.
tabb bacha her cheez ka jawab mangta ehy...aur agar bachey ko bata ker ... ussey aik aitmaad diya jeya.. uss k haqeeqi maan baap sey milwayaa jayae... uss k haqeeqi maan baap (agar houn ) tu ussey bataien k woh khush naseeb hey k ussey 2 gharoun sey piyaar mill raha hey aur uss ko jo paal rahey hien...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

2
iss terhan woh sirf mushkil nahi... aik "Puzzle" mien zindagi guzartey hien.. aur agar haqeeqi baap ka naam sath ho.... tu koe mushkil nahi hoti.. keon k sach chahey kerwa ho... app k qadam mazboot rakhta hey.....
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~



main bhi kucch share karoongi inshaAllah
aur bahot accha topic hai ,kucch cheezein jaise ke adoption we take for granted,is post se ham uski depth tak pahonch sakte hain.

Shukriya Shafaq Apa..... App k reply ka intezaar rahey gaa

bas yahi baat jo aapne uoar kahi ke identity (biological) baqi rehna chahiye,yeh na rahe to baccha saari umr ek confusion mein jeeta hai aur nafsiyaati taur par pareshan rehta hai
aise hi ek saheb ki teen betiyaan theen ,unki bahen jinke already do bete the,unhone bhai se ek beti (umr chaar saal) maangi ke unke bete ek bahen ka na hona bahot miss karte hain,khair bhai ne beech wali beti de dee,dono families e doosres ekaafi door shahron mein rehti theen,beti wahan pahonch gayi to same din hi un logon ne us bacchi se uske asli maa'n baap ko aunty uncle kahelwana shuru kar diya,uska phone aaya waaldein ke paas ke aunty salam alaikum.
mujhhe aajtak waaldein ke chehre par woh dard yaad hai.yeh log bacche ko waaldein se detach karne mein ek qadam aagae barh gaye the.

yahan ek irony yeh bhi hai ke jaise un saheb ki bahen, beti se mehroom theen waise hi unke bhai bete se mehroom the,to unhein ek beta bahen ko de dene ka khayal kyun naheen aaya


khair it is a different topic but definitely thought provoking.

Above say tu yehi lag raha hay kay un kay baiTooN ko eak khilona chahiyee tha...

yani dono bhai behan ka na hona miss kerta haiN....


issi taraah hay kay jaisay dono bhaiyooN ko koy video game ya aisi qabeel key kisi cheez ka na hona miss kertay haiN...

aik behudd nazuk topic hai yeh.. baat asal mein yeh hai ke ham mein se aksar log deen ko ba-waqt e zaroorat aur ba-qadr e zaroorat hi samajhne ki zehmet karte hein..issi wajah se aise masle kharay hote hein.. quran pak mein tou saaf kaha gaya hai ke her shaks ko usske asal baap ke naam se hi shanakht kiya aur pukara jaye..kisi dosre ke naam se nahin..ba waqt e nikah waldiyet
ghalat likhne/kehne se tou,uss nikah ko bhi ghalat sabit kiya ja sakta hai..
jahan takk baat hai adoption ki..tou zaroor adopt kiya jaye..magar bachpann hi se bataya jaye..adopt karne wale parents,asal parents ke baray mein bata dein bachay ko yeh bhi amma,abba hein tumhare..aur unnke bachay ,cousins nahin bhai behen hi hien.. yon bachpann hi se aik acceptance paida ho jaye gi adopted child mein..baray hote hote samajh bhi khudhi aati jaye gi..
na batanay ki sorat mein..aik tou gunah hai ke bachay ko usske asal baap ka naam nahin dya jata..dosre bachay pe zulm..aur usske asal parents bhi aik tarah zulm hai..woh ye zulm khud apne aap pe karein ya koi aur..
haan..woh bacha..jo kisi welfare centre se liya jaye..jinnke asal parents ka pata hi na ho..unnka masla aur hai..magar bataya unnhein bhi jana chahiye..
itna sangeen masla hai yeh..kai cases hein ke bacha adopt kiya ,family hi mein se..asal baat usse batai na gai..asal behen bhai usski nazr mein cousins ..aur cousins sagay behen bhai.. khoon ki kashish tou mussallim hai..phir kuch rishtay hurmat ke bhi hote
hein..asal baat na pata ho tou nateeja kuch bhi nikal sakta hai..
islam mein tou proper qawaneen hein ke bacha kaise adopt kiya jaye..

ji bilkul
lakin agar bahen ka na hona miss karte hain to beton ko samjhhana chahiye ke Allah ta'ala ki yahi marzi hai aur Allah ka shukr karo
na ke ek bhai jo already bete ki mohabbat se mehroom hai usse uski beti lekar ek aur zarb do.
i don't know

Yeh App ney 16 Anney sach baat kahi K islam ko zaroorat aur mufaad k tehat istemal kiya jata hey.... iss k jo rules.. humraey mufaad aur humari "ANA" k khilaf houn inhien .. na suna jata hey na amal kiya jata hey ... phir jahan tak baat hey k iss silsiley mien diye gaye qawaneen per amal kerney ki .. tu aik bashree kamzori k bacha hum sey door na ho jaye.. tu bachey ko jhoot k saharey pala jata hey ..phir nateeja bhi jhot he hota hey .....

likein hamrey loog abhi iss jahilyata sey itnee asani sey nahi niklien gey.... shayed





Yeh Karb tu buhat sarrey Loog bardasht kertey hien jo inn marhaloun sey guzartey hien.. liekin saday-e-Ihtejaaj kon buland karey?.........

well said bhai

agar islami taaleemat k motabiq kidz adopt kiye jayain TO ISS QISM KI PROBS SAY BACHA JASAKTA HAI.

bachchay ki waldiat kabhi bhi aur kissi bhi soorat maiN tabdeel naheeN karni chahiyeh....... meray aik jannay walay couple maiN within couple of years separation hogayee... bazahir zeyadti laRkay ki taraf say nazar aaye... laRki nay adalat k zariyeh aik saalaah beTay ko apnay qabzay maiN karlia aur laRka betay say dast bardaar hogaya .... yahaaN tak to aik aam kahani hai ... laRki nay apnay sabeqah susraal say beTay ko bahoot door kardia. beTay ka naam tabdeel kardia. bachcha jab sawaal karnay k qaabil howa to ossay batlaya k tumhara baap died hogaya hai ... baat yahaaN tak bhi kam talkh hai ... mujhay yeh sunn kar baRi hairani aur dukh howa k shayad mausoofah nay apnay sabiq husband say shadeed nafrat k sabab bachchay k school maiN bachchay ki waldiat maiN baap ka naam likhwanay ki bajawe apna naam likhwa dia...... jab yeh "khabar" denay walay ko maiN nay yeh batlaya k do u know wot does it mean? pahlay to oski samajh maiN bhi kuch nah aayaa ... lekin jab samajh main aayaa to to rawi nay bhi apna sar peeT lia.... iss moqay pay mujhay kissi TV drammay maiN naika ka woh jumlah yaad aaraha hai jo oss nay apni "zeray tarbiat" bachchee ki waldiat poochnay walay say kahi thee k : hamari nasal baap dada say naheeN balkay maaN naani say chalti hai.

Astaghfirullah

Baat tu sach hai magar baat hai ruswaaee ki !

jee bilkul
mehw e hairat hoon.............