MaTaR Pala'oo
Ingredients
1) MaTaR - Eak Packet ju kay freezed ho
2) Chawal - 2 Mug
3) Masala'jaat - Namak, Mirch ( Lal & Kali), Garam Masala, Haldi, Shan Sabzi Masala
4) TamaTar, Lehson, Idrak aur Pyaaz.
5) Cooking Oil
6) 2 adad degchiyaaN
7) Khana pakanay ka chamach
8) eak moTa sara kitchen Towel
9) washing detergent & Scotch Brite
10) Grinder
11) Knife
12) 2 Einstien ( eak ainak wala aur eak kay baal kam)
13) eak note book jis maiN Gosht Pala'oo ki tarkeeb likhi ho
Important Note: agr above maiN say koy eak ingredient bhi kam hay tu pala'o hisb-e-tawaqoo tayaar nahi ho sakay ga
Tariqa-e-Cooking
Sab say pehlay dono deghchiyooN ko achi detergent, Sctoch brite aur pani key madad say achi taraah manjh laiN. iss amal kay doran dosray Einstien say Payaaz , Lehsan, adrak waghera churi key madad say chilwa laiN. jab woh yeh cheel rahay hooN tu itni dair maiN dhuli howi degchiyooN maiN say eak maiN 2 mag Chawal Daal laiN aur unhaiN achi taraah dho laiN ( chawal dhonay kay liya detergent key zaroorat nahi hay) aur phir unhaiN ussi degchi maiN bheegnay kay liya choR daiN.
iss waqat tak Tamatar, Lehson aur Adrak chil ker kaT chukay hooNgay. unhaiN grinder maiN grind kernay kay liya rakh daiN. jab tak Eak Einstien ussay Grind karay uss waqat tak dosra Einstien payaaz ko dosri degchi maiN cooking oil key madad say halka brown ker lay. ( yahaaN per app yaad aa jana chahiye kay Freezed MaTaR ko Freezer say nikal ker pani maiN bhigona hay)
Jab pyaaz brown ho jaye tu unhaiN bhi TamaTar walay amaazay main Daal ker phir say grind ker laiN.
( iss saray process kay doran waqfay waqfay say Note book maiN darj hidayaat paRhna na bholaiN)
ab ussi degchi maiN ( jis maiN payaaz brown kiya thay) yeh amaiza ulaT daiN. yaad rahay abhi grinder maiN kuch amaizq chipka reh gaya hoo ga ussay filhaal aisay hi rehnay daiN. amaizay ulaTnay kay baad ThoRa say cooking oil bhi daal laiN aur phir iss maiN DaiRh DaiRh chamach saray masalay ( siwa'e Haldi kay, haldi adha chamach) daal ker issay khob ghoTaiN... aur phir iss maiN maTar Daal ker thoRa sa pani grinder maiN DalaiN ker DalaiN. Iss tarah grinder bhi saaf ho jaye gee.
Ab issay paknay daiN, agr Einstiens ka taluq Lahore say howa tu woh zaroor kuch aur bhi khanay peenay kay baray maiN sochaiN gay. ICE-TEA amooman iss ka hal hota. ICE-TEA kay Dabbay ko uTha ker paRhna shoroo karaiN aur dosray Einstien per lazim hay kay woh un hidayat ko follow karay. issi doran dono maiN say eak ko yaad aa jana chahiyee kay maTaR cholhay per rakhay haiN aur almost jalnay walay haiN. ICE-TEA ko waheeN choRaiN aur jaldi jaldi, maTaRooN maiN Bheegay howay chawal Transfer kerna shoroo karaiN.
ab inhain phir say paknay daiN aur iss doran maiN ICE-TEA tayaar ho jaye gee. per abhi ussay peena nahi kyoN kay abhi MISSION complete nahi howa. thoRi dair maiN pani khush honay lagay ga. ab ChawalooN ko dam dayna hay. unhaiN uTha ker choTay Cholhay per muntaqil karaiN aur dheemi aanch per paknay daiN. Ab Kitchen Towel ko bhigo ker chawalooN wali deghci kay dhakan kay gird Daal daiN. ho sakta hay kay app ko iss Dhakan ko press kernay kay liya koy wazni cheez ki zarorat ho. tu iss silsilay maiN woh pehlay waly degchi, dam per rakhi degchi kay uper rakh daiN aur Grinder maiN pani bher ker iss maiN Daal daiN.
Ab App ICE-TEA pee saktay haiN.. thoRi dair baad ja ker chawalooN ko Dam per say utaar daiN. khayal rahay kay degchi garam ho gayee iss liya ussay aisay hi haath na lagayaiN haath jal bhi sakta hay.
mazay dar MaTaR pala'o tayaar ho chuka hay.. dahi kay saath khayaiN.
yea tarqeeb to kuch jani pehchani lag rahi hay 
aur 'UN' ko aap apnay hath say khilaye ga 
