(is coloumn maiN MMA ke barey jo kuch kaha giya hai, us se mujhey 'juzwi' ittefaq hai...merey khiyal main MMA ko bohat pahley Bloch. govt. se elahdgi ka faisla ker lena chaiye tha !!)
---------------------------------

3 columns aur teeno hi soch ko awaz dene waalay.....

Ata ul haq qasmi ka ye kehna ke mujhe koi pakistani nahin mila jo iss khabar se pareshan na ho....... Ji haan loag pareshan huway lekin Akbar Bhugti ki wajah se nahin balkeh iss wajah se ke kahin halaat kharab na ho jaain, iss wajah se ke kahin pur tashaddud hungamay shuru na ho jaain jo shuru ho chukay, sub ki pareshani ki wajah yahi cheez thi na ke akbar bhugti ka ghum khaye bethay thay loag.....ye qasmi sahib ki ghalat perception hai.


Media mein bhi ye baat aur Opposition walay bhi ye baat baar baar kehtay hain ke usne 1947 mein pakistan ke haq mein vote dala tha aur wo Quaid e azam se mila tha, Sawal ye hai ke agar koi shakhs apni zindagi ke shuru ke saalon mein achha ho aur baad mein bura bun jaaye to uskay baad walay buray "insan" ko sirf iss liye achha kaha jaaye ke wo shuru ke saalon mein achha tha ???
Masajid par hamlay karne walay, masoom logon ko qatal kerne waalay apni maan kay pait se ghunday badmash bun kar nahin paida hotay, wo sub shuru mein achhay hi hotay hain lekin unkay baad walay buray kirdaar ko sirf iss liye achha kaha jaaye ke shuru mein wo naik insaan thay ???

Baluchistan ke saath Bangladesh ki misaal dene waalay sakht ghalat fehmi ka shikaar hain, dono ke halaat mein shadeed farq hai, mashriqi pakistan aur maghribi pakistan mein aapas mein koi zameeni raabta na tha , darmiyan mein india tha, ye intehayi ghalat taqseem hui thi hindustan ki aur ye ghalat taqseem aik bouhat bari wajah thi mashriqi pakistan ki alehdagi ki.......Tamil Tigers kitnay hi saalon se srilanka mein BLA jesi kaarvaiyan kar rahay hain lekin srilanka jesi kamzoar fauj bhi unka muqabla zabardast tareekay se kar rahi hai aur mustaqbil mein bhi tamil tigers ka alag mulk ka khaab poora honay ki koi umeed nahin, jabke Baluchistan mein aisi koi soorat e haal nahin........Agar 10 hazaar loag ehtajaaj kar rahay hain to kayi hazaar ehtajaaj nahin bhi kar rahay,

Aik baat aur yaad rakhne ki hai ke jo ehtajaaj ho rah ahai iss mein zyada role akbar bhugti ki shakhsiyyat ka nahin hai, agar uski jaga Ata Ullah Mengal ke saath aisa kiya jaata tub bhi yahi hona tha, wajah unn sardaron se muhabbat nahin, wajah ye hai ke Baluchsitan ke awam kayi fauji operations dekh chukay hain lehaza wo fauji operations ke khilaaf hain, wo samajhtay hain ke unko mahkoom banaya jaa raha ke baqi kisi soobay mein fauji operation nahin aur hum par fauji aa bethay hain, unko punjab aur agencies se bhi shikayaat thi aur wo ye samajhtay hain ke ye punjab kar raha hai, akbar bhugti ka asar to wakayi dera bhugti tak tha lekin ye radd de amal asal mein uss fauji operation ke khilaaf hai jisko baluch ghalat samajhtay hain.....



Sirf baloch se nahin sarhad se bhi kyunke MMA ka mauqaf hai ke hamari koi baat manzoor nahin hoti aur hamein grants nahin di jaati etc etc,

Lekin kursi ki taaqat filhaal itni zyada hai ke tamam opposition jamatein ehtajaaj ke bawajood bhi apnay resignations zyada se zyada party sadar ko bhijwa rahay hain jabke bhijwanay speaker ko chahaiye, Ch Shujaat se jab kaha gaya k iss wakaya par wo resign ker dein to usne kaha ke opposition mein se 20 arkaan abhi resign kar dein to main bhi kar don ga lekin 140 ki opposition mein se aisay 20 bhi na niklay.......20 kya 1 bhi na nikla.

Ab waqt aa gaya hai ke jamhooriyat ki taraf qadam barhaya jaaye aur opposition hartaalon aur muzahiron ki bajaye resign ker de muttafiqa taur pe, iss se hakumat ko shadeed dhachka lagay ga.........jabke hartaalon se hum apni hi economy ka nuqsan karain gay.......

Akhri column mein Akbar Bhugti ki moonchhon ke konay ooper honay par kaafi zoar hai jabke ye takabbur ki alamat hai jis se Islam ne mana kiya hai lekin column nigar isko aik khoobi ke taur pe pesh ker raha hai....

Kaha gaya hai ke jub unn par baghawat aur ghaddari ke ilzamaat lugtay hain to unkay paas mehroomiyun ki aik taweel fehrist hai...

Ab sawal ye hai ke agar mujhe ehsaas e mehroomi hai ke shaukat aziz mercedez mein beth kar jaata hai aur main bike par to kya iss ehsaas e mehroomi ke khaatmay ke liye main bundooq utha ke car chori kerne ki koshish karon ?? Daku bun jaaon ?? Aur jub mujhe pakra jaaye to apnay ehsaas e mehroomi ka shikwa karon ??? 99 % mujrim kisi na kisi ehsaas e mehroomi ka hi shikaar hotay ahin lehaza ehsaas e mehroomi ka naam lay kar kisi qaatil ke liye dil mein humdardi ujagar kerwana aik achhi cheez nahin......... 100 bachon ka qatil javed iqbal bhi shadeed ehsaas e mehroomi ka shikaar tha jiska usne arrest honay ke baad zikr kiya lekin kya ye cheez kisi ke gunah ko kum kar deti hai???

Haan main maanta hon ke shuru din se Baluchistan mein haqooq ki pamaliyan hui, wo sooba intehayi pusmanda hai, uss soobay ke rehne waalon ka mayaar e zindagi intehayi pust hai aur main dil se chahta hon ke punjab aur sindh ka hissa le kar bhi unko diya jaaye lekin sawal wohi hai ke kya sirf hakumat hi iss ehsaas e mehroomi aur ghurbat ki zimma daar hai??? Agar sirf hakumat hi iski zimma daar hai tub bhi hathyar utha kar baghawat karne ka jawaz nahin bunta aur agar bunta hai to phir akbar bhugti ke qatal ka bhi jawaz bunta hai..........

Baluchistan ke awam itnay ghareeb hain aur akbar bhugti ko unki ghurbat ki fikar hai to usne jo million and billion dollars weapons par kharch kiye, apnay mehal banaye, kya wo apnay awam ke liye jadeed tareen shehar taameer nahin kar sakta tha?? kya wo unhi peson se wahan factories aur industries nahin laga sakta tha?? Kya wo roads nahin banwa sakta tha??

Aisay kaam kerna to door jub Gawadar mein taraqiyati mansoobay shuru huway to ye sahib uskay bhi mukhalif ho gaye ke kahin iss se punjab ke loag gwadar mein na aa jain........unka pehla mutalba ye tha ke doosray soobon se jo loag gwadar aain unko vote ka haq na diya jaaye......yani saara masla kursi ka tha,


Urdu zuban ka 10 saal tak boycott kerne walay akbar bhugti itnay mutassab thay ke express akhbar ke Abbas Athar apnay column mein akbar bhugti se mulaqat ka zikr kertay huway likhtay hain ke Akbar bhugti ne aitraz kiya ke punjab ke loag baluchistan kyun jaatay hain, unse kaha gaya ke janab baluchistan ke loag bhi to doosray soobon khasoosan sindh mein jaatay hain , akbar bhugti ne kaha ke wo apnay peson se ghar tameer kertay hain na ke hakumati peson se, jawab diya gaya ke baluchistan ke punjabi bhi wahan ke bazaron se hi khareed o farokht kartay hain, wahan ki economy ko hi behtar banatay hain to akbar bhugti bolay phir bhi hamein punjabi apnay soobay mein qabool nahin.......kya pakistan sub ka watan nahin ??? MMA ke hafiz hussain ahmad tv par baar ha keh chukay hain ke akbar bhugti centralist tha lolz jabke uss se bara mutassab aur qaumiyyat parast koi na tha........


Baluchistan ki mehroomi zaroor khatam kerni chahaiye lekin uss ke liye hathyar utha lena bura fail hai, hum sub ko iss wakaya se pareshani hai lekin akbar bhugti ki wajah se nahin balkeh mulki halaat ki wajah se, saaf zahir hai ke apnay hi mulk ki amlaak ko jalta dekh kar kon pareshan nahin ho ga ??

Pehlay Article ka AKhri paragraph bouhat tawajju talab hai......

D.L. bhai chaNd sawalat :

* Pehli baat yeh hai keh Bloochistan ke mas'aley ko siyasi tareeqey se hal kerney ke liye hakoomat aur opposition arkan-e-assembly ki aik mushtarqa parlimani committee baanye gai...akhir kiouN ?

* Kiya Baloochistan ka mas'ala fouji tareeqey se hal kiya ja sakta hai ? Ager kiya ja sakta hai to phir siyasi muzakraat ke liye committe kioN banyai gai ?

* Aur yeh committee Bugti (jo aap ke aur hakoomat ke khiyal main dehshat.gard tha) se muzakraat ke liye Dera Bugti kioun gai ? Kiya hakoomat ka aik terrorist se muzakraat kerna theek tha ? kiya yeh is trah aik 'terrorst' ko recognise nahi kiya giya ?? (hakoomat ki tarf se)

* Jab yeh comittee muzakrat ker ke apni safarshaat mukamil ker leti hai, to in sfarshaat ko raddi ki tookri maiN phaink diya jata hai ...kiya muazakraat baloochistan aur Pakistan ke awwam ko be.waqoof banaey ke liye kiye gaiye they , ager un per amal nahi kerna tha ?

* Ager Bugti ya Balooch sardaroon ke mutalbat ghir.mantqi they, to bhi us ka hl mazeed muaktrat they ya un muzakrat ko sabotage ker ke , gooli ki zubaan main baat kerna ? (jis ka nateeja aaj humarey samney hai...aur aap khus etraf ker rahey hain, ke halaat mulk ki slamti ke liye khaatr.nak hotey ja rahey hain...halaat ko is 'point of no return' per laney ka zimaNdar koun hai ?? Baloochistan samait poorey mulk main aaj jo aag silg rahi hai, is ko kis ne hawa di hai aur kiouN ??

* Siyasat (muzakraat) ko , Baghawat (deshat.gardi) ki tarf le janey ka asal zimandar koun hai ? Muzakrat (jo aik siyasi amal hai) se inkaari koun hoa ...Bugti ya Musharraf ????

See this link: http://www.bbc.co.uk/urdu/pakistan/story/2..._bugti_rs.shtml

aisay hi kuch sawalaat mujh say kisi aur nay kiya thay. jab ussay Bugti aur Balochistan key haqeeqat batayee tu uss nay apnay sawalaat ko khud hi ahmaqana qaraar day diya aur kaha kay app logooN kay hukumraaN buhat ahmaq waqaye howay haiN kay aisay saanp ko itna arsa palnay diya.

woh tu eak ghair mulki tha, hamari zaban aur mulk say waqif nahi tha. per eak mulki halaat ko janay wala shakhs agr aisay sawalaat karay tu uss kay baray maiN kiya raye rakhnee chahiyee.

MMA aur Opposition ka rawiya dekhnay kay baad meri yeh baat harf.ba.harf sahi sabit ho rahee hay kay Mulk key kisi ko fikr nahi, koy apnay iqtaydar ko tool day raha hay tu koy iqtaydaar hasil kernay kay liya par tol raha hay. aur agr aisa nahi hay tu dono fareeq yaqeena na.aqbat andaish aur ahmaqooN kay sab say aala darjay per fa'iz haiN

To aap yeh keh rahey haiN ke (sawi aap ke) sab ke sab 'ahmaq' haiN ..nice

har ahmaq yehi samajhta hai k oskay sewa saray ahmaq haiN.

yahaaN roo.ay sokhan kissi ki taraf makhsoos naheeN. kissi bhi fard say iss haqeeqat ki momaslat mahaz ittefaaqia hogi jiska raqim zimmah daar nah hoga.

Ji, alhamdulillah maiN ......nahi hooN, kiouN.keh main sab ko apney se behtar samjhta hooN..

Wasey 'herat' ki baat yeh hain aik shakhs (jis per mukhtalif ilzamat they, laken koi jurm sabit nahi hoa tha) ...QATAL kiya ja chuka hai (aur qatal se baRh ker saza kiya ho sakti hai) ....us ke qatal ke radd-e-amal main kai be-gunah afrad marey ja chukey hain,, kai amlak nazr-e-atish ho chuki haiN... kai haNstey bastey ghar ujaR chukey haaN,,, laken humarey kuch doostoon ka [color=#FF0000]ghussa hai , keh abhi thaNda nahi hoa....pta nahi woh (bugti ko) aur koun si saza dena chahtey they ??:

jee maiN yeh keh raha hooN kay Opposition Na.Ahl hay aur oss kay blind followers Ahmaq haiN.

Infact yeh yeh Universal Truth hay kay Blind Followers hamesha hi ahmaq hotay haiN. kyoN kay agr ahmaq na hooN tu Blindly Follow na kertay.





yeh bhi durust hay.



aur zara aur tehkeek karaiN, Imlaak Nazr-e-Aatish kernay walay koun haiN?
fasad phailanay walay kon haiN?
Gher UjaRnay walay kon haiN?
yeh tu sab bugti kay qatl per ahtayjaaj ker rahay haiN.


ab say pehlay MMA/JI kuch credibility (meri nazr) maiN rakhtee thee, per ab say (yani app key approach dekh ker) it is not more than a MQM level party. jis ka manshoor sirf kisi taraah say iqtaydaar hasil kerna hay.



Agr BUGTI jaisay "mohsin-e-Pakistan" ka qatal ghalat action tha, tu bhi kiya Opposition ko qomi mufaad ko mad-e-nazr rakhtay howay aisay harkaat kerni chahiyee theeN. jab kay iss So called hero of Opposition aur Ghadar-e-Pakistan per lagaye gay ek bhi ilzaam key tardeed khud uss kay kareeb tareen halqay bhi nahi ker sakay.
App waqaye MMA kay sachay perokaar haiN, app kay replies maiN say logic out hotee ja rahee hay ( yeh maiN nay eak jagah aur bhi likha tha) mujhay pata nahi app kay replies dekh ker kyoN laq raha hay kay MMA aur MQM key zehniyat maiN sirf Alphabets ka hi farq reh gaya hay.

MMA walay pehlay Islam baichtay rahay, phir Afghaniyoon aur QabayeliyooN ka khoon baichna shoroo kiya aur ab Bugti key laash per apni syasat chamka rahay haiN. mera pehla view hi theek tha. Kam burai ko zyada buri bantay howay dair nahi lagtee...

Hats off MMA/JI and Opposition Pakistan Dushmani maiN yeh agr Mush kay braber nahi tu agay hi haiN and they have proved it. atleast Mush nay eak Ghadar tu kam kiya ( chahay kisi bhi wajaah say kiya)

Sawalaat se main kabhi ghubraya nahin , aapko jitnay poochne hon aap pooch saktay hain




Ta ke agar baat cheet ke zarriye maamla hull ho sakta hai to its ok.




Kya Hazoor(PBUH) ne kisi bhi fauji iqdaam se pehlay kabhi muzaakraat nahin kiye ?? Agar jung hi kerni hoti thi to muzaakraat kyun kertay thay??




Kya Hazoor(PBUH) ne kabhi zindagi mein dushman se jung kerne se pehlay uss se muzaakraat nahin kiye ke jung tull sakay ?? Kya iss se Aap(PBUH) apnay dushmano ko recognise ker rahay thay??
Muzaakraat to USA ne bhi Taliban se kiye thay ke osama ko hamaray hawalay kar do lekin kisi ne aaj tak kaha ke USA "terrorist" Taliban k sath muzakraat ker ke unko recognise kar raha hai??
Kisi bhi baray se baray dushman se bhi jung kerne se pehlay mutalbaat pesh kiye jaatay hain ke inn par amal kar ke aap jung se buch saktay hain to iss mein aitraz wali kya baat hai?
Haan aik terrorist se muzaakraat karna theek tha, Agar aik terrorist aur uski jamaat jung ki bajaye muzakraat ke nateejay mein apnay hathyar rakh ke mulk se wafadari ka izhaar kar de to uss ke liye maafi hai.......Aaj bhi jo beshumar qabaili sardaar hathyar daal kar apnay hathyar hakumat ke hawalay kar rahay hain to unki aam maafi di jaa rahi hai, ye to nahin ke koi terrorist bun gaya to uss ke liye koi maafi ki gunjaish tak nahin, wo agar baaz aa jaaye aur hathyar rakh de to maafi kyun nahin di jaa sakti aur iss baat par amada karne ke liye agar muzakraat kiye jaain to un par kya aitraz hai??





Awwal to jub tak dono fareeqain ke mutalbay aur committee ki sifaarshaat saamne nahin aa jati kuch kaha nahin jaa sakta,unn mein se kayi naqabil e qabool bhi ho sakti hain ya nahin???
Aur Kya muzakraat hamesha kaamyaab hi hotay hain?? nakaam nahin ho saktay?? Farz karain ke bhugti ke aagay ye tajweez rakhi gayi ho ke wo tamam hathyar hakumat ke hawalay kar de to hakumat uskay falan falan mutalbay maan le gi aur bhugti sahib ne isko qabool na kiya ho to raddi ki tokri mein hi jaanay thay na saaray muzakraat.




Agar duniya ke saaray masaail muzakraat ke zarriye hull ho saktay hotay to abhi koi jung na hoti, Kabhi Hazoor(PBUH) fauj le kar ghazwaat mein shirkat na kartay balkeh muzakraat ke baad mazeed muzakraat aur phir mazeed muzakraat ki taraf jaaya jata, Agar har maamla muzakraat se hull ho jata to kabhi jehad ki targheeb na di jaati, Kya muzakraat ke zarriye Kashmir ka hull nikal sakta hai???
Agar muzakraat ke baad mazeed muzakraat ki baat hai to Muhammad Bin Qasim ka hindustan aana bhi aik ghair danishmandana qadam tha.




Mulk ki salamti ke liye khatarnaak nahin ho rahay halaat, meine jo kaha wo sirf ye tha ke uski maut par nahin balkeh uss pur tashaddud ehtajaaj par afsoas hai jo uski maut ki baad hua, Kya kisi qatil ko sirf iss liye na maara jaaye k uski maut ke baad ehtajaaj ho ga??? Mulki salamti ko InshAllah koi khatra nahin hai,Ye chand roza ehtajaaj hai bus, haan iss ehtajaaj ke dauraan jo kuch hua uss par yakeenan afsoas hai....




BLA aur uskay haami.....na to musharraf ki unse khaas dushmani thi aur na hi iss se musharraf ko koi faida hai, haan aisa kerne se usko maloom tha ke usko faida nahin nuqsan ho ga aur yahan yakeenan usne jurrat ka muzahira kar ke mulki mufaad ko pehlay rakha....
Hairat hai ke aapko abhi tak baluchistan mein honay walay rozana ke blasts aur gas pipelines par hamlay nazar nahin aa rahay, wo hazaron loag nazar nahin aa rahay jinko zulm o jabar ke zarriye akbar bhugti ne apnay eelaqay chhornay pe majboor kiya....
Ye fauji operation pehli baar nahin hua, 4th time hua hai, hota ye raha hai ke kuch sharpasand pakar ke bakiyun ko hath nahin lagaya jaata tha lehaza wohi sharpasand aaj pakistan army ke khilaf mahaaz bana ke kharay ho gaye........
Haan main musharraf n pak army ko ghalati se mubarra nahin qarar de raha, may be muzakraat mein nakami ki aik wajah wo bhi hon lekin ye cheez na qabil e bardasht hai ke mulki fauj ke muqablay mein liberation army bana li jaaye.

Wesay Bhugti and Co. ke kuch mutalbaat sunn lijiye jo wo duhratay rehtay hain.....

Gwadar mein punjab se koi shakhs na aaye,Aur gwadar mein jo ghair baluchi abaad hon gay unko vote ka haq nahin diya jaana chaahiye, Urdu zuban ki jaga baluchi zuban aur islami tareekh ki jaga baluchon ki tareekh nisab mein honi chaahiye....sardari nizam qaim rahay (ta ke sardaar aam logon ke haqooq pe daaka daaltay rahein aur unki biwiyan tuhfay mein detay rahein)Baluchistan ke doosray eelaqon se bhi punjabiyun ko nikaal kar balochon ko unki jaga roazgar pe lagaya jaaye.....

Aur phir bhi ye kaha jaaye ke wo qaumiyyat parast nahin tha to aisa kehne walay se bara jhoota koi aur ho nahin sakta.




Ooper walay mutalbaat jo sirf chand aik hain meine aapko bata diye, ab aisay mutalbat ko agar koi na maanay to aisay mutalbaat karne walay ko kasoor waar kehna chaahiye ya mutalbaat ko naa maan-nay walay ko??
Wesay bhi muzakraat kya huway nobody knows lehaza uss par tabsara nahin kiya jaa sakta....

Jahan tak ye baat hai ke Asal zimma daar kon hai siyasat ko baghawat ki taraf le janay mein to asal mujrim hai hamara nizam, jisne baluchsitan ke saath insaaf nahin kiya,wo taraqqi wahan nahin hui jo honi chahaiye thi, unko unka poora haq nahin diya gaya....Lekin iss mein kasoor khud baluchistan ke awam aur sardaron ka bhi hai, Akbar bhugti ko le lein, governor raha, chief minister raha lekin isne koi taraqqiyati kaam kiya??? Baluchistan ka shakhs PM raha usne kuch kiya?? Kyun awam sardaron ke zulm par sardari nizam ko khatam na kar sakay?? sardaron ne apni besh baha daulat aur royalty ayyashi mein luta di ya weapons jama karne mein.......

Kher ye aik lmabi behas hai ke sari soorat e haal ka asal zimma daar kon hai......

Lekin agar aapka kehna ye hai ke chunke baluchistan walay ehsaas e mehroomi ka shikar thay lehaza unka hathyar utha lena jaaiz hai,
To janab phir to aap shaaid hi duniya ki kisi tawaif ko bura keh sakain....aik aurat jab apna jism 500 rupay mein behti hai to ye bhi to uski mehroomi aur majboori hi hoti hai to kya isko bhi legalise ker dena chaahiye???
Jin larkiyun ko "bazar" bhej diya jaata hai zabardasti aur wo pehlay majboori se aur phir marzi se dhanda karne lugti hain to asal zimma daar to koi aur hai lehaza usko to koi saza nahin milni chahaiye.......
Pichhlay dino faislabad mein ek waqya hua jisko Geo ne bhi cover kiya ke aik 17 saala larkay ne mobile phone lenay ke liye apni maamu ki beti ko aghwa kiya aur 20 hazaar tawaan maangay aur uss bachi ko gala daba ke maar diya 15 maheenay ki bachi thi, usko giraftar kiya gaya to usne kaha ke mujhe mobile ka hudh se zyada shauq tha aur doosron ko dekh ke ehsaas e mehroomi hota tha lehaza ye sub kiya to kya uss larkay ko maaf kar diya jana chahaiye kyunke "asal zimmadaar" to wo ehsaas e mehroomi aur maashray ka tabqaati nizam tha....

Har mujrim , har tawaif ke peechay ehsaas e mehroomi aur majboori ki aik lambi daastaan hoti hai, agar insaan unn daastano ka ho jaaye to shaaid hi kisi mujrim ko aap saza de sakain kyunke mujrim keh sakta hai ke main to maan ke pait se aik naik insaan ke roop mein aya tha mujhe to iss maashray ne bura banaya lehaza asal zimmadaar maashra hai mujhe maafi dijiye.......

Agar crminals ke saath issi tarha faislay kiye jaain to de chukay aap mujrimo ko saza.

Haan maashray ko ya root cause ko khatam kerna alag masla hai lekin usko bunniyad bana kar kisi qatil ko chhor dena sahi nahin ho ga.

Khan sahb, ilzamat lagney ke 'mahir hain aap ...maan giya maiN...aur kam za kam is mamley main aap se nahi jeet sakta....(is ka bhi etraf hai mujhey).

Farz karain keh main (aur chaNd deegar loog) Oppsition ke blind followers hain...to kiya sab sahafi / media experts / coloums nigar (jin ki aksariyat Mush ke iqdam ki muzzamat ker rahi hai) ...sab ke sab 'blind followers' ke zumrey main aatey hain...ya kiya unhain oppsition se koi mali faida mil raha hai...aur yeh bi bataiN keh 'mali faida' opposition se ziyada mil sakta hai ya hakoomat se ?

MMA jahaN ghalat kerti hai main bhi us per crticize kerta hooN aur chand din pahley issi forum per MMA ki Bloochistan hakoomat main shamooliyat aur ab tek istefey na denaiN ke faisley per wazeh 'tanqeed' ker chuka hooN...is ke bawjood koi (so called open minded) shakhs mujhey kisi ka 'blind follower' samjhta hai , to mujhey yeh ilzam bhi ba.sar-o-chasham qabool hai.........

Mujhey kisi se apney ba.zameer honey ka certificate nahi chahiye...main kitna ba.zameer ya blind follower hoon , yeh ma'amla merey aur Allah ke dermiyan hai..kisi ko is per comments deney ka koi haq nahi (sab se guzrish hai keh apni apni zaban saNbhal ke baat kariN)...zaban kabhi bhi be.lagam nahi honi chaiye...OK



Ji ager A.A ka fermana drust hai, to phir aap ko apni rawash per nazr-e-sani kerney ki zaroorat hai !!




har 'amal' ka 'radd-e-amal' hota hai...amal jitna shadeed hoga , reaction bhi utna hi....



Is moqey per jo shakhs JI/MMA/Opposition ko koos raha hai...woh khud ko Q-League ya Musharraf ki saf main samjhey...kiouN.keh saf.baNdi wazeh ho chuki hai !!!!!!!



Main kisi per koi zaati ilzam nahi laga raha aur na yeh meri adat hai...kioun keh khahm.khah kisi ki zaat ko nishana bna.na main inthai 'ghtatiya harkat' samjhta hoon...aur doosroon se bhi yeh tawqqu rekhta hoon woh bhi isi rawwiye ka muzhira karin ge...aur 'zatiyat' se opper uth ker baat karin ge...

wasey doosrooN per zati hamley insaan tab kerta hai, jab us ke paas ''daleel' khtam ho jati hai....yeh bhi aik universal truth hai !



MMA ya JI ko apni hub.al.watni aur mulk-o-qoum ke liye di gai qurabniyan/khidmat sabit kerney ke liye...aap se ya kisi aur se koi certificate nahi chaiye..Allah kafi hai (certificate deney ke liye).

Note: Ager HC per koi yeh samjhta hai keh woh aqal-e-kul hai aur us se ikhtlaf kiya hi nahi ja skta.... ya koi is zu'am main mubtla hai keh ke woh sab se aala damgh rkhta hai...aur jo woh keh raha hai woh harf-e-akhir hai (aur dosroon ko us ke samney chup rehna chaiye) ...to asey fard ki zehni approach per afsoos hi kiya ja sakta hai...

(*) Apney aap ko a'al muqam per faiz ker ke , dosroon ko apney se haqeer ya kam.tar samjhtey hoey baat kerna, kisi bhi zi.sha'aoor aur paRhey likhey shakhs ko zeb nahi deta ...her aik ko apney se behtar ya kam az kam apney bra.ber samjhna chaiye...aur humaisha bar.bri ki stah per, doosroon ka ehtram malhooz rakhtey hoey baat kerni chaiye...na ke kisi ki 'tazleel' ke pehloo nikal ker aur usey ruswa ker ke apni baat us per 'thooNs' deni chaiye ...

(*) Islam main doosroon per achey aur bhaley aNdaz main 'tanqeed' kerna / ikhtalaf kerna to jaiz hai...laken ksi ki 'tazleel' kerna jaiz nah hai ...kaha giya ke dosroon (kafirooN) ke khuda (butooN) ko bhi bura na kahoo,,, aur aik ayet hai " jadilhum bilati hiya ahsen'...yeni ager (kafiroon se) behas aur mujadla karoo to achey aNdaz se... yeh to kafiroon ke liye hukm hai,, apney muslaman bhaiyoon ke sath rawwiya to aur bhi naram hona chaiye...main to yehi kuch samjha hoon (shaid main ghalat hoon).

(*) Ikhtalaf kerna her kisi ka haq hai...ikhtalaf kerney ka yeh matlab lena keh yeh shkahs mulk dushman hai aur is ki zuban.baNdi honi chiye ...yeh rawwiya bhi drust nahi...jitney muhib-e-watan aap hain...doosrey bhi aap se kam nahi hain...humaisha yehi zehan main rehna chaiye.

(*) Her aik ko apney nazriyat rakhney ka poora haq hai... kisi ki zaat per ya party / nazriyat per attack kerna aur is trah se usey 'chup' karaney ki kooshish kerna ...hargaz munasib nahi....is trah se na kabhi koi chup hoa hai na hoga...yeh bhi aik kham.khiyali hai jis ki islah honi chaiye..

(*) Hadees-e-Rsaool (saw) ke misdaq ..momin doosrey momin ka ayeena hai...is hawaley se humain apni zimaNdariyan ada kertey rehna chaiye...aur talkhi ya narazgi paida kiye beghair (barad.rana aur kush.gawar aNdaz main ) apni baat kerney aur doosrooN ki baat sun.ney ka tareeqa apana chaiye...Islam bhi (ghaliban) yehi dekhna chahta hai !

Mukhtisaran yeh keh humain "Abu Adnan" ban.ney ki kooshish kerni chaiye ...hope all brothers will agree with me...behasain hoti rahain gi, ikhtalaf hota rahey ga ....leken hum sab aik doosrey ke bhai haiN...aur hum yahaN bhai ban ker hi rahain ge (inshallah)

Allah huamrey dermiyan 'muhabbat' ka rishta qiam rakhey (ameen)

chalain kissi had tak tu aap ne tasleem kya ke MMA ne ghalti ki hey,,,, kya aap MMA ka LFO ke tahat halaf uthana aur frontier main Govt banana sahih samjhtey hain,,,, jab ke MMA, LFO ko shaid bayanaat ki had tak tasleem hi nahin kerti ??

(chonke mera sawal off topic hey,,, iss liye usuf bhai ke hukum ke mutabiq cross ker raha hoon)

Abu Adnan Bhai,,, sahih kaha aap ne

warna ho sakta hey ke Akbar bugti doosra Mujeeb sabit hota,,,, Kya hamari Opposition Mujeeb-ur-Rahman ko bhi Mohib-e-Watan mantey hain ???

Iyaz Mir sahb ne aap ke sawal ka jawab deney ki koshish ki hai:

iska matlab hey ke aap Mujeeb-ur-rahman ko mohib-e-watan samjhtey hain ??

aap ko mujeeb k ''mohibbay watan'' honay maiN shak hai

phir to aap g m syed, baacha khaan, akbar bugTy aur altaf hussain k "mohibbay watan" honay par bhi shak hoga meray nazdeeq yeh sab leaders 'mohibbay watan' haiN. albatta inka 'watan' pakistan naheeN balkay alal tarteeb (mojawwazah) sindhu desh, pakhtoonistan, azaad balochistan aur jinnah poor tha aur hai...... aur yeh apnay 'watan' k liyeh qurbaniyaaN denay walay, jaan denay walay aur jaan lenay walay log haiN....... inki apnay watan k liyeh jiddo johad say koi "aqal ka andha" hi inkaar kar sakta hai ......... (maaf kijyega aakhir maiN roo.ay sokhan aap ki taraf hargiz naheeN hai... )

Pahley aap yeh batain keh Mujeeb ko wazart-e-uzama ka mansab na dena, drust tha ya ghalat ...Assembly main us arkan ki aksariyat thi aur woh (adad.di etbar se) wazeer-e-azam ban.ney ka had.dar tha ya nahi ??

(shaid aap ka sawal topic se itna related nahi tha, phir bhi main ne us ka jawab aap ko diya...Ayaz Mir ki zubani , , ab aap merey sawal ka jawab dain).

acha aap ne mujhey merey off topic sawal ka jawab de diya ?????? magar kahan,,, mujhey nazar nahin aya

wazah rahey ke mera off topic sawal striked hey

hum to oss bengali pilot ko bhi HERO maantay haiN jo PAF ka tayyarah india lejatay howay maaraa gaya thaa...... aakhir hum nay oski baaqiyaat ko BD issi liyeh to bhijawaya hai k wahaaN oska mazaar banay aur jab hum wahaaN ka sarkari visit karaiN to ossay salami daiN.

To aap ko waqai (Mir sahb ke coloumn smait) kuch nazar nahi aa raha ...aap ko foran ka test karana cahiye....

Lijye aik aur coulmn...jis main 'fouji' zehn ki sakht aurBAGHAWAT ke asal asbab per baRi jamey behas ki gai hai...umeed hai yeh coloumn (aap ke ilawa ) un sab hazrat ko nazar aa jaye ga...keh jo nazer-e-bena rekhtey hain aur yeh samjhna chahtey hain keh siyasat , baghawat main kesey aur kiouN 'tabdeel' hoti hai :

Khan sahb, ilzamat lagney ke 'mahir hain aap ...maan giya maiN...aur kam za kam is mamley main aap se nahi jeet sakta....(is ka bhi etraf hai mujhey).


Zara batayaiN kay maiN nay kya kya Ilzaamat lagayaiN haiN aur app nay un key tardeed kis taraah key hay. aur agr app yeh na bata sakay tu phir yehi taj app kay sir per fit hota hay kay kyoN kay maiN agr koy ilzaam lagaya hay tu woh sabit bhi hay per app sirf zati ilzamaat/comments per hi inhaysaar ker rahay hay haiN. again a mirror act of MQM activists.


Farz karain keh main (aur chaNd deegar loog) Oppsition ke blind followers hain...to kiya sab sahafi / media experts / coloums nigar (jin ki aksariyat Mush ke iqdam ki muzzamat ker rahi hai) ...sab ke sab 'blind followers' ke zumrey main aatey hain...ya kiya unhain oppsition se koi mali faida mil raha hai...aur yeh bi bataiN keh 'mali faida' opposition se ziyada mil sakta hai ya hakoomat se ?


iss jawab maiN day chuka hooN shayad app nay paRha nahi. hamaray mulk kay zyada ter "experts" key hamesha say koshish rahee hay kay woh kisi taraah "payroll" per jagha hasil ker laiN. above act ko bhi maiN issi tanazur maiN dekh raha hooN.


MMA jahaN ghalat kerti hai main bhi us per crticize kerta hooN aur chand din pahley issi forum per MMA ki Bloochistan hakoomat main shamooliyat aur ab tek istefey na denaiN ke faisley per wazeh 'tanqeed' ker chuka hooN...is ke bawjood koi (so called open minded) shakhs mujhey kisi ka 'blind follower' samjhta hai , to mujhey yeh ilzam bhi ba.sar-o-chasham qabool hai.........

Atleast meri nazr say in forums per app key koy aisi tehreer nahi guzri jis maiN app nay MMA ko kabhi ghalat kaha ho. agr hay tu batayaiN. app jey posts say ( ju kay zyada ter columns copy/paste hoteeN haiN) tu yehi lagta hay kay MMA farishtooN key jamaat hay ju kay ghalati ker hi nahi saktee. haaN AA bhai amooman JI/MMA ko criticise kertay rehtay haiN. asteefooN kay silsilay maiN khud MMA maiN do raye payee jateeN haiN app yahaaN per bhi MMA kay eak group ko follow kernay say baaz nahi rakh sakay. ( asteefooN per iss topic maiN aur koy baat na key jiye ga, if u did, maiN ussay strikeout ker dooN ga.)


Mujhey kisi se apney ba.zameer honey ka certificate nahi chahiye...main kitna ba.zameer ya blind follower hoon , yeh ma'amla merey aur Allah ke dermiyan hai..kisi ko is per comments deney ka koi haq nahi (sab se guzrish hai keh apni apni zaban saNbhal ke baat kariN)...zaban kabhi bhi be.lagam nahi honi chaiye...OK

tu ham bhi yahaaN zameer kay certificate banTnay nahi baiThay. agr tanqeed sehnay ka hosla nahi hay tu kernay say bhi guraiz karaiN. aur yeh jaan ker khushi howi kay app Allah ta'la say bhi laga'o rakhtay haiN. app say bhi guzarish hay kay app bhi apni zuban ko lagam daiN aur discussion ko discussion key had tak rakhaiN. app ka Ghusa yeh batanay kay liya kafi hay kay app kay pass hamesha key taraah Daylight, MJB aur meray sawalooN ya comments kay jawab maiN koy comment nahi hay siwa'e iss kay Murghi key eak hi tang hoti hay.


Ji ager A.A ka fermana drust hai, to phir aap ko apni rawash per nazr-e-sani kerney ki zaroorat hai !!

App ke kehna durust kay maiN nay MMA ko eak Pakistani Mufadaat key hami jamaat ( dosray jamatooN key nisbat) samjhnay key koshish key thee. agr AA bhai kay nazdeek maiN ahmaq hooN tu yeh un key raye hay. agr app kay nazdeek bhi maiN ahmaq hooN ( balkay app key tehrerooN maiN tu ju ghusa hay mujhay yaqeen kay aur AA bhai aur bhi buhat kuch kehtay aur samjhtay hooN.gay) tu howa karaiN. per yeh bhi haqeeqat hay kay itna ahmaq hergiz nahi kay Qazi ya uss kay blind followers ka muqbala ker sakooN


har 'amal' ka 'radd-e-amal' hota hai...amal jitna shadeed hoga , reaction bhi utna hi....

tu goya app ab kehna chahtay haiN kay yeh ju nuqsaan howa hay yeh bhi govt nay hi kiya hay. meray khayal say mojooda sailaab kay peechay bhi Govt ka haath hay. aur yeh ju barishaiN howi haiN tu yeh Un farishtooN ka ansoo thay ju Bugti key mout per noha'khaa thay.
br.sabeel-e-tazkara. Toheen-e-Risalat per bhi ham nay khoob shor machaya. MMA nay apni syasi dukan khoob chamka'i per ab pata nahi kyoN iss baray maiN koy MMA leader baat kerta nazr nahi aata halaNkay masala hanooz hal talab hay.( shayad kay MMA ko mazeed koy aur cause mil gaya hoo sale kernay kay liya)


Is moqey per jo shakhs JI/MMA/Opposition ko koos raha hai...woh khud ko Q-League ya Musharraf ki saf main samjhey...kiouN.keh saf.baNdi wazeh ho chuki hai !!!!!!!

Jahalaat key iss say baRi koy aur nishani nahi ho saktee jis maiN eak shakhs agr A kay saath nahi hay tu woh B kay saath shumaar kiya jaye.


Main kisi per koi zaati ilzam nahi laga raha aur na yeh meri adat hai...kioun keh khahm.khah kisi ki zaat ko nishana bna.na main inthai 'ghtatiya harkat' samjhta hoon...aur doosroon se bhi yeh tawqqu rekhta hoon woh bhi isi rawwiye ka muzhira karin ge...aur 'zatiyat' se opper uth ker baat karin ge...

app issi post maiN yeh "ghaTiya Harkat" ker chukay haiN. post paRhaiN, app ko andaza ho jaye ga. mera target MMA aur uss kay followers haiN jab kay app ka aur AA bhai ka target meri zaat.


wasey doosrooN per zati hamley insaan tab kerta hai, jab us ke paas ''daleel' khtam ho jati hai....yeh bhi aik universal truth hai

aur yehi app ker rahay haiN.. abhi tak kisi key bhi baat ka sahi jawab nahi day sakay.

MMA ya JI ko apni hub.al.watni aur mulk-o-qoum ke liye di gai qurabniyan/khidmat sabit kerney ke liye...aap se ya kisi aur se koi certificate nahi chaiye..Allah kafi hai (certificate deney ke liye).


eak aur jahilana comment. agr MMA/JI ko mujh say certificate nahi layna tu woh meray Vote mangnay bhi na aye. Allag ta'la say kahay kay woh "farishtooN" ko bhaij day. meray khayal say MQM ko mujh say certificate laynay key zaroorat nahi hay, kyoN kay un kay pass tu "farishtay" haiN Voting kay liya. tu kya ab MMA nay bhi yehi kaam yani "farishtay" hasil ker liya haiN? app kay comment nay yeh sochnay per majboor kiya. warna her Syasi paRty Awaam kay pass hi aati hay apnay apnay certificate laynay kay liya. ( though yeh bhi shayad mera eak ahmaqana khayal hay. kyoN AA bhai sahi keh raha hooN na)

Note: Ager HC per koi yeh samjhta hai keh woh aqal-e-kul hai aur us se ikhtlaf kiya hi nahi ja skta.... ya koi is zu'am main mubtla hai keh ke woh sab se aala damgh rkhta hai...aur jo woh keh raha hai woh harf-e-akhir hai (aur dosroon ko us ke samney chup rehna chaiye) ...to asey fard ki zehni approach per afsoos hi kiya ja sakta hai...

per agr HC per hi koy ussay kama haqa jawab nahi day sakta.. tu aisay shakhs ko haq hasil hay kay woh apnay app ko sahi samjhay. aur dosri baat HC per aisay shakhs apna mo'aqaf rakhtay haiN. app ghalat sabit karaiN tu woh apni raye say rajoo bhi kertay haiN. per atleast app tu yeh nahi ker saktay ( meray khayal say )

(*) Apney aap ko a'al muqam per faiz ker ke , dosroon ko apney se haqeer ya kam.tar samjhtey hoey baat kerna, kisi bhi zi.sha'aoor aur paRhey likhey shakhs ko zeb nahi deta ...her aik ko apney se behtar ya kam az kam apney bra.ber samjhna chaiye...aur humaisha bar.bri ki stah per, doosroon ka ehtram malhooz rakhtey hoey baat kerni chaiye...na ke kisi ki 'tazleel' ke pehloo nikal ker aur usey ruswa ker ke apni baat us per 'thooNs' deni chaiye

Out of TOPIC...royaiN nahi. balkay haqeeqat pasandi say halaat ka jayeza laiN.( hint daikhaiN Dar.For maiN kiya ho raha hay)

(*) Islam main doosroon per achey aur bhaley aNdaz main 'tanqeed' kerna / ikhtalaf kerna to jaiz hai...laken ksi ki 'tazleel' kerna jaiz nah hai ...kaha giya ke dosroon (kafirooN) ke khuda (butooN) ko bhi bura na kahoo,,, aur aik ayet hai " jadilhum bilati hiya ahsen'...yeni ager (kafiroon se) behas aur mujadla karoo to achey aNdaz se... yeh to kafiroon ke liye hukm hai,, apney muslaman bhaiyoon ke sath rawwiya to aur bhi naram hona chaiye...main to yehi kuch samjha hoon (shaid main ghalat hoon).

hamay Islam ussi waqt kyoN yaad aata hay jab dala'il khatam ho jayaiN. jin sahib nay above lines likhi haiN yeh Mush key tazleel kertay nahi thaktay..ajj in kay leaders key na.ahliyat key wajaah say in per baat ayee tu ronay lagay.


*) Ikhtalaf kerna her kisi ka haq hai...ikhtalaf kerney ka yeh matlab lena keh yeh shkahs mulk dushman hai aur is ki zuban.baNdi honi chiye ...yeh rawwiya bhi drust nahi...jitney muhib-e-watan aap hain...doosrey bhi aap se kam nahi hain...humaisha yehi zehan main rehna chaiye.


app khud hi apnay andaaz per ghor karaiN, ham nay arz key tu shikayat hogi. iss reply maiN app kay woh ilfaaz bhi mojood haiN jis maiN app nay kaha kay jisay MMA say ikhtaylaaf hay woh MUSH kay saath hay. ( ab issay maiN app ka rona na kahooN tu kya kahooN)

*) Her aik ko apney nazriyat rakhney ka poora haq hai... kisi ki zaat per ya party / nazriyat per attack kerna aur is trah se usey 'chup' karaney ki kooshish kerna ...hargaz munasib nahi....is trah se na kabhi koi chup hoa hai na hoga...yeh bhi aik kham.khiyali hai jis ki islah honi chaiye..

per app yeh haq kisi ko daynay kay liya tayaar nahi, zaatiyaat per app utray as io said before parties ko apni izat itni hi pyari hay tu woh Syasat say bahir nikal jayaiN aur Allah say Dua karaiN kay koy aa ker unhay vote Dal day. kyoN kay agr log Vote DalaiN gay tu ahtaysaab bhi karaiN gay.



(*) Hadees-e-Rsaool (saw) ke misdaq ..momin doosrey momin ka ayeena hai...is hawaley se humain apni zimaNdariyan ada kertey rehna chaiye...aur talkhi ya narazgi paida kiye beghair (barad.rana aur kush.gawar aNdaz main ) apni baat kerney aur doosrooN ki baat sun.ney ka tareeqa apana chaiye...Islam bhi (ghaliban) yehi dekhna chahta hai !


bhai app itna roo kyoN rahay haiN?

Mukhtisaran yeh keh humain "Abu Adnan" ban.ney ki kooshish kerni chaiye ...hope all brothers will agree with me...behasain hoti rahain gi, ikhtalaf hota rahey ga ....leken hum sab aik doosrey ke bhai haiN...aur hum yahaN bhai ban ker hi rahain ge (inshallah)

yeh kaam app hi ko mubarik ho. meray un shakhsiyaat key hayaat-e-Taiba(SAAW) mojood hay jin per amal kerna mazhab maiN shamil hay. ( ghaliban MMA walay issay Hamaqat hi kahaiN gay, kyoN AA bhai hamaqat hi hay na yeh)

Allah huamrey dermiyan 'muhabbat' 0-heartbeat.gif ka rishta qiam rakhey (ameen)


Allah ta'la hamay Na.aqbat andaish logooN aur partiyooN say mehfooz rakhay (AMEEN)

Leader bhai ab app yahaaN say bhi faraar haiN

sorry G,,, zara aankhain test kerwaney gya hua tha,,, iss liye dair ho gai,,, lakin mujhey aabb bhi apney sawal ka jawab nahin nazar aya,,, repeat ker daita hoon

chalain kissi had tak tu aap ne tasleem kya ke MMA ne ghalti ki hey,,,, kya aap MMA ka LFO ke tahat halaf uthana aur frontier main Govt banana sahih samjhtey hain,,,, jab ke MMA, LFO ko shaid bayanaat ki had tak tasleem hi nahin kerti ??

agar aap ko abb bhi nazar na aye tu 1 dafa aap bhi test kerwa lijye ga

tu yeh app say bhi baghay howay haiN.. Daylight ko bhi in say yehi shikayat hay...

pata nahin G,,, kitney sawaloon se bhagey huey hain,,,, saaf kahtey hain ke main jawab daina zaroori nahin samjhta ya meray pass itna faltoo waqt nahin

inka tareeqa-e-wardaat bhi khoob hey,,,,,,inn se mashriq ka pooch lo tu jawab aye ga ke pahley aap batain ke maghrib main kya hey