($) bhai yeh to inn forumns ki bahoot poraani reet hai. zeray bahas guftagoo k saath saath, pahloo bah pahloo (so called) 'off the topic' baat cheet bhi chalti rahti hai. aap ketni hi koshish kar laiN, iss reet rewayat ko tabdeel nahee kar saktay.
(*) ab aisee bhi koi baat naheeN.... agar section modz chahaiN to ghair motalleqah replies ko edit /delete kar kay post ko 'aaloodgi' say paak saaf rakh saktay haiN.... phir members az khud mohtaat hojayengay aur....
($) guftan asaan o kardan mushkil ast
.... aik aadh post yaa aap apni pasan.deedah posts k saathh to aisa karsaktay haiN.... magar har sanjeedah posts ki aisee kaRi nigrani kaun karega. 
(*) section modz karengay aur kaun karega.... GMs aur admins bhi onki help kar saktay haiN....
($) maaf kijyehga... yeh koi asaan task naheeN. agar aap sirf islam section ya current sections hi ko bhi iss purpose k liyeh select karlaiN tab bhi yeh mumkin naheeN k aap har post ki har off the topic reply ka khatema kar sakaiN....
(*) lekin har post maiN aisa karnay ki zaroorat kia hai
sirf modz ki post k saath koi aisa nah karay ... yaa jiss post ko modz select kar laiN, oss maiN log aisa nah karaiN... aur agar koi aisa karay to onki replies par chori pher di jaye.... 
($) modz k poit of views say to yeh aik ahsan aur achchi baat hai... lekin phir members ki kaun sonega
(*) kia matlab.
($) bhai dekhai naa jab modz logouN / aam members ki replies ko off-the-topic qarar day kar onhaiN kill karnay lagega to phir har member bhi yehi claim karega k meri bhi har post k saath yehi VIP treatment kia jaye. aur falaaN falaaN ki falaaN replies ko nikaal bahar kia jaye.... phir yeh bhi tanazeaa khara hosakta hai k kaun see baat off-the-topic hai aur kaun see naheeN.... aur yeh aik aisay bakheRay ka aghaaz hai, jiska koi ant naheeN..... illa yeh k inn sections maiN aam members ki aamd o raft hi band hojaye......... aur aap Thaat say akelay baiTh kar bhashan
diye jayaiN....... nah koi interfere karnay wala hoga nah koi sonnay wala.... 
(*) phir aap chaahtay kia ho...... kia loga chchee bhalee post ka satya naas kartay rahaiN ... onhaiN kuch nah kaha jaye..... sanjeedha baat cheet k beech mazahia baat ya idhar odhar ki haanktay rahaiN.
($) maiN yeh nahee kah raha .. aur nah hi aisa chaahta houN...... lekin aik open forum ka sara husn hi members ki amad o raft aur boltay rahnay say hai...... aap sirf onhi fiqrouN ko delete karaiN jo behoodah aur dushnaam tarazi par mabni ho...... bay.waqoofanah, bay toka aur naam nehaad off the topic baat karnay walouN ko apni baat karnay daiN.... aap apni baat jari rakhaiN...... log az khud baatouN maiN faraq mahsoos karnay lagengay k kissi ki baat maiN ketan wazan hai........ yeh koi web page naheeN jahaaN sirf log web owners ki pesh kardah baat ko READ ONLY k liyeh aatay haiN.... har aik apnay ilm aur zarf k motabiq hi bol sakta hai........ onhaiN bolnay daiN....... aap apna kaam jari rakhaiN....
(*) hmmmmmmm baat to aapki kuch kuch samajh aati hai... chalo ab dekhtay haiN k deger members aap ki baat per kia reply detay haiN... yaa aap ki baat ko bhi off-the-topic baatouN maiN ora detay haiN.....
thanx for ur non-shokh reply 
52 views & 
05 replies 
