Assalaam o Alaikum folk,

Hope you all are very best of health and fine.

One question which arised in my mind is that MMA is a part of Baluchistan Government and being a part of Baluchistan Government aren't they also responsible for killing of Akber Bugti?

If yes, then why they are criticising this act and if no, then why still they are part of Baluchistan Government?

Regards

Kursi ki muhabbat bari zalim hoti hai Iska nasha afyoon se bhi ziada hota hai......

U can see k Jamat e Islami to door ki baat kisi baluchi MNA ya MPA ne bhi resign nahin kiya.......Kursi se muhabbat

MMA ne wesay to fauran hungami ijlaas bulaye lekin baluchistan govt. se alehdagi ka faisla 5 sep ki meeting par rukh chhora.....



najane kyun.........kya kursi ki samad bond itni hi pakki hai??

u r rite ... ikhlaqi taur par MMA ko balochistan hakoomat say bahar aajaana chhaiyeh. yaa to woh balochistan maiN fauji operation / bugty k qatal ki hamayat karay...... ya agar woh samajhti hai (aur taqeenan aisa hi hai k) army nay balochistan hakoomat ki ijazat k beghair yeh sab kuch kia hai to ehtejajan soobayee hakommat say bahar nikal aaye.

iska matlab ye hua k MMA asuloo ki siasat k bajaye mafadaat ki siasat kar rahi hai or hum sab ko mazhab k naam pe bewkoof bana rahi hai

maarouN GhuTna, phootay aankh

iss khabar say aap nay yeh "conclusion" kia khoob nikala hai

kissi paRhay likhay say yeh khabar paRhwa kar son laiN woh aap ko samjha dega iska matlab

yeh khabar hamaiN batlati hai k:

1. MMA diff political jamatouN ka seyasi ittehaad hai.

2. mokhtalif seyasi jamatouN ka "ittehaad" honay k bawajood inkay baahmi ikhtelaa.faat bhi haiN.

3. bugTy ki halakat par balochistan hakoomat say alehdgi par bhi inkay darmayan ikhtelaaf hai.

4. JUI hakoomat say laga honay k khelaaf hai

5. JI hakoomat say alag honay k haq maiN hai

ab koi 6th point iss news say aap nikaal kar batla daiN....

asal baat yehi hay, iss ko log jitna marzi ghuma phira ker hi kyoN na bayan karaiN.. MMA as a whole apna mufaad daikh rahee hay,

JI ko lagta hay kay hakomat say aalayda ho ker woh anay walay elections maiN hamdardiyaaN hasil ker sakay gee.

JUI anay walay Elections maiN JI key wajaah say ( MMA kay jhanDay talay) dobara iqtaydaar maiN aa jaye gee, ya atleast assemblies maiN qabil-e-zikr role play ker saknay key position maiN aa jaye gee.


sab topi Drama hay, koy lashaiN baichta hay tu koy mazhab, tu koy roTi kapRa aur makan.

6. MMA mufad parastoon ka tola hey,, jo alehda hona chahtey hain,,, apney muffadaat ke liye,,, aur jo nahin hona chahtey,,, wo bhi apney muffadaat ke liye.


Asooli syasaat tu tab hoti jab Balochistan Operation ke start main hi wo hakoomat se alehdgi ker laitey

chalain yahan tu allied govt hey,,, frontier main tu poori govt MMA ki hey,,, wazeeristaan operation ke khilaf kion nahin resign kye ???

I can bet on it, kay agr MMA ko aaj Punjab ya Sindh maiN bhi ya wafaaq maiN bhi koy position offer ho jaye tu Mush, Ameer.ul.Momineen qaraar day diya jaye ga.

Maqsood-e-MMA sirf hakomaat hay, jaisay hi inhay mil gayee, sab sahi, aur agr Mush Q league ko nikaal ker inhay rakhta hay tu Q league ko MUSH maiN keRay nazr aana shoroo ho jayaiN gay...

yehi Pakistani Syasat ka awal.o.aakhir hay...

Ok...but , Election 2002 ke ba'ad (jab hakoomat tashkeel deney ka marhla der.paish tha) aur hakoomat ko aksariyat hasil nahi ho rahi th...to MMA ko yeh OFFER hoi , keh

1. Naib Wazeer-e-Azam (Deputy PM) ka aik uhda creat ker ke ...MMA ko de kiya jai..

2. Speaker bhi MMA (ghailban Liyaqat Balooch) ko bna diya jai ....

3. Aham wafaqi wazartain bhi MMA ke memebers ko de di jain gi...

Laken MMA WARDI ki himayat ker de....to phir MMA (jo keh aap ke nazdeek mafad prast party hai) ne yeh paish.kash kiouN qabool na ki..??

[Yad rahey ke Jamali sirf aik vote ki aksariyat se PM baney they..jabkeh Shujaat ki shadeed khahish thi keh PPP (patriot) ki bajai MMA se samjhoota ho...laken 'mafad parsat' MMA ne apney mafad ka khiyal bhi na kiya.........!!!!!)

Aur phir ussay aqal aa gayee aur uss nay wardi kay haq maiN vote Daal diya

sir g aap ki bataiN 101 % durust hosakti haiN......... lekin aap above quoted news say yeh jo chata point nikaal rahay haiN, iss say sirf aap baseerat o basaarat dounouN motassir horahi hai..... aur kuch naheeN

Aur December 2003 main jis shakhs ne PTV per aa ker poori qoum ke samney (Dec. 2004 tek) WARDI utar daney ka ELAN kiya ...woh Prevaiz Musharraf nahi balkeh Musharraf ka BHOOT tha !!!!!!!!!!!!

Aur jis ne Musharraf jasey ziddi gernail se (qoumi taeeekh main pehli bar) yeh ELAAN kerwaya, woh MMA nah balkeh MMA ka BHOOT tha!!!!!!!!!!

Pya nahi loog,, itni wazeh cheezoon ko kesey itni asani se Jhutla detey hain...aur mathey per aik 'bal' bhi nahi aata !!!!!!!:breakface1:

Bhai jan.. Mush tu hay hi ghalat. ham tu MMA ko keh rahay haiN kay yeh bhi Ghalat hi hay!!!

Ji, Mush se wardi utarney ka wada lena MMA ki bohat baRi ghalti thi...usey Deputy PM ship, Speakership aur wazartain le ker Q.League ban jana chaiye tha...bohat ghati ki MMA ne....

MMA ki mafad.prasti aur hakoomat talbi ka aik saboot :

Ayoub Khan say lay ker Mush tak, her hakomat nay kuch na kuch achay kaam bhi kiya haiN. MMA bhi apnay paish.roo'ooN key taraah yehi ker rahee hay ( infact un key pori pori copy ker rahee hay) agr MMA nay kuch achay kaam kiya haiN tu uss key tareef inhi forums per maiN nay bhi key hay, per agr MMA ghalat kaam kerti hay tu ussay criticize bhi kya hay.. per kya hal woh iss mentality ka jis maiN yeh samjha jata hay kay agr koy MMA kay saath nahi tu woh uss kay khilaaf hay...

baqi pachtawa tu Moalana Fazal.ur.Rehman key andaaz say hi lagta hay. muhtaram ko shayad yeh bhi gham ho kay uss waqt hakomat key baat maan laytay tu aaj panchooN ghee maiN aur sir kaRahi maiN hota..

waisay kitni ajeeb baat hay, markaz maiN hakomat kay sath hay per Balochistan maiN hakomat say mil ker govt banaye howi hay.. ( shayad kay MMA nay DPM key offer kuch soch ker hi reject key ho.. warna agr mil ker hakomat bana saktay haiN tu DPM banay maiN kya harj hay)

Waaaaah kiya faisla hai...lagta hai MMA ne Khan Amer ki baat sun li hai...aur Bugti ke qatal per (bloochistan hakoomat se) mustafi honey ki bjaye aapney istefey 'Hodoos Ordinence' main tarmmem ke BILL ki manzoori se mashroot ker diye haiN....isey kehtey hain NAZRIYAT ki siyasat !!!



Note: Yeh news get.tv /jang se li gai hai...note karain keh is main Hodood orrdinence main tarmeem ka bill likhney ki bjai jagh jagha Hudood Allah ka bill likha giya hai...

Urdupoint ki khabar:



lagta hai Urdupoint ne bhi khabar GEO hi se li hai..

tu jab tarmeem hojayengee us k baad MMA Baluchistan Govt say alag hogi tab kia federal govt baluchistan mai governor raaj nahi lagaye gi..tahaffuz niswa ka bill tu govt manzore kara hi legi..

Leader bhai daikh laiN, MMA dependable nahi hay! Mush key wardi say lay ker adam-e-aitmaad tak, inhooN nay apna wazan Mush kay palaRay maiN hi Dala hay. ab bhi uss nay hadood kay saath apnay asteefay mashroot ker diya haiN. asal maiN MMA ko mustafi uss waqt hona chahiyee tha Jab Mush nay Wada khilafi key thee... tab nahi howay...

ab Bugti ko issue banaya per mustafi nahi howay....

ab iss level per jab kay election keu amad amad hay istayfay dayna kya ma'ina rakhta hay.




issay nazriyaat key syasat nahi kehtay. maslayhatooN key syasat kehtay haiN,

yeni koi Bugti ko issue bna ker hakoomat se musatfi ho jai....to aap NARAZ !

aur ager koi Bugti ke issue per mustafi na ho , to bhi aap NARAZ !!

----------

Koi hadood ko ahmiyat na de....to aap NARAZ !

aur koi hudood ko issue banatey hoey (mutafi honey ki dhamki de) tab bhi aap NARAZ !!

------------

yeni aap ki narazgi 'constant' hai,,, baNda jai ...to jai kahaN !

(koi hal aap hi bta dain, jo aap ko NARAZ na karey...??)





Aap ki itla ke liye , Bugti ko 'issue' kisi aur ne nahi...balkeh khud Mush sahb ke iqdam aur 'independent' media ne banaya hai....record drust ker lain ! thanks

app ju chahay samajh saktay haiN... koy bhi app ko force nahi ker sakta.

mera reply ghor say paRhaiN..

Nazriyati Syasat kay alam.bardar ussi waqt mustafi ho jatay jab Mush nay wada toRa tha. per choT.tee nahi yeh zailm muNh lagee howi kay musadiq... MMA yeh faisla na ker saki.

ab jab bottel maiN chand qatray baqi bach gay haiN tu yeh kehna kay aaj kay baad iss bottle say nahi piyaiN gay. cha mai'nay...

baqi Bugti ko lay ker app nay bhi khasa wavela machaya tha, aur jahaaN tak app key posts ka taluq hay tu app MMA kay point ko paish kertay chalay aa rahay haiN.

LaiN jee app key itlaa kay liya eak aur khabar aaj hi kay akhbaar say, records durust ker laiN:

Mosoof asey 'aNder' ki khabarain de rahey hain, jasey khud Ijlas main shareek they..!! koi in se poochey keh keh kiya 'source' hai in ka....??

aur humarey HC ke 'bhooley' loog foran in batoon/ akhbari khabroon per 'yaqeen' ker latey hain...jasey woh bhi sab kuch khud dekh/ sur ker aaye hain...!

Koi shak nahi keh JI aur JUI main is mamley per ikhtlafat hain...aur aaj se nahi , balkeh US WAQT SE HAIN, JAB JUI BLOOCH. HAKOOMAT MAIN SHAMIL HOI THI....(Musharraf ke wada tooRney se bhi pahley)...laken fazul.ur rehaman sahb ka mouqaf tha:

1) Moulana Sherani (JUI Blooch. ke sadar) per mera bas nahi chalta...ager unahaiN ziyada majboor kiya to woh JUI ko kher.abad keh ker apna dhaRa alag bna lain ge..

2) Boochistan ke (JUI se talluq rakhney waley) members yeh samjhtey hain keh woh hakoomat main aa ker awam ki khidmat ziyada behtar aNdaz main ker saktey hain..

Ab JI (jamaate islami) ke paas do(2) option the ,

a) ya tu 'hard' stand leti...nateejtan JUI bhi hard stand le leti...aur MMA barqrar na rehti...

b) hard stand leney ki bjai...JUI per ba.tadreej apna pressure bRhati rahey keh woh 'asooli' stand le...jo woh ab bhi ker rahi haiAb yeh faisla maiN Khan bhai per chooRta hoon keh JI ko kouns option ikhtiyar kerna cahiye tha...MMA ko taoRney wala ya MMA ko bar.qrar rakhtey hoey, JUI ko qail kerney wala

( Yeh fact hai Noorani sahb ager ziNda hotey, to soorthal ziyada behter hoti, laken JUI aur JI main aik achey salis ka kirdar ada ker saktey they)

bhai jan, hamay MMA kay ikhtaylafaat say kuch layna dayna nahi hay, ( syasi log ikhtaylaafaat kay illawa aur ker bhi kya saktay haiN)

HC Kay bholay bhalay log tu sirf yeh keh rahay haiN kay MMA bhi Pakistan key eak riwaytee Syasi Jamat/Ittehad hay, jis kay member/hamdard issay FarishtooN key jamaat sabit kernay key ser toR koshish kertay haiN...

Mulahiza ho
pehlay app nay kaha kay MMA Balochistan/Bugti Issue per kuch nahi keh rahee.. per jab ham nay yeh khabr lagayee tu app aayaiN bayaiN shayaiN kernay lagay...

Majra kya hay



waisay app pehlay key taraah phir say yeh keh saktay haiN kay JI/MMA ko kisi say Certificate laynay key zaroorat nahi hay...

SO Called Nazriyatee Syasat

Aap WAZEH alfaz maiN bataiN keh Jamaat (JI) ne Bloochistan ke silsaley main koun koun si Be.Qaidgi ki hai (points ki soorat main)...ta.keh baat zra khul ke ho ke koun kitna bey.asool hai !!

Ager MMA ki (bloochistan ke hawaley se ) baat ho gi to phir us ka matlab JUI liya jai ga (na keh JI kiouN.keh JI whanaN ki assembly maiN exist hi nahi kerti) !

tu ab app yeh kehna chah rahay haiN kay JI ka MMA say koy taluq nahi hay. aur JI MMA key dosri Important Jamat JUI kay qol.o.fail ey zimdar nahi hay...

Interesting qalabazi... pata nahi app kay yeh leader app key mazeed kitni qalabaziyaaN lagwayaiN gay...


Conclusion eh nikla kay.. ab JI aur JUI do mukhtalif jamataiN haiN. jin ka agenda mukhtalif hay aur jin ka manshoor mukhtalif hay.. agr yeh baat nahi hay tu JI MMA maiN shamil tamam jamatooN kay qol.o.fael key zimdar hay.

aap ne mery sawal ka jawab nahi diya (aur naye sawal pooch liye)...

Door baith ker 'tanqeed' kerna aik bat hai...aur kisi maamley se amlan nimtna doosri baat...

Humrey (JI ke) leaders is 'complex' soort-e-haal se amlan nimat rahey hain...kam az kam mujhey un per mukamal 'etmad' hai keh woh poori diyanat.dari aur hoosh.maNdi se faisla karaiN ge...koi faisla ghalat ho sakta (is ka imkan hai) ...laken yeh kehna keh woh jan boojh ker bad.diayanti ya kursi ke 'lalaich' ka muzahira ker rahey hain , theek nahi hai...

MMA aur JI ka leader (Qazi) aik be.loos aur mukhlas shakhs ahi, jis ki gawahi bohat se (non.jamati) bhi dain ge...woh na to be.waqoof hai aur iqtedar.prast...usey har ilzam diya ja skta hai , laken yeh nahi kaha ja sakta keh woh jhoota, lalchi aur kursi ka talb.gar hai..us ki sabqa ziNdgi is cheez ki gawahi deti hai...yeh main Allah ko hazir nazir samjh ker poorey etmad aur iman se keh raha hoon keh ...(kisi tassub, kisi be ja muhabbat ya kisi indhi taqleed ke nateejey main nahi keh raha)...Allah to gawah rehna !

Ab ager aik shakhs MMA ko bachney ki khatir , kisi jagha ghair.zaroori lachak ka muzhira ker jata hai...to yaqeenan bohat se loog kaiaN ge , keh us ne ghalat kiya ...be.asooli ki...usey MMA se alag ho jana chaiye...laken ager us se poochaiN to woh yeh kahey ga keh main ne bahmi ittehad ko bar.qrar rakhney ki khatir yeh 'be.asooli' ki...ab is ka failsa to Allah hi kerey ga keh us ki yeh be.asooli (aik baRey maqsad ki khater) theek thi ya nahi...

[Wazey khan bhai sach sach batain keh ager aap is situation main hotey to kiya kertey ...?????]

Bhai jan... app key baat hi aisi hay kay tamam dosri bataiN san.vi hasiyat ikhtayaar ker gayeeN haiN.. app ka kehna kay JI, MMA balochistan ka hisa nahi hay ya nahi rahee eak buhat baRi baat hay. ( iss per ghor key jiya ga)

agr maiN iss situation maiN hota tu, awal tu LFO kay tehat Halaf hi na layta. uss kay waqt kay aalmi manzr.namay ko daikhaiN, Pakistan per USA samait Commonwealth ka bhi pressure tha kay woh mulk maiN jamhoriyat nafiz karay ( ju kay Mush nay looli lanGri aur goongi behri , ker hi dee)
imagine kay almost aadhi assemble half laynay say inkaar ker daytee aur SaRkooN per aa jatee... tu Mush kaisa corner hota..

bil.farz uss waqt maiN half laynay key ghalati ker bhi lee tu Mush ko Ba.wardi sadr kabhi tasleem na kerta.. chahay woh koy bhi wada kerta...aur zaberdasti aisa kernay key surat maiN dobara assembly say bahir aa jata... ( just imagine kay kitni dair tak yeh pressure bardasht kerta) per chalaiN "qomi mufaad" maiN yeh bhi ker liya...
per jab Mush nay wada toRa tu aglay din hi istayfay day daytay...

in teenooN moqooN per puri duniya key nazraiN Pakistan per lageeN theeN aur hamari MMA sirf bayanaat kay golay dagh rahee thee...

ab jab kay Election maiN 8/10 mahinay ka time reh gaya hay..tu istayfay daynay wali option use kerna ya na kerna eak braber hi hay...

MaiN phir kahoon ge ke door baith ker tabsra ya 'tanqeed' kerna (jo aap ka haq hai) aik baat hai ...aur kisi ma'amley ko amlan face kerna aur us se nimatna doosri baat...

(yeh fiqra main ne dobaara quote kiya, kioun.keh yeh bara ahm nukta hai...)

bohat si batain asi hooN gi, jo shaid merey aur aap ke ilm hi main na hoon (kioN.keh hum ne woh soort-e-haal amalan face nahi ki )...laken jo us mansab per baithey hain , ager un ki sunain to shaid aap bhi keh uthain keh theek kiya...

Ab main aap ke sawalat/baat ki tarf aata hooN . leken main jawab der jawab ke is silsley ko tool nahi dena chata ...(aur yaqeenan aap bhi nahi chahatey hooN ge)...



bil.kul drust....laken halaf to MMA samait oppsition ke kisi memeber ne bhi LFO per nahi uthaya !

jab halaf uthaya ka marhla aaya to aap ko yaad ho ga keh yeh baat assmebly ke floor per kahi gai thi (opposition ki tarf se) keh hum LFO per halaf nahi uthayaiN ge....aur SPEAKER (Illahai Bakhash Somroo) ki tarf se baqaiyda yeh elan hoa , keh aap ke samney 1973 ka asal aayeen hai (is maiN LFO shamil nahi)...aur is yaqeen.dahani ke baad sab ne halaf uthaya....



Yeh baat bhi bilkkul drust ...main aap ki baat ki ta'aed kerta hoon..

Qazi samait MMA kke sab rehnuma akhri waqt tek zoor lagatey rahey keh Mush WARDI utarney ka wada na karey,,,balkeh abhi aur issi waqt WaRDI utarney ka elan kerey (Yeh bhi aap ko yaad hoga) keh muzakrat isi aik nuktey per dead lock ka shikar hoey...us ke baad S.M.Zafar ko (MMA ki request per) muzakrat main shamil kiya giya...kio.keh un ki rputation achi thi..

Jab Musharraf nahi man raha tha , December 2004 main WARDI utarney per israr ker raha tha ...aur MMA ke qadeen ko yeh yaqeen dilaya giya keh Dec.2004 main woh utar de ga to bhi MMA ne nahi mana...

Phir S.M Zafar ke zariye is yaqeen dahani per keh ab aayeeni zamanat de ja rahi, (Jo Ayeen ka hissa ban jai gi) aur koi usey tooR nahi sakey ga,, to tab ja ker MMA ne Musharraf per 2004 tek etbar kerney ka failsa kiya , (jo ho skata hai keh ghalat ho laken us main MMA ki bad.niyyati har.giz shamil nahi thi)..

S.M zafar ne apni kitab DIALOGUE main bhi yehi kaha keh humain yaqeen ho giya tha keh Mush jo wada ker raha hai woh poora kerey ga aur , us ke liye aayeen se inharaf mumkin nahi ho ga ...

Laken phir jo kuch hoa jwoh aap ke samney hai ...aur tareekh ka siyah baab hai (ayyen ko aik tarvrakh ker) apni marzi ki gunjaish nikaltey hoey , apna wada toR diya giya ...)



yaqeenan best option to yehi tha...laken ghaliban MMA ke aNder kuch parties yak.soo nahi thi

Laken shaid faisla yeh hoa keh khud ghar janey ki bajai, Mush ko ghar bheja jai...us waqt oppsition taqseem ka shikar thi...PPP ki toopaiN MMA ke khilaf khuli hoi thi...olehza pahley oppostion ko aik nuktey per ikatha kerna zaroori tha...lehaza te hoa keh baldiyati elections ke nataij dekh ker us ke baad oppsition ke deegar parties ko sath mila ker (istefoon samait) sab option istemal kiye jain...

Baldiyati elections ke baad tahreek cvhlaney ki tiyyariyaN mukmal ti keh Oct. 2005 ko zalazla aa giya...aur sab tayyariyaN dhari ki dhari reh gai...zalzaley main mazhabi jamataiN khasoosan Jmaat-e-Islami muatsreen ki bahali ke kaam main masroof ho gayi...aur owh kaam kiya jo tareekh main yaad rakha jai ga

Zalzaley ke baad ab ja ker tempo bna hai, Zalzala na aata to yeh tahreek pahley shry ho jati, air kisi ko yeh kehney ka moqa na milta keh elections se 8-1o maah pahley tahreek chlana na chlaan aik braber hai ...(halaN keh aik braber nahi hai)

JI , Nawaz League aur Imaran Khan istefoon ke liye tayyar bathey hain...PPP aur JUI ko kuch 'tahffuzat' hain ...Dua kerain keh Allah un ke tahuffuzat bhi door kerey ...aur sab yaksoo ho ker aur mil ker Mush se nijaat ke liye jad-o-jehad ker sakain ... :

Mujhey lagta hai ager yeh nah hoa to phir JI, Nawaz League aur Imran (ki threek-e-insaf) ko ikatha hona paRey ga !!!!!

[Huddod ord. ko is moqey per paish ker ke yaqeenan hakoomat , oppsition ko taqseem kerney ki kooshish ker rahi hai...Allah PPP walooN ko hidayat de (amneen) duas: ]

Note: main ne sawal aap se Bloochistan ki soort-e-haal aur MMA ki policy ke hawaleyt se kiya tha...keh ager aap MMA ke sadar hotey aur aap ko bhi wohi situation der.paish hoti jo aaj QAZI sahb ko der.paish hai (jis ki tafseel main pahley biyan ker chuka hooN) ...to aap BUGTI ke qatal per istefey na dney ke faisley main shamil hotey ya MMA se lag ho ker pna ehtjaj record karatey...??

yaad rahey keh Bugti ki pani party JWP ne abhi tek assembly se istefey nahi diye...

Ager yeh khbar UMMAT akhbar ki hai to mujhey keheney dijye keh UMMAT, agenciooN ki zuban istemal ker rahey hain....Rafeeq Afghan sahb ke AgenciyooN se rawabit bhi kabhi dhakey chuepey nahi rahey....laken is had tek agencies ke haatoon main chley jana bhi theek nahi

Bhai jan maiN bhi yehi kahooN ga kay Lame excuses dayna buhat asaan ha y jaisay app day rahay haiN. aur shayad aainda bhi daytay rahaiN. per kam ker kay result nikalna buhat mushkil. ab tuk app nay ju bhi wajoohaat batayeeN woh Lame excuses kay zumray maiN shumaar hoteeN haiN. urf-e-aam maiN inhaiN maslayhatooN ka shikaar kaha jata hay... jis key agli stage nazriya-e-Zaroorat hay.

Qazi sahib key na.ahli ka maiN shoroo dn say qayel hooN yahaaN per uss ka amli namoona bhi unhooN nay paish ker diya.

ab app kay lame excuses ko eak nar dakh laytay haiN...

agaiN i will quote your words... MMA?JI ko ham say certificate laynay key tu zaroorat hi nahi hay... ab iss jumlay ko maiN pura ker dayta hooN...ussay Mush keu khushnoodi aur certificates darkaar haiN.



kya app ko yaqeen hay kay aisa hi howa hay. jab kay assembly maiN aur eak do talk shows maiN ( jis maiN hakomati aur MMA kay arkaan aamnay samnay thay) hakomati arkaan nay seedha seedha MMA say kaha kay Half tu app nay LFO kay tehat hi lya hay na. jawaban MMA kay arkaan nay iss key tardeed nahi key. balkay khamoshi ikhtayaar ker lee.. (ab iss khamoshi key wajah kya hay???)



( app kay reply ka yeh pura section hi quoted hay, tawalaat key wajaah say adha quote kiya hay)
iss situation ko iss nazr say daikhaiN... Mush nay MMA ka mutaliba mannay say inkaar ker diya, ab MMA kay pass koy aur rasta nahi bacha siwa'e iss kay woh koy kisi ko beech maiN Daal ker koy wada hasil ker lay... so MMA nay yehi kiya.. S.M.Zafar eak shareef insaan haiN.. un ka kandha istaymaal ker kay, Mush say without any garantee wada lay liya... eak shakhs jis nay hakomaat per shab.khoon mara hoo.. uss kay waday ka aitbaar ya tu MMA ker saktee hay ya koy na.ahl leadership...





yani kuch mufaad parast anasir key wajaah say MMA qayaday maslayhatooN ka shikaar ho gayee aur Mush ko bardasht ker liya. Now just give me one reason kay yeh so called Islam kay alam.bardar next time kisi mufaad parast Tolay kay haath black mail ya hijack nahi hooN gay...



Allah ta'la app ka bhala karay, MMA aur Hakomaat maiN iss per bhi baat cheet shoroo ho gayee hay.. aur MMA say kuch manwana koy mushkil nahi hay.. yeh baat pehlay bhi kayee baar sabit ho chuki hay...



bhai jan, agr mujhay batoor sadr apnay party walooN kay maslayhatooN ka shikaar hona paRta tu, maiN yeh gunnah apnay ser hargiz na layta.. araam say apna auhday say mustafi ho jata.. per hamaray qazi sahib key iqtaydaar key hawas keh laiN kay 1988 say lay ker ( iss say pehlay key ghalatiyooN ka mujhay andaza nahi hay) ab tak ghalatiyooN per ghalatiyaaN kiya ja rahay haiN...

Buhat khoob.. eak aur qalabazi...


jab tak UMMAT govt kay khilaaf likh raha tha tu acha tha.. ab MMA kay baray maiN kuch likh diya tu agency ka akhbaar ho gaya.. wah ray... kya mantaq hay... buhat khoob.. subhan.Allah.