Asalam-0-Alyekum

kaise hain aap sab "AZ" walay aur dosray tamam members ..................

janab aik baat karna chahta hoon ager aap Ehbab ijazet dain tu Arz karoon !!!!!

'aur haan aik baat zehan main rakh kar IJAZET dijiye ga ya RAD kijiye ga ke ho sakta hai ke kuch TALKH ho jaoun lekin maqsed hargiz kisi ka Dil dhukhana ya Be'ja tanqeed karna nahi hoga .......................'

Ijazet daine ki waja bhi biyaan kijiye ga aur RAZ karne ki bhi ........

Jawab ka Talib .................

(Ager jawab Khalish bhai , Abu Adnan , Abdullah bhai main say kisi ki taraf say ho tu meri dili tasali ho jaye gi ................. Ah0o0)

Baat "HC" say motaliq hai kisi member ya "AZ" ki team kay baray main nahi ........................ Ah0o0

Meri taraf say ijazat hay

FALAK
AZ kya hai?

bhai g ho ahead plzzzzzzzzzzzzzz
etna takalluf bhi Theek naheeN. yeh aap ka 'apna' forum hai. dil khol kar baat kijyeh. gilay, shikway, shikayaat, tajaweez, mashwaray ... jo chaahay aap ka husnay karshma saaz 'kahay'

hum hama tan gosh, balkay Khar.gosh haiN.



solemani Topi wala section yaani 'Admin Zone'... HC main issay MZ yani mod Zone kahtay haiN.... MZ say ooper bhi aik zone haiN yaani AC, Advisory council jiss maiN selected modz/GMs hotay haiN....

Shukriya ke aap ne Ijazet day di warna tu shayed main kuch bhi na keh pata




Its Administration Zone ........ aur jaisa ke Abu Adnan jee nay kaha ke HC main isse Mod's Zone kehtay hain ............ Ah0o0



Nawazish hai Usuf bhai ...............

jee bhai shikayat kiya honi baas aik baat hai jise mashwara bhi nahi keh sakte ...................... Ah0o0

Bhai itni lambi tamheed.....
Come on wots the matter

jo zeyadah laambi hojaye ossay tahmad kahtay haiN, tamheed naheeN.

Falak dear jis baat ki tumheed hi itni lambi ho wo apna asar aur apni afadiyat kho deti hai, awwal to ijazat lene waali koi baat na thi phir ijazat milnay par bhi reply mein na batana balkeh baat ko gol mol ker dena iss baat ki taraf ishara karta hai ke aap iss section ko bhi FTM ya FG type section samajh rahay hain ke jitnay zyada replies aa sakain utna topic chalay :p

mujhey tu khoda pahar,,, nikla choha wali baat lagti hey

ya yeah bhi ho sakti hey ke tamheeed itni lambi hey,,,, tu anqareeeb koi afsana parhney ko mil jaye

Asalam-0-Alyekum

Kaise hain Aap sab Dost !!!!

waise kiya baat hai aap dostoo ki, khair chaliye acha hai ke aap sab meri Tang kheenchne main saath hain aur shayed issi ko Ittifaq aur apisi Etihad kehtay hain ...........

sirf Day light bhai ki baat ka jawab de kar jo kehna chah raha hoon wo shuru kar doon ga ......... jee tu Pyaare bhai maray saath kuch tu aisa hoa ho ga na ke muje baat karne ke liye Ijazet ki zaroorat par rahi hai !!!....... aur main ne tu abhi sirf dostoon ki batoun par reply kiya tha kyoon ke jo kehna chah raha tha wo baat lambi thi time lagta aur us waqt, time kam tha is liye baat na keh paya aur rahi baat ke main shayed ise FTM etc samaj raha hoon takay replies ziada hoon ......... tu kiya aap aisa samajte hain ke muje iss cheez ki zaroorat hai ?

(aur aik aur bhi waja thi jo msg na karne main Man'nay thi wo yeh ke main ne Shokh ki post check nahi ki thi ....... aur jab check ki tu pata chala ke wo bhi wohi baat kar rahi hain jo main karna chah raha hoon ........ lekin pher bhi main yeh baat karoun ga takay ab aap sab koyi nayii baat na kar dain )

jee tu ab wo baat jo main kehna chah raha hoon wo:

"HC" jise Ali Chaudhary chala rahay hain (Super Admin.) aik bohut hi Zabar10 msg board hoa karta tha ............aur 2002-2003 aur Awayel 2004 tak yahaan khoob Gehma Gehmi rehti thi ......... har section main Threads hoti theen aur Be'shumar replies ke jab insaan HC log in karta tha tu apni Post doondhne ke liye 2nd / 3rd page par jana hota tha ............. Mods sab Threads bhi karte thay aur dosroun ki Threads par reply bhi aur members is baat ko sab say ziada pasand karte hain aur khush hote hain jab MODS unki thread par reply karain ya un say ussi post ke hawalay say batain .............. aur yehi wo Wajohat theen jin ki bunyad par HC the best tha ............ aur tab tak iska Mad-e-moqabil bhi koyi na tha jabke dosre boards tab bhi thay but humari MONOPLY thi ...........waja Dil'chaspi thi .............. isse is tarha Chalaya ja raha tha ka sab kuch bohut Khush'numa lagta tha ............

Aur ab !!!!!!!!!!!

ab aisa kyoon nahi hai .......... main samajta hoon uski sab say bari waja wo MODS hain jo Ghair-Hazir hain .......... jaise ke Intelegent Larki , Ashuu , Barish aur gulab , Bela , farzi , Mzr , Airy Princess , Cancer aur Prince no.1 aur in main say jo latest MOD main ne online dekha hai wo 27th july ko thay ............. ager is beech koyi aur bhi aya aur meri nazar say nahi guzra aur main unka n nahi le saka tu meri Paishgi mazret qabool kijiye ..............

ab masla yeh hai ke itne saray MODS jo a hi nahi rahay unka HC ko kiya faida hai !!!!!!!!! mera zati khyal hai koyi nahi ............ jab ke ager hum kuch aur members ko (jaise ke pechle dino hoa bhi hai) MOD bana dain jo regular hain tu wo na Sirf Apne Section ko time dain gay balke wo khud apne dosre dostoon ko HC par layeen gay ............. aur iss say HC par HULCHUL ho gi aur hum sab ke Dekha dekhi aur loog bhi anay lagain gay aur HC aik bar pher say number 1 par ho ga (Aaj kal pher kafi hulchul hai jo ke achi baat hai).............Kuch aur members ko bhi Family members ka Status dain takay unhain mehsoos ho ke haan hum Eham hain .........

SOS main kisi ko nayi sho'ara ka kalam check bhi karna chahiye balke unki Tas'shee aur Is'lah bhi karni chahiye yeh silsala khoob rahay ga ........ aik aur section jis ki kami mehsoos kar raha hoon wo hai "Muhabat etc" .... pehlay hoa karta tha 2003 tak tu muje yaad hai ........... ab kahaan gaya ........ !!!! aur jaisa ke Khalish bhai ne kaha ke members ki bhi zuma'dari hai ke wo naye Mozoaat le kar ayeen tu Khalish bhai members naya Mozoon tu latay hain lekin us par reply karne ke liye koyi hota hi nahi tu wo mozoo Koray kay dhaair main chala jata hai
..............aur jaise Shokh ne kaha ke Moqable karvayeen ........ lekin us main bhi aik masla hai membres hoon gay tu hissa bhi lain gay na .......... lekin iske liye yeh kiya ja sakta hai ke URDU POINT par un events ko bataya jaye takay loogoun ko pata chalay aur wo hissa lain aur pher jab koyi aik bar a jaye tu usse aisa mahool diya jaye ke wo janay ka naam hi na laaaaaaaaay ........

Aik aur baat, Mods ko apna Lehja aur Andaz kuch naram rakhna chahiye ......... haan Policy par Sakhat rahain lekin baki batoun par narmi ikhtiyaar kijiye .......... jaise ager kisi member ne koyi aisi thread post kar di jo us section ki nahi thi tu us say maqsad pochiye ke aisa kyoon hoa kiya is thread ko attention chahiye ........ ya sirf information hai kyoon ke ager information hai tu uske section main hi post kijiye aur ager is par behas karni hai tu BS ya FG/MG main post ki ja sakti hai ......... thori si narmi yahaan dekha kar interest create kiya ja sakta hai ........... aur iss waqt zarorat is amar ki hai ke new members ko sab say ziada incourage kiya jaye ............ ab dekhiye aik member ayeen theen Queen Victoria wo aik post kar ke chali gayeen kyoon ke un dino HC pher susat tha .......... baas yeh nahi hona chahiye new member forum main hi un say halki phulki baat cheet shuru kar dijiye ke wo agay bharna chahaain ...................

aik aur GTG bhi is silsalay main Mavan sabet ho sakti hai lekin uski publisity achay paymanay par ho ....... takay jo members Rasta bhool chuke hain wo pher apne Ghar ki taraf lout ayeeen ........... GTG aik acha bahana hai yaad dilanay ka ..............

Khalish bhai replies ziada karain ........ mumkin ho tu ALI bhai say kaheen ke wo once in a blue moon chakar laga liya karain ......... unki bhi kami mehsoos hoti hai jabke pehlay wo atay jatay rehte thay .............

sivaye kuch members apis main dost hain ......... mods ziada say ziada members ko dost banayeen ........ wo kis tarha unke saath chat pati batain kar ke unhain unki tarha deal kar ke jaisa ka KAMLA JUT karta hai jaisa kay Seemaf karti hain ............. aur Abdullah bhai bhi ............

New mods ko kuch liberty dain unpar Plocies lagoo karain lekin aise nahi ke unhain Mod'Ship kuch ajeeb gorak dhanda lagay ........ ke yeh na karo wo kyoon kiya ........... unke ideas unhain apply karne dain ...... har har baat par ijazet laina kuch itna munasib nahi ............

Aur aise hi bohut si choti choti aur be'had aam si batain hain ke jin ka khyal rakh kar hum kafi agay bhar sakte hain baqool Khalish bhai ke saloon ka kaam dino main munkin hai ........ Baas aik dosre ka haath pakarain ..........

Dekiye aaj kal na tu msg boards ki kami hai aur na hi Tafreeh ki tu loog pher "HC" par hi kyoon ayeen .......... hay na baat .......... humain yehi tu karna hai ke sab kuch ke hote hoye bhi loog baas "HC" par hi ayeen ........ main shayed apni baat samja na Paoun lekin ALLAh janta hai i love "HC" waja bohut bari hai is baat ki aur wo yeh ke muje meri Zindagi ka Saathi HC say mila jis ne muje bohut pyaar diya ............ aur yehi waja hai ke main baki Boards par na bhi jaoun tu HC par din main aik chakar zaroor lagata hoon kyoon ke yeh wo jaga hai jahaan WO thi uski yadain hain .......... aur bhi kafi kuch ..... maray bohut achay dost yahaan banay thay jo real life main ab bhi maray saath hain .......... yahaan Seemaf jaisi behan hai yahaan Kainaat jaisi dost hai ........ yahaan Abdulah bhai jaise pyaare insaan hain yahaan Shafaq hain yahaan aap sab hain tu HC pher sab say behtar hona chahiye na .............................





haan muje aik baat tu zaroor bataiye ga aap loog ke kiya muj say koyi khata Sar'Zad ho gaye hai ke aap sab ka Ravaya ajeeb sa ho raha hai maray saath .......... Tanz karna, baat baat par tanqeed karna aur aise baat karna jaise jante hi na hoon ......... (MZ/AC main tu aksir uss waqt ke saathi hain jo muj say waqif hain tu pher aisa kyoon !!!) koyi waja ho tu zaroor biyan kijiye ga takay ager main ghalat hoon tu apni Is'lah kar sakoon ya karva sakoon aur ager aap ki Kinara'Kashi be'ja hai tu sabar kar sakoon ya Posts hi na kiya karoon ............

ok shukriya
kayi baar parha to socha ab poocch hilena cbahiye

Dear Falak

Main ne aap ki post harf.ba.harf parh li hai. Yeh daikh kar khushi hoi keh aap ki nazar meiN aham tareen cheez 'HC' hai. Aap HC ke puraane saathi haiN .. kuch arsa aap dour rahe. HC guzishta 2/3 salooN meiN kuch crisis se guzra hai .. loog titar.bittar hoay haiN ... lekin yeh bhi HC ki shaan he hai keh issmeiN 'khooay.e.khursheed' hai .. yeh hamaisha he hadsoon ke baad mazeed ubharta he hai ... Board environment change howa hai, logooN ki tarjihaat badli haiN ... yeh apna rang phir ujaal raha hai.

Administration meiN 'in-active' members tabdeel ho rahe haiN .. aur inshaa.allah buhot jald sections per gehma gehmi ka samaan nazer aane lage ga.

Jo baateiN meiN ne Shokh Behna ki post per kahi haiN unhaiN yehaan duhraana ghair zaroori hai .. we have a commitment and inshaa.allah we will continue with that.

Iss section meiN bhi shayed aik naee riwaayat par rahi hai keh yahaan shikayaat ke saath saath tajaweez aana bhi shuru ho gaee haiN. This is very encouraging ... yeh saara khail he members ke liye hai ... aur unka interest aur mashavarat hamaare liye buhot zaroori hai.

Aakir meiN let me admit. Aap ka shikwa baja hai, iss administration ne mujhe kisi kaam ka nahi rakha .. meraa ziyaadah waqt PMs attend karne, unka jawaab deyne, Moderator Zone meiN board ki behtari aur massil per baat cheet karne meiN nikal jaata hai. Dil meraa bhi buhot chahta hai keh members ki posts meiN participate karooN ... lekin lagta hai mere liye voh waqt ab waapas nahi aaey ga jo maiN ne as a member and mod SOS meiN guzaara tha ...

Khush RahaiN

khalish Bhai
hum aap k liyeh do'aa go haiN k Allah talaa aap ko iss aazmaaish maiN kaamyaab karay. bay shak admin.ship phoolouN ka saij naheeN balkay kaaN.TouN bhara taaj hai.... hazarouN members maiN say kissi aik ko bhi thoRee see shikayat paida hojaye to piyali maiN toofaan saa much jata hai...

omeed hai k FALAK bhai ka tawwun hamesha saath rahega. aur hum as a family member HC ko khoob say khoob tar banatay rahengay.

Itna suspence create karein ge to koon manah kare ga

Tahmad "muzzakar hota hey "moa'nus naheen issi wajah sey woh lambi to naheen lamba ya chota kya jasakta hey aap kya kehtey heyn

Wese hairan hon ke aapko itni achhi baat kerne se pehle ijazat ki kya zarurat thi,loag to buri baat kerne se pehle bhi ijazat nahin letay :d
Mere khayal mein to ab bhi falak ki akhri post, uss par khalish aur abu adnan bhaiyun ka reply rakh kar baki ke ooper walay replies delete ker diye jaain to munasib rahay ga
Falak bhai tumheed ke lamba honay ka nuqsan dekhiye ke aik member tenha_saima aai aur iss topic ki pehli post parh ke aur uss pe reply ker ke chali gayi, kyunke aksar logon ke paas itna time nahin hota ke darmayaan se post ko khangaaltay phhirain ke kahan asal baat majood hai



Aapki baat bilkul sahi hai, balkeh ab to 6,7 sections ka ye haal hai ke aik do topics ke ilava kisi mein reponse hi nahin ata,

Jahan tak mujhe yaad hai hamaray Abu Adnan kafi lambi posts ker chukay hain ke akhir kya wajoohat hain ke HC par ab loag aana kum ho gaye hain jabke baqi forums par bhi members ki haazri nahin barhi aur jo members HC pe nahin aa rahay wo kisi aur forum par bhi nazar nahin aa rahay, pehlay jahan 20,25 members online rehtay thay ab ba-mushkil 6,7 hi hotay hain balkeh aksar aik do hi hotay hain.....
Yakeenan iss baat se zahir hai ke Administration bhi iss baat se na-waqif nahin,
Iska aik solution ye bhi ho sakta hai ke HC walay apna ad dein jesa ke unki site par ads atay hain, aur ad ke liye sub se behtareen site jang akhbar ki site hai jo pakistan ke parhay likhay sanjeeda tabqay mein sub se zyada parhi jaati hai to yakeenan iss se HC mein bouhat se naye mature zehan aa sakain gay.......



Bilkul theek kaha aapne aur ye koi aisi baat nahin ke jiska kisi ne notice na liya ho, yakeenan administration ye jaanti hai lekin iskay bawajood bhi iss par action na honay ki koi khas wajah nazar nahin aa rahi,
Kuch Modz hotay hain wo aik month ya uss se zyada ki leave le letay hain to aisi surat mein uss section meins e hi kisi active member ko utnay arsay ke liye trainee mod ke taur par mod banaya jaa sakta hai ke jis mod ke na anay se uskay section par asar par sakta hai wo na paray.
Balkeh kayi modz aisay bhi hain jo atay bhi hain to round laga kar chalay jaatay hain........i think monthly basis par modz ki kaarkardagi ko review kerna chaahiye.



I dont think ke iss mauqay par mazeed naye sections ko add kerna chahiye, pehlay walay section mein hi itni khaas gehma gehmi nahin hoti , aik aur ka izafa kar diya to ho sakta hai ke FG,MG ya FTM etc mein jo thori bouhat ronaq hai wo aisi divide ho ke har section mein aik aik topic hi chal raha ho




I think ye masla pehlay hua karta tha HC par ke modz aur members hi nahin modz ki apni talkh baatein board pe aa jati thi lekin ab aisa kuch nazar nahin aata, modz chunke kaafi arsay se modz hain lehaza unn mein ab larayi bharayi ka "rawayati jazba" dumm toar chuka hai , wo bhi ab araams e hi baat kartay hain :p

mostanad hai aap ka farmaya howaa.

lekin iss fiqray maiN, maiN nay 'tahmad' ko naheeN balkay "cheez" ko (likhay beghair), mo'an'nus baandha hai..... u can see, here word "lambi" belongs to "jo cheez" nah k "tahmad"

jo (cheez) zeyadah <= laambi hojaye ossay tahmad kahtay haiN, tamheed naheeN.

plz correct me, if i'm wrong.

Apki sari bataain bohat mufeed hain

Khas kar Jesa kay aap nay yahan kaha ma bhi is baat par zoar dena chahoon gi kay, New mods ko apnay section may kisi kisam ka nia silsalah shoru karnay kay liye ijazat ki zroorat paish nahi ani chahiye. Unhain itni azadi aur etimaad dia jai kio kay ye mods ki kargardgi kay liye zaroori hay aur is say un may bhi apnayaat (section kay hawalay say) ka ahsas barhay ga. Ye un par choor dain kay wo mashwara lena chahain ya nahi.

Lakin agar new mods is baat ka faida uthatay hain (ya un ka hona na hona barabar hay) kay unhain roknay tooknay wala koi nahi to fori tor par unko is position say hata dia jai. Ye to baat hoi section kay hawalay say. In any case, aik general rule banain kay kisi bhi member ko light ya strong warning denay say pehlay proof of evidence MC may paish kia jai aur ye faisalh Administration ki taraf say ho na kay kisi mod ki taraf say.


Ma nay aik aur baat bhi note ki hay jo as a member mujhay bohat ajeeb lagi. Aksar posts par jab HC kay hawalay say ya HC policy kay hawalay say koi sawal hota hay to Mods wahan par apas may behas shoru kar detay hain kay shaid esay hay nai shaid wesay hay. Ye aik bura impression create karta hay. Ya to itezamiya ko paka jawab pata hona chahiye ya phir wo is sawal ko lay kar MC may discuss karain. Open forum may Intezamiya ka thos jawab ana chahiye

Regards

-Shokh





AOA

Aapki masroofiyat ka andaza hay

Umeed hay kay jab, mods shape-up ho jain gay to aap ko bhi chand pal faraghat kay naseeb hoon gay

Filhal to I agree kay infra-structure par zoar dia jai to behtar ho ga

Thanks indeed

-Shokh




Mujhay umeed hay kay Global Moderator honay kay natay aap yahi baat behtar andaz may kar saktay hain







Uff ye bad'gumani

AOA
apki tanqeed baja hey,, mujhey yaqeenan zimmadarana reply kerna chahiye tha,,, lakin aap agar ba'ghor daikhain tu FALAK ko AA bhai ki taraf ijazaat mil chuki thi aur uss ne bajaye baat kerney ke irrevelent replies ko respond kya hua tha,,,,tu iss sorat-e-haal main jab ke post light se andaaz main ja rahi thi,,,, tu main ne bhi light se reponse de diya

GM sahab mohtat hojayaiN warnah,......

ji hamara tu waisey hi motto hey

Wasalam,

I do understand your point but we all should always consider consequences which in this case I believe was discouraging for the post originator.

For comparison sake; Abu Adnan's reply (first) was in a much lighter tone and more importantly it also got the message accross.

It's not what we say, it's how we say it

All the best

Aapki shikayat baja hai, main kharabiye tabiyyat ki wajah se yahan se ghair hazir rahi, but as u said ke modz ki zimmadari hoti hai to i will try my best to kepp my section uptodate.

Jee main "HC" par har achi cheez ka Muntazir hoon aur Insha ALLAH iss kam ke liye khud bhi Bhar'Poor aur har mumkin koshish karoon ga ..............



Jee Insha ALLAH zaroor aur Hamesha ........



Bhai jee choonke aap ki taqreeban har baat say itifaq karta hoon is liye ab agay kuch kehna Be'sood ho ga ............ aur aap ke itne mokamal aur mofasel reply ka bohut shukriya .............

baat cheet agar mokammal hogayee ho to post ko closed kardia jaye... kia khayaal hai

Jee Zaroor

bahoot bahoot shukarya bhai ... post is now being closed.

(PS: yeh woh wahid section hai, jahaaN bahas k ikhtetaam par post laazman close kia jata hai.... kiyouNkay jab tak post open rahta hai, modz /admin k liyeh zaroori hota hai k woh aakar iss post maiN yeh dekhay k koi jawaab talab baat to naheeN.)

FALAK Bhai ka aik martabah phir shukarya k onhouN nay apna qeemti waqt /tajaweez /mashwarouN aur jaizay say HC intezamia ko baa khabarkia.

khush rahaiN