Ghar ka BHEDI , laNka nahi dha raha ,, abalkeh Lanka ke dhe janey ke 'asbab' bta raha hai...[size=3]

sar g aap title ki bajaye film i mean k nafsay mazmoon par tabsarah karaiN. chaudhry sahab ka yeh doosra column hai jo onhouN nay "punjabiyouN" k "khelaaf" likha hai.

is he rite or wrong?

Lahore kay karoobari markaz, lanDa/nolakha bazar, Shah.Aalmi Market, jahaan per kabhi PunjabiyooN ka karobaar howa kerta tha ab wahaan per Punjabi Soba Sarhad walooN key nokriyaaN kertay nazr aatay haiN. yani yeh marakaz in Punjab kay haath say nikal ker NWFP walooN kay haath maiN jaa rahay haiN.

Logistics kay business maiN bhi NWFP walooN ko upper hand hasil hay.

Trading route honay kay wajaah say Peshawar, Lahore key nisbaat baRi manDi ban sakta hay ( agr Afghanistan maiN aman ho jaye)

NWFP walooN nay yeh muqaam apni mehnat say hasil kya hay, maiN nay aaj tak koy aisi khabar nahi suni jis maiN her do garhohooN maiN laRa'i ya fasad howa hoo.. simple Employer & Employee ka rishta hay...

Balochistan aur Sindh aur janoobi Punjab maiN taraqi ka amal khud un kay jageer.darooN aur sardarooN nay roka howa hay. na yeh apnay illaqay maiN industry lagnay daytay haiN, na lagatay haiN aur na'hi inhay school type kisi institute say koy dilchaspi hay.

Javiad sahib key maloomat shayad iss maslay per bhi adhori haiN..

Bolan Projects kay baray maiN agr inhay pata hota tu ghaliban yeh column kisi aur andaaz maiN likha jata.
Bolan key taraah hey eak aur Project NWFP maiN bhi lagaya gaya ghaliban illaqay ka naam Gadoon hay... kya wajaah hay kay Gadoon Projects kamyaabi say chal rahay haiN aur Bolan Projects fail hogay... kya Javaid sahib aur ham.nawa iss baat per roshni DalaiN gay?

ham log root causes sy ankhain chura rahay hain aur shakhooN per tanqeed kiya ja rahay haiN... Pakistan uss waqt tak mazboot aur Khush.haal nahi ho sakta jab tak yahaan per eak bhi jageer.daar ya sardar mojood hay. yeh root cause hay... issay durust kernay kay baad hi dosri cheezooN key tarf dekha ja sakta hay...

hmmmmm valid points haiN.... punjab maiN bahoot say non-punjabi bhi baras haa baras say settled haiN aur mehanti aur tallented non-punjabi families. local kam mehanti /untallented punjabi families say zeyadah khush.haal haiN.

waisay aik haqeeqat yeh bhi hai k jo log 'son of the soil' naheeN hotay aur kaheeN say migrate ho kar kaheeN aur jaa bastay haiN. woh new jagah par 'son of the soil' k moqaablay maiN zeyadh struggle kartay haiN aur nateejatan (common) local peoples say bahoot agay nikal jatay haiN.... aur yehi new sttlers oss new qasbay/shahar ki taraqqi ka bhi sabab bantay haiN...

aap karachi ki misaal lay laiN ... yahaaN k original baasi aaj DhooNDay say bhi naheeN miltay... karachi ki taraqqi maiN sarhad paar say aanay walay mohajirs k elawah punjab aur sarhad say aanay waalouN ka bhi baRa haath hai........ dil chasp aur qaabilay zikar baat yeh k inn teenouN 'bairooni groups' nay original karachities k rozgaar maiN shares hasil karnay ki bajaye apnay apnay alag alag raastay DhoonDay........

woh jo kahtay haiN naa k ... izzat ossay milli jo watan say nikal gaya ... iss say bhi moraad eqtesaadi taraqqi hai..... dunya k eshtar baRay / taraqqi yaaftah shahar ki taraqqi ka samaan bahar say aanay waalouN nay kia hai .... khud aaj amerika jo etna baRa super power aur khush.haal mulk bana howa hai, 2nd world war say qabal, globally oski etni bari ahmiat nah thee........ lekin tab say ab tak poori dunya k selected log amerika maiN aan basay aur aaj amerika, amerika hai.

balochistan bhi jab tak 'outsiders' k liyeh open aur safe naheeN hoga oss waqt tak yeh taraqqi nahee karsakta aur local balochi ... i mean k common balochi ki halat sodhar naheeN sakti.

poori karachi

Aadha Such

hamara aik masla yeh bhi hai k hum log "ideal parast" haiN. apnay mamdooh ko har qism ki khamiyouN say paak samajhtay haiN aur jinki mokhalfat kartay haiN onhaiN har qism ki khoobiyouN say mobarra samajhtay haiN..... yeh behaviour to aik common aadmi ka hota hai....... aur jo do chaar jama'at paRha likha, smart aur chalaak hota hai woh mokhtalif mofadaat (zaati, elaqaa'yee, seyasi, soobayee etc etc) k tehat "aadha such" bolta hai aur yeh "claim" karta hai k maiN nay koi ghalat bola hai ... HC maiN iski behtareen misaal ... bhai Daylight haiN, jo din ki raushni maiN khollay aam adha such boltay haiN....

Javaid chaudhry ka yeh column bhi zameeni haqaiq par mabni honay aur such honay k bawajood "aadha such" hai..... aaj kal punjab say talluq rakhnay walay sahafi balochistan k hawalay say aisa hi "aadha such" likh rahay haiN takay balochistan maiN lagi AAG ki lau ko kuch nah kuch ThanDa kia jasakay. yeh log "qaumi mafaad" k tehat aadha such bol kar qaum parast baloch awaam k anti-punjaab jazbaat say kissi qadar "hum.ahang" honay ki koshish kar rahay haiN.... jawaid chaudhry houN yaa ataa hul haq qaasmi yaa abdul qadir hassan etc jaisay column nigaar .... yeh log "punjabi" honay k bawajood punjabi naheeN haiN. yeh awwal aakhir mosalman haiN aur iskay baad pakistani ... yehi wajah hai k yeh non-punjabiyouN maiN bhi izzat ki nigaah say dekhay jatay haiN even yeh k qaum parast sindhiyouN aur balochouN maiN bhi....

"aadha such" agar qaumi mafadaat k liyeh bola jaye, 2 grohouN maiN jari jung ko kam karnay k liyeh bola jaye aur non-negative (maiN nay positive nahee kaha hai ) purpose k hasool k liyeh hikmatan bola jaye to koi borayee naheeN......... lekin agar pakistan dushmani maiN bola jaye, apni qaumiyat ko mazloom aur doosri kissi qaumiyat ko zalim sabit karnay k liyeh bola jaye, islam dushmnai maiN bola jaye, 2 grohouN ko laranay k liyeh bola jaye to such honay k bawajood "aadha such" jhooT say bhi zeeyadah bora hai.....

jawaid chaudhry nay jo 'adha such' bola hai, woh aik naik maqsad k liyeh bola hai....... lekin issi aadhay such ka propaganda kartay howay agar aik baloch / sindhi qaum parast pumjaab say moqaablay k liyeh aur punjab say azaadi k liyeh azaad balochistaan / sindhu desh ki tahreek ko farogh day to yehi aadha such ginaahay kabeerah ban jayega.......

Adha Sach,,,,,,,,,,,,,
yeah sab se khatarnaak cheez hey,,,, kion ke yeah haqeeqat ka 1 rukh dikhata hey
ho sakta hey ke ch. ke iss adhey sach ke baad Baloch Qaum parasat ke illawa neutral baloch bhi Greater Balochistan ko Bangladesh ki tarah apna jaiz haq samjhney lagain aur yeah tahreek taizee se phail jaye,,,, Qaum Parasat bhi yahi na'ara lagain ke bangalioon ne apna haq le liya,,,, punjabioon se,,,, ab hamari bari hey

ch. ne kuch ziada hi byan ker diya hey,,, aur malaysia ki example per bhi ham kuch nahin kah saktey,,,, wahan ke halat aur yahan ke halaat yaksaar mukhtalif hain

Punjab ne mumkin hey ke kisi ki haq talfi ki ho,,, lakin khan amer ki yeah baat bari valid hey ke jageerdaar,, vaderrey,, sardaroon ne apney illaqoon ko pasmanda rakhney main aham kirdaar ada kya hey.

Iss poori soorat-e-haal ko baqaida qaum parastoon ne apni qoum main phailaya hey,,, apney muffadat ki khatir,,, ke punjab tumhara haq kha jata hey,,,, app kissi bhi sobey main muqami affrad se mill lain,,, wo apko aisi hi nazar se daikhey ga,,, magar unn main ziada ta'adaad unki ho gi jinka punjab waloon se koi ziada interaction nahin ho ga,,,,, jab ke aisey loog jin ka punjab se kafi interaction aur ana jana hey,,, wo qadrey neutral hain

jaisa ke khan amer ne kaha hey ke Lahore ke aksar markets main NWFP waley chaye hue hain,,, kion ke unka network aisa hey ke wo kaam ker rahay hain,,, Punjab sab ko welcome kerta hey,,, jo bhi yahan kaam kerna chahta hey,,, jo uski ista'taad hey uskey mutabiq job karey,,, business karey

Gadoon ke barey main kahta chaloon,, ke Zia Govt ne afuoon (poppi seed) ki cultivation rokney ke liye Tax Free Gadoon Industrial Estate qaim ki thi,,, ta ke muqami affraad ko rozgaar mil sakey,,, lakin hamarey Industrialists hazraat ne iska ghalat istamaal kya,,,, aur gadoon ke naam pe duty free imported machinery Faisalabad,, Lahore Karachi ki factories main laga di gain,,,, iss waqt almost 400 industrial units main se ba'mushkil 20-25 units kaam ker rahey hain,,, in main se kuch kafi large scale bhi hain,,,lakin ziada tar small scale hain. Iskey flop honey main 1 aham wajah location tak approch bhi rahi hey,,,, yahan tak pohanchney ke liye munasib routes aur transport na honey se bhi problems hui hain,,, pichley 2-3 saal main yahan kafi development hui hey aur motorway M1 se bhi yahan se link ki gai hey,,, ho sakta hey ke gadoon main abb koi bahtri aa jaye

Bilkul sahi farmay chaudry sahab nay -- Chalain hum bhi intezar kartay hain k kub humain Mahatir M. jesa president mooyassar aata hai.

Budnaam hon gay to kya naam na ho ga :d bhai mujhe aap muft mein hi mujh masoom ko yahan ghaseet rahay hain meine to kuch kaha hi nahin :p

Wesay har aik ko yahi kyun lugta hai ke wohi poora such bol raha hai aur baki loag jo uske point of view se differ karain wo jhoot ya adha such boltay hain ???

kisi adhay such ki misaal de detay daylight ki misaal ki bajaye to yakeenan aapki baat wazan rakhti, wesay ab bhi mauqa hai koi misaal bhi pesh ker dijiye na :p




Haha Pakray gaye na aap :p

Aap ne jo misaal di wo aap par bilkul fit ho rahi hai bhai jan, Aap apna pehla reply dekhiye topic MMA ki mukhalfat, aapne khud likha hai ke aapki yahi soch hai ke Musharraf govt. achha kaam bhi karay to chunke apko uss se nafrat hai lehaza apko wo kaam bura hi lagta hai aur MMA ko aap apni "ideal parasti" mein shaamil kertay hain.......

To bhai jan aap iss maslay se khud to chhutkara paain na phir hum bhi aapkay peechay peechay atay hain :p

aap kab say kissi ko follow karnay lagay. aap woh ONE & ONLY fard ho HC par jiss say bahas kartay howay, ikhtelafay roy kartay howay, even yeh k EXPOSE kartay howay mujhay yeh KHAUF nahee hota k aap NAARAAZ hojawogay.... issi liyeh bay.khatar o bay.Dharak hokar dil ki baat zobaan par lay aataa houN. kia aap hamaiN iss aik fard saybhi mahroom kar dena chaahtay haiN....

Javed Ch ka kalam bhi daikh liya aur ehbaab ke comments bhi. Amer ki root causes ki tashkhees sahi nahi hai balke Javed Chaudhry ne jo kuch likha hai vohi root cause hai. Muqaami aabaadi ko 30 to 40% business sharing deyne ke baad na koi sardaar paida hoga na koi jageer dar. Agar Lahore ki mandiyooN meiN jin per baqool Amer non-punjabis ka qabza hai baat waheen se shuru ki jaaey tu halaat aaj sudharna shuru ho jaaeiNge.

Hum intihaaee be.rehm quoom haiN. Hum meiN se her shakhs ko sirf aur sirf apni zaat aur gharaane se sarokaar hai ... hamaare aas paas kya ho raha hai .. hamaiN iss se koi sarokaar nahi hai. Kon zimme.daar, yeh kaaghzi baateiN dou chaar din meiN kisi aur mozo ki taraf muR jaaeiNgi ... lekin amali taur per na hum ne pehle kisi masle ka hull nikaalne ki koshish ki hai na aaeiNda kabhi karaiNge.

Agar Khuda.na.khaasta, ab Pakistan chaar mulkooN meiN taqseem ho gaya tu sab se ziyaadah nuqsaan punjabiyooN ko hoga aur inki apni zameen in per tang ho jaaey gi. Behtar yehi hai keh behtari aur "pakistani quoomiyat" ke liye kaam aur amali iqdamaat jald as jald kar liye jaaeiN .. Lekin iss fouji hukoomat se tu hamaari jaan choote ... yeh apne mafaad ke aage kisi ki jaan.o.maal ki parwah nahi karti.

phir to sar g aap ko onn QUWWATOUN ko support karna chahiyeh jo iss fauji hakoomat say hamari jaan choranay k liyeh koshaaN haiN ...

oTh baandh kamar kia Darta hai
phir dekh Khoda kia karta hai.

Baat off-the-topic ho rahi hai. Shaikh Rasheed record per haiN keh unhooN ne 'joote kha kar yeh sabaq haasil kiya hai keh fouji hukoomat ka saath deyna afzal hai, Chaudhry Shujaat and party mufaad parasti meiN sab se aage hai aur tu aur Hazrat Allama Professor Doctor Peer 'Altaf Hussain' bhi behti ganga meiN haath dhooney ke saath saath 'badan' bhi dhoone per tulay hoay haiN.

Allah kay degar ehsaanaat main say aik bara ehsaan yeh bhi hai k taa damay tahreer (baad ki koi zamanat naheeN )


ki "Luzzat" say aashna naheeN ... lehaza ... bol k lub azaad haiN teray

Pyaas wo dil ki bhujanay kabhi aya bhi nahin
Kesa baadil hai k jiska saya bhi nahin
Bay-rukhi iss se barh kar aur bhala kya ho gi
Usne muddat se hamein sataya bhi nahin

Jab aap aisi bayrukhi karein gay to baat pe baat aapko khud hi pakarna paray ga na

Meine jo kaha wo naraaz ho ke nahin kaha tha bus aisay hi zara aap se sharart ka mood tha,

Aap to wo hain ke

Inn se zaroor milna saleeqay ke loag hain
Sir bhi qalam karain baray ehtaraam se

paatay naheeN jab raah to chaRh jaatay hain naalay
rokti hai meri taba'aa to hoti hai rawaaN aurrrrrrrrrr


tou dost gar naheeN hai to dushman to hai kholaa
muijh ko pasand hai ye teri aik Khooooo adouooo
woh aa'inah banaa hi naheeN hai abhi ameeeeeer
jiss maiN k dost, dost lagay aur adoooo, adooooo

Guzray lamhon pe dukh karna mujhe hargiz nahin ata
Muhabbat ho to bay-hadh ho
Nafrat ho to bay-panah
Dono mein se kuch kaam kerna mujhe hargiz nahin ata

Manzalein bhi uski thi
Rasta bhi uska tha
Hum thay akelay ke qafila bhi uska tha
Saath saath chalnay ki soch bhi uski thi
Phir rasta badalne ka faisla bhi uska tha
Aaj kyun akela hon dil sawal karta hai
Loag to uskay thay, kya Khuda bhi uska tha?

yeh bhi mumkin hai WOH seenay say laga lay tum ko
teray jazbaaat say anjaaan bhi hosaktaaaaaaaaaa hai

daf.aa.tan fikar k dhaaray kaa mo.at.tal honaa
baateni jang kaa taawaan bhi hoaktaaaaaa hai

iss maiN taakheer faqat soch badalnay ki hai
kaam mushkil hai jo, asaan bhi hosakta hai,

Khalish Bhai

ye yaad rahey ke mulk ki qanoon-sazi yahi jageerdaar aur sardaaar kertey hain

30-40% Sharing ka result kya hoga.
AyaiN pehlay un mumalik ka haal daikhtay haiN jahaaN per yeh polices shoroo say hi ra'ij haiN.

Arabian/Persian Gulf kay Arab Mumalik maiN yeh shart ayed hay kay app ko Local partner ko apnay business maiN Shamil kerna hi paRta hay, iss kay baghair app BUsiness ner ker saktay.

iss ka nateeja kya howa.. aam feham zaban maiN yehi kahooN ga kay aaj 40 saal say uper ho janay kay baad bhi yeh log Oil Produce nahi ker saktay. Kuwait nay kuch refineries totally Kuwait Control maiN day deeN... nateeja dono hi refineries tabaah ho gayeeN ( dono refineries maiN aag lag gayee). yeh eak choTi c misaal thee iss system key.. iss system kay tehat agr kaam kiya jaye tu KNOWLEDGE transfer nahi hota aur amooman mara'at yafta tabqa mazeed tan asaan ho jata hay. issi kharabi ko dor kernay kay liya yehi mumalik apni iss main policy ko change ker rahay haiN. Kuwait maiN Under certain Investments 100% owner-ship allow ho chuki hay.. iss kay illawa choTay karobari hazrat kay liya FREE ZONES ka qayaam amal maiN aa chuka hay, jahaaN per woh baghair kisi Local Partner kay kaam ker ker saktay haiN.

In order tu KNOWLEDGE transfer, govt nay eak shart ayed kerdi hay kay EXPATS kay muqabalay maiN X number ko local employees must hire kiya jayaiN... ab yahaaN per locals key training bhi hotee hay aur unhay Salary bhi milti hay.. go Salary kam hay per govt apni tarf say unhay kuch amount day ker kisi na kisi had tak mutma'in kertee hay...

Now Above can bhi Implemented in Pakistan's Balochistan Province, provided govt Locals ko Skilled Education daynay kay liya munasib infrastructure qayem karay. aur local sardarooN per farz ker day kay un kay qabeelay kay X number personal in idaraooN MUST taleem hasil karaiN gay. khlaaf warzi kernay walay sardar ko qanoon kay mutabiq saza day.

At the same time. yahaaN per Foreing Investment ko Encourage karay ( doesn't Matter kay woh Punjabi karaiN ya koy aur) per yeh must ker day kay X number locals ko hire kerna her idaray per farz hay. iss kay baghair un ka khulasi nahi.

agr aisay kisi mansoobay per abhi say amal dar.amad shoroo ho jata hay tu mera nahi khayal kay 10 saal baad Balochistan ya hamaray Balochi bhai ko koy Pasmanda honay ka tana day sakay ga. ya in maiN kisi qisam ka koy ehsaas-e-Mehroomi hoga. infact they will be competing in other provinces.. at this stage aisay qawaneen khatam bhi kiya ja saktay haiN.

per iss maiN Govt. ka kirdaar buhat ahem hay.

YahaaN per yeh bhi arz kerta chalooN kay mojooda, Globalization aur WTO kay door maiN iss kisam key qadkhn lagana apnay app ko Isolate kernay kay baraber hoga...

hamay apnay aas paRos maiN dekhna chahiyee kay wahaaN per kya Investment terms offer ho raheeN haiN. uss hisab say hi policies tarteeb daynee chahiyee.. muqabalay kay iss dor maiN 40/50 saal purani policies nafiz kerna hamay mazeed pasti maiN hi daikhalay gee.

meray khayal say AADHAY SACH key nisbat MUKAMAL JHOOT kam khatrnaak hota hay. kyoN kay iss kay damages kam hotay haiN.

Aisay column nigarooN ko chahyee kay bajaye aadhay sach likhnay kay IN logooN ko woh raasta dekhayaiN jis per chal ker Punjab kay log nisbatan Khush.haal haiN. iss taraah eak tarf tu yeh un ko un key mehroomi kay sahi asbaab bhi bata sakaiN gay aur dosri tarf inhay taraqi ka raasta bhi dekha sakaiN gay.

iss kay saath saath in logooN ko chahiyee kay apnay column maiN Pasmanda Illaqay kay logooN maiN taleem, specially Skilled Education kay rujhaan ko baRhayaiN.. agr yeh aisa kertay haiN tu yeh baat bhi yaqeeni hay kay in logooN key taleem.o.tarbiyat kay akhraajaat bardasht kernay kay liya bhi buhat say log FUNDS muhiya kernay maiN bukhal say kaam nahi laiN gay.
NOW this is not some thing out of this world aur UN-DO-ABLE .

Mera khiyal hai keh main 'film' I mean mazmoon per hi tabsrah ker raha tha keh J.Ch. ne koi LANKA nahi dhai...balkeh hqaiq biyan kiye hain...ta hum coloumn ka title yeh hona chaiye tha keh:

Punjab ki (aksariyat rakhney wali) Establishment qasoor waar hai (na keh Punjab) ... !!



Ji main un taeesra couln paish ker raha hooN, jo merey khiyal main har ba harf theek hai !!!





Yeh aap batain ...keh is main wrong wali koun si baat hai ??