bazahir aam lehjay main

kaha tha main ne jab us se

"badal lo raasta apna

juda rahaiN yaheen karlo

hamaray chahnay na chahnay se

kuch nahi hota

ye hi sach hai ke hum do mukhtalif

rastoN ke raahi hai

to phir kun dil ki manaiN hum

shuru main manti hooN main

azziyat dil ko pohNchay gi

magar phir waqt guzray ga

sabhi zakhmoN ko bhar de ga"

meray is aam se lehjay pe wo

ik pal ko choNka tha

meri aankhoN main aaNkhain daal kar

hairat se poocha tha

"ye sab jo keh rahi ho khud ko ye samjha bhi pao gi?"

bohat hi jee kaRa kar ke

main us dam muskuraii thi

bohat khud pe jabar kar ke

main us se keh ye payi thi

"meri tum fikr rehnay do

sambhal jaoon gi main khud hi

sabhi zakhmoN ko see looN gi

bhula kar sari batoN ko

akaili bhi main jee loon gi"

buhat hi be yaqeeN aaNkhoN se

us ne mujh ko dekha or

Bina ik lafz bolay wo gaya or phir nahi aaya

aur ab tark e ta'alluq ko

agarche um'r beeti hai

magar is dil pe us ki zaat ka

jo naqsh qa'im tha

kabhi dhundla nahi hota

mujhay mehsoos hota hai

ke jaisay meray kanoN main

wo apni bolti aaNkhoN se

sargoshi si karta hai

"WO SAB JO KEH RAHI THEEN

KHUD KO WO SAMJHA BHI PA'EE HO?"

Asalamoalikum zindagi ji


buhut khushi huee apko dekh ker

buhut arsay baad ayeen aur itny khoobsoorat nazm takhliq ker k chhah gayeen aap...

hamesha ki tarah lajawab ....

aur ab aaty rehiyga

khush rahain

Wah ... intihaaee mutasir kun nazm hai .. iss ki sab se bari khoobi hai keh ibtidaa se intihaa tak zehn ko poori tarah grift meiN rakhti hai aap ki nazm ... buhot saada aur khoobsurat payraey mein iak talkh judaiee aur haqeeqi mohabbat ka aiteraaf..

Merri jaanib se dhairoon daad wasool kijiay

Khush RahaiN

Asalam-0-Alyekum

kasi hain aap ........

Aap ki dosri Kawish parh raha hoon ............ Pehli bar shayed ghazal parhi thi aur is bar aik nazm

hmmmmmmm ........ Achay alfaz ka istamal hamesha hi har cheez ko acha bana deta hai ......... aur ager achay alfaz ke saath musbet baat aur taraqeeb-e-alfaz bhi achay hoon tu baas pher kiya kehnay ...............

Bery Bery nice .........

Roy-1:

bahoot hee khoob soorat roomanvi nazam hai jissay paRh kar aankhaiN bheeg jati haiN. main aik hulchul see mahsoos hoti hai. nazam ki tawalat, iskay tasalsul ko naheeN toRti aur issay paRhtay howay sara manzar aankhouN k saamnay aajaataa hai. roomaani adab maiN aik khoob.soorat ezafah. go milna aur mil kar bichaRna roomani shaa'iry ki aik qadeem kahani hai magar lufzouN k munfarid intikhaab nay nay issay woh tazah pan bakhsha hai........ jo har 'new comer', teen ager aur lover ko apni janib khaonchta hai aur khainchta chala jata hai.....

Roy-2:

(baqi baqi)

Very Nice & impressive

Ws Salam

aap yaqeen karain ye nazam post kartay waqt bus mujhay aik fikar thi ke pata nahi aap ko pasand aaye gi ke nahi aur aap ka reply kaisa hoga.......aap ka reply dekh kar dil ko baRi tassalli ho gaii hai issi liye sab se pehlay aap hi ka reply quote kiya hai

bohat bohat nawazish aap ne hosla afza'ii ki meri

Allah khush rakhay aap ko

wesay wo jo PICTURES theeN un ka kia hua :nana:



Assalam O Alaikum

kaisay hain usuf bhai

Roy-1 to samajh aa gai lekin ye Roy-2 samajh nahi lagi

is qadar tafseel se meri nazam ko observe kiya aap ne aur itna hosla afza reply kiya .... i have no words to say bhai

Allah aap ko khush rakhay hamesha

Amber




bohat shukriya



Ws Salam

jee pichlay 2 maheenay se to main net world se hi ghayab thi kuch prob ki waja se but m here now...........nazam aap ko pasand aaii bohat shukriya

khush raheye




Ws Salam

AlhamdoLillah main theek hoon

HC pe is se pehlay bhi bohat kuch share kar chuki hoon shayad aap ki nazroN se nahi guzreeN meri purani takhleeqat ......lekin taveel arsay se AAMAD nahi ho rahi thi so kuch share nahi kiya ab jesay hi aamad hui to main foran hazir ho gaii........hopefully apni purani takhleeqat dobara share karoon gi unqareeb

nazam ki pasandeedgi ka shukriya

khush raheye





thanks alot dear

Yeh tu post barhaane ka behtareen aur aazmodah nuskha hai

Salaam Alikum Zindagi Sahiba

Aik khubsurat aur umda tareen nazam kahi app ne..aur sab sey kamaal ki baat nazam ka tasalsul aur rabt buhaat khubsuraat raha hai.kafi arsay bad itni khubsurat nazam parhne ko milli...

bay intaha khubsuraat aur dil lubhati kawish

Dua ha Zoor Qaalam aur ho

duaon main zinda rakhie ga

raza

roy-2 likhnay k baray maiN.... kabhi maiN sochta houN kuch nah kuch kahouN, phir yeh sochtahouN kiyouN nah chup rahouN

nahi jee pehlay maiN nay kuch likha tha... phir uss likhay ko edit kerna shoroo kya tu yeh yahi bachay so inhay hi post ker diya

hmmm..
BINA IK LAFZ BOLAY WO GAYA OR PHIR NAHI AAYA...........

buhat khoobsurat kawish hai hamesha ki taraH
more specifically jo title hai nazm ka us ki to kia hi baat hai

khush raho

Mudassir

very realistic n so impressive

thank u for sharing

AKB ji,, yanee k kia baat hay ji kia baat hay,,,,

waisay zara dassaain tu sahee kon hay woh jis na yah kaha hay,,, usaay kar daitaay haain,,,,,,,,,,




bohat khoobsorat aur tasalsul wali nazam,,,,,,rawani k sath,,,

Ws salam

nazam ko sarahnay ka bohat shukriya

khush raheye

Zindagi~




haan title to tumhain pasand aana hi tha bohat soch samajh ke rakha hai main ne title

nazam achi lagi us ke liye NO THANKS kun ke mujhay pehlay hi kisi ne bata diya tha ke nazam bohat achi hai so tumhain pasand hi aani thi

Allah khush rakhay tumhain

Amber~

hi zindagi jee Assalam_o_alikum !!!
how r u ?
well... sab log kia khoob maska laga rahain hain hahahahha
main bhee maska main ezafa karta hoon hahahah hey.....don't mind haan
just kidding....
KIA BAAT HAI

yani ke main aap ko kia bataoon ke kia baat hai J____ jee

wesay aap thanday ho jaaeiN ye sab kisi ne bhi nahi kaha...bhala kisi main inni himmat ke aap ki AKB ko aisa kahay ye to bus aewaiN hi ek idea aaya tha to is pe nazam likh dali

aap ko pasand aaii to bus phir kia hi baat hai


Allah khush rakhay aap ko

AKB

wo apni bolti aaNkhoN se

sargoshi si karta hai

"WO SAB JO KEH RAHI THEEN

KHUD KO WO SAMJHA BHI PA'EE HO?"

ITS REALLY VERYYYYYYYYYYYYYYYY BEAUTIFUL ZINDAGI JI
KHUDA KARE APKE KALAM MEIN ITNA NIKHAR AYE KI BAS
THNX
FIAMANILLAH
DUA

Very Nice Ji

Laikin I feel k Hassaas diloo'n ko yeh Nahi parhni chahiyeh ... Kaafi Baa Assar Mehsoos hoti haiy

Refreshed

Merged in a sentiment of unutterable sadness and compassion
keep up the good work

bohot achha kalaam
maza aaya parhh kay
keep sharing..
khush rahin sada

dosari baar parh rahi hOn, magar pehli baar ki tarha parhnay ka lutf aaya.....


aur ab tark e ta'alluq ko

agarche um'r beeti hai

magar is dil pe us ki zaat ka

jo naqsh qa'im tha

kabhi dhundla nahi hota

mujhay mehsoos hota hai

ke jaisay meray kanoN main

wo apni bolti aaNkhoN se

sargoshi si karta hai

"WO SAB JO KEH RAHI THEEN

KHUD KO WO SAMJHA BHI PA'EE HO?"



thanks for sharing ..... bahot umada izhaar hay.

bohat khubsorat sach

Bouhat khob

Salaam jaaaniii'

sabsey pehley khoob dher saari mubarak baad bohat acha kalaam !!! janti hai is writing ki sabsey khaas baat jo mujhey lagi ...agar kisi ki zindagi mein koi similarity is sey na bi ho...to personification wud do ...ye padhney waley ko ek baar bhi apney asar sey khaali nahin chodti. it still is lingering inside!!

bohat achi sharing ..jab aongi tujh sey milney to ...tamaam daad ek saath dongi tujhey.

u know itni achi achi urdu mein , mein likh nahin sakti isliye itney saarey alfaaz ka sahara leykar reply kiya hai...tujhey to pata hai meri adat


sada khush rehna.luv u'

Allah Hafiz
Fiamanillah'

tabassum'