Koi Burai He Hogi YaqeeNan Jo Open Nhi HOrahi ...Mere Paas

Chalien Je Ek Attchment To Mujhe Qamar Ne Send Kardi ...

Yeh To Foran He Dikha Dete Ho Dosrun K Saath Kia Hua ..Itna Arsa Jo Baluch'un K Saath Hota Araha Hai Woh To Kisi Ko Dikhta He Nhi

Kon hai jisne kaha ke baluchistan ke sath ziadtiyan nahin hui???

Lekin aap aik post mein rona rahi thi sirf iss baat ke baluchi honay ki wajah se karachi ke schools mein apko class mein kuch naarva salook ka samna tha , yahan dekhiye zara ke jo kuch baluchi punjabiyun ke saath kar rahay hain kya punjab ya sindh mein rehne walay baluchon ke sath aisa kabhi kiya gaya ???

sirf aina dikhana chaha hai.......

Aina dekhiye ke aik taraf punjab samait poora mulk akbar bhugti ke maamlay par hakumat ko koss raha hai aur baluchi bhaiyun se izhaar e yuk-jehti kar raha hai aur wo kya salook kar rahay hain.......Phir apni baari kyun rotay hain???

Kiya duniya bhar aur Bloochistan maiN basney waley sab BALOOCHI , PunjabiyooN ke khalaf haiN ?

(kam az kam title se to yehi aNdaza ho rahh hai ..)

Aur kiya Bloochistan maiN basney waley sab Punjabi, target kiye ja rahey haiN ??

Neez kiya aap samjhtey hain ke Bloochistan ke hawaley se Punjab ka koi qasoor nahi ???

[Ager nahi hai, to phir Javaid Ch. jasey likhney waloon ko kiya ho giya hai ..? woh kioN PaunabiyooN ko qasoor.war tehra rahey haiN ?? ]

go aap ko apnay sawaalouN ka jawaab maloom hi hai lekin phir bhi yeh baat record par aajaani chahiyeh k:

sirf azaad balochistan k haami qaum parast baloch leaders aur onkay followers (jo kull baloch aabaadi ka sirf chand feesad haiN) punjabiyouN say nafrat kartay haiN... aur yehi log taqat, aslehay aur bairooni imdaad ki shah par balochistan maiN aisee kaarwaayee kar rahay haiN takay wahaaN civil war /khana jangi ki sooratay haal paida ho... wafaq parast quwwataiN nakaamhouN, non-baloch wahaaN say nikal jayaiN aur bairooni madakhlaat ki raah hamwaar ho.... yehi onka target hai.

writers har pahloo say iss lagi AAG ko kam karna chaah rahay haiN... sab ka andaaz apna apnaa a[naa hai... maqsad sab ka ik hi hai.....Allah ham sab ko aqal day aameen

For Leader Bhai





Iss title se aap naraz hain aur pooch rahay hain ke kya sub baluchi punjabiyun ke khilaaf hain............Lekin aik doosray article ke topic "Punjabi Qasoor Waar" par aap khush hain aur mutameen hain.......Yahan aapne kyun sawal nahin kiya ke kya saaray punjabi qasoor waar hain??? Kyunke title "Punjabi Qasoor waar" hain se to yahi lug raha hai.......

Kabhi to insaaf se kaam lijiye

Aap se aur unn logon se jo baar baar kehtay hain ke punjabi kasoor waar hain, punjabi baluchiyun par zulm kartay rahay hain main poochta hon ke kya sub punjabi kasoor waar hain??? Agar nahin to phir wo punjabiyun ka naam kyun letay hain??? Kyun radd e amal mein punjabiyun ki imlaak ko aag lagatay hain???
Punjabiyun ko gaaliyan di gayi wo phir bhi balkuchiyun ke liye jalsay nikaal rahay hain aur unka haal dekhiye ke wo punjabiyun ko hi maar rahay hain........




Bhai sahib punjab ke awam ka aik percent bhi kasoor nahin, lekin kya aap bhi yahi kehtay hain ke baluchiyun ka koi kasoor nahin wo farishtay hain??? Kya kabhi punjab mein kisi baluchi par baluchi honay ki wajah se haath bhi utha ???

Baluchistan mein Fauji operations kisne karwaye??? kisi punjabi ne????

Janab aap bhool gaye ke Na to ayub khan punjabi tha, na Bhutto punjabi tha na hi Pervez Musharraf punjabi hai.........Koi pathan tha koi sindhi aur koi mahajir......Aur budnaam har baar punjabi.

Ab ki baat kar lein, musharraf punjabi nahin, uskay kehne par aik operation kiya jata hai to gaali punjab ya punjabiyun ko kyun??? Jabke uss operation mein "guide" ka kaam khud baluchi kalpar aur maysori qabeelon ne kiya.....

Kuch bhi ho baluchistan mein moonh utha ke punjabiyun ko gaali di jaati hai.....



Qasoor establishment ka hai aur sirf punjab nahin baluchistan khud iss kasoor mein barabar ka shareek hai......Farooq Leghari itna arsa president raha, akbar bhugti se uskay taaluqaat bhi thay usne kya kiya baluchi honay ke bawajood baluchistan ke liye??? Balkeh sher mizari, akbar bhugti, ata ullah mengal, zafar jamali ye sub aalaa uhdon par faaiz rahay inhon ne apnay awam ke liye kya kiya??? ye kasoor waar nahin???
Aur khud baluchi qabeelay.......crores of rupees ka aslaha aur rockets to khareed saktay ahin lekin un peson se apnay ilaqay ko apni madad aap ke tehet achha kyun nahin bana sakay??? Arab shaikhon jitni daulat rakhne ke bawajood dera bhugti aur kohlu ko dubai aur sharjah kyun nahin bana sakay???

Janab qasoor kisi aik ka nahin sub ka hai........Ab mahajir aur sindhi sadar fauji operation kerwain aur naam aaye punjabiyun ka to kya kiya jaaye???

Yaad rahay ke bhutto daur mein jab operation hua to AKbar Bhugti khud iss operation ke haq mein tha aur uss waqt baluchistan ka governor tha.........

Aik baat aur ke jo bhi writersakbar bhugti ke haq mein columns likh rahay hain wo sirf iss liye likh rahay hain ke halaat kharab na hon, maslehat qaumi mufaad yak jehti :p
Aik american genral ne kaha tha ke "qaumi mufaad" wo cheez hai ke jis ke liye baaz aukaat baray baray jhoot bolnay partay hain"..........lehaza aaj wohi ho raha hai ke akbar bhugti ko paakbaaz aur farishta sift insaan dikhanay ki koshish ki ja rahi hai "qaumi mufaad" mein ta ke dooriyan na barhein lekin jawab mein baluchi qaum paraston ko dekhiye k wo punjab aur pakistan ko hi gaaliyan detay hain......hamaray writers iss liye kar rahay hain ke wo 1971 ki wajah se daray huway hain aur chahtay hain ke jhoot se hi sahi kisi tarha halaat ko mamool par le aain.....jesay main aur aap naraz ho jaain, qasoor aapka ho aur main keh doon ke bhai mera hi kasoor tha maaf kar do aao dosti ker lein.......wohi ho rah ahai ke kasoor kisi ka bhi hai hum apnay naam le kar baluchiyun bhaiyun ko galay laganay ko tayaar hain lekin wo kesa budla de rhaay hain..........
Iss ke ilawa aik wajah aur bhi hai ke aaj agar javed chadhary baluchi sardaaron ke zulm ke khilaaf likhay ga to javed chaudhary ki "viewership" ya "readership" aur "shuhrat" ko nuqsan pouhanchay ga usko maloom hai ke punjabiyun ke khilaaf jitnay marzi columns likh le wo uss se bud-dil nahin hon gay
Kyunke hum "qaum parast" nahin.

mulk-o-qoum ke mufaad ki khatir yeah writers punjabioon ki taraf se safai bhi de saktey hain,,, lakin.......

On Najman'posted article

pehle khat mein ye ibarat majood hai



Ye wohi lateefa hai jo kayi saal se chala aa raha hai

Har Hakumat kehti hai ke wo baluchistan mein taraqqiyati kaam kar rhay hain, wo adaad o shumaar ginwatay hai jabke baluchistan mein ghurbat barhti hi jati hai....

Har baloch party punjabi abaad kaaron ke khilaaf kisi bhi radd e amal ke khilaaf hai lekin punjabi abaad kaaron ke khilaaf muzalim barhtay jaa rahay hain

[size=3]4 jamati baloch ittehad kay jalsay mein kahi gayi baaton ko note kijiye, AKhtar Mengal sahib irshaad farmatay hain...

1- Hum Pakistan se koi rishta nahin rakhna chahtay.
2- Pakistan ka tashakhus ujagar kerne wali har cheez ko mita dein gay.
3- Hamaray aur punjab ke darmiyan jung shuru ho chuki hai.
4- Jo shakhs bhi apnay aap ko Pakistani kehta hai hum uss se badla lein gay.
5- Aaj se pakistan ka naam, uska jhanda aur har wo cheez jo hamein Pakistan ka ehsaas dilaye ussay mita ke rukh dein gay.

http://www.jasarat.com/2006/09/05//editorial/details/02.gif

Najman se meri guzarish hai ke wo inn 5 points par kuch tabsara karain gi ??? Jab khud aik baluchi siyasi rahnuma aik bharay jalsay mein ye "bakwas" kerta hai aur punjabiyun ke khilaaf eelan e jung kerta hai to phir ye duhayi dena ke baluchistan mein punjabiyun ke sath bura salook nahin ho raha kahan ki aqalmandi hai?? Uss khat ko kaisay nazar andaaz kiya jaa sakta hai jabke rozana akhbaraat mein bhi ye khabrein aa rahi hain ke Abaad Kaaron ki imlaak, unkay gharon aur unki dukano ko aag lagayi jaa rahi hai.....Kya Baluchistan se punjabiyun ki bouhat bari tadaad wahan se nikali nahin gayi???

Phir iss khat par kon aitbaar karay???

Baki 2 khatoot mein bhi yahi kaha gaya hai ke baluchistan meina isa kuch nahin ho raha, jo ke aik safaid jhoot hai..........kya tamam tv channels, news agencies jhoot bol rahi hain?? kya BBC bhi punjabiyun ka hai jo abaadkaaron ke khilaf muzalim ki khabrain nashar karta hai........Ye kehna ke aisa hua hi nahin inteha darjay ki jahalat aur bay hisi hai...........

Wo baar baar keh rahay hain khatoot mein ke yahan aa kar dekh lein :d yani jo punjabi punjab mein hain unko apnay haan bula rahay hain aur jo baluchistan mein hain unko maar rahay hain........

Main ye nahin kehta ke sub baluchi aisay hain, lekin jo baluchi aisa kartay hain baki baluchi unkay bhi haami hain........Kya akhtar mengal aur ata ullah mengal ke khilaaf hain baluchi ??? nahin, wo jitna bhi zulm kar lein baluchi phir unkay saath hain..........Kam az kam itni ghairat to honi chahaiye ke jahan zulm ho unn zulm karnay walon ke khilaaf ho jaao..........Musharraf se nafrat karni hai to mengal se bhi karo ke dono hi zalim huway na........



Najman aapka shukriya ke aap ne radd e amal pesh kiya ke baluchi awam iss ke haq mein nahin jo iss baat ki taraf alamat hai ke aap iss zulm ke khilaaf hain.......bar-khilaf sweet angel ke jo iss zulm par kuch nahin boli aur boli to ye ke hamaray sath bhi hua hai hum bhi ab zulm kar ke yahi karain gay jabke pooray punjab mein aik bhi aisa wakaya nahin hua aur baluchistan mein jitnay marzi punjabi maar do , punjab mein aik bhi baluchi ke khilaaf hath nahin uthay ga , ye yakeen hai mera aur aap aisa dekhein gi

Aakhir mein aap se darkhast hai ke jo 5 baatein AKhtar mengal ki taqreer mein kahi gayi hain un par tabsara kar dein thora sa ta ke apkay khayalaat jaan sakain.

Main phir aap ki is wazeh 'drogh.goi' per aap ko kuch kahoon ga, to janab Khan_amer naraz hooN ge...keh aap 'personl attack' ker rahey hain...! HalaN keh haqeeqat yeh hain keh personal attacks bhi aap ker rahey hain aur haqaiq ko maskh kerney (aur adha sach bolney ka) fareeza bhi aap hi anjam de rahey haiN... (Allah aap ko hidayat de)

Zra aankhain khoolain aur 'Punjab Qasoor.war hai' wali post nikal ker us main mera reply paRhain aur phir mujhey batain ker wahan mera kiya mouqaf hai....beghair paRhey aap ne aik ilzam laga diya aur khuda ka kuch khouf nahi aaya aap ko ...

Us post main ne wazeh tour per likha tha keh post ka title Punjabi qasoor war hain , nahi ...balkeh Punjab ki aksariyat rekhney wali 'esatablishment' qasoor.war hai ...hona chaiye !! (sab punjabi hargaz qasoor.war nahi),,

ager aap ko mera jawab nazar aa jai (jo zra mushkil hai) ...to phir insaf kerety hoey bataiye ga keh aap ko kiya khatab milna cahiye ??

Meine aap ke topic ka na to hawala diya na hi meine parha ke aapne kya likha , uss topic ka iss topic se koi taaluk nahin tha ke pehlay usko parh ke yahan rep kiya jata.......

Aapne yahan javed chaudhary ke article punjabi qasoorwaar hain ka hawal diya, ab jabke apa khud uss title ko sahi nahin samajhtay to phir uska hawala dena kitna ajeeb lagta hai Aapkay uss hawalay par comments kiye thay na ke aapki kisi post par

Thanx

wesay aapki aadat rahi hai ke aap ne hamesha ghair mutallika baat ka jawab hi dena hota hai mutallika baat ki taraf na anay ki aapnay qasam khaayi hoti hai

aapki baat ka aur kuch dosri baaton ka tafseeli jawab inshaallah kall..

filhaal yehi kehna hai sirf..aik request ya appeal ke nafrat phailanay aur barhanay ka kaam na kya jaye..na ham policy makers hein na hi faislon ka ikhtiyar hamaray paas hai..magar individual sateh pe iss nafrat ko kam karne ka ikhtiyar hamaray paas zaroor hai..aur yehi koshish ki jani chahiye..

An ideal reply...

Kash aurooN ki samjh main bhi yeh baat aa jai ..

Allah aap ko kush rakhey , ameen

Yani agar koi pakistan ya pakistaniyun ko gaali deta hai to uska muhasba nahin kerna chahaiye balkeh sirf iss liye khamoshi ikhtayar kar leni chaahiye ke baat barh jaaye gi ???
Yani aisi baat kerne walay ko kuch na kaha jaaye aur muhasba kerne walay par nafrat phailanay ka ilzam dhara jaaye

baat 1947 se shurro karein tou..west bangal aur balochistan ki assemblies 90%+ votes ke saath sabbse pehle pakistan ke sath ba qaimi hosh o hawas shamil huien.. unki watan parasti pe shak nahin kya ja sakta..phir hua kya?east pakistan..haqarat ,nafrat paida karti hai ,so yehi hua.. bangali yeh nahin jaante thay ke establishment departement ke, kursi pe khuda banay baithay log punjab ke aawam ko bhi unhi ki tarah insaan nahin smajhte..
balochistan.. kai shikway shikayetien ..magar deegar logon ne,govt ne 60 saal mein kuch na kya,na unki suni..baloch yeh dekhte hein ke unke elaqay se nikalne wali gas saray mulk mein use hoti hai ,nahin milti tou unnhi elaqon ke logon ko.. jobs, tou woh azli quota system punjab ke 4,sindh rural 1 urban 2,sarhad 2 aur balochistan se sirf 1.. parhe likhay logon ki wahan kami nahin magar jahan daine ki baat aati hai tou raqbay ke lihaz se sabbse baray sobay ko aabadi ke lihaz se dya jata hai..aabadi kitni ?mulk ke taqreeban 45% raqbay ka soba aur aabadi 40,50 lacs.. mulk se bahir baithay baloch,ya yaheen dosre provinces mein kaam karte baloch,apne elaqon apne shehron mein aana chahien tou kya hai wahan na facilities na taleem ke liye proper institutions na infrastructure na jobs.. woh lahore,karachi ko dosre shehron ko dekhte hein,zahir hai unnhein shikwa hoga..60 saal mein unnhein kya mila?..haq-talfi,ehsaas e mehroomi.. communicate kya jata,kuch unki suni jati,maani jati.. koi policies banai aur badli jatein..aisa bad-qismeti se pakistan ki kisi govt. ne nahin kya.. zahir hai jabb baat na suni jaye,na samjhi jaye tou bezari aur nafrat hi barhna thi.. phir bhi balochistan ke logon ne alag hone ki baat kabhi nahin ki ,iss se pehle.. ghous bakhsh bazinjo,khair bakhsh marri,ataa ullah mengal inn sabb ke pichle bayan record pe hein.. yehi ke balochistan ,pakistan ke baghair kuch nahin,aik kamzor riyasat hogi aur yeh ke woh apne haq chahte hein alehdigi nahin.. baloch utne hi mohib e watan hein jitni baqi log balke zyada kyun ke pakistan se unnhein koi khaas samar mila nahin phir bhi woh isske sath hein.. 70's mein army operation hua ,kisne poochne ki zehmet ki iss se pehle ke kya waqai woh alag hi hona chah rahe hein?agar aisa bilfarz hai tou kyun?kya shikayetien hain unnko?tasdeeq ,tehqeeq ki gai? ke asal masla kya hai?baat na suni jaye,haq na dya jaye, army jabb chahe charhai kar de,..woh apne haq ki baat karein,suni na jaye..tang aa ke alag hone ki baat karein tou 'ghaddari' ka ilzaam lagaya jata hai.. matlab ghussa karne,hurt hone ka haq bhi nahin?

punjab ka kasoor kya hai?aam logon ka kasoor bekhabri hai,yahan ke logon ne kabhi socha nahin ke wahan ho kya raha hai hamaray hi bhaiyon ke saath..punjabi 'qoum' nahin hein.. punjab mein mazeed sects,bradari-ism hai..araaien,jaat,rajpoot waghaira.. jiss tarah apni bradari ke logon ko kisi sorat support kya jata hai issi tarah woh apni 'qoum' ki baat karte hein.. baloch,pathaan 'qoum' hein..'qoum parast ' hona anti pakistan hona nahin hai..apne logon unke haq ki baat karne mein kya burai hai?.. baloch mafad parast hote hein na hi woh apni mitti baichne ka soch sakte hein,woh apni zameen ke sath sincere hote hein..

RAUF MENGAL sahib ki kuch baatein quote ki gaieen..yeh baki sabb bhi unnhi ka kehna hai..isse bhi khulay dil se parh lijiye..

http://www.jang.com.pk/jang/sep2006-daily/...torial/col2.htm

http://www.jang.com.pk/jang/sep2006-daily/...torial/col4.htm


yeh tou hamara deen bhi kehta hai ke baat ki tasdeeq karr li jaye..
khuzdar engineering university mein aisa koi waqiya hua hi nahin,baki waqiyaat..agar huay hein tou zahir hai her amal ka iak radde amal hota hai..equal and opposite...jabb kuch log ,'ander 'bhi aur 'bahir' se bhi aag ko apne apne mafad ke liye hawa dein ge tou aisa kuch tou hoga..kasoor tou aag ko hawa daine walon ka hai..

bugti sahib shai thay ya ghalat..magar jiss tarah se qatal kya gaya..larger than life image de dya..unki dead body ke sath jo kya gaya..
islam tou aala tareen darja hai insaniyet ka ..kya aam ikhlaq,insaniyet issi ki ejazat daiti hai?yeh koi pehla case nahin hai..iss se pehle bhi mengal sahib ko aaj takk apne baitay ki qabar ka ilm nahin hai..30 saal baad bhi.. yeh insaaniyet hai?isske baad ham umeed rakhein ke balochistan mein nafrat na phailay?
abb iss ki janay wali haq talfi ko kuch aur log kuch aur maqasid ke liye istemaal kar rahe hein.. kon?wohi jo 'azaad balochistan' ke naqshay chhaap rahe hein.. wohi jo gawadar port pe china ka saya bhi bardasht nahin kar sakte.. wohi jo iran ka nuclear prog takleef de raha hai.. asaan lafzon mein wohi,jinnke hamaray sadar sahib most obedient khadim hein.. aaj pakistan ,iran ke khilaaf unka sath deine ka ailaan kare,kall balochistan mein aman ho jaye ga..
yeh army nahin aawaam hote hein jo mulkon ki hifazat karte hein..aap aaj balochistan ko usska haq dein,usski pasmandigi aur mehroomi ka elaj karein..pakistan mazboot ho jaye ga..

kabhi sharr se khair paida hota hai..26th aug ko jo kuch kya gaya..uske baad kamsekam yeh tou hua hai ke baki soey huay pakistan ko ehsaas hua ke kuch ghalat ho raha hai.. taaqat iss masle ka hall nahin hai.. tadabbur ,tahammul aur danishmandi..Allah faisla karne walon ko isski toufeeq dien.aameen

pakistan ko gaali kon de raha hai?aur agar de raha hai aur pakistan ke ander hi ka shaks hai tou usski wajah jaan-na hamara hi farz nahin?aisi,itni nafrat kyun barh rahai hai ke kisi ko gali daina parri?

pehle asal wajah,asal masle aur asal dushman ko pehchanien ,phir shoq se muhasiba karein..
baloch apni zameen ke sath sincere aur zyada mohib e watan hein..
nafrat ,nafrat ko khatam nahin kar sakti..iss liye aik baar phir wohi request ke invidual sateh pe iss nafrat ko kam karne ki koshish karein..

Allah Pakistan pe rehm farmaaien.aameen

Dear najman ye to wohi baat hui na ke sawal gandum jawab chana.

Yani sawal kuch aur ho jawab kuch aur ho.

Aapne jo kuch likha uss se kisi ko ikhtalaf nahin ke baluchistan ke saath bouhat ziadtiyan ho rahi hain, lekin kya unn ziadtiyun ka badla aam punjabi abaadkaaron ko maarnay, unki imlaak jalanay se chukaya jaaye ga??

Sawaal ye nahin tha ke baluchistan ke sath ziadti hui ya nahin, sawal ye tha ke kya iss ziadti mein unn aam awam ka hath hai?? kya iss mein unn students ka hath hai jo quetta aur khuzdar mein parhnay gaye hain ??

Aisa kisi aik baluchi ke sath karachi mein ho jata to hungama ho jata ke baluchi honay ki hamein saza di ja rahi hai, balkeh karachi mein hota to ilzam punjab ko hi milta Aur taan iss par toot-ti ke hamein alag hona hai.

Baluch qayadat khud kehti rahi hai ke maamlaat ka siyasi hal nikala jaaye, baat cheet ke zarriye, to kya siyasi taur par ye awaz haqooq ki buland nahin ki ja sakti thi?? iss ke liye gas pipelines ko urana, baroodi surangein bichhana, rockets barsana sahi iqdaam tha??

Topic chunke sirf ye tha ke radd e amal mein aam bayqasoor logon kay gharon ko kyun jalaya jaa raha hai baluchistan mein lehaza pehlay uskay mutallik aapne jo kuch kaha uss par kuch arz karta hon, phir baki baaton par jo aapne kahi aur wo asal sawal ka jawab nahin thi.



Aap kehti hai ke "baqi waqayaat AGAR huay hain" ........Yani wo bhi abhi mashqooq hain, pakistan hi nahin baki duniya ke bhi zaraye ablaagh pagal aur jhootay hain ke bila wajah ye khabrein aur tabsaray shaya aur nashar kar rahay hain ke baluchistan mein khaas taur par ghair baluchi shopkeepers ki dukanon ko hi jalaya gaya hai, punjabiyun ke gharon ko dhoond dhoon kar aag lagayi gayi hai.........isko aap kehti hai ke agar aisa hua bhi hai........Kam az kam itna to insaaf se kaam lijiye, haan main maanta hon ke baluchistan ko utnay wasaail nahin milay lekin yahan main kahon ke "Agar baluchistan ko wo wasail nahin bhi milay"........to ye kitni bay hisi aur na insafi ho gi ke jo fact hai usko sirf iss liye shak ki nazar se bayaan kiya jaaye ke wo apko pasand nahin???

Aap baat ka aghaaz kerti hain ke

"yeh tou hamara deen bhi kehta hai "

Lekin baad mein jab likhti hain ke "agar huay hein tou zahir hai her amal ka iak radde amal hota hai..equal and opposite."

Afsoas sud afsoas ke ye likhtay huay aap ko deen yaad nahin aya ??? kyun?? Kya deen e Islam yahi pegham deta hai ?? Agar koi meri beti ke sath rape karay aur jawab mein main uskay mahallay ki 3,4 larkiyun ko rape kar ke kahon ke amal ka radd e amal bhi to hota hai.........kya iss justification ko aap maan lo gi ???

Koi aapko gaali de to jawab mein Islam ne to gaali bhi denay se mana kya hai aur aap kehti hain ke pervez musharraf aik baluchi sardar ko maaray aur wo jawab mein aisay aam punjabiyun ko maarna shuru kar dein jinka iss mein koi haath nahin to theek hai??? Aur iski justification iss tarha deti hain ke ye to amal ka radd e amal hai......

Afsoa ke aap itna bhi na keh saki ke ye ghalat hai, aisa hua hai to nahin hona chahaiye tha lekin aapka kehna hai ke aisa hua hai to sahi hai kyunke ye to amal ka radd e amal hai.....

Allah ne kaha tha Yahi wo loag hain jo Quran ke aik hissay ko maantay hain lekin doosray se inkar kertay hain........Aap ne aik hi jumlay ka aghaaz deen ye kehta hai, kar ke kiya aur ussi fikray mein jahan masoom jaano aur unki imlaak ke talaf kiye janay ka zikr aya to tab bhool gayi ke deen yahan kya kehta hai.....

Kam az kam aap iski muzammat to kar hi sakti thi......lekin aapka "deen" shaaid isko jaiz qarar deta hai ke masoom logon ko maaro unki imlaak jalao.



Hairat ka muqaam hai ke yahan to aapko phir islam aur insaniyat yaad aayi lekin baluchistan mein zulm ka shikaar punjabiyun ke liye aik baar bhi aapko islam aur insaniyat yaad nahin aayi?? wahan aap kehti hain ke theek hua....kamaal hai ke insaan kaise apnay mufaad ke liye deen ko bhi istemaal kar leta hai.......... Agar aap kehti ke bhugti ki laash ke sath jo hua wo bhi ghair islami tha aur baluchistan mein jo punjabiyun ke saath ho raha hai wo bhi ghair islami hai to aapki baat yakeenan bouhat wazan rakhti lekin afsoas aik jaga apko quran yaad aya aik jaga mufaad.




Aapki baat se ittefaq hai lekin jab taaqat ka istemaal BLA ya baluch sardar kertay hain, rockets ki barsaat kartay hain to aap kehti hain ke apna haq maang rahay hain, sawal ye hai ke wahan kyun nahin aap kehti ke maslay ka siyasi hall baat cheet ke saath tadabbur se nikalna chahiye, wahan aap kehti hain ke taaqat ka istemaal sahi hai aur jab unn taqat ka istemaal kerne walon ke khilaaf taqat istemaal ki jati hai to aap kehti hain ke taqat ka istemal ghalat hai.....

Taqat ka istemaal agar ghalat hai to dono taraf se ghalat hai lekin aap aik ki himayat aur doosray ki mukhalfat kerti hain......




Baluchistan mein ghurbat aur unkay saath ziadtiyun ka aitraaf hai aur iss baat ka bhi ke pakistan ki goerments kne unko unka haq na dia lekin aapne meri iss baat ka koi jawab na diya ke goverment to baluchistan ke logon ke paas bhi rahi, akbar bhugti wazeer e ala aur governor rahay, farooq leghari, mazari,mengal ye sub hakumaton ka hissa rahay , kya inka koi kasoor nahin??? Ye bhi kuch bura karein to qasoor punjabiyun ka??
Phir aapne iss baat ka bhi jawab nahin diya ke sardaron ne khud itnay daulat mand honay ke bawajood apnay ilaaqon ki halat ko behtar kyun na kiya??? GAs Royalty jitni bhi milti thi wo 100 crore se ziada thi, uss itni bari raqam ko unhon ne kaha kharch kiya ??? weapons khareednay par??? JItnay crore rupees se weapons khareeday kya unse apnay ilaqon ko jannat nahin bana saktay thay???

Aaj bhi kisne baluchistan mein opertation kya??? Aik punjabi ne nahin aim mahajir ne to phir gaali punjabi ko kyun?? Radd e amal mein punjabiyun ke ghar kyun jalaye gaye?? iski kam az kam aap muzammat to kar sakti thi bajaye justification kay.....

Lehaza kasoor waar sirf goverment nahin hai bouhat so'n ka kasoor hai.



Jis soobay ki abaadi 10 crore kay kareeb hai usko agar 4 jobs milti hain aur jiski abadi 50 lakh hai usko 1 to iss mein aitraz ki kya baat hai?? Yahan tanasub 1 aur 4 ka hai jabke abadi ke lehaz se agar kya jaaye to tanasub 1 aur 20 ka hona chahaiye.........
Aap kehti hain ke jobs raqbay ki bunniyaad par di jaain, kitna ajeeb mutalba hai , jobs zameen ne kerni hoti hai ya logon ne ??

Secondly, aap punjab ki baat to aisay kerti hain jesay punjab europe hai :d punjab mein baluchistan se ziada bay-rozgaari hai.........baluchistan ke takreeban kitnay loag bay roazgaar hain?? 5 lakh? 10 lakh? ya 30 lakh?? doosri taraf sirf punjab mein 2 crore se ziada loag bay roazgaar hain aur ye abhi asal se bouhat kum hain.
ghurbat aur bay-rozgari hamara bhi sub se bara masla hai, lekin iska ye matlab nahin ke punjab ke wo 2 crore loag mil kar punjab libertaion army bana kar qaumi tanseebaat ko uranay lug jaain ke hamein ghurbat aur bay roazgaari ne maar dala hai hamein hamaray haqooq do nahin to dhamakay karein gay......

Aapki justification ke mutaabik to kisi qaatil ko kabhi saza nahin milni chahaiye kyunke usne kisi radd e amal mein hi qatal kia hota hai..........



Ye ek inteha ki ghalat bayani hai.....chunke iska sub ko maloom hai lehaza iss par comment nahin karon ga.



Oh really!!! Ata Ullah Mengal ka interview yahan hi current affairs mein lagaya hua hai aik topic mein meine, jis mein unka irshaad hai ke

"Pakistan se kabhi rishtay banay hi na thay to tootnay ka kya sawal"

Ab agar wo aapkay mutabik pehlay kehtay rahay hain ke

"Baluchistan, pakistan ke bagher kuch nahin"

To 2 baatein hi ho sakti hain ya to wo pehlay jhoot boltay thay ya ab jhoot bola hai.......Faisla aap kar lein.



Aap bhool gai........Uss opertaion ke waqt Akbar Khan Bhugti baluchistan ke governor thay aur Bhutto ke uss operation mein uskay haami jiski wajah se bhugti sahib ko baluchiyun ne ghaddaar e watan ka khitab diya tha, ab to siyasat chamkanay ko saath ho liye hain

Jab tak baluchi loag akbar bhugti ki tarha Meer Jafar aur Meer Sadiq ka kirdaar ada kartay rahay baluchistan ko kuch na mila........unka bhi poora hath hai baluchistan mein ehsaas e mehroomi barhanay mein.......Bhutto sindhi tha aur akbar bhugti baluch lekin 70's ke uss operation par gaaliyan phir punjab aur punjabiyun ko.......sadqay jaaon iss insaaf aur muhabbat par



Jab aapka jee chahta hai aap Islam aur Deen ko beech mein le aati hain aur jab jee chahta hai uss se inkaar ker deti hain Ya to beech mein deen ko laain hi na aur agar lana hai to ghair islami baaton se to parhez karain........

Sawal ye hai ke Qaum ya qaumiyat ki bunniyaad kya hai ?? Rung?? Nasal?? Watan ?? Ya Ideology??

Islam ke mutabik Qaum ki bunniyaad idealogy ka ittefaq hai jiski wajah se muslamaan aik qaum hain , jiski wajah se Abu Jahal aur Abu Lahab Hazoor(PBUH) ke rishtaydaar honay ke bawajood unki Qaum mein shaamil nahin thay, aur Bilal e habshi , Hazoor(PBUH) se sirf ideology ke ittefaq ki wajah se Hazoor(PBUH) ki qaum kay fard thay.

Issi base par 2 Qaumi Nazarriya pesh hua jisko Nazariyya e Pakistan bhi kehtay hain ke hindustan mein 2 qaumein abaad hain muslim aur non muslim......

Lekin aap to 2 qaumi nazarriya aur nazariyya e Pakistan ko hi qabool nahin kerti apnay sardaron ki tarha ke 1972 mein bangladesh ban-nay ke baad Ata Ullah Mengal ne as Chief Minister of Baluchsitan ye kaha tha ke 2 qaumi nazarriya khaleej bangal mein gharq ho chuka hai........Yaad rahay ke yahi alfaaz Indra Gandhi ne bangladesh ban-nay ke baad pehlay assembly session mein apni taqreer mein kahay thay ke jis 2 qaumi nazarriya par Pakistan bana tha aaj ussay kahleej bangal mein dabo ke humne sabit ker diya ke ye nazarriya ghalat tha aur hum sachay thay ke hindu aur musalmaan aik qaum hain Hindustani Qaum.

Najane aap ata ullah mengal ke ittebaa mein aisa keh rahi hain ke Indira gandhi ke itteba mein lekin jo bhi keh rahi hain uss ka matlab yahi hai ke aap Pakistan ki asaas ko hi nahin maanti aur Abu Jahal ko bhi Hazoor(PBUH) ki qaum ka fard maanti hain jabke Quran iski nafi kerta hai........kyunke quran ke mutabik to ishtaraak ki wajah ideology ka ittefaq hai.

Jis Muslim qaum ne hindu qaum se nijaat haasil ki wo pakistani qaum tak rehti to phir bhi theek tha lekin uss aik qaum ke andar se kayi qaumein nikal aai, sindhi "Qaum", baluchi qaum,punjabi qaum,pathan qaum, phir uss mein mazeed izafa hua Mahajir qaum, saraiki qaum, aur kuch din pehlay aik book mein aik shia musannif likhtay hain Shia Qaum......phir yahan par hi bus na hui jutt qaum, araain qaum, rajpoot qaum etc etc. Ye alfaaz Qaum ki bajaye bradari ya qabeelay ke taur pe istemaal hotay to bhi theek tha lekin bagher sochay samjhay qaum lafz ka istemaal danishmandi nahin.......phir abhi itni qaumon ka rona ro rahay thay , aik lafz Qaumiyat bhi bana liya yani qaum ki chhoti behan :d aur kayi qaumiyyatein ubhar ke saamne aa gayi.

Wesay ye bhi mazay ki baat hai ke aap baluchon ko to aik qaum qarar deti hain lekin punjabiyun ko aik qaum bhi nahin kehti :d itni nafrat??? Aur wajah ye bayan kerti hain ke uss mein mazeed baradariyan hain....Kya baluchon mein mazeed qabeelay nahin ?? kya maisoori,kalpar,marri,mengal,bhugti kya hain?? ye to bradariyun se bhi barh kar hain.
Aur agar mazeed taqseem hona hi qaum na honay ki alamat hai to Pakistani Qaum ka to phir wajood hi nahin kyunke jis mein khud 8-10 qaumein rehti hon wo khud aik qaum kesay ho ga, aur aapkay iss falsafay ke mutabik to Musalmaan bhi aik qaum nahin kyunke khud musalmaano mein hi beshumaar qaumein hain.....Aap ab musalmaan qaum se bhi inkaari hain to main kya keh sakta hon.


Qaum parasti ka ilzaam aur iss ghair islami aqeeday ko rakhne ka ilzaam sirf apko hi nahin de raha baki bhi bouhat se loag qasoorwaar hain, lekin kam az kam parhay likhay aur deen ki baat kerne walon ko to maloom hona chahaiye ke islam kya kehta hai.........

Kher aapkay alfaaz wazeh taur pe pakistan ki asaas 2 qaumi nazarriya par hamla hain.


Baqi aapki sub baatein bilkul sahi hain aur hum sub bhi maantay ahin ke baluchistan ke saath na-insafiyan hui hain aur unka tadaruk jald az jald kerna chahaiye.......kyunke yahi insaaf aur baaligh nazri ka takaza hai ke jahan zulm ho na insafi ho uski muzammat ki jaaye aur hum kertay hain muzammat un sub ki jo jo iss zulm mein aur baluchistan ke haqooq dabanay mein apna kirdaar ada kartay rahay.
Lekin kya insaaf ka takaza ye bhi nahin ke baluchistan mein bhi ghair baluchon par honay walay muzalim ki muzammat ki jaaye na ke justification di jaaye ??? Kya kisi ka ghar jalanay ki bhi justification ho sakti hai???

Insaaf se kaam lijiye, baluchon par zulm hota hai to uski muzammat karein aur baluch zulm kertay hain to uski bhi muzammat kijiye......

Warna agar aapko yakeen ho to kijiye ke baluchistan ki mehroomi ka aur ghurbat ka aur uskay masaail ka jitna afsoas aur ghum mujhay hain shaaid aik baluchi honay ke bawajood apko na ho.......Aur baluchon ki mehroomi aur unn par honay walay zulm par jo aur jitna aap ne likha wo aur uss se kahin zyada main likh sakta hon...........Lekin zulm koi aur karay aur ghar kisi aur ke jalaye jaain , gaaliyan kisi aur ko di jaain ye bhi to zulm hi hai, isko radd e amal keh kar iski sangeeniyat ko door to nahin kiya jaa sakta.

yeh srasar hujjat hai..aur hujjat aur behess se kabhi koi qa'il nahin hua..
meri tassalli ko filhaal itna kafi hai ke kisi bhi sobay ke aksar likhne walon ne iss sabb ki muzzammet hi ki hai..
baki meri appeal ,request apni jagah mojood hai..

mazeed kuch kehna fazool hai..ap bhalay ghaddar hone ke fatwe laga lien ya 2 qoumi nazriye ke mukhalif hone ke..it doesn't bother me..
sorry to say,we listen with an intent to reply and not with the intent to understand..

ASSALAM O ALAIKUM

Maine aapko 2 qaumi nazarriye ka inkar kerne wali nahin kaha , aapne khud iska inkaar kiya hai

Allah Hafiz

baat tu serf itni se hey..... ap topic mae paste kia howa kalam dekhien wahan lekha hey :balochistan mae sherpasandoon ka khalaf opration: yeh wording use hoi hey. ap ager hum balochoon ko apna bhai khtay hien tu humaray against opration ko bhe bhaioon oer pakistanioon kay khlaf opration kahien. punjab kay humaray bhai es ko sherpasandoon kay khilaf opration nahien kahien oer yeh tasleem kerien khay yeh insani hakook ke khilaf verzi hey . tu koi bhe baloch apnay punjabi bhiaoon ka khilaf koe baat nahien keray ga.
baki ap nae mazeed kuch pochana ho tu topic < balochistan student Orgnaization> mae maray reply dekh laien. plz hum sub bhai bhai hien. bhaioon ko bhaioon ka sath dayna chieay,oun per tankeed bray tankeed nahien kerni chiaey.
wish u all the best.

luv u