(*) yeh meri post hai

($) yeh to sab ko nazar aaraha hai k yeh aap ki post hai. but u r not the only owner of this post


(*) kia matlab hai aap ka... ab meri post bhi meri naheeN

($) g haaN! yeh post sirf iss 'had tak' aap ki hai k yeh aap k naam say post howee hai. iska credit bhi aap ko hi milega aur agar khoda nah khaasta iss post say koi inteshaar phaila to aap hi iskay zimmah daar Thah raaye jayengay. and that's it. aap ki start kardah post k jumlah haqooq aap k naam mahfooz nahee kiyeh jasaktay.

(*) "jumlah haqooq" say aap ki kia moraad hai

($) yani aik martabah aap post karchukay to aap apni marzi say issay delete /edit nahee karsaktay, modz /admin ki razamandi say albatta aisa mumkin hai ... issi tarah mod /admin aap ki raza /khahish k beghair bhi aap ki post ko edit /delete kar sakta hai

(*) lol yeh to sab ko pata hai... phir bhi post to meri hi rahegi naa

($) yehi to maiN kahna chaah raha houN k phir bhi ... aap ki post kulli taur par aap ki nahee ... woh nahee sona aap nay k houN.TouN niklee koThouN charhi

(*) kia matlab

($) matlab yeh k modz /admin k elawah deger members bhi "aap ki post" per otna hi haq rakhtay haiN, jetna k aap

(*) saaf saaf batlayaiN aap ka matlab kia hai

($) aap apni post per yeh "khahish" nahee rakh saktay k log laazman iss par reply karaiN aur aap ki marzi k hi reply karaiN aur ....

(*)... aur kia

($) aur yeh k nah aap kissi ko apni post maiN aanay par majboor kar saktay haiN aur nah kissi ko nah aanay par aur nah kissi ko oski marzi k motabiq bolnay say rok saktay haiN... hai yaa naheeN

(*) haaN yeh to hai lekin....

($) ...lekin iskay bawajood aap ki post par par aanay walay har fard ko nah sirf aap ka, balkay post subject ka aur board rules ka pass to rakhna hi paRega

(*) g haaN... maiN bhi yehi kah raha tha k meri post maiN aanay walouN ko mera khayaal to rakhna hi parega naa

($) woh to aap ko bhi apni post maiN aanay walouN ka khayaal rakhna paRta hai aur khayaal rakhna chahiyeh bhi

(*) yeh to hai

($) lehaza post aap ki ho kar bhi kulli taur par aap ki naheeN hoti balkay sab ki mushtarkah milkiyat ban jati hai

(*) haaN aap yeh kah saktay haiN

($) bus phir meri guzarish hai k aap kabhi apni start kardah post par apni "milkiyat" zahir nah karaiN. iss say "aap ki post" par participate karnay waalouN par kuch achcha tassur paida naheeN hota

(*) phir koi doosra bhi apni post par apni milkiyat zaahir nah karay

($) yaqeenan ... yeh kulia sirf AAP k liyeh naheeN balkay hum sab k liyeh hai k yeh hum sab ka mushtarkah ghar hai... sada khushrahaiN

nahi nahi--------


bilkul Nahi-----------


meri koi post nahi......



meri BILKUL koi post nahi Hc per




AB khush AA bhai

salaams and great job AA bhai
is post ko ibrat ke liye hc darwaaze par latka dijiye

AA bhai aik jumla-ye-moytaraza likhnaay ka dil chha raha hay,,,,



mujhay lag raha hay k yah post * (PAK-symbol-star) aur $ (USA- Dolllar symbol) k darmyaan kiyoon hu rahee hay,,,




aur aaap is main $ ka kirdaar to naheen kar rahay...........

Aslam-O-Alaikum

Yeh to bara hi acha kaam kerrahe hein aap Adnan Bhai

aisa lagraha he 2 logon ki baat-cheet ho rahi he aapas mein
aur isii baat-cheet se aapne humein ahsaas dilaya he k waqai 'yeh post meri nahin'

main soch raha tha meri post 100 se ziyada ho gai hain ..
ab pata chala k meri to koi post nahi hui
yeh kaisa karoobar hai

bhut faidday ka ha agr soochiay to

nice try Bhai Jee

keep it up

Meyn Post hon kissi aur ki
Mughey Posta koi aur heyn

Salam

bohat achi post hai......(abb mein kia kahun"aapki ya humari" )

iss note k saath

dekho muijhay (AA) jo deedah e ibrat nigaah ho






bhai aap ko to bahot dooooooooooooooooooooooor ki soojhi hai








ab 'aap ki' 200 posts honay wali haiN... aap gham nah karaiN... above bataiN aap k liyeh nahee haiN.

insaan jab tak "maiN" k Khol maiN band rahta hai, 'maiN maiN' hi karta rahta hai. aur yeh kaam ti aik bakri bhi bakhoobi kar leti hai. aadmi jab tak apni zaat k madaar say bahar naheeN nikalta, insaan k darjay par naheeN pahonchta........ issi liyeh qad aawar shakhsiyaat, ijtemayee maamlaat maiN wahid motakallim ka seghaa istemaal karneki bajyae jama motakallum ka seegha use karti haiN. luf HUM k istemaal kay bahoot say fawaid haiN. HC jaisay family forum maiN posts /replies /behaviours etc k hawalay say HUM ka lufz zeyadah mauzoo hai. albatta nijji /zati hawalay say MAIN ka lufz bhi use kia jasakta hai.

aap ki aamad / comments ka bahoot bahoot shukarya. sada khush rahaiN.






u can say both ... aap yahaaN jo bhi lufz istemal karaiN, Theek hi hoga......... albatta agar maiN iss post maiN as a poster iss qism ki bataiN karouN k ....

yeh MERI post hai, plz koi MERI post ko kharaab nah karay.... MERI iss post ko admin saahebaan cheR khani nah karaiN.... aap ki reply nay to MERI iss post ka satya naas kardia.... plz aap ayandah MERI post maiN nah aayaa karaiN .... waghairah waghairah

to aap khud dekh laiN k maiN nay apni start kardah post par apni "milkiyat" ka illogical DAAWAA karkay ketni bay waqoofi ka mozahera kia hai. jab maiN nay aik post karkay apni baat aik open forum maiN sab say share kardi to ab sab ko issay 'istemaal' karnay ka (as per rule regulation) otna hi haq hai, jetna k mujhay..... lehaza meri above RED REQUEST koi monasib baat to naheeN.

Zaberdast
bohat achi post hai yeh
aap nay baray achay andaz main hamain kaam ki baat bataye hai Thanks

na yahan par shab-e-daijoor hay,,, aur na hi main glasses /lens lagata hoon,, balkaay 6/6 ki bajaay 6/5 eye sight hay,,,, tu itnaa lamba doooooooooooooooooooor karnay ki zaroorat....