Baluchistan mein kaafi arsay se, Akbar Bhugti ki halakat se bhi kaafi pehlay se aksar baluch rahnuma Pakistan, Punjab aur 2 qaumi nazarriye ko gaaliyan detay rahay hain aur phir nahayat masoom bun kar keh detay hain ke hum loag kab tak apnay mohib e watan honay ke saboot detay rahain gay, hum par ghaddari ka ilzam kyun lagatay ho.....AKbar bhugti aur baloch liberation army ne jo Azad Baluchistan ki tehreek shuru ker k baghawat ka ishara diya tha to uss zamanay mein bhi kafi qaabil e nafrat material aur pumphlets baantay gaye baluchistan mein, agarche punjab aur pakistan ko gaaliyan denay ka rawaaj baluch akhbaraat aur rahnumaon mein kaafi purana hai lekin ab inko aik aur hathyar mila hai Akbar bhugti ki halaqat.......Dil to inkay pehlay hi kaalay ho chukay thay uss par iss halakat ne jalti par tail ka kaam kiya hai aur jo ghaddaar chhup kar hamlay kar rahay thay ab wo bhi apnay bill se nikal rahay hain......Jesay Baloch Students Organization naami aik tanzeem jo kisi student ne nahin balkeh BLA walon ne hi banayi hai ubhar kar saamne aa rahi hai aur baloch students ko iss ghalat fehmi mein mubtala kiya ja raha hai ke ye students ko represent karti hai lehaza iss mein shamooliyat ikhtayaar kijiye.........

Inka aik latest handout mulahiza kijiye.....

brother ap ke kuch batoon say mujhay itfaq nahien hey. ap nae kabhi ghoor kia yeh kion ho raha hey? es ka zimadar kon hey?
baloch tribes kay sath jubh ziadtien hoie tu es terha ke threkkon nae janum lia. yeh masrki pakistan ke terha ho raha hey..., masherki pakistan ke tarekh dorai ja rahe hey. ieaey mae ap ko pakistan ka pesmanzer betata hoon .
4th aug 1947 ko balochistan kay baray mae DELHI mae aik meeting hoi.jes mae voice raaey LARD MOUNT BATEN, QUAID AZAM MUHAMMAD ALI JANHA,LIQUAT ALI KHAN,PRIME MINISTER OF KAALAT SIR SULTAN AHAMAD, OER CHIEF SECTORY KALAT STATE shamel howay. (wazay rahey balochistan/Kalat indipendent satate thi)
es mae taeay hoi khay Kalat state 5 AUG 1947 SAY alug state ho ge. jes per saray leaders nae sign kiay.
esterha KALAT assembly mae azadi ke kerardad bhe manzoor ke gie. oer KALAT azad state ben gie.
14 aug ko jubh pakistan bena tu Quaid azam nae Kalat ko bhe pakistan mae shamel honay ko kaha but kalat govt na mani.... tu quaid azam nae nawab akber khan bughtti ko es kam kay lieay kaha.March 1948 ko NAWAB AKBAR BUGHTI ke kosheshoon say Khan of kalat nae pakistan mae shamel honay ka Elan kia.
nawab akbar bughti THREEK A PAKISTAN kay rukon thaey. Quaid azam Nae novmber 1947 MAE NAWAB AKBAR BUGTI kau mutalik kaha tha khay Balochistan mae tehreek a pakistan kay liay sub say ziada kam Nwaab akber bughti nae kia hey.
but baed mae kia hotta raha?????? awam say hakomet army nae cheen lee tu masherki pakistan gia. abh bhe ager pakistan mae awami hakoomut ho tu koi alug nae hona chaey ga. jubh ap awam say hakoomet cheen latay ho tu alahdgi ke thareek jnum lati hien.
mujhay ap ke es baat say itfak hey khay balochs ko esterha nae khna chieay.... pakistan hey tu hum hien. but rullers ko bhe tu sobai khoud mukhtiari ka khial rekhna chieay.
enhoon nae kes ko mara? nawab akbar ko ya tehreek a pakistan aik member ko, Quaid azam kay aik friend ko.?
enhoon nae mohsen a pakistan kay sath kia kia hey?
jubh esterha ho tu loog zaroor elhadgi ke batien kerien gae...... es ka zimadar kon hey? Awam ya hukmran ?
baloch ya army...... hum sub nae es ka hal dhondhna hey...
LONG LIVE PAKISTAN . BALOCH PATTHAN SINDHI PUJABI KASHMIRI BHAI BHAI

Bhai jan mujhay iss say ittefaq nahi hay.. may be meri kam'ilmi hi ho.. per app bata saktay haiN kay Zyadati kon kis kay saath ker raha tha...


Kya Govt Baloch awam kay saath zyadati ker rahi the/hay?

ya Govt Baloch SardarooN kay saath Zyadati ker rahee hay?

in ta'yun hona buhat zaroori hay kay zyadati kon kis kay saath ker raha tha? iss baat say inkaar nahi kay zyadati howi per yeh baat abhi pata nahi kay kis nay kis kay saath zyadati key???

agr app above do points kay hawalay say meri maloomaat maiN izafa ker sakaiN tu mehrbani hogee...

Kya Govt Baloch awam kay saath zyadati ker rahi the/hay?

ya Govt Baloch SardarooN kay saath Zyadati ker rahee hay?


dera brother ,
maray khnay ka matlub hey GOVT sobaoon kay sath ziadti ker rhe hey...chaey wo balochistan ho NWFP ya sindh. Jabh 1unit ko khtum kia gia tha tu sobai khoud mukhtiri ke kanoon bena tha. sobay ke incom ka 90 per cent sobay per khrch ho ga . sobai govt khoud mukhtiar ho ge. (molhaza ffermien Pakistan ACT 1956).
yahan tu chief minister ko peta nae hota khay os kay sobay mae Army govt kia ker rahe hey 25th august ko CM balochistan nae VOA ko khoud betia khay osay itmad mae nae lia gia. jamali nae khoud kaha khay mae muzakrat ke baat kerta raha. but army nae mari nae soni. (BBC news 27 aug)
maray bhai mae ser4f jumhorret ke baat ker raha hoon.wahan faslay ho jatay hien ... goli nae chlani perti.
kia Benazir bhutto oer Nawaz shrif say gunpoint per govt chenna ziadti nae thi?
aaeien bhe tu koi cheez hey. ap kanoon kay mutabik chlo gay tu sub theek rahey ga. ap aaien moatel kero gae tu sub jhghray paeda hoon ga.
US congress man Mr.TOM TANKRADO nae 27 january ko US persident Mr.BUSH ko report de khay pakistan Govt Balochistan mae balochs kay sath ziadti ker rahe hey . insani hakook ke khlafverzi ho rahe hey. (VOA 28 jun,2006). os nae yeh nae kaha khay baloch sadaroon kay sath ziadti ho rahi hey os nae tu baloch ka word istmal kia.
ager koi jurm kerta hey tu os ko gerftar ker kay adalet mae lay jo ... agay court jo fasla keray. yeh koi terka nae khay bumbari ker do.
Quad azam akhri waqat balochistan kion aaey?
Quaid ko zaher kes nae dia ?
Liquat ali khan ko kes nae goli mertwai?
msherki pakistan ke alhdgi ka zimdar kon hey?
jo kasmir humaray pass hey (azad kashmir ) kin ke koshshoon say hasel hoa?
Bhutto ko kion phansi de gie?
Hamood Ur Rhaman cOMMISION rEPOT kion shaeay nahien ke gie?

jubh ap yeh tumam sawalat dhondho gae tu ap ko her sawal ka jawab bhe mil jaey ga.oer yeh bhe maloom ho jaey ga khay Akbar khan bughti ko kion mara gia.
anyway mae ap ko yeh bhe beta doon khay mara talok bhe Punjab say hey.


(no affence...)



/

Qaisrani bhai i agree with u k wakayi baluchistan ke saath zyadtiyan hui , matlab ke unko wo sahooliyaat mayasar nahin jo baqi soobon ko hain, baqi soobon mein bhi ghurbat hai lekin jitni zyada aur jitni waseeh paimanay par ghurbat baluchistan mein hai wo sharamnaak hai, ye baat bhi intehayi sharam naak hai aur hum sub pakistaniyun ke moonh par thappar hai ke sui se nikalnay wali gas sui ke logon ko baad mein mili aur sindh aur punjab ke logon ko pehlay, ye bhi qabool ke wahan roads ke naam par kachay raastay balkeh pathreelay raastay hain, ye bhi qabool ke gas aur coal royalty kum di gayi, ye bhi qabool ke coal to balushistan meins e nikla aur factories aur industries punjab aur sindh mein lagayi gayi, balkeh oil bhi nikal aya to oil refineries bhi shaid karachi ya lahore waghera mein lagayi jaain, ye bhi qabool ke wahan ke logon ko apnay hi soobay mein mulazmaton ke wo wasaail aur mauqay nahin diye gaye jo unko milnay chaahiye thay.......

magar

kya iski zimmadari punjabi awaam par hai?? misaal ke taur par main aik aam punjabi hon , mera iss saaray qissay emin kya kasoor?? hum ye samajhnay se qaasir hain ke sindh ka president bhutto fauji operation ka hukam de to gali punjab ko, mahajir musharraf ye hukam de to gali phir punjab ko.......kuch din pehlay aik tv program mein youth discussion chal rahi thi uss mein aik sindhi qaum parast party ka rukan naujawan bhi majood tha, wo bola pehlay mein sindhi qaum parast jamaat mein shaamil tha aur hamein sikhaya jata tha ke jab bhi koi zyadti ho, jab bhi koi masla ho bagher dekhay ke ye kisne kiya ilzam punjab par lagao, kehne laga ab main punjab mein aya hon aur yahan ki ghurbat dekh kar mujhe andaza hua hai ke halaat awam ke idhar bhi wohi hain......

lehaza jo qaum parast apnay nafs ko khush karnay ke liye soobon mein nafrat paida karnay ke liye punjab aur baluchistan ke logon mein nafrat paida kerne ka khel kheltay hain unse sub ko nafrat karna chahaiye......

Ab sawal ye hai ke zimma daar kon hai, sub se zyada zimma daar to establishment ya government hai, sirf musharraf govt. nahin pichhli sub bhi.......lekin establishment ki bajaye punjabi awam se nafrat paida karna kahan ka insaf hai??
Lekin iss mein ye baat bhi yaad rakhni chahaiye ke baluchistan ke loag bhi wazir e azam aur sadar rahay lehaza wo bhi mujrim hain not only punjabi PMs.....akbar bhugti ke governor hotay huway fauj operation karti hai baluchistan mein 1973-4 mein to akbar khan bhi iskay zimma daar thay, ata ullah mengal ne wazir e ala hotay huway kuch nahin kiya aur wo apni iss ghalati ka aitraaf bhi ab kartay hain jab wazarat chhin chuki.....to establishment zimmadaar hai jis mein baluchistan ke rahnuma bhi shamil hain phir aap zafar jamali aur farooq leghari ko bhi na bhoolein.

secondly after establishment baluch sardars are also responsible, look jitnay weapons khareeday gaye ya rockets waghera wo daulat agar sardar sahibaan apnay awam par kharch kar detay to kya dera bhugti ya kohlu ko dubai aur sharjah bana dena unn ke liye mushkil tha?? they hav so much money, royalty jitni bhi milti thi wo raqam 100 crores se zyada thi i think 200 crores milti thi, kya sirf aik saal ki royalty dera bhugti ke awam par laga di jaati , wahan international universities aur hospitals bana diye jaatay to kya apni madad aap ke tehet aisa mumkin nahin tha?? Sardar ye to kehtay hain ke industries sari punjab aur sindh mein hain to bhai mere sardar sahibaan ko kisi ne kya roka tha ke wo koi industry na lagain?? textile mills ya industries zyada tar yahan bhi private hi hain, kisi sardar ne textile mills kyun na lagayi baluchistan mein?? paisa to hai tha, khan of qallaat ko dekh lein kya unkay paas paisay ki koi kami hai?? wo khud industry laga kar sirf baluchiyun ko wahan naukri de kar ye maslay hul nahin kar saktay thay?? lekin taameer ki bajaye hathyar utha liye, theek hai jazbati ho kar insaan aisa kar leta hai lekin agar dekha jaaye to kya wo loag agar apni daulat apnay awam par kharch kartay to kya unki haalat behtar nahi ho sakti thi??
Baluchistan zindabad
punjajb zindabad
sindh zindabad
sarhad zindabad
aur in chaaron ka pakistan zindabad.

@daylight

very good ap nae bahout acha kaha mujhay ap say itfak hey. ap ka bahout acha mutalia hey.
but thora sa sardaroon kay multaliq bhe mae beta doon. mae manta hoon khay sardars ka bhe kasoor hey wo bhe awam kayliaey kuch nae ker rahay muger oun ko aik issue tu hath aa jata hey. sardari system tu aik hazar saal porana hey 1000yers. kuch riwaat hien. es ko change honay mae time lageay ga. en ke kuch rewaat hien wo bedlnay mae waket legay ga. ju trible aerias(dera ghazi khan and rajanpur districts) pujnjab mae aa gaey wahan ka sardari system kuch change ho gaey hien. yeh change piar say ie hien but balochistan oer nwfp mae opration howay hien esterha mesla oer berh gia hey. oprations kisi meslay ka hal nae hien .
2. baloch punjab ka dushman nahien hien NWAZ SHRIF kay bian say baloch khoush howay hien. mae ap ko betata hoon punjab per kion ilzam iea hey.... jubh ch.zahoor elhai qutta jail mae thaey tu tubh bhe fedral govt nae kaha tha khay ch. zahoor elhai ko jail mae mar dia jaey tubh Akbar khan bughti Governor thaey onhoon nae saaf inkar kerdia tha khay wo aesa nahien kerien gae oer nae honay dien gae. jubh baat ziada berhi tu bughti sahib nae estefa daey dia oer ch.zahoor elhai ko reha kerkay punjab wapus bhjwa dia tha.
abh jubh khaey Ch.zahoor elhai kay betay hokmran hien tu osi bugti ko mar dia gia..... tu zaher se baat hey jien ke govt mae oun kay kay baap kay mohsen ko mar dia jaey tu?????????
baloch khataey hien hum nae pujab kay leadr ke hefazet ke but punjab nae apnay mohsen oer humray leadr ko mar dia. aasel baat yeh hey. punjab ka koi dushman na hey i m also from pujnjab. i m also from baloch sardar faimly. mara lahore oer islamabad mae bhe gher hey mujhay kisi bhe pujnjabi say koi gila nahien tu punjabion ko bhe hum say gila nahien hona chieay. hum oun ka sath datatay hien tu wo bhe humara sath dien. oer nae hee koi pak army ka dushman hey army bhe order kay tehat gie thi order per opration howa hey. FC kay Genral nae khoud kaha hey khay mae es opration kay khilaf tha coz yeh ziadti thi but mae mujboor tha. oper say order yehi thaey. jubh media teem dera bughti gie thee ... 2 month phlay tubh khoud he es genral nae kaha tha khay balochs kay sath ziadti ho rahe hey but hum kuch nae ker sektay. BBC radio nae july mae yeh interview nasher kia tha . BBc ke teem akbar bughti ko bhe mili thi os ka bhe interview tha.
hakomet ka apna beaan hey khay ISI nae opration ke mukhalfet ke thi but MI nae opration ke tajveez de hey.

balochistan par "fauj kashi" iss say qabl bhutto k daur mai bhi howee thee. oss waqt akbar bugty sahab bhutto ki iss army action k haami thay aur balochjistan hakoomat maiN hotay howay 'army operation' ka hissa banay howay thay. koi batla sakta hai k oss waqt balochistan par fauj kashi JAIZ kiyouN thee ( jabhi to akbar bugty bhi iskay favour maiN thay ) aur aaj NAA.JAAIZ kiyouN qarar payee ....


wazah rahay maiN zati taur par within pakistan iss qism ki "army operation" k sara sar khelaaf houN khjaah woh bengaal maiN ho, sarhad /FATA maiN ho, balochistan maiN ho yaa karachi maiN .... iss qism ki fauji operation say alahdgi pasandi ki tahreek ko quwwat hi mila karti hai. east pakistan ki misaal saamnay hai... kissi mulk ki army mul k awaam ko kuchalnay k liyeh naheeN balkay sarhad paar ki mokhalif armies say laRnay k liyeh hoti hai......... jo army dushman ki fauj k saamnay to hath.yaar daalday osssay apnay awaam k ooper hath.yaar oThaanay ka koi haq naheeN....... mulk dushmanouN / ghaddarouN say nimaTnay ka kaam reyasat k deger adaray kartay hain. iss k liyeh police hoti hai, adalataiN hoti haiN, jailaiN hoti haiN aur seyasi hikmatay aamali hoti hai.

mera above sawal apni jagah par maujood hai

Bhai jan

app nay meray sawaal kay jawaab tu diya nahi aur apnay sawaal ker diya...


MiaN tu hamesha say hi kehta aya hooN kay Baloch sardaar ho ya Sindhi WaDeRa ya Punjab ka Choudhary ho ya NWFP ka koy Khan... hamari bad.haali kay zimaydar yehi log haiN.. jab in kay pass govt hoti hay tu khamoshi say khatay peetay nazr aatay haiN.. jab hakomaat nahi hotee tu hathayaar uTha laytay haiN...

BengaliyooN nay bhi yehi kiya... unhaiN kya mila!!!! un key baRi tadaad Gulf Countries maiN 4000 rupay per mulazim hay.. issi maiN unhaiN khana hay issi maiN say saving ker kay gher bhi bhaijnay haiN.. Bengali bhi yehi kehtay haiN kay hamay kha'ab tu buhat say dekhaye gay per tabeer unhay mili jin ka ser pehlay hi kaR'ha'i maiN tha...

Sindhi Qom parast ho, Punjabi ho ya Baloch ho ya NWFP ka koy qom parast hoo.. sab ka life style daikhaiN... kya in maiN say kisi nay kabhi kuch lose kiya hay? martay haiN tu app aur ham... matam hota hay tu app kay gher maiN ya hamaray gher maiN...

Bangladesh key misaal iss liya day raha hoo kay yeh live case hay.. wahaaN kay log jaisay 1971 say pehlay thay waisay hi ab haiN.. un kay haal maiN sirf itna farq paRa hay kay pehlay woh Pakistani thay per ab Bengali haiN.. otherwise sab kuch same hay...

Adaad.o.shumaar ju Govt. dayteeN haiN un per mat jayaiN... balkay haqeeqat daikhaiN... ghurbat wahaaN per itni hay kay app Balochistan key ghurbat bhool jayaiN gay...

Balochistan ka balkay Poray Pakistan ka masla iss waqt Jadeed taleem key kami hay... aur iss ka zimadar koy aur nahi sirf aur sirf hamari apni HakomataiN hi haiN.. Yahaan per Pakistani Hakomat bhi itni qasoor.war nahi.. puray Islami duniya maiN yehi surat-e-haal hay...

MaiN Punjab ka rehnay wala hooN.. per BalochiyooN ko apna bhai samjhta hooN issi liya jis taraah punjab kay choudhryiooN say nafrat kerta hooN ussi taraah baloch sardarooN ko bhi treat kerta hooN kay inhooN nay bhi danista hamaray bhaiyooN ko taleem say dor rakha.. unhay woh saholiyaat na deeN jis kay woh haqdaar thay...

Early 70s kay woh operation meray khayal say iss liya ja'iz tha:

1) Iran maiN Shah key hakomat thee, ju kay America ka sab say baRa Haleef tha, Shah ko aur America ko bhi yeh baat maloom thee kay agr Pakistan maiN Baloch Qom.parast mazboot hotay haiN tu Irani Baloch bhi un key pera'vi karaiN gay... so in balochooN ko sirf India aur uss kay ittehaadi USSR key himayat hi hasil thee...

2) Akbar Bugti kay tamam balochistan kay saya.o.safaid ka malik bana diya gaya tha.. yani Bugti ko amalan Balochistan key hakomat day dee gayee thee.. aur jin logooN kay khilaf operation howa tha woh Bugti kay mukhalif tas'wur kiya jatay thay.

3) Aaj iss liya na'ja'iz ho gaya kyoN kay in Baghi sardarooN ko India, aur America key himayat hasil hay. America in kay zariya Iran ko gherna chahta hay.. agr Aaj Mush Iran kay khilaaf bhi USA ko logistic support day day tu yeh Baloch Sardar bhi khamoosh ho jayaiN gay

4) Gawadar kay muqabalay maiN Iran nay bhi eak bandr.gah banayee hay... iss bandr gah key kamyaabi uss waqt do.chand ho jaye gee agr Gawadar Project 30/40 saal kay liya postpone ho jaye.. so in a way GAwadar uss ka competent hay


5) Afghanistan kay raastay India ko eak baar phir YahaaN per madakhlat ka moqa mil gaya hay... aur India key Media Power 70's kay muqabalay maiN 1000 gunnah zyada hay.. aur Media nay ju gul khilaya hay uss ka ma;hasl hamaray samnay hi hay.. pehlay Media iss per khamosh tha tu yeh issue ja'iz tha ab Media iss kay khilaaf hay tu yeh na'jaiz hay.. Indian Occupies Kashmir maiN 8 lakh say zyada Army mojood hayper chooNkay Media Khamoosh hay iss liya woh bhi almost ja'iz hay and iss kay liya Thanks to Osama.

1. bangladash
janab ap kes time kay bangladash ke baat ker rahay hien? ap early 80es say phlay ke baat kirein tu theek ho ga but abh wo bangladash nae raha... wahan ke fe kas amdni 1985 kay baed braber berh rahi hey oer aj bangladash ke fe kes amdni hum say ziada hey. cruncy value hum say ziada hey.humaray haan 38 o/o loog gurbet ke line say neachay ke zindgi guzar rahy hien jubh khay bangladash mae yeh rate 31 o/o hey. hum per oun say ziada gher mulki kerzaey hien ( due to world bank report 2002).
2.opration 71
esi opration ke waja say akbar bughti nae hakomut say estfa dia tha. oer pher bhuttu faimly say kabhi dosti nahien rekhi thi. wo opration bhe najaz tha oer yeh bhe najaez hey.
3.balochistan ke ghurbat tubh khtum ho sakti hey jubh balochistan ke daolet balochistan per kherch ho.... oer yahe baloch chahtay hien. yehe sara masla hey. es waja say opration ho rahay hien. balochistan ke dolat baloch sardar nahien fedral GOVT loot rahi hey. lotaray kon hien ? ap fesla kreien......



na india pakistan ko khtum ker sekta hey oer na pakistan india ko.
na hakoomet sardars ko khtum ker sekti hey , oer na sardar balochistan ko elag ker sektay hien.

App kay jawab per sirf itna kahooN ga kay Kya app BangladeshiyooN say milay haiN?

Iss waqt jis Gulf Country maiN hooN wahaaN per lag bhag 2 lakh ( mulk key total abaadi 3 million kay qareeb hay) say uper bangladeshi mojood haiN... at an average per Bengali 5,000/- Pak Rs per hansi khushi mulazmat ker raha hay..aur mazeed anay kay liya ser toR koshishaiN ker rahay haiN.. now agr eak mulk key per capita income woh hay ju app bata rahay haiN tu yeh log iss haal maiN kyoN haiN.. yahaaN yeh bhi batata chalooN kay bangaliyooN ka illawa koy itna kam ma'w'zay per kam nahi kerta.. Srilankan aur Nepali bhi in say dogna ma'waza talb kertay haiN... Mera sawal abhi bhi hay kay agr bengali govt kay adaad..shumaar sahi haiN tu itni baRi tadaad maiN bengali itni kam ma'wzay per kaam kernay per kyoN tayaar haiN... ( yeh sab jahil nahi haiN kuch tu apnay graduates haiN...)

Degr gulf states maiN bhi in ka yehi haal hay.. now these are the ground facts jab kay govt kay andazay kuch aur haiN... bhai sahib app zara bangladesh key groound realities ko check karaiN....

baqi bataiN baad maiN



agr BalochiyooN key dolat sirf aur sirf wafaqi hakomat looT rahee hay tu Baloch sardar itnay ra'ees kaisay... 60 saal honay ko aye kiya inhaiN angraiz dor maiN koy qaroon ka khazana mila tha.. ju ab tak khatam honay ko nahi aarahay....

Baloch sardarooN Land Cruisers aur Oxfrod zada hooN... in kay aslayha,khanay jadeed aslayhay say bharay hooN... tu kya yeh sab kuch inay muft maiN milta hay.... like Daylight said... kiya Akber Bugti nay kabhi apni royalties maiN say eak paisa bhi apnay illaqay per kharch kiya??? iss ka jawab zaroor dee jiye ga.. app amooman sardarooN say mutaliq jawab pee jatay haiN kaheeN app ka taluq in parasites say hi na ho...

Same applies to other sardars... mera yahaaN per kuch baloch dost bhi haiN ju Wapis Balochistan iss wajaah say nahi jana chahtay kay wahaaN kay sardar inhaiN looT laiN gay.. yeh log apnay sardarooN say baRa ya un kay braber ka gher nahi bana saktay yeh log un kay braber ya un say achi gaRI nahi khareed saktay... yeh koy thoRi tadaad maiN nahi haiN.. in key baRi tadaad Pakistan maiN hi Karachi aur Lahore ya Peshawar maqiN settle hona pasand kerti hay... app in haqaiq say bhi inkaar ker saktay haiN...

BTW app Balochistan A aur B areas kay baray maiN kuch jantay haiN tu yahaaN per zaroor share karaiN.. aur agr nahi jantay tu ham app say share kiya laytay haiN.. takkay app ko aur hamay Baloch sardarooN ka mutaliq mazeed info hasil ho sakay

Mere achhay bhai Qaisarani, aapne mere iss point ko bilkul nahi chhera(which is quoted below again) baki post par reply kar dia, mera khayal hai ke chunke aapko sardaron ke halaat ka kafi ilm hai lehaza aap iss par hamaray ilm mein izafa kar saktay hain.



Aapne likha ke....



Aap se hi aik sawal, soch ke jawab dijiye ga...... Kya CH Shujaat hussain ko Akbar Bhugti par hamlay ki khabar thi?? Kya wo Army chief aur President se keh kar ye hamla rukwa sakta tha?? Inn sub hakumati uhday daaron aur durrani etc ko to sub kuch pata hi tub laga jab Akbar khan ki maut ho chuki thi.

Doosri baat ke sirf iss wakaya par hi nahin hamesha se jab bhi kuch hota hai sara malba punjab par gira diya jata hai jesay hum koi dushman hain.....agar baluchistan ke wasaail par kisi ne qabza kia hai to wo ya to establishment hai ya sardaar......chalo sardaaron ko nikaal do uski zimma daar sirf establishment hai, to kasoor war ko hi kaho na ....aik aam punjabi kesay unkay wasaail par qabza kar sakta hai ya kuch haasil kar sakta hai?? Hum aam punjabi awaam baluchon se bouhat pyar kartay hain, lekin jab bud-aitmadi paida ho jaaye to doosray ki baat par aitbaar nahin rehta, qaumi akhbaraat mein sub ke sub akhbaraat mein akbar bhugti ke khilaaf awaz uthi, punjab ke akhbaraat ne akbar bhugti ke haq mein awaz uthayi aur columns par columns likhay........aisay mein sirf do ya teen columns aisay thay jin mein akbar bhugti sahib kay apnay interviews ki roshni mein bataya gaya tha ke 12 saal ki umar mein pehla qatal kia etc etc , Quette ke akhbarat mein columns chhapay ke "AKbar Bhugti ke qatal par punjabiyun ka radd e amal" aur uss mein gin gin kar unhi 2,3 columns kay hawalay diye gaye aur baqi 80,90 columns par kuch na kaha ke unhon ne hamara sath bhi diya , hamaray haq mein likha sirf aik do ne ye baatein likhi........aik aam baluchi ko kya paigham diya jata hai iss se?? yahi ke punjabi tumse nafrat kartay hain unko maaro??

jee bhai mae banglash00n say mila hoon. 2003 mae maien Pakistan GOVT: ke terf say bangladsh gia tha. pakistan kay offical wafed mae maien bhe tha. oun ke ecnomy hum say bhter ho rahe hey.
ap jen bangladashoon ke baat ker rahey hien , wo bangali hien . bangladash walay oun ko pakistan khtay hien oun ke wapsi ka mutalaba ker rhaey hien. oer hum pakistani oun ko wapus laynay ke tiar nahien hien berhal yeh aik oer issue hey. gulf mae tu bhai baki mulkon kay loog bhe tu kam kertay hien pakistani, indians ,nipali srilinkaien oer philppines bhe tu hien. mae manta hoon banglashi kem pay per kam kertay hien. mara khoud ka gulf(kingdom of bahrain) mae karobar hey.maray pas tu ziada ter indian kam ker rahay hien coz wo yeh kam ziada achi terha jantay hien.ground realities tu ja ker check hoti hien jo mae ker iea hoon. mae kion ap ko miss guide keron ga.
2. ap baloch sardars kay pass dolet ke baat ker rahey hien Land Cruisers oer aslaya khanoon ke baat ker rahey hien....be cool man , mae ap ko betata hoon. baloch tribes ka apna aik system tha jo 1000 years saey bhe porana hey. her tribe mae aik chief SARDAR kuch makadam ,malik oer wadaray hotay thaey oer abh bhe hien.os waket her tribe ke apni state hoti thi.sardar kay pass bahout ziada land hoti thi. mae manta hoon khay kuch sardars ko angraz dor mae bhe lands mili thien but bhutto kay LANDS REFARMS ACT mae yeh oer os kay sath sath oun ke apni zameenien bhe wapus lay ker logoon mae takseem ker de gien . jo aj tek logon kay pass hien. her tribe kay sardars kay porany kilay (forts) KAY AASAR ABHE BHE MAJOOD hien . jo angraz dor say phlay ka hien .kia yeh bhe oun ko angraz nae benwa dieay thaey? nae sardar phlay say bhe khtay peetay ghranay thaey.ap nae theek andaza lagia mera apna taaluk bhe punjab kay aik sardar faimly say hey. esliaey mae yeh sub kuch ap ko apnay tajerbay say beta raha hoon.1990 say mae khoud mukhtlef posts per Elect hota aa raha hoon, esliay ap say apni info share ker raha hoon.
abh atay hien royalties ke terf .., yeh os zameen ka kiriea hota hey jes say kuch nikelta hey oil and gas etc. tu jes ke zameen hoti hey os ko otna hesa ya keriea milta hey. yeh oun ka zati moavza hota hey yeh serf sardars ko he nae baki logon ko bhe milta hey. yeh zameen ke amdni ka zati pasa hota hey.
ap nae A oer B areas ke baat ke, yeh bilkul hien serf balochistan mae he nahe bilkhay baki soboon maien bhe hien south punjab , punjab ka B area khlata hey jes mae multan dera ghazi khan , layyaha ,bahawelpur,rajanpur,bhkar etc aataey hien.Sind ko tu serkari tour per A oer B areas mae takseem kia gia hey. wahan development budget bhe esliay beraber khrch hota hey. loog khoud chahtay hien khay A oer B areas per berbr Development ho.janobi punjab kay loog bhe yeh khay rahey hien. eh koi buri baat nahien hey. balochistan kay B area ke terha South punjab bhe , punjab Ka B area hey.

ap please cool mind ho ker sochien baloch sardars bhe ap ke terha hien wo bhe apna busniss kertay hien ,agri farming kertay hien , industry lagatay hien. lands tax oer agri tax daytay hien. bahout sari ferzi stories bana de gie hien.yeh stories bhe aik khas tabka phla raha hey jo pakistan mae sakoon nae dekhna chahta.hum sub ko mil ker es tabkay ka mokabla kerna ho ga. ap yakeen kerien jubh bhe ap zati tur per sardars malien ge tu ap ko acha lagey ga . yeh educted loog hien.

jo loog balochistan say sardars kay der say bhgnay ke baat kertay hien wo gulet khtay hien. maybe kuch case aesay bhe hoon but mostly logon ke apna tribes mae dushmnian ho jati hien tu bhag jatay hien. Nwfp say kai patthan dushmni ke waja say punjab oer balochisatn ya sindh mae ababad ho gaey hien . kafi punjabi dushmni ke waja say baki sobon mae abad hien.

IN simple words hamein har uss iqdaam ki mukhalfat karni hai jo punjab aur balochistan ya kisi bhi soobay ke awam ko doosray soobay ke khilaaf bharkaye aur jo anasir ye kehtay hain ya koshish kartay hain ke doosray soobay waalay hamaray dushman hain, unko maaro, dabao etc etc hamein mil kar unka muqabla karna chahaiye.

100 o/o agree with you.jubh hum mae esterha ke +ve sochien ien ge tu sub kuch theek thak ho jaey ga.ranjshien khtum ho jien ge. khoshali aaey ge ... inshaAllha.

BengaliyooN aur BehariyooN ( PakistaniyooN) maiN farq buhat wazah hay... ap hakomati mission maiN gay hooNgay aur app nay un kay hakoomati adaad.o.shumaar daikhay hooNgay... Dhaka ka gulberg daikha hoga aur kisi Five star maiN qayaam kiya hoga...

per asal bangali'yooN key halat wohi hay ju 1971 say pehlay thee... ju 1947 say pehlay jee ju 1906 say pehlay thee...



iss maslay per aur balochistan key "blame-game" perham log buhat lambi behas ker saktay aur nateejay maiN dono apni apni raye per bhi qayam reh saktay haiN.. per kyoN na iss maslay ka hal nikalnay key koshish key jaye...


Iss baat say 100% agree kerta hooN kay Baloch bhai baqi subooN key nisbat buhat peechay haiN
... yehi meray nazdeek problem statement hay.

Sab say pehlay hamay apnay bhaiyooN key taleem.o.tarbiyat ka band.o.bast kerna chahiyee.. infact meri raye maiN aa'yenda zyada Universities qayam key jayaiN... jahaaN per dosray sobay kay log bhi aa'ker taleem hasil karaiN.. theek issi taraah baloch students ko bhi dosray sobooN key universities/colleges maiN transfer kiya jaye.. ta'kay apus maiN ham.ahangee maiN izafa hoo...

bilkul theek ....

asal mesla bhe tu yahe hey, jes kam per GOVT ko tawajo kerni chieay. ous per tawajo de nahe ja rahe. serf aesay kam ho rahaey hien jes maien bhaion ko bhioon kay khilaf laria ja rhaha hey. hum sub ko mil ker aesay anaser ka mukabela kerna ho ga.

mari ap say guzaresh hey kha ap ko jubh bhe moka milay tu ap iin books ko zaroor perhiay ga.
1.baloch ( by m.k. pikolien)
2.Gazetteer of the,11893-1897,

wish u all the best.