jawaid chaudhry (Allah issay omray daraaz ataa karay aameen) iss qism k unique ideas baras haa baras say pesh karta chala aaraha hai. jissay readers pa|Rh kar wah wah kartay haiN aur bus.....

JC k ideas houN yaa hamari universities maiN talented students k tayyar kardah projects.... sab k sab kaaGhzouN maiN dafan hojatay haiN. kiyouNkay inn par amal dar amad k liyeh awwal to state koi encourage nahee karti balkay discourage hi karti hai aur public plate form par aisay adaray /institutions / tanzeemouN ka wajood nahee jo iss qism k 'muft k mashwarouN' par amal karkay koi kaar hi ay nomaayaaN anjaam day sakay.

.... yaad aayaa k karachi maiN kafi arsah pahlay aisee aik mohim shooroo to howee thee.... chand naujawaan manchalouN nay shadi halls maiN taqreebaat k end par raabita kartay aur mahmaanouN say bacha howa khana jama karkay zaroorat mandouN tak pahonchaya kartay thay.

shadi halls maiN bil.amoom achcha khasa khana buch jaya karta hai, jiski disposal muntazemeen k liyeh aik masla hoti hai aur gharouN main lay jaakar aksar khaanaa zaya hojata hai...... yeh kaam yeh naujawaan raat aik bajay say teen chaar bajay tak oss waqt tak kartay rahtay thay jab tak saaraa collected khana dipose nah hojaye.

yeh silsila shayad shadi k khanouN par pabandi say khatam hogaya. yaa phir yeh team bhi apnay masaail main masroof hogayee. aur phir ab karachi maiN raat gaye iss tarah rozanah kaam karna bhi jaan jokhouN ka kaam hogaay hai.

waisay karachi maiN ab bhi kai aik hotels /restaurant haiN jahaaN khanaa muft taqseem hota hai.... bus hotel k bahar qataar laga kar baiThna paRta hai aisay hotels maiN log daig bhi taqseem k liyeh bhijwatay haiN aur hotel walay bhi khanay k auqaat k baad bacha howa khana fuqra maiN taqseem kardetay haiN....

waisay yeh silsila phir say aur har shahar maiN shooroo hona chahiyeh.

Sawal yeh hay kay yeh Silsila ya aisay projects hamaray yahaaN kyoN jari nahi rehtay ya kyoN shoRoo nahi hotay... meri nazr maiN iss key bunyadi wajaah yeh hay:

1) pehlay din say hi ham logo Scope of Operation/Work muta'en nahi kertay.

2) ChooNkay Scope clear nahi hota, iss liya koy Org. Structure bhi nahi hota

3) iss wajaah say in logooN ko apnay apnay areas/daira.kaar ka pata nahi hota

Mukhtasaran aisay projects amooman bd.nazmi ka shikar ho ker khatam ho jatay haiN


JC kay column ko hi agr daikhaiN tu unhooN nay shoro'waat say bataya hay keh pehlay tanzeem nay sirf mehdood paymanay per kaam shoroo kiya.. once un ka naam howa tu daira'kar ahista ahista phailnay laga... yehi un key kamyaabi key wajaah hay....

hamaray haaN culture thoRa mukhtalif hay as every one is leader. and to many cooks spoils the dish and too many leaders spoil the nation. yehi ham per khabt tari hay.. hamaray yahaaN agr daiRh EinT key masjid bananay walay kam ho jayaiN tu aisay projects kamyaab bhi ho saktay haiN.

Well eak dafa EDHI ka tareeqa-e-kaar aur woh kaisay shoroo howay kay baray maiN eak article kisi akhbaat maiN paRha tha.. unhooN nay bhi apna kaam pehlay apni gali say shoroo kiya aur muhalay maiN aur phir illaqay maiN aur phir city maiN aur phir soobay maiN phay'laya.... issi liya kamyaab rahay...